طلع برا مجاهد بقهر ركب سيارته يرجع للبيت وقف عند البيت ناظر برسالة القبول الي جته غمض عينه بقهر : يقلع ابو القهر تأفف ينزل سكر السياره دخل البيت بدون مايلتفت رقى لغرفته دخل يسكر الباب قرب لغرفة الرسم يفتحها قفل الباب عليه وبدا يرسم يرمي كل عصبيته وقهره بالرسم !
-
نجمه : وش ذا الاسلوب بعدين وشدخلك بالله ترفضين
نجود : غثيث المشكله حتى هو شكله ماقدر على ابوه اجي انا!
نجمه : الله يعين حرام يمكن مايبي العسكريه
نجود : يمكن مادري المهم وينك الحين؟
نجمه باستفزاز : والله ابد ماسكه الحين طيران لجنوب افريقيا
نجود : اووه ليش ماخذتيني هذا وانا اقول بجيها اخذها من الجامعه
نجمه : ابدد تعالي خوذيني ارجوكك
نجود : تم متى تخلصين؟
نجمه : بعد الساعه ١١
نجود : طيب تنتظريني ل١٢ تمام؟
نجمه : طيب بس تعوضيني !
نجود ضحكت : ابد ولا يهمك
نجمه : كفو بنت عمي
-
غزال اخذت نفس تناظر بالابتوب قدامها تناظر بتعليقات الناس تحاول تلاقي اي ثغره للموضوع لانه مو طبيعي يختفي بدون اي سبب اخذت نفس تناظر لكن بدون اي فايده تعليقات كلها قبل سنه بالكثير ولا فيه جديد بالموضوع قفلت الابتوب نزلته بجنبها
-
سكرت حنان جوالها بعد مابلغتها نجود ان التسجيل باقي فاتح قربت لسلمان جالس يناظر بجواله جلست قدامه : اي سلمان كيف العطاله معك
اعتدل سلمان يناظرها : اووه يامي تاخذ العقل
حنان : اقول فيه وظيفه بالمباحث بتدخلها
سلمان : لاتقولين بمركز نجود!
حنان : اي بالضبط وابيك تكون حول بنت عمك
سلمان : يايمه تكفين بنت عمي عن عشرين رجال
حنان : اي كفو عليها تربية غزال عرفت تربي احسن مني
سلمان ناظرها كملت حنان توقف: المهم بتواصل مع نجود توظفك
سلمان وقف معهم : يمه تكفين قفلي على الموضوع لايوصل لابوك
حنان : انا ماشاورك سلمان اعطيك الخبر فقط
سلمان جلس بقهر يناظر امه الي طلعت : يارب مايوصل لابوي
-
جلست نجمه قريب للبوابه تنتظر نجود سمعت صوت البوري المستمر ضحكت من عرفت انها نجود وحركاتها طلعت برا البوابه ناظرت بنجود فتحت الباب وركبت : ماتتركين حركات ههههههههه
نجود ابتسمت : مابي حيل اتصل اضرب بوري اسرع
نجمه ناظرت بنجود من ابتعدت عن الجامعه : وين بتوديني
نجود : مكان يحبه قلبك
نجمه : مافيه شي بالقصيم احبه كلها خياس
نجود ناظرت فيها لفت لطريق : ماسمح لك كل شي الا القصيم
نجمه : والله خياس وش محببك فيها
نجود : القصيم ساكنه وسط ضلوعي
نجمه ناظرت فيها كملت نجود : بوديك نتغدا بمطعم جميل ولذيذ حيل
نجمه: تمم تمم عاد جوعانه ماكلت شي
نجود: افا الحين اشبعك
بعد مده وقفت نجود عند مطعم
نجمه : مره حلو
نجود لفت لها وهي تمشي لطاولتهم : صدقيني توك اصبري بس افضل مطعم بالقصيم
جلسو بطاوله طلبو لهم اكل
نجمه اخذت البرقر تاكل : الله ويني عنه ذا
نجود : قبل اسبوع تقريباً طحنا فيه انا ومنيف
نجمه : مره حلو ماشاءلله حتى التعامل اووف تحسين ودك تطلبينهم بعد
نجود ناظرت فيها تمسح فمها : دايم اقول لمنيف ينفع تصير مرشد سياحي يطلع اماكن ماتتوقعين انها بالقصيم
نجمه: الله والقصيم عاد يصير مرشد فيها فلس صدق مافيها شي
نجود : هالمطعم ماملى عينك؟
نجمه : لا خياس تدرين ليش
نجود ناظرت فيها كملت نجمه : لانه بالقصيم
نجود : انتي حاله
نجمه : ياختي ليتنا سكنا بالرياض او بالجنوب او بالطائف او هالاماكن عشقي مسكت قلبها بهيمان
احد الشباب بالطاوله الي جنبهم: فديت قلبك اصير لك الرياض
ناظرو فيه نجمه ونجود بصدمه
نجمه بصراخ : نعم!!
