" بعض الخسّاير الله يامكبر ارباحها "

بارت49

الليل
اخذت جوالها نجمه استغربت رسالة من نجم
توترت تفتحها!
اخذت نفس تدخل على رقم نجود وترسل لها
ماردت نجود
دخلت على محادثة نجم بالتلقيرام
مرسل لها صورت القطوه وكاتب فاقدتك
مسكت راسها غمضت عينها بتعب : استغفرالله يارب ناظرت برقمه وبلكته ماتدري وش الي خلاه ينشب لها معقوله عشانهم يعرفون بعض ؟ مستحيل
نزلت تحت ناظرت بنهال وثامر موجودين : اهلين
نهال : اهلاً فاقدتك اليوم
وقفت تناظر بنهال بتوتر ابعدت شعرها خلف اذنها
جلست : حتى انا ماشوفكم زين
ثامر : ماجهزتي ؟
نجمه : لايش؟
دخلت حنان وبيدها حلا : سويته سريع عاد يارب لذيذ
نهال : الي منك ياخاله لذيذ
ابتسمت حنان : حبيبتي
تقدمت تاخذ صحن نجمه اعتدلت توقف من نطق ثامر
:عازمنا نجم عند ديرتهم مسوين عشاء كبير
نجمه : مناسبه!
ثامر: والله ياماشاءلله عليه رجال وربي رجال
لفت تناظر بامها الي مبتسمه
جلست وتركت الحلا مالها نفس
ثامر : بنروح يوم بس ونرجع
حنان : ماعندي مشكله
نهال : مدري خايفه انا ديره عاد
ثامر: ماعليك نروح يوم العشاء ونرجع بالليل
ناظر بنجمه: وش عندك شي ولا ؟
نجمه : عندي محاضرات واختبار ماقدر اجي
حنان : ماعليه تروحين لنجود
هزت راسها بالايجاب
-
جلست نجود بسرير وتراسل مجاهد
فتح الباب منيف : يافتاه
ناظرت فيه : عيونها
قرب وجلس على حافه التسريحه : طفشان اليوم ودي نروح نتمشى
نجود : افا تطفش وانا فيه
منيف : كفو
وقفت تقدمت تاخذ عباتها : نروح نتمشى برا ؟
منيف : ودي بطريق وسياره شرايك؟
نجود : تمم اجل
منيف : بنمسك خط عنيزه ونرجع
نجود : يالله تجهز
-
الساعه ١٠:٣٠
منيف : وقفي عند هالمطعم
وقفت نجود ونزلو يتعشون
بعد مده طلعو وركبو راجعين
منيف : بالله شنسوي فيه؟
نجود : مدري يعني اذا سلمان يبغاها ومتاكد ابد يزهلني اقول لامه وامي
منيف : انا قلت بنقول لنجود بس تحسين متردد
نجود : ماعليك قوله امره عندي
منيف : شتسوين ؟
نجود : بخليها تخطبه وقفت السياره على جنب
منيف : شبلاك؟
نجود : الحين دامه يبيها ورا مايروح يخطبها؟ هذا بيته قدامهم خله يطق اللباب ويخطبها زي الناس
منيف : خايف هو
نجود لفت تكمل تسوق: الله ياكلونه يعني
منيف : شرايك تقولين لمجاهد
ميلت راسها تناظره : اها قول كذا ودك انا ومجاهد
منيف : بالله على طاريه وين رحتو هذاك اليوم؟
نجود : شدخلك؟
منيف : والله دعينا عليكم
نجود: سلمان هين لكن انت مايقوى قلبك تدعي علي
منيف : ياربي طلعت مكشوف
-
الصباح
اخذت شنطتها نزلت تناظر بامها واابوها مجهزين الاغراض قربت لهم وسلمت على روسهم : ماتشوفون شر
صالح : انتبهي عاد ماوصي عليك عند نجود وامها ماعليك خوف
نجمه : الحمدلله
حنان : يالله ترا نجود من زمان موجوده تاخرتي عليها
نجمه : تمام مع السلامه طلعت برا ناظرت بيت مجاهد مفتوح وسيارتها مفتوحه قربت تركب سيارة نجود
اخذت مده ووقت طويل تنتظرها
ضربت بوري مرتين ولا طلعت اخذت جوالها تتصل عليها
ردت نجود وصوت الضحك حوالينها : نجمه نسيتك جايتك الحين
سكرت نجمه وطلعت نجود وخلفها دانه
ركبو
نزلت نظراتها : سيارتك كانت مفتوحه !
