" بعض الخسّاير الله يامكبر ارباحها "

65

اخذ نفس منيف ونطق : قبل شوي اتصل على نجود بخير هي؟
مجاهد : بخير الحمدلله
منيف : بقولك شي ودي انك تفهم نجود عليه
اعتدل : سلامات صاير شي ؟
حكى منيف لمجاهد وقاله بموضوع زواج امه
-
الصباح
نايم وعقد حواجبه من سمع صوتها بالحمام تستفرغ - يكرم القارى- انخرش وفز يعتدل يجلس يناظر بالغرفه تكلم : نجمه ابعد الغطاء عنه ووقف وعلى وقفته طلعت من الحمام مكشره
ناظرها : شفيك بسم الله؟
رفعت حاجبها تناظره : شدخلك ؟ شتبي
غمض عينه يستوعب يناظرها
نجمه : كريه ماتنبلع
قربت تمشي بتطلع وطقت كتفه بكتفها بقوه وطلعت برا الغرفه تدخل للمطبخ وقربت تسوي لها فطور
لفت من خلصت ناظرته واقف عند الباب يناظرها مصدوم
تكلم يناظرها : نجمه ؟ وبعدين!
سكتت وجلست تاكل متجاهلته
قرب له ومسك كتفها ابعدت كتفها عن يده : ياخي وشتبي ! حمدلله والشكر حتى الواحد مايعرف يفطر براحته ابعدت عنه ودخلت غرفتها تاخذ الاغراض الي تحتاجها لبست عباتها من ارسلت امها ان السواق تحت
اخذت الشنطه الصغيره وطلعت برا الغرفه تحت نظراته بصاله وطلعت برا الشقه تنزل لسواق متوجهه لبيت امها
-
بصاله
حنان: كيف ماتبيه؟
نجمه : امي غثني ياخي يلاحقني بكل مكان وزود ياخي مدري شلون اشرح لك بس كرهته
حنان : مدلعه ترا مب لعبه هي
وقفت تعدل عباتها
حنان باستغراب : وين بتروحين ؟
نجمه : كلمت متجر يجهز لي هديه لنجم اعجبتني وشريتها له
وقفت حنان بصدمه : نجمه بعقلك انتي ؟
نجمه : شفيك مافيني شي بسم الله انسانه شرت لزوجها هديه طلعت برا البيت وركبت مع السواق
اخذت جوالها حنان ناظرت برسايل نجم لها انه بيجي لهم
اتصلت عليه حنان
نجم : هلا خاله كيف حالك
حنان : بخير الحمدلله انت شلونك؟
نجم : الحمدلله ، بغيت اسالك اذا نجمه قالت لك وش الي غيرها فجاءه!
حنان : صدقني البنت فيها شي تو تسبك وفجاءه قامت تقول انها طالبه لك هديه وبتروح تجيبها
فتح عينه بصدمه
-
بالمحل
وقفت بوسط المحل " عود" قرب لها احد الموظفين معه اغلب الاعواد وكل عود له ريحه خاصه فيه وريحه فخمه تخصه ناظرت فيه من يشرح لها كل عود
مسكت عود : تقدرون تنقشون الاسم؟
هز راسه الموظف : اكيد
لفت تناظر باغلب الحريم الموجودات
وزحمه المحل
ناظرت بالعود الي ماسكته وقرب لها بفحم وحطته عليه وقربت تشمه حست بمغص بطنها نزلت البخور بسرعه تبعده وناظرت فيه تبي تقوله انها بتستفرغ بس ماهي قادره تنطق
ابعدت تطلع بسرعه وسط زحمة المحل
وقفت قريب للبوابه انحنت تحاول تستفرغ غمضت عينها بتعب : وشصار ياربي
لفت بتمشي وانتبهت للمره الي واقفه تناظرها وقربت لها
المره : من شميتي ريحته حسيتي بتستفرغين ؟
نجمه : اي بس عادي مافيني شي
المره : اي ان شاءلله متزوجه ياخيه؟
عقدت حواجبه : اي بس شدخل ؟
