الخياط

الفصل السابع عشر(كا خطيبها )

رواية الخياط .
ا

لفصل السابع عشر  .
"

كا خطيبها "

ـــــــــــــــــــــــــــــــــــــــــــــــــــــــــــــــ

"جسد يفارق روحه بمغرب السبت
‏وتعود له عصر الخميس الرحابة"

..
أطلق تنهيدة طويلة  ، يقف واضعا يده اليمني فى جيب بنطاله ، ينظر حوله بهدوء في ذلك المنزل ، منتظرا مجيئها بعد ان استأذن عمها ان يصعد لمنادتها  ، يفكر ماذا سيقول وبما سيبدأ و كيف سيكون رد فعلها ، هل من الممكن ان ترفض   وإذا اتخذت ذلك القرار سيخسرها من كل الجهات ، شعر بدقات قلبه تعزف الطبول حين هبطت الي الاسفل يتأملها من شعرها المرفوع لأعلي تخفض بعض القصاصات الامامية على جبهتها ، لم تظهر مبتسمة كعادتها لاحظ سيطرة الارتباك و التوتر على ملامحها ،  ملئته الرغبة فى انهاء كل شي يصيبها بالقلق ،  يريدها مطمئنة ، يرغب فى رؤية ابتسامتها وفقط . 

تنفست بخفوت تتقدم نحوها ترسم بسمة ضئيلة على شفتيها تقول " ازيك يا يوسف ".

بادلها بابتسامة أكبر ، وهو يكاد يجزم ان قلبه يهلل من فرحته حين سمع أسمه منها ، ليردف " بخير يا فيروز ، طمنيني عليكِ " .

ابتلعت لعابها بتوتر ، لا تشعر كيف ستتحدث معه ، فى السابق كانت ترمي له ما يقابلها على لسانها تعامله معاملة اخوية ولكن الان اختلفت الامور تماما ، لتقول بهدوء " اكيد مش كويسة ، عايزة  ارجع لماما  " .

رمش بأهدابه يبعث لها الطمأنينة فى نظرة يقول " ان شاءلله  هترجعي متقلقيش  استحملي الفترة دي وهترجعي "

هزت رأسها و صمتت و وهو ايضا صمت ، نظرا لبعضهما لا يدريان بما يبدأوا الحديث ،ليحمحم يوسف  "   انا جاي عشان  اسمع اللى انتِ حابة تتكلمي معايا  فيه " .

زاغت ببصرها قليلا قبل ان تقول " هو انت عملت كدة عشان  اية ؟"

نظر لها بهدوء وكأنه ينتظر هذا السؤال ، هو حفظ ما يريد قوله اجابة عليه ، ولكن الان مُحي كل شئ من رأسه ليقول " اكيد عشان  عايز اتجوزك " .

نظرت له بانزعاج " يوسف ،انت عملت كدة عشان  ترجعني لماما ؟"

ليقول مدافعا عن حاله " أكيد لا  يعني ، واية لازمتها اللفة دي ، فيروز انا فعلا عايزك معايا ، كلام ده مش من يوم وليلة  ".

نظرت له بحيرة " من أمتي الكلام ده ؟" .
ليقول بنبرة خافتة " من زمان اوي يا فيروز ، من زمان اوي ، ولما حاولت اتقرب منك انتِ فكرتيني اخوكِ بجد " .

لتقول بتيه "  انت كنت خاطب يا يوسف ، وانا كنت بحب اخو .."
بترتب عبارتها سريعا ليقول " انا خطبت عشان  اتخطاكِ ، بس معرفتش '