My Queen (ကျွန်တော်ရဲ့မိဖုရား)

Episode 49

ယွန်းအာတစ်ယောက် မိုးမသောက်ခင် ဘယ်သူမှမနိုးခင်အချိန်လေး အကိုဖြစ်သူနဲ့တိုင်ပင်ထားသလို နန်းတော်ကနေ အပြီးတိုင်ထွက်သွားရန် အကိုဖြစ်သူ လာအခေါ်ကို စောင့်နေခဲ့သည်။ သူမ နန်းဆောင်ထဲတွင် ဟိုဘက်လျှောက်လိုက် ဒီဘက်လျှောက်လိုက်နှင့် ဂဏာမငြိမ်ဖြစ်နေခဲ့မိသည်။

ယွန်းအာpov;
ငါသာအခုအကိုနဲ့ထွက်ပြေးသွားရင် သူတို့တွေ အိုရာဘိုညီးနဲ့ငါ့ကို ဂျိုဆွန်းအနှံ့ဖမ်းဝရမ်းထုတ်ကြမှာ အမှန်ဘဲ။ ဒါဆို ငါတို့မ်သားစုနဲ့ အမျိုးတွေပါ ထိခိုက်လာနိုင်တယ်။ ဒါမဲ့လည်း အကိုက သူ့ကိုယုံခိုင်းထားတာဘဲလေ။ အကို သူ့နည်းသူ့ဟန်နဲ့တော့ ဖြေရှင်းမှာဘဲ...

ထိုချိန် ပွင့်လာသော နန်းဆောင်တံခါး။ ယွန်းအာတစ်ယောက် ထယ်ယောင်းအထင်နဲ့ တံခါးဆီပြေးသွားလိုက်သည်။

ယွန်းအာ:အိုပါး...ကျမ...ကျ....

ချက်ချင်းဘဲ မေ့ဆေးသုတ်ထားတဲ့ အဝတ်နဲ့ သူမပါးစပ်နှင့် နှုတ်ခမ်းအုတ်ခံလိုက်ရပြီး ဘာမှမလုပ်နိုင်ခင်လေးမှာဘဲ သတိမေ့သွားခဲ့တော့သည်။ အသိစိတ်လုံးလုံးမပျောက်ခင် မှိန်းမောနေတဲ့အချိန်လေး ဝေဝါး​နေပြီဖြစ်တဲ့ မျက်လုံးတွေနဲ့အတူ ထိုလူကိုကြည့်လိုက်သည်။

ယွန်းအာpov;
သူက စစ်သည်ဝတ်ရုံကိုဝတ်ထားတာ...ဘယ်သူများလဲ?

ထို့နောက်အသိစိတ်လုံးလုံးပျောက်သွားခဲ့ရတော့သည်။ သူမသတိပြန်ဝင်လာတော့ သူမက မြင်းပေါ်ရောက်နေခဲ့သည်။ သူမလက်တွေကို ကြိုးနှင့်တုတ်ခံထားရပြီး ပါးစပ်ကိုလည်း အဝတ်နှင့်စည်းခံထားရသည်။ ပူပူနွေးနွေးအထိအတွေ့ကို ခံစားမိသဖြင့် သူမကိုဒီလိုဖမ်းခေါ်လာတဲ့သူက သူမရဲ့နောက်ကျောဘက်တွင်ရှိနေမှန်းသိလိုက်ရသည်။ ဘေးပတ်ဝန်းကျင်ကိုကြည့်လိုက်တော့ အုံ့ဆိုင်းနေတဲ့သစ်ပင်ကြီးတွေသာ ရှိနေခဲ့သည်။

ယွန်းအာpov;
ဒီလူ...ငါ့ကိုဘယ်ခေါ်သွားနေတာလဲ?

မပျယ်သေးတဲ့ မေ့ဆေးအရှိန်ကြောင့် သူမ တဆစ်ဆစ်ထိုးကိုက်လာတဲ့ခေါင်းနှင့်အတူ ပြန်သတိမေ့သွားတော့သည်။ သူမ ပြန်သတိဝင်လာတော့ သူမရဲ့ခန္ဓာကိုယ်က အပင်ကြီးတစ်ပင်၌ ကြိုးတုပ်ခံထားရသည်။