لفت غزال تناظر ب منيف الي جالس بصاله
وقفت نجود قبل ترقى تناظره
منيف : سلامات فيكم شي ؟ اتصل عليكم ماتردوون شصاير
ناظر بنجود قرب لها : فيك شي بسم الله عليك؟
نجود : مافيني شي بخير
غزال ناظرت بمنيف : ابوك لقيناه ناظرت نجود بامها بقهر انها قالت له لف منيف بصدمه يناظرها : شلون وينه فيه بخير؟
غزال : بخير ومتعافي بعد لاتشيل هم
منيف اعتدل يوقف : انتم شصاير وشفيكم كذا قولو لي
غزال حكت له من البدايه الين دخلو
جلس منيف بصدمه يناظر بتشتت : كيف متزوج ؟ يعني راح وخلانا ماااصدق
غزال : صدق يامنيف صدق
-
وقفت نجمه اخذت عباتها طلعت برا البيت مع سلمان متوجهين لبيت سلمان
نجمه : غريب فجاءه تقولي ابوي لقيناه بس واضح مو مبسوطه
سلمان : نشوف الحين
-
دخلت نجمه البيت ناظرت بنجود الي جالسه بغرفتها قربت لها تجلس قدامها : شصار
ناظرت فيها نجود : متخيله ماعطاني اي ردة فعل !
نجمه مسكت كتفها : قولي لي
حكت لها نجود
ناظرت نجمه فيها : طيب كان يبتسم؟
نجود : لا كان ساكت
نجمه : طيب يمكن مغصوب
ضحكت نجود بقوه تنتاظرها : مغصوب يجيب ولد؟
نجمه : اي يمكن ماتدرين
نجود : بالله اسكتي
نجمه ميلت فمها تناظرها: طيب وش نسوي الحين
نجود رفعت اكتافها
نجمه : بتكملين بالمركز
نجود نزلت راسها : ودي انفصل وادرس جامعه
نجمه : سوي الي بخاطرك
هزت راسها نجود
ناظرت نجود ف نجمه بتذكر : تذكرين او اتوقع ماقلت لك
نجمه : ايش
نجود : ابو هذاك الي قدمت له هزت راسها نجمه بتذكر
كملت نجود : طلع يعرف ابوي ولان تجيني تهديدات طلب مني قدام ولده اننا ننتزوج عشان اكون تحت حماية مساعد
نجمه فتحت فمها تناظرها : سلامات وش هالكلام
نجود : ولده قام بدون يقول كلمه انصدم مالومه
نجمه : وش قلتي
نجود : وش قلت اكيد رفضت لو اموت مااتزوج مثل كذا
اخذت نفس : نجمه تو انتبه لتهديدات ! اذا كان ابوي بخير وبعيد عننا اجل ليش تجيني تهديدات؟
نجمه : قلت لك يمكن مغصوب
تأفتت نجود : مغصوب ايش فيك شي انتي
نجمه : والله حاسه مغصوب
اخذت غزال المفتاح وقفلته من داخل لفت تناظر مكتب سلمان اخذت نفس قربت للسحبات والاوراق الموجوده فيه
ناظرت بالملفات المرتبه بالارفف قربت تاخذ الملف وتناظر قربت لملف موجود فيه" صك البيت"
اخذت نفس تناظره اخذت الملف مشت برا المكتب تطلع رقت لغرفتها نزلت الملف بجانب تسريحتها جلست قدامها تناظر
-
نامت نجمه مع نجود ناظرت نجود بسقف بضيق ماهي بمصدقه ابد مستحيل اكيد فيه شي اكيددد
لفت براسها تناظر بالجدار قدامها : يارب ساعدني
-
جلس مساعد قدامه مجاهد بعد محاولات انه يسمعه
مساعد : لقو ابوهم
مجاهد : طيب ؟
مساعد : يوم قلت لك لاني عرفت عنه ولا ودي البنت تنهار
مجاهد : عشان ماتنهار ؟ بدون ماتشاور ولدك جيت وقلت قدامي بتاخذين ولدي ولدك؟ ولدك حتى ماعنده خبر ترا وصلت لهنا اشر لخشمه سالفه انك تجي وتعطيني الخبر بدون ماتشاورني ليش من انا؟
مساعد : معك حق يمكن اني تسرعت وجيت قلت لك
مجاهد : لا ماتسرعت هذا انت من قبل
مساعد : مجاهدانا ابي اكون حولهم الين ننهي هالسالفه تطلقو
مجاهد : انت صامل اخذها ؟ مستحيل قلت لك
مساعد : تكفا يامجاهد
لف مجاهد يناظره : يبه
مساعد وقف مسك دقن مجاهد يبوسه : طلبتك يابوك لاتردني والله ان عرفت بعدين انك لتوقف معي
لف مجاهد يرقى بدون يعطي اي كلام من قهره
-
الصباح
اخذت غزال الصك والاوراق قربت لمفتاح سيارتها اخذته تطلع برا البيت ركبت سيارتها مشت للمركز