الشاب : ودك بالرياض اجيبها لك بس عطيني اتواصل معك
نجمه وقفت تصارخ عليه : ياقليل الادب ماتستحي على وجهك ، ماربوك اهلك
وقف الشاب بصدمه من نظرات الي حوله من صراخها ناظر بصاحبه الي معه : امش يقطع بليسك نطلع
طلع يمشي بسرعه برا
ركب سيارته يطلع بفشله
نجمه جلست تناظر بنجود الي ماعطت اي ردة فعل
نجود ناظرت بنجمه صفقت بخفيف لها : بطلتي
نجمه بغرور : افا عليك هذي الاشكال اعلمك كيف اربيهم
نجود : تعالي ربي الي عندي فيه اشياء ماتعلمها
نجمه : يبي لي زياره لك تتوقعين يدخلوني؟
نجود : من يوم دخلت هالمركز تبين تجين وماشفتك
نجمه : ياخي مالقى وقت ابد
نجود : يدخلونك واذا مادخلوك اتصرف
نجمه : كفو بنت عمي
نزل احمد من سيارته دخل البيت ناظر باميره تشتغل بالابتوب : سلام
اميره ناظرت فيه : وعليكم السلام
احمد : ماخلصتي؟
اميره : لا خلصت بس تو اتاكد من كمم شي بعد دقائق نزلت الابتوب بجنبها : شصار احمد على البعثه؟
احمد : مدري للان كل مره يسوون شي او يطلبون شي
اميره : تكفا حاول ماودي نروح هناك
احمد : قسم ودي بس مافي اي شي اقدر اسويه حطو اسمي بدون يشاوروني
اميره : اذا كتب ربي ورحنا يبي هناك ندرس حلا
احمد : ندرسها شنسوي عاد
اميره : يارب يسرها
-
كشر عماد يناظر : لا ياعبدالله ماتفقت تعطيني الورقه كذا ناقصه ناظر فيه : راجعها
عبدالله : ابشر واعذرني
حط كف يده على كتفه : ماعليك كلنا نغلط
مشى عماد عنه يناظر بالموظفين ويسالهم والاغلب يسولف معهم كذا هو ولا كانه مديرهم
ناظر بنايف الي يشتغل : نايف وش باقي لك ؟
نايف لف بكرسيه له : ابد ماباقي شي
عماد: استعجل بالله ابيهم
نايف : ابشر
عماد : تُبشر بالجنه
ناظر عماد بوحده موظفه ماسكه ملف بيدها والملف الثاني تشتغل فيه وقف قدامها : وش تسوين؟
ندى: اتاكد من الحسابات استاذ
عماد ناظر في الملف : تمام اذا ماانتي متاكده جبيهم لي بس تخلصين
هزت راسها له
لف عماد لثامر الي جاي له : ثامر
ثامر رفع الايباد له : شوف شطالع هنا
عماد ناظر بالملف ميل فمه بطفش: يبوني بالرياض
ثامر : للاسف بتروح وهالمره اسبوع
عماد : يالليل
ثامر : تبي احجز لك ؟
عماد : اي بس ارد لك الليله تحجز لي
ثامر. : طيب
عماد : عندك شي ولا نطلع نتغدا؟
ثامر هز راسه : لا ماعندي اركب واجيك
عماد مشى عنه : انتظرك
-
ابعدت يدها نجمه من جاء الحلا : الله ترامسيو يحبه قلبي
نجود اخذت الشوكه تاكل من حلا نجمه : احبه
نجمه : احد الاشياء الي اشتركنا بحبها
نجود : ههههههههههههههههههههه تستهبلين كل شي نحبه سوا وكل شي نكرهه سوا
نجمه : الا القصيم
نجود ضحكت منها : انتي وشجايك من القصيم مو كل ذا كره