نجود : ماعليش والله نسيت
دانه : يوم شافت حبيب القلب نست السياره
نجمه: يووه عاد
ناظرت فيها نجود : شفيك ؟
نجمه : مافيني شي بس استعجلي تاخرت
ناظرت نجود بساعه وكان باقي وقت
بعد مده وقفت عند الجامعه ونزلو
نزلت نجمه ودخلت المبنى حقها جلست بكافتيريا ثانيه غير الي دايم يجلسون فيها والقلق واضح بوجهها
ناظرت بان محاضره نجم تكون ١٢ : اتوقع انك تجهز مو بيم محاضرات انصدمت من ارسل بالقروب ان فيه كويز مفاجاء : اووف
فتحت الكتاب وبدت تذاكر
-
ابتعدت نجود من ناظرت بنجمه ورجعت للمبنى حقها
جلست بالكافتريا حقتها ناظرت برسايل جوالها وانتبهت لرساله نجمه بالليل وبعدها تهاوشها انها متصله ولا ترد عليها : يووه مانتبهت ارسلت لها : نجمه والله مادريت
رفعت جوالها تناظر برساله ونزلتها تذاكر
وقفت نجود تاخذ اغراضها وتطلع برا لمبنى نجمه دخلت الكافتيريا وقربت لها : نجمه والله مادريت
نجمه : مو مشكله اذاكر انا
نجود : تكفين اسفه والله
نجمه بعصبيه : مو مهم خلاص مو مهمم!
نجود : شفيك نجمه مو طبيعيه اليوم
نجمه : الكلب هذا ماعرف وش ناوي عليه يانجود دمعت عينها بخوف : والله ماني عارفه وش يبي تخيلي مرسل لي بالليل القطوه الي مسميها علي انها فاقدتني لانت ملامح نجود تسمعها كملت نجمه : تخيلي مسوي عزيمه وعازم اهلي تخيلي ! بكت وقفت ترمي كتابه على جنب : والحين حط لنا اختبار مفاجا مدري وش يبي نجود
وقفت نجود وحضنتها على كتفها
-
دخل غرفه الرسم وبدا يرسم كعادته
ابتسم من جاته اليوم
نرجع لورا شوي
نزلت نجود من السياره ناظرت فيه بالبكلونه : ماتنام؟
مجاهد : لا قاعد هنا انتظرك
نجود : طيب افتح الباب
لف مجاهد يدخل ونزل يفتح الباب
دخلت : اي قلت لي ودك نعجل بزواجنا موافقه
ابتسم : ادري
نجود مالت : بالله وش هالثقه
مجاهد : عادي لو رفضتي
نجود : اي؟
مجاهد : اخذك بدون عرس ونسافر هناك
نجود : ماشاءلله لفو من طلعت انهار : حي الله نجود
قربت نجود وسلمت عليها : تفضلي حياك
نجود : لا والله بروح للجامعه
طلعت دانه من البكلونه : هي خوذيني معك
ناظرتها نجود : تمام مسكت يدها انهار ودخلو لصاله
كان بيدخل مجاهد لكن لمح زوجة عماد جايتهم ورجع للمجلس يجلس بممل
نرجع للواقع
رسم رمل وبحرر من يشوف هالرسمه يتعجب
-
من مده وهو يضغط نفسه بالشغل من يوم راحت غزال وهو مايعرف كيف يتصرف صح انه نقص من بنته يوم يزوجها عشان الفلوس والشراكه الي بينه وبين رجال لكن كان حريص انها تكون ملكه بس ! صاير كم يوم ماينام زين خايف من ردة فعلها بانها تكررهه خايف وحيل
فتح الباب عسكري : في بلاغ وراحو له العكسر لكن طلبوك
وقف سلمان وطلع معه
-
دخلت المستشفى تقدمت لمكتب حسن : سلام عليكم
وقف حسن : وعليكم السلام حياك
رانيا : طلبتني ؟
حسن : اي ابيك بموضوع
رانيا : سم؟
حسن : رانيا مابيك تفهميني غلط والله
ميلت راسها تناظره يكمل : انا ابي اجي اخطبك انا والوالده
وقفت : لو انك رجال ماقلت لي كذا كان جيت وطقيت البيت
وقف : افهميني وربي ابي بالاول اقولك سفهته وطلعت : يبي يتزوج توني طالعه من زواج كره لي حياتي واخو جاب لي المرض بتجي انت تكمل الناقص !
-