My Queen (ကျွန်တော်ရဲ့မိဖုရား)

Episode 38

အဆောင်တွင်း မီးရောင်သဲ့သဲ့လေးထွန်းပြီး ဇိမ်ခံကာ လက်ဖက်စိမ်းအခါးရည်သောက်နေသော မယ်တော်ခေါင်ကြီးဆီသို့ အထိန်းတော်ကြိးရောက်လာခဲ့သည်။

အထိန်းတော်ကြီး:မယ်မယ် မင်းကြီးနတ်ရွာစံသွားပါပြီ။

ထိုစကားကြောင့် သောက်လက်စခွက်ကို ချကာ အထိန်းတော်ကြီးဆီသို့ မျက်လံုးအိမ်ရောက်သွားခဲ့သည်။

မယ်တော်ခေါင်ကြီး:ဘယ်လို? ဟ! လှုပ်ရှားတာမြန်လှချည်လား။ ခီရယ် နတ်ရွာစံသွားပြီဆိုတော့လည်း ပူဆွေးခြင်း အခမ်းအနား စီစဉ်ပေးရအုံးမှာပေါ့။ ဒီချိန် မိဖုရားခေါင် ဘယ်လိုဖြစ်နေမလဲဆိုတာ သိချင်လို့ ရူးတော့မှာဘဲ ဟဟ

ထိုချိန် အဆောင်တွင်းသို့ ဘဏ္ဍာရေးဝန်ကြီးရောက်ရှိလာခဲ့သည်။

ဘဏ္ဍာရေးဝန်ကြီး:အရိုအသေပြုပါတယ် မယ်မယ်။ သတင်းကောင်းကို ကြားပြီးပါပြီလား။

မယ်တော်ခေါင်ကြီး:ခိရယ် ကြားပြီးပြီ။ မင်းကိုဒီအတွက် နောက်ဘုရင်လက်ထက်ကျရင် ရာထူးကောင်းကောင်းပေးမယ်။

ဘဏ္ဍာရေးဝန်ကြီး: မဟုတ်တာပါ မယ်မယ်။ အခုလိုမျိုး မယ်မယ်အနီးအပါးမှာ ခစားနေရတာနဲ့တင် ကျေနပ်လှပါပြီ။ အခုက ကျတော်မျိုးရဲ့ သားတော်ရဲ့ စွမ်းဆောင်ရည်ပါ။

မယ်တော်ခေါင်ကြီး:အော် အဲ့လိုကိုး။ ဒါဆိုလဲ မင်းရဲ့သားကို ထိုက်ထိုက်တန်တန် ဆုချီးမြှင့်ရမှာပေါ့။ ဒါနဲ့ သေသေချာချာရော လုပ်ခဲ့ရဲ့လား

ဘဏ္ဍာရေးဝန်ကြီး:ရဲ့ စိတ်ချပါ မယ်မယ် အကုန်စေ့စပ်အောင်လုပ်ခဲ့ပါတယ်။

မယ်တော်ခေါင်ကြီး:ပြီးတာပါပဲ ဟူး စိတ်ကိုကြည်လင်သွားတာဘဲ စျာပနကိုတော့ မနက်မှဘဲ သွားကြည့်ပေးလိုက်တော့မယ်။

ဒါကိုကြားတော့ မယ်တော်ခေါင်ကြီး တစ်ယောက် ပြံုးသွားကာ သောက်လက်စ လက်ဖက်ရည်ကြမ်းကို ဆက်သောက်နေလိုက်တော့သည်။ ထိုနန်းဆောင်မှာတော့ အပြုံးတွေဖြာနေပေမဲ့ နန်းတော်တစ်ခုလုံးဟာတော့ ပူဆွေးမှုတွေနှင့် ပြည့်နှက်နေတော့သည်။

ဆော့ဂျင်:ဒဲ့? မင်းကြီးနတ်ရွာစံသွားပီ ဟုတ်လား!

ဆော့ဂျင်မယုံနိုင်စွာ ဖြစ်နေခဲ့သည်။ ဒီတလောအတွင်း ဖြစ်ပျက်ခဲ့တာအကုန် တည်ငြိမ်နေတဲ့ ပင်လယ်ထဲ မုန်တိုင်းဝင်တိုက်ခတ်သွားသလိုမျိုးကျ တက်ချည်းအမြင့် ကျချည်းအနက်နဲ့မို့ သူထိတ်လန့်နေရသည်။ တစ်ဖန်သူစဉ်းစားမိပြန်တာက ယွန်းအာကိုပင်။ အခုချိန် ယွန်းအာဘယ်လောက်တောင် ယူကြုံးမရ ဖြစ်နေလိုက်မလဲ။ မင်းကြီးမျက်နှာကိုပဲ ကြည့်ပြီးရှင်သန်လာတဲ့ သူမအတွက် နန်းတော်က ပိုပြီး ခြောက်ခြားလာစေတော့မှာတော့အမှန်။