My Queen (ကျွန်တော်ရဲ့မိဖုရား)

Episode 41

<နန်းတက်ပွဲမတိုင်ခင် ၁၀ရက်အလို>

ဘဏ္ဍာရေးဝန်ကြီးတစ်ယောက် ဆော့ဂျင်ဆီသို့ ရောက်လာကာ နောက်တစ်ခေါက် မယ်တော်ခေါင်ကြီးနှင့်တွေ့ဖို့ လာပြောလေသည်။

ဆော့ဂျင်:ကျတော်သွားတွေ့စရာ မလိုတော့ပါဘူး။ ကျတော်တို့နှစ်ယောက် စကားဝိုင်းက အရင်တစ်ခေါက်ကတည်းက ပြီးသွားပါပြီ။ 

ဘဏ္ဍာရေးဝန်ကြီး:အဲ့လိုမဟုတ်သေးပါဘူး။ ဒီတစ်ခေါက်တော့ သေချာပေါက်သွားတွေ့လိုက်ပါ။ သခင်လေးအတွက် အရမ်းကို အရေးကြီးလို့ပါ။

ဘဏ္ဍာရေးဝန်ကြီးက ဆော့ဂျင်ကို ဖြောင်းဖြပြီး မယ်တော်ခေါင်ကြီးဆီသွားတွေ့ခိုင်းနေသည်။

ဘဏ္ဍာရေးဝန်ကြီး:အရင်တစ်ခေါက်ကလို ကွမ်မန်ဆောင်ကြာမြိုင်မှာဘဲ။ သူမ အဲ့မှာစောင့်နေပါလိမ့်မယ်။ ကျတော်မျိုးပြောတဲ့အတိုင်း ဒီတစ်ခေါက်က သခင်လေးအတွက် အရမ်းကိုအရေးကြီးပါတယ်။မဖြစ်မနေ သွားတွေ့လိုက်ပါ။

ဆော့ဂျင်:ဒါဘဲမလား။ ကျတော်ပြန်တော့မယ်။ ခွင့်ပြုပါအုံး။

ဆော့ဂျင်တစ်​ယောက် စကားကြောရှည်မနေဘဲ မြန်မြန်နေရာမှထလာလိုက်သည်။ သူထပ်သွားတွေ့သင့်လား? အမှန်တိုင်းပြောရရင် သူနာကျည်းချက်ကြောင့် သူမကိုနောက်ထပ်မတွေ့ချင်တော့။ သို့သော် သူရဲ့ကြင်နာတတ်တဲ့နှလုံးသားက အမေဖြစ်သူကို နောက်တစ်ကြိမ် ထပ်တွေ့ချင်နေမိပြန်သည်။

ဆော့ဂျင်တစ်ယောက် မလွန်ဆန်နိုင်တဲ့အဆုံး သူမဆီနောက်တစ်ကြိမ် ထပ်သွားတွေ့ဖို့ ဆုံးဖြတ်လိုက်သည်။

"သခင်လေးရောက်လာပါပြီ သခင်မကြီး"

ဆောင်ကြာမြိုင်အခန်းကျဉ်းလေးထဲ လက်ဖက်စိမ်းအရက်သောက်နေတဲ့ ဇာပါးလွှာနောက်က အမျိုးသမီးကြီးက ထိုအသံကိုကြားတော့ နှုတ်ခမ်းတစ်ဖက်က အပေါ်သို့ ပင့်တက်သွားရသည်။

မယ်တော်ခေါင်ကြီး:ဟ ငါသူလာမယ်ဆိုတာသိသားဘဲ။ တကယ်ပျော့ညံ့တဲ့ကောင်လေး.. ဝင်ခဲ့ခိုင်းလိုက်။