#ليس_ذنبي
بقلم #احمد
البارت_42 الجزء الثاني
اوس .. خابرت علي ورحت اخذتو من البيت ولاحظ انو ضايج وحجيتلو عن الموضوع كال انتو سويتو الصح وارضاء الناس غاية لا تدرك
كلتلو والله صحيح بس ياخي بعد كل الخير الي سواه ابوي يطلع عليه هيج صيت هم يقهر كال ما عليه شي اهم شي انتو وهو تعرفون ليش سوا هيج
كلتلو اي صح بهاي الحالة وياك حق معلينا بيهم وهسا كلي نروح نفتر بالسوك وبعدين نتعشى لو نروح نتعشى اول شي وبعدها نفتر بالسوك
كال لا الدنيا عصر مو وقت عشى خلي نفتر بالسوك كلتلو تمام وتوجهت للسوك اول ما وصلنا بعد ما نزلنا من السيارة خابرني ابوي كال وين انت
كلتلو بالسوك اني وعلي كال تعال للبيت كلتلو شكو كال عمام ليان وابوها موجودين يمنا وطالبين يحجون وياك كلتلو تمام جايك
علي .. ها شكو
اوس .. اهل ليان اجو يمنا
علي .. شيريدون
اوس .. ماعرف هسا نروح نشوفهم
علي .. خاف يريدون يوكعوها براسك
اوس .. شحدهم الا اهجم بيتهم
علي .. لعد خلي نروح بسرعة
اوس .. وهو هيج
رجعنا للبيت بسرعة وطول الطريق نحط احتمالات لتصرفنا من يحاولون يوكعوها براسي بس الي اعرفو ما اخذها لو اعرف تبقى اخر بنت بالدنيا
من وصلنا سلمنا اني وياه وكعدنا جان ابوها كاعد ومنزل راسو حتى من سلمنا ما رد السلام بعد ما كعدت كلادت تفضل يابة شنو الموضوع
ابوها .. اني طلبتك مو ابوك
اوس .. تفضل بشنو اكدر اساعدك
ابوها .. ما احتاج مساعدتك جاي اعتذر منك
اوس .. على شنو
ابوها .. عالي صار بسبب بنتي احنا عرفنا الحقيقة كلها وانت رجال اصيل وما حاولت تستغلها او تلعب عليها وجينا نكوللكم حقكم على روسنا
احنا راح نكول للناس ان تسليم البنت جان باتفاق بيناتنا والشيخ عيدان مو غلطان علمود بعد محد يحجي وياكم كلمة وحدة
وشيخ عيدان بما انك انت شيخ والك سمعتك ودائما توكف ويا الحق نريدك انت تقرر مصير البنت
عيدان .. البنت بنتكم انتو تقررون هالشي هذا بس اذا تريدون رايي فعوفوها يمكم ولا تقتلوها لان كل انسان معرض للخطأ
وهي ماطول حجت الحقيقة فهذا يعني انها تريد تتوب واذا تابت والله غفرلها فلا انتو ولا اي احد الو حق عليها
ابوها .. هاي هي شيخنا
عيدان .. واهم شي اذا تأكدتو انها تريد تتوب فلا تعذبوها لان راح تكونون مسؤولين امام الله على كلشي تسووه
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
