.
الفصل الثامن والثلاثون .
رواية الخياط 2
| من يذهب للصيد يتم اصطياده |.
ـــــــــــــــــــــــــــــــــــــــــــــــــــــــــــــــ
في بادئ الأمر بعتذر عن التأخير ، وبعتذر ان الفصل مش طويل كفاية ، بس أتمنى انه يعجبكم ، متنسوش ال ⭐
ـــــــــــــــــــــــــــــــــــــــــــــــــــــــــــــــ
سحب المقعد وهو يجلس عليه يهدر بنبرة حاسمة :
_ يا حاج أنا مش هسيب الواد له .
زمجر حسن بضيق:
_ أنا مش فاهم أنت عايز إيه ، عايز المصايب تنزل ترف علينا تاني ؟
عاد بجذعه للخلف يتكئ على مسند المقعد ثم أضاف بجمود :
_ مصايب مصايب مش فارقة ، أنا مش هسيب تيام ، ده ابن ماجد يا حاج !
رفع حسن حاحبيه بعدم تصديق وهو يسأله :
_ ابن ماجد ؟ ، بقى أنت عايز الواد عشان هو ابن ماجد ولا عشان تكيد الحناوي ؟
ابتسم يونس وهو يجيب بمرواغة :
_ مش مشكلة عصفورين بحجر ، وتبقى افتتاحية للي ناويه للحناوي .
تأفف حسن ثم لف رأسه بعيدا يعرب عن ضيقه الشديد من ابنه ، بينما نهض يونس وهو يصافح 'بدر' الذي ترجل حديثا، ليمد يده نحو حسن الذي صافحه بود ثم أردف :
_ تعالى شوف صاحبك عشان أنا غُلبت منه .
سأل بدر مازحًا :
_ عملك إيه يا عم حسن و المرة دي هسفره برة البلد خالص عشان يتربى .
زجره يونس وهو يهدر:
_ انتَ اتأخرت ليه ؟ انا مكلمك من ساعة كنت قربت عليا !
تحجج بدر :
_ على ما عرفت أخلع من مكاني في الشركة يابني
تسأل حسن :
_ مجتش كتب كتاب يوسف امبارح ليه يا بدر .
ابتسم بدر بإحراج :
_ والله مكنتش فاضي خالص يا عم حسن و على ما روحت كنت نسيت أصلاً ، تتعوض في الفرح ان شاءلله .
هز رأسه مبتسما ثم قال ساخراً:
_ يارب بس ما نقضيهوش في الأقسام .
تذمر يونس بينما تسائل بدر عن ماهية الأمر ليجيب حسن :
_ أصل صاحبك كان في القسم امبارح .
اتسعت مقلتي بدر وهو يتحدث بعفوية :
_ إنت رجعت تشرب حشيش تاني ولا إيه ؟
حمحم يونس وهو يسحب بدر من ستره وهو يضيف:
_ طب يلا سلام بقى يا حاج .
أنت تقرأ
الخياط
Acciónربما. أحيانًا يكون الطريق الذي نسلكه مليئًا بالشكوك والتحديات، ولا ندري إن كان سيأخذنا إلى ما نرجو، لكن ربما الصواب ليس دائمًا فيما نعرفه، بل فيما نتعلمه ونكتشفه خلال الرحلة نفسها. بدأت 2023/5/23
