الخياط 2.
الفصل السادس والأربعون .
|لأنهما توأم|.
ـــــــــــــــــــــــــــــــــــــــــــــــــــــــــــــــ
_ بص يا بيه أنا راجل على الله مليش في السرقة ولا الكلام ده ، البشمهندس يوسف هو المسؤل قدام ربنا عن كل المونة انا معرفش هو بياخد ولا لا .
نبس ذلك الرجل المدعو ب "اسماعيل" باندفاع يحاول الثبات في تكملة تلك الكذبة ، يقنع ذاته انه كذب لتبراءة ذاته دون توريط أي أحد أخر .
ليهدر الأخر المدعو ب "حمدي" :
_ أنا بقى شوفت البشمهندس وهو لا مؤاخذة بياخد المونة بليل من المخزن ، الشهادة لله أنا شوفته وخوفت اتكلم والله يابيه خوفت يقطع أكل عيشي " .
_ أنت مسؤل عن إيه في المشروع .
_ محسوبك حمدي المقاول يابيه
قالها وهو يشير على ذاته ليسأله :
_ وانت شوفته امتي يا حمدي ؟
ضيق نصف عينيه ثم أهدر :
_ تقريبا كدة من اسبوعين بالظبط ، قبل ما العمارة تتهد والله يابيه العمارة دي كانت هتبقى عال العال ده كل شقة حوالي 190 متر ، الله يجزيه بقى البشمهندس ضيع كل مجهودنا على الفاضي .
انهى عبارته بنظرة حزينة رُسمت ببراعة :
_ وقّع على أقوالك يا حمدي .
دقائق مرت ليتم استجواب احد المسؤلين عن البناء والذي كان المهندس المعماري :
_ أنا سلمت الرسم الهندسي و كنت بمر على الموقع يوم في الاسبوع عشان اتأكد ان كل حاجة ماشية كويس .
ليسأله :
_ اية اقوالك في ان المهندس يوسف حسن متهم باختلاس مواد بناء .
نفى برأسه يجيب :
_ بشمهندس يوسف شغال معانا بقاله تلات سنين ، مفتكرش إن حصلت أي مشاكل من نوع اختلاس من مواد البناء .
_ مش يمكن أهمل في انه يحافظ على العهدة دي .
_ الله اعلم ، بس انا ماشوفتش اي اهمال منه على مدار المدة اللي اشتغلتها معاها .
..
_ بشمهندس يوسف ، اية ردك على المقاولين اللي ازعموا إنك بتختلس من مواد البناء ، وده سبب أن المبنى ينهار .
لم يجيب يوسف وهو يشعر بأنه داخل كابوس ويجيب أن يفق منه وبأسرع وقت ليكمل :
_ سكوتك مش هيفيدك في شيء الموضوع مش سهل يا بشمهندس اقلها خالص هتتشطب من النقابة و في عقوبة بالحبس ، ياريت تتعاون معانا .
انتفض باندفاع:
_ اتعاون في إيه ، انا مش شايف اثبات على كلام المقاولين ده ، حضرتك هتمشيها بالإدعاءت اللي مش موثوق فيها دي .
_ انت ماضي على استلام مواد البناء كاملة ، و دلوقتي تم اثبات ان المبنى وقع بسبب ان الجودة السيئة بتاعة المواد المستخدمة يبقى مين هيتحاسب غيرك ؟حتى لو مش أنت اللي سرقت فا تقدر تنكر ان ده مش توقيعك ؟
أنت تقرأ
الخياط
Acciónربما... أحيانًا يكون الطريق الذي نسلكه مليئًا بالشكوك والتحديات، ولا ندري إن كان سيأخذنا إلى ما نرجو، لكن ربما الصواب ليس دائمًا فيما نعرفه، بل فيما نتعلمه ونكتشفه خلال الرحلة نفسها. بدأت 2023/5/23 انتهت 2024/12/13
