ஜெயன் அன்று விடிகாலையில் இருந்து பங்களாவிற்குள் அத்தனை வேலைகளை முடித்து வைத்திருந்தான். எப்போதாவது உத்வேகம் பீறிட்டுக் கொண்டு வரும் போது தான் இந்த மாதிரியான வேலைகளை களைப்பில்லாமல் செய்து முடிக்க முடியும்..... மற்ற நேரங்களில் செய்த வேலையின் பலனாக உடலும், மனமும் ஓய்வுக்காக ஏங்க ஆரம்பித்து விடும்!
இன்று காலை ஐந்தரையிலிருந்து எட்டரைக்குள் மாடியில் மூன்று அறைகளின் வேலையை முடித்திருந்தான். இன்னும் வாஷிங்மெஷினில் துவைத்த டீப்பாய் கவர் முதலான சில துணிகளை காய வைத்து, மாடியின் ஹாலுக்கு மாப்பு போட்டு விட்டால் இங்கு வேலை முடிந்தது!
கீழ்த்தளத்தின் வேலையை நாளை முடித்து விட்டால் நாளை இரவிற்குள் வீட்டிற்கு சென்று விடலாம் என்று நினைத்தவன் அவளுடன் பேசிய போன் உரையாடல்களை நினைத்துக் கொண்டே வேலைகளைப் பார்த்துக் கொண்டிருந்தான்.
"ஜெ.....யனு! டேய் ஜெயனு; எங்கடா இருக்க?" என்று அவனை சப்தமாக அழைத்த படி உள்ளே நுழைந்த நிக்கோலெஸிடம்,
"இங்க தான்யா இருக்கேன்! வேற எங்க போவேன்.....? சும்மா ஜெயனு, ஜெயனுன்னு கத்திக்கிட்டு?" என்று மேல்மாடியிலிருந்து குரல் கொடுத்தான் ஜெயன்.
"அட.... அதுக்குள்ள டாப்புல ஏறிட்டியா? நாளைக்கு தான் இந்த வேலைய ஆரம்பிக்கணும்னு சொல்லிக்கிட்டு இருந்த?" என்று அவனிடம் கேட்டுக் கொண்டே தன்னுடைய பாக்கெட்டை தடவினார் பெரியவர்.
"யோவ்..... இந்தாரு; என் வேலைய நான் முடிக்குறதெல்லாம் இருக்கட்டும்! இன்னும் நாலு நாளைக்கு... இல்ல இல்ல; ஒமொதலாளி இங்க வந்துட்டுப் போற வரையில நீ வெத்தலபாக்கு மாதிரியான அயிட்டத்த பையில இருந்து கையில எடுக்குறத பாத்தேன்? பக்கெட்ட ஒங்கையில குடுத்த வூட்ட மொழுவுன்னு உட்டுடுவேன் பாத்துக்க...... என்னத்துக்கு சும்மா இந்த கத்து கத்துற? என்னிய தேடிக்கிட்டு ஒரு பொண்ணு வருவா! அவ வந்தவொடனே எங்கிட்ட வந்து சொல்லு!" என்று ஜெயன் அவரிடம் சொல்ல பெரியவர் அவனைப் பார்த்து ஒருமாதிரியாக சிரித்து விட்டு தலையாட்டினார்.
YOU ARE READING
ஆதியோ அகதியோ அழகியே நீயார்✔
Romanceஒரு விபத்தால் ஒருவொருக்கொருவர் உதவிக்கரம் நீட்டிக் கொள்ளும் ஒரு ஆணுக்கும், பெண்ணுக்கும் அவர்களுடைய வாழ்க்கையில் அடுத்தடுத்த நிலையில் அந்த உதவிக்கரம் தேவைப்படுகிறதா இல்லையா.... நட்பு கூட இல்லாமல் வெறும் உதவியாக ஆரம்பித்த அவர்களுடைய உறவு முடிவில் என்ன...
