ليس ذنبي

البارت (34)

#ليس_ذنبي
بقلم #احمد
البارت_34 الجزء الثاني

اوس .. ردة فعلها الباردة وكلامها الثكيل ورجفتها بين ايديني جانت تشرحلي كمية الحب الي جانت تحبني بيه وما صبرت بدون ما ابوسها وبعدها انهزمت

بعد ما طلعت ورجعت لوعيي تندمت اني ليش هيج سويت لك هاي هسا تكرهني لان بستها لك شبيك اوس ما تحملت الا تجفص وتخرب الموضوع

هسا شلون اقنعها اذا زعلت شحجي وياها شلون اتحمل اذا تغيرت نظرات حبها الي ما اتحمل اموت اقسم بالله بس لا إن شاء الله ما تزعل

بقيت الوم بنفسي وضميري يأنبني والف فكرة ونتيجة اجت ببالي من جهة اكول راح تزعل ومن جهة ادعي الله انو ما تزعل ويرجع الوضع طبيعي

ملاك .. طلعت من الحمام بدلت ملابسي وكعدت عالسرير ومسكت راسي وصرت افكر هو شافني بدون شال وشاف اجزاء من جسمي حرام انو يشوفها

هو لمسني وفوكها باسني اني ملاك الي جنت مستعدة اموت في سبيل ما ينمس شرفي او طهارتي اخير شي يصير وياي هيج ومن اقرب الناس الي

اني كلتلو يخليني استر نفسي بس هو ما اهتم لكلامي ولا كأنو دا اطلب منو شلون هو يدافع عني ويحميني من الناس وما يحميني من نفسو

اجت سمر كالت شبيج ملاك كلتلها ماكو شي عوفيني استغربت كلش كالت شبيج لج اتشاقة وياج معقولة زعلتي لان شاقيتج

كلتلها مو زعلانة سمر بس فدوة عوفيني براحتي ولا تضغطين علي كالت هاي هي اسفة لان شاقيتج اوعدج ما اعيدها وعافتني وطلعت

شوية واجت دعاء كالت ها حبيبتي شبيج كاعدة لحالج ترا سمر جانت تمزح وياج لا تزعلين منها كلتلها مو زعلانة منها بس ضايجة شوية اريد ابقى لحالي

كالت لا ما تبقين يلا كومي وياي كلتلها فدوة دعاء عوفيني نفسيتي تعبانة كالت امشي وياي علمود نتونس سوا وهي تتعدل نفسيتج كلتلها ماريد

كالت ماعوفج ومسكتني من ايدي وبوقتها شكد مو تعبانة نفسيتي ما تحملت سحبت ايدي منها وصرت ابجي وهي تخبلت من شافتني ابجي

حسيت انو ارتكبت غلط ما يتصلح فوك ما شافني بدون ستر لمس جسمي وباسني يعني 3  مصايب وحدة اكبر من وحدة وما الهن اي علاج

بقت يمي دعاء وتواسيني الى ان هدأت وبعدها عافتني وراحت رفعت راسي فوك وتخيلت انو ربي دا يباوعلي بغضب بسبب الي صار

بوية بوقتها شخفت خوفة من التخيل احس كلبي يوجعني من صعوبة الموقف والخوف الي بيه ورجعت ابجي مرة ثانية واطلب من ربي يسامحني

رجعت تمددت مرة ثانية ولزمتني الشهكة وماعرف شسوي شوية واجت الشيخة كعدت يمي كالت بسم الله شبيج يمة ليش تبجين عيونج الحلوة شصاير

ملاك .. ماكو شي عمة

نهلة .. لعد ليش باجية لحد ما لزمتج الشهكة