"டேய்...... எனக்கு ஒரு நாலு நாள் லீவு வேணும்!" என்று கேட்ட தன்னுடைய நண்பனிடம்,
"என்னடா திடீர்னு லீவு? லீவப் போட்டுட்டு எங்க போகப்போற?" என்று கேட்டான் நஸார்.
"ஹா.....ன்; நேபாளத்துக்கு போய்ட்டு அப்டியே ஏதாவது மல அடிவாரத்துல சாமியாரா ஒக்காந்துரலாமான்னு பாக்குறேன். வர்றியா நீயும்?" என்று கடுப்புடன் அழைத்தவனிடம்,
"ச்சே....ச்சே; எனக்கெல்லாம் அன்பான பொண்டாட்டி, அழகான கொழந்தங்க எல்லாம் இருக்காங்க..... பிகர கரெக்ட் பண்ண முடியாம, அது எப்டின்னு தெரியாம சுத்திட்டு இருக்குற ஒன்னைய மாதிரி தத்தி தடிமாடுங்க வேணும்னா சாமியாரா போகலாம்!"
"நீ ஜாலியா போயிட்டு வாடா ஜெயனு; போயிட்டு திரும்பி வந்துடுவியா... இல்ல அங்கயே செட்டில் ஆகிடுவியா? அதையும் இப்பவே சொல்லிட்டன்னா எனக்கு கொஞ்சம் வசதியா இருக்கும்!" என்று சொன்னவனுடைய கேலிப் பேச்சை பொறுத்துக் கொள்ள முடியாமல் அவன் கழுத்தை தன் புஜங்களால் இறுக்கிப் பற்றியிருந்தான் ஜனமேஜயன்.
"அடேய்.... நாசமாப் போறவனே; லீவு வேணுமின்னு கேட்ட..... போயிட்டு வான்னு சொல்லிட்டேன்; இன்னும் எதுக்குடா எங்கழுத்த புடிச்சு தொங்கிட்டு இருக்க.... கைய எடுடா..... சங்கு ஒதுங்குது!" என்று சொல்லி ஜெயனின் பிடியிலிருந்து விடுபட வேண்டுமென நினைத்து திமிறிக் கொண்டிருந்தவனை "பொழச்சு போடா புள்ளப்பூச்சி!" என்று சொல்லி தன் கையை நஸாரின் கழுத்தில் இருந்து விடுவித்திருந்தான் அந்த கோபக்காரன்.
"என்னடா கோவம் ஒனக்கு? காலையில வந்ததுல இருந்து எல்லாரையும் கடிச்சுக்கிட்டே கெடக்க..... ரெண்டுநாள் மைசூர் வரைக்கும் போயிட்டு வரணும்னு ஒரு சவாரி இருந்தது. அதையும் மணிகண்டன் கிட்ட மாத்தி விட்டுட்டு இன்னிக்கு லோக்கல் சவாரில தான் சுத்திட்டு வந்த போல.....? என்ன ஆச்சு? வதனிப்புள்ள கூட ஏதாவது சண்ட போட்டியா?" என்று நஸார் ஜெயனின் முகத்தை பார்த்தபடி கேட்க நண்பனின் பேச்சை காதில் வாங்காதவன் போல் டேபிளின் மேல் தலையை கவிழ்ந்து கொண்டு கிடந்தான்.
VOUS LISEZ
ஆதியோ அகதியோ அழகியே நீயார்✔
Roman d'amourஒரு விபத்தால் ஒருவொருக்கொருவர் உதவிக்கரம் நீட்டிக் கொள்ளும் ஒரு ஆணுக்கும், பெண்ணுக்கும் அவர்களுடைய வாழ்க்கையில் அடுத்தடுத்த நிலையில் அந்த உதவிக்கரம் தேவைப்படுகிறதா இல்லையா.... நட்பு கூட இல்லாமல் வெறும் உதவியாக ஆரம்பித்த அவர்களுடைய உறவு முடிவில் என்ன...
