#ليس_ذنبي
بقلم #احمد
البارت_35 الجزء الثاني
ملاك .. جنت واكفة عالمغسلة وشفتهن دخلن كلت لسمر اجت حبيبتج باوعت كالت حبتج حية تاليتي احب هالحية وضحكت على كلامها
على اساس عيد ومستلمين الناس غيبة ورزايل ههههههه ما نكول غير الله يسامحنا على ذنوبنا الي ارتكبناهن بالكلام من دخلن ما استقبلتهن واجت هيام للمطبخ
هيام .. كل عام وانتي بخير يا حلوة
ملاك .. وانتي بالف خير
هيام .. ليش ما استقبلتينا لو اهلج ما علموج عالاصول
ملاك .. لا والله الله يرحمهم ما علموني استقبل حياية
هيام .. شنو كلتي ولج
سحر .. كل عام وانتن بخير
هيام .. غلست عالموضوع .. وانتي بالف خير
ملاك .. وانتي بالف خير .. وبوستها
سحر .. شلونج يا الصاكة
ملاك .. مشتاقتلج انتي شلونج
سحر .. الحمدلله صرت زينة بشوفتج
ملاك .. يا عمري انتي إن شاء الله دائما زينة
سحر .. شبيج كالو قبل كم يوم متخربطة اوضاعج
ملاك .. ماكو شي يا عمري سالفة صغيرة وراحت بوقتها
سحر .. عفية عليج ما اريدج تتعلقين بالماضي كملي حياتج ومعليج بالماضي
ملاك .. ابقي وياي بالمطبخ
سحر .. هو باقية بس ليش
ملاك .. لان اعرف بهيام من تطلعين راح تجي تغثني
سحر .. معليج بيها حبيبتي اذا تقربت الج ادوس بحلكها
اوس .. من يوم الي غلطت بيه وبستها تغيرت مو نفسها ملاك الي حبيتها كأنها ماتت وانولدت ملاك ثانية بمكانها صارت حتى ما تباوعلي مثل قبل
اعرف غلطت واستاهل اتعاقب بس ماكو عقاب اصعب من تجاهل الشخص الي تحبو الك من صدك جنت ما اتحمل اشوفها تتجاهليني وابقى ساكت
عشت عذاب مو شايفو بحياتي كلها وخايف اخطبها هسا ويكون الموقف الو تأثير سلبي على قرارها وترفض واكون بممشكلة واوكع بمصيبة
من اجى العيد ما فهمت منو كلشي تفكيري كلو يمها اريدلي فد حل علمود بس ترجع تباوعلي مثل قبل علمود اكدر اتقدملها واخلص من هالعذاب
طبعا ماراح احجي عن العزيمة لو الي صار باول يوم العيد لان فعليا عقلي مو وياي فما اتذكر شي من الاحداث ومن خلصت العزيمة فورا خابرت علي
علي .. لك هلا بالضلع
اوس .. بالبيت انت
علي .. اي حب بالبيت
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