نجمه بابتسامه: ماجا،،سكتت تناظر باخوها داخل المطعم : ثامر ومعه واحد
لفت نجود تناظر فيهم واقفين عند طاوله : الي معه واضح من اثرياء القصيم
نجمه : ماشاءلله يالجمال ناظرت بنجود : جمال وفلوس وش ابي اكثر ؟
نجود : بس انه بالقصيم
كشرت نجمه : نكنسل اجل ونشوف غيره ان شاءلله
نجود ضحكت بخفيف منها
بطاوله الي جنبهم
عماد : اذكر واحنا صغار كان كل واحد من اخواني يسوي الشي الي ابوي يبيه يعني اخوي الكبير مع ابوي بالمركز دايم وانا علمني ابوي على التجاره والشركات وحبيتها وصرت اشتغل اما اخوي الصغير،
ثامر صغر عيونه يتذكر : مجاهد
هز راسه عماد : طلع عن كلام ابوي من هو وصغير يحب الرسم كان ابوي يمنعه وياخذ الالوان منه كانت امي تعطيه او تطلب له
ثامر : يووه عاد ابوك ماينتفاهم معه
عماد : صادق ابوي شديد تخرج من الثانوي مجاهد ومن تخرج ابوي نشب له يبي يدخل العسكريه ورافض
ثامر : حرام يغصبه هذي وظيفه
عماد : صادق بس ابوي الله يهديه
ثامر : وش سوا الحين
عماد : له كم سنه متخرج ولا يوم مر ماازعجه ابوي يتوظف
ثامر : الله يعين ويرزقه الي وده
انتبه ثامر للي وقفو ميل راسه يناظر وعرف انها نجمه اخته ناظرت فيه نجمه رفعت يدها تسلم عليه ابتسم يناظرها نسى ان عماد معه ناظر فيه عماد لف يناظر بالي يناظره شاف البنت لف لثامر الي يبتسم : سلامات ثامر! وش ذا الحركات
ثامر ناظر فيه : وش حركاته
عماد ناظر فيه بصدمه : اقسم بالله لو احد قالي مااصدق ثامر خاف ربك!
ثامر : انت وش تقصد عرف انه يقصد اخته : هذي اختي
عماد ناظر فيه كمل ثامر : وربي الي خلقني اختي ذي وحيدتي
عماد : كيف وحيدتك؟
ثامر ابتسم : اعتبرها بنتي
ضحك عماد منه ابتعد يناظر بالاكل
الصباح يوم الخميس
ناظرت نجمه بجوالها : ياربي ساعدني اتصلت على نجود
نجود سكرت شنطتها لفت لجوالها تناظر باستغراب : نجمه
نجمه : نجود يمديك توصليني الجامعه؟
نجود : الساعه ؟
نجمه : على الساعه ١١ عندي محاضره
نجود : طيب بستأذن
نجمه : احبك وربي
نجود : اكثرر
نجمه : يالله بنام واذا جاء ٩ صحيني
ضحكت نجود : ابشري
سكرت جوالها حطته بالشنطه اخذت عباتها ونزلت تحت تناظر بامها : غزالة قلبي
غزال ناظرت فيها: الله
جلست نجود تفطر : امي اليوم دعواتك بروح ادور عن ابوي
غزال : طيب خوذي معك احد
نجود : بشوف سلمان بيجي اليوم يسجل بقوله نروح ندور عن ابوي
غزال : ماشاءلله بيسجل عندك؟
نجود : اي حنان ارسلته لي تقول خليه يتوظف ويكون معك
غزال : ياحبيتي ياحنان
نجود : اي والله معاي دايم
غزال باستغراب : غريبه منيف طول ماقام