المره حطت يدها على كتف نجمه : شكلك حامل ماشاءلله
ابعدت نجمه يد المره باستغراب وهمست : بمستحيل ابعدت عنها ولفت تركب مع السواق تاركه الطلب حقها
ناظرت بسواق قدام : البيت
لفت تناظر مع الشباك تحس بمستحيل واستحاله تتخييل انها تكون ام هي ضايعه وبتضيع صغيرها معها ناظرت بطنها وحطت كفها على بطنها بخوف : تكفا عاد
تكلمت بدون تناظر لسواق : ابي المستشفى
-
واقفه وماسكه رقمها بيدها بين الحريم الي حامل والي معها صغيرها غمضت عينها بخوف لفت من نادو وحده حامل ويالله قامت من كرشتها بلعت ريقها نجمه لفت وبداخلها تهمس : وشجابني لحالي وقفت من نطقو باسمها لفت لهم
بعد مده ابتسمت الدكتوره : يعني ماجتك اي اعراض؟
نجمه : يعني الحمل له اعراض ماجاني شي الحمدلله خلاص يعني؟
الدكتوره : تعرفين ايش الاعراض؟
نجمه : لا
ضحكت الدكتور من غباءها : طيب كيف تقولين ماجتك اي اعراض؟
نجمه بتوتر وخوف انها تكون الاعراض جايتها : يعني قصدي ،،
قاطعتها : كرهتي اكل معين ؟
نجمه: لا الحمدلله كل شي احبه
الدكتوره : زوجك؟
نجمه رفعت حاجبها : كرهته بس يمكن عشان اني تدلعت بزياده يعني مستحيل اكرهه يعني لو كر
قاطعتها : في استفراغ؟
سكتت نجمه تناظرها
وقفت الدكتوره : بحولك لدكتورة السونار وهي بتتاكد لك
وقفت نجمه
وبعد تقريباً ٥ دقايق دخلت عند دكتورة السونار
وبعد الاوراق وو جلست على السرير وقربت لها الدكتوره تجلس جنبها فتحت عباتها نجمه وابعدت تشيرتها عن بطنها حطت الكريم الدكتوره وبدت تدور بالجهاز ناظرت نجمه بالشاشه بلعت ريقها تناظر بالدكتوره
ابتسمت تناظر بنجمه : مبروك في جنين
حددت الدكتوره على الشاشه ولفتها وقربتها لنجمه: هنا
تجمعت الدموع بعين نجمه تناظر ماتعرف وش هالشعور الي داهمها لكنه شعورر جميل وحلو انه فيه روح داخلك طفلك ناظرت بدكتوره : ابي صور
-
بالبيت
بالمجلس
جالس نجم ويتكلم مع حنان باستغراب
وحنان ماجاء بالها ابداً ان ممكن تكون حامل نجمه
نجم : بس تجي اشوفها الحين وبتكلم معها
حنان : شرايك تروح لغرفتها فوق ؟ احس لو تشوفك هنا مابتكلمك
-
بعد ساعه تقريباً
وقفت نجمه عند البيت ونزلت ودخلت
ناظرت بامها بصاله : سلام
وقفت حنان بخوف ؛ فيك شي ورا وجهك كذا؟
نجمه : راسي يعورنيي بروح ابدل فوق وبجيك
رقت لغرفتها وفتحت الباب وسكرته لفت ووقفت تناظره جالس على سريرها يناظرها
وقف ؛ وجهك شفيه؟ صاير لك شي تتالمين؟
نجمه مالت براسها تناظره :نجمم
نجم : لبيه
نجمه : بقولك شي
نجم : قولي يابنت شفيك
نزلت عباتها ولفت تحت نظراته مصدوم من برودها وهو شوي ويذبح نفسه
قربت له ماسكه الظرف : شوف
نجم : وش ذا الظرف؟
نجمه : شوف
اخذه وفتحه بقوه يناظره : شفيه وش ذا ؟
نجمه ؛ وش ذا ماتعرف ؟
نجم : الا هذا يعني بطنك بس وش مافهمت!!!
نجمه : اي بطني طيب مصورته ليه
نجم : شعرفني انا اسالك شفيه بطنك
رفعت حاجبها بقوه : نجم
ضحك بقوه ورفع الورقه لها : يعني طنقرتك كل هالايام عشانه جلس يضحك بقوه ضحك فرح وضحك من تخيل كيف كانتت نجمه تتغير فجاءه تبيه وفجاءه تكرهه
ابتسمت تناظره يناظر بالسونار ويضحك
نجمه : بتصير ابو
وقف وناظرها : الله يتمم يارب ويحفظه متى دريتي ؟
حكت له كل الي صار اليوم
وضحك عليها
قربت وحضنته بقوه وبادلها الحضن
-
نزل نجم وخرج من البيت ركب سيارته ونزلت نجمه لابسه عباتها وناظرت بامها جالسه قربت لها ومن خلف الكنب انحنت تبوس خدها : يجدهههه
لفت لها حنان لانت ملامحها من ستوعبت : جده وقفت نجمههه
ضحكت نجمه ولفت تقرب لها وتحضنها بفرح
دخل صالح يدورها بفرحه : نجمه يابنتي
ابتسمت نجمه وقربت له تحضنه : يالجد
صالح : والله غالي عندي من غلاك هالحفيد الله يحفظكم يارب ابتعدت مبتسمه
نطقت حنان : بنتنا وحيدتنا بتصير ام ياربي وربي ماشوفك غير بنتي الصغيره
صالح حط يده على كتفها : وين بتروحين؟
نجمه : برجع لبيتي
صالح : مافيه رجعه انا بتكلم مع نجم تجون عندي بالبيت هنا لين تولدين بسلامه وبعدها الله يحفظكم
نجمه : ماظني يوافق ولا ودي اكون مع امي
صالح : ماعليه اتفاهم معه
ابتعد وطلع لنجم
-
بعد اسبوع ويومين
بدت غزال بتجهيزات زواجها بنهاية هالاسبوع تتجهز باشياء بسيطه حتى البيت تغير اغلب الاثاث
وام ملاك حاولت بزوجها بملاك لكنه رفض ترجع ملاك
-
اليوم الثاني
ابتسمت ملاك بفرحه وحب لنفسها الي تعبت نفسها كل هالفتره بشركه ودخلت بدورة تطلع لها ارباح لو نجحت فيها وبمحاولتها واجتهادها كسبت هالدوره وكسبت مبلغ وقدره
طلعت من بيت ابو نبيل الدنيا مو سايعتها وبتكمل على بيت شخص ثاني يطالب ابوها بفلوسه
وقفت بخوف من انتبهت لخروج ابوها من البيت والرجال يهاوشه ويهدده يرفع قضيه عليه
ابتسمت بانها تقدر الان تتكلم وتواجه كل شي براحه تقدمت تمشي وانصدم ابوها يناظرها وقفت قدام الرجال : كم قلت لنا المبلغ؟ 50.000 الف؟ طلعت شيك من شنطتها وعشان ابوها وتحترمه مدته له يمده لرجال : هذا ابوي الفلوس 
كان مصدوم يناظرها
-
بصاله بيتهم تتكلم بكل حب لابوها : وتعبت عشان اكسب هالمبلغ من دريت ركضت ركض اسجل واحاول اكسب وفعلاً ابوي كله عشانك
نزل راسه مايناظرها : اسف يابوك صدقتهم اسف
اثنت على ركبتها وقربت له تحضنه وهو جالس : ماعليك ابوي وربي ماعلي ابوي اعرفك انا زين اعرف ان مو بيدك كل شي يضغط عليك
حضنها ابوها ساكت يحس ماله وجه يتكلم
كانت واقفه تناظرهم من باب الغرفه
-
بريطانيا
وقفت تناظر بمجاهد بصاله يذاكر وهي حاسه هالفتره انه مو طبيعي واذا جابت طاري امها يتوتر كانت خايفه صاير لامها شي بس كلمتها وتطمنت انها بخير دخلت غرفة الرسم واخذت لوحه فاضيه نزلتها على كيس فارشته وحطت الوحه وحطت حولها الالوان والفرش
وقفت تمسك شعرها ولفت للباب وقفت ابتسمت تناظره : شعرفك اني جيت هنا؟