نجود وقفت : انا طولت امي بروح قربت تبوس راسها
غزال: استودعتك الله
طلعت نجود برا وقفت بالحوش تحس بضيقه داهمتها مسكت قلبها تسمي : بسم الله نزلت راسها تحت : سبحان الله وبحمده سبحان ربي العظيم غمضت عينها تحس بقلق طلعت برا وكل مره تحاول توضح انها تعايشت
ركبت سيارتها وحركت للمركز وقفت سيارتها نزلت تناظر بسلمان الي واقف عند البوابه قربت له : هلا والله بولد عمي
ابتسم سلمان : ان شاءلله بنت عمي تعرف وتطردني
نجود : افا ليه اطردك؟
سلمان : اعتبري اخطيت
نجود : لا خطاك بعيني صواب
سلمان : صدقيني المدح مو وقته
ضحكت نجود : تعال بس اسجلك وتنقبل من بكرا
سلمان : الله يالواسطه عندك
نجود : بنت سلمان اكيد
قربت نجود عند مكتبها ودخل معها سلمان جلست تفتح الموقع وتنتظره يفتح ناظر سلمان بالمكتب وابتسم : على نفس ماهو
نجود حطت يدها تحت فكها تناظر بالمكتب : مابي شي يتغير
ناظرت بالموقع فتح وبدت تسجل سلمان بعد مده
وقف سلمان : اجل بمشي
نجود وقفت : فاضي اليوم؟
سلمان : اكيد ماعندي شي
نجود : ابي نروح ندور على ابوي
سلمان : ابشري معك
نجود : تسلم ياسلمان
سلمان ابتسم : بس هاه اطرديني
نجود : مستحيل
ضحك سلمان يطلع برا
جلست نجود تناظر بموقع المركز الي حظرو ناظرت باسم مجاهد موجود بالموقع : اخص يالواسطه علطول خلوك تبدا
قبل ساعه
صحى مجاهد ناظر بسقف بملل اعتدل يجلس ياخذ تيشيرته من الارض لبسه ووقف يدخل الحمام بعد مده طلع ينشف نفسه ناظر ببدلته الي معلقه كشر
بعد مده تعطر ناظر نفسه بالبدله مشى يطلع برا الغرفه نزل تحت ناظر بامه وابوه : صباح الخير
انهار: ياصباح النور ياوليدي الله يالبدله
ابتسم بهدوء لها
دانه : حبيي اخوي الف مبروك
عماد : مبررروككك امس ابوي قالي وجيتك لقيتك نايم
مجاهد : يبارك فيكم اخذ الخبز ياكل
مساعد : صدقني يامجاهد بتدعي لي بعدين
مجاهد ناظر فيه : دايم ادعي لك
ابتسم مساعد له
عماد : وانا؟ دانه : انا اكيد
مجاهد ناظر بدانه : دلوعتنا اكيد ندعي لك تلقين الي ودك بدون احد يتدخل
سكتت دانه تناظر بابوها
مساعد : بسكت لك يامجاهد لانك توك ماتعرف شي بس قريب ان شاءلله تجيني
انهار بتغيير لسالفه: عماد الحين بنحول عليك
عماد عقد حواجبه : انا؟ الحمدلله متوظف
مساعد : باقي نزوجك
كشر عماد : ابوي رجاءً
مجاهد ناظر فيه :يكون بعونك
عماد : ادع لي
ضحك مجاهد يناظره
انهار: حرام ياعماد ابي افرح فيك
عماد : بتفرحين ان شاءلله بس بعدين
مساعد وقف : يصير خير بطلع انا
انهار : ماتشوف شر
فتح الباب مساعد
-
(كيف البدايه معاكم ؟ قولو لي بالكومنت🤎)
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