مجاهد : شطااري الرسم؟
قربت له ووقفت قدامه : مدري اشوفك هالايام تقل ضايق قلت مافيه غير الرسم يخليك تطلع الي بداخلك
ابتسم يناظرها جزم انه يقولها اليوم ولازم لان زواج امها قرب ووده اذا كان خاطرها تحظره يجهزون للسفره من بدري
قرب لها وانثت على رجلها وبدت تفتح الالوان وتاخذ بالفرشه : ييوهه نسيت اخذت لون بدون ماعرف وش نرسم
كان واقف عندها ما جلس : وش اخذتي لون؟
نجود : ابيض
ابتسم : ارسمي فستان عروس ابيض
ناظرت فيه باستغراب : ليش
جلس بجنبها : مثلاً اعتبري شخص تحبينه بيتزوج
نجود : مافيه الا نجمه وفستانها خلصته وخلاص
مجاهد : طيب ماعليه خلينا نرسم فساتين ومنا تتدربين لاتنسين بدايه الدوام بعد الاجازه عندك اختبار
نجود نزلت فرشتها : على طاري الاجازه تبي نرجع نسلم عليهم طولنا
مجاهد : تبشرين بالي ودك بس قبلها ابي اقولك الي ضايق فيني هالايام
ابتسمت : اووه نجحت خطتي يعني
ضحك ووقف وقفت تمسك يده من مدها وطلعو من الغرفه ودخلو بصاله
جلس وجلست بجنبه
نجود توترت تناظره : مدري ليه احس خفت
مجاهد : شوفي اول شي بقولك من البدايه
اخذ نفس يناظرها : نجود اعرف انك حاولتي وحاولتي ترجعين امك وابوك وكل ما رجعو لبعض مايتفاهمون وتصير بينهم مشكله
نجود : شصاير لاتخوفني ياخيي
مجاهد : دايم الزوجين لصار بينهم مشكله وفرقتهم ايام وشهور او سنه مستحيل يرجعون لنفس قبل ابداً حتى لو توافقو على نفس الشي مستحيل ف امك كانت ترجع لابوك عشانك ورجعت لابوك عشان منيف بالاول اذا تذكرين اول مره هي جربت عشانكم لكن من سافرنا ماعرف وش صار بينهم لكنهم تطلقو
لانت ملامحها تناظره تجمعت الدموع بعينها تناظره : مجاهد تكفا
حضنها بقوه لحضنه : وربي نجود امك من حقها ولازم توقفين معها
نجود : ليش طيب ليش يبعدون كذا
مجاهد : امك صغيره من حقها تشوف حياتها لكن تراها تحملت وحاولت عشانكم حتى صبرت كل هالسنتين ورجع ابوك بسبب تافه وزياده متزوج وحده يعني ماتخيلتي شعور امك ؟ بس سكتت عشانكم وتحملت وحاولت وبنهايه ماقدرت ابعدها ومسك وجهها : بالعكس نجود امك اوقفي معها وكوني معها حتى لو القرار مو عاجبك ايديها بنهايه امك صبرت وتحملت لاجلكم هي حاولت رغم انها عارفه مستحيل مع ابوك بعد هالسنتين بس جربت لانها شافت محاولاتكم ومامنعتكم
عكس ابوك ايش سوا! لاجل نفسه كان يزوجك عشان مصلحته بالفلوس والشراكه بينه وبين ابراهيم اخذ نفس وابعد يده يناظرها امك رغم ذالك كانت تخليه موجود حولينها عشان ماتشكين وتتضايقين زود بعد ماتعرفين بابوك
سكتت ونطق بعدها :  نجود امك انسانه تحملت لاجلك ولازم تجازينها الحين وتراها شايله همك
سكتت نجود ونزلت راسها تمسح دموعها كلامه صح
ناظر فيها : بعد فيه موضوع
ناظرته : تكفا عادد
مجاهد : من قبل لايتطلقون ابوك رجع لزوجته الي قبل ام سنتين ذيك وامك ملكت على ابو نجم
شهقت بصدمه : شلون ملكو هيه
وقفت تمسك راسها صارخت: امي يامممي يااااااممممي
مسكها بقوه يهديها
-