بعد مده
وقفت عند المركز ناظرت بمساعد الي نزل قربت توقف قدامه : مساعد ال نجم؟
مساعد : وصلتي
غزال : انا زوجه سلمان ال هايل همست : وقريباً طليقته
مساعد : تفضلي كيف اساعدك
غزال : ماينفع واحنا واقفين طال عمرك
مساعد : ليكون متوقعه ادخلك المركز واقهويك بمكتبي
لفت غزال عنه تناظر بللت شفايفها من تحت نقابها ناظرته : معي صك البيت باسمي ابي ترفع شكوى ان بيتي مايجيه سلمان
مساعد : طيب
غزال : ابي اليوم تخلص
مساعد : زين بشوف
مدت غزال له مشت عنه تركب سيارتها
-
نزلت نجمه بجلالها جوعانه ناظرت بمنيف : فيه فطور؟
منيف : مدري امي ماهي موجوده
دخلت المطبخ وبدت تجهز الفطور لهم
دخلت غزال ناظرت بمنيف: صحيتو الحين بجهز الفطور
منيف : وين كنتي من هالصبح
غزال : قريب نزلت عباتها على الكنب مشت تدخل المطبخ ناظرت بنجمه الي حظرت كل شي : ياعمري يانجمه تسلمين
نجمه طلعت الخبز من الفرن: وين كنتي ؟
غزال : اسوي الي المفروض اسويه من زمانن
نجمه : نجود بتطلع من المركز
غزال : اي خليها تطلع اسجلها بافضل الجامعات
اخذت نفس نجمه
-
لفت براسها تناظر السقف مسكت راسها بألم غمضت عينها : مو وقتك وقفت تدخل دوره المياه تتروش
بعد مده اخذت عباتها وشنطتها نزلت تحت ناظرت فيهم يفطرون قربت تجلس معهم
غزال : اكلو ولا تتضايقون على شخص مايستاهل
نجود سكتتت تناظر بمنيف
منيف : ماعليه عندي احساس ان فيه شي ولا مستحيل ابوي يسوي كذا
غزال : لا هذولا هم الرجال كلاب
سكتت منيف يناظر نجمه
نجمه : مو كلهم
غزال : الا كلهم الواحد مايهمه غير نفسه وش وده الباقي صفقت بيدها : ماعليه
-
لبس مجاهد بدلته نزل تحت يناظر بامه الي تفطر : ابوي وينه
انهار : طلع من بدري تعال افطر معي
مجاهد : مو مشتهي بطلع امر ابوي وبروح للمركز
انهار : تمام
مشى مجاهد بسيارته ووقف عند مركز ابوه
دخل المركز قرب لمكتب ابوه دخل ناظر بابوه الي يكلم
اخذ نفس يجلس
مساعد: طيب يعطيك العافيه ماتقصر اي بعطيك الموقع وصله لهم تسلم
نزل مساعد الجوال ناظر بمجاهد : عسى خير جيتك
مجاهد : ماودي اردك
مساعد : داري انك كفو
مجاهد ؛ لكن تقولي كل شي عنهم وايش سالفه ابوهم وكل شي
مساعد سكت يناظره
-
دخلت نجود المركز قربت لمكتبها تفتحه لكنه مقفل عقدت حواجبها تناظر بصدمه : ماقفلته اذكر
قرب سلطان من خلفها : اي ماقفلتي انا قفلته ابتسم يناظرها
لفت نجود تناظره : ليه بأي حق تقفله؟
سلطان : اتوقع انك بمركزي ولا؟
نجود : من متى صار مركزك ؟ المركز لابوي
ضحك سلطان يناظرها : نجود رغم اني وضفتك عندي الا انك للان ما فهمتي
ناظرته نجود كمل سلطان : شفتي ابوك ؟ عسى بللتي شوقك
سكتت نجود تناظره تجمعت دموعها بعينها
سلطان : او شكل اللقاء مابرد شوقك على العموم سلمي لي عليه المره الثانيه اذا شفتيه
مشى عنها يدخل مكتبه لفت نجود تناظر بالمكتب الي مقفل ضربته بقوه برجلها : ابي اخذ اغراض ياكلب ياكلب
ااعتدل مجاهد يناظرها من ضربت الباب عرف انه قايل لها كلام سلطان قرب لها يناظرها : نجود
لفت نجود تناظره : تهزى انت بعد عني وعن ابوي قول بعد
مجاهد : حشى
نجود : ليه جيتني طيب!
مجاهد ناظرها وهو فعلاً ليه جاها !
رفع اكتافه يبعد عنها يمشي ناظر بسلمان الي واقف قرب له وقف عنده
سلمان : حي مجاهد
مجاهد ابتسم بهدوء
سلمان : شرايك اعزمك الليله
مجاهد : بمناسبه؟
سلمان : صداقتنا قرب له يحضنه
كشر مجاهد يناظره ولا مره فكر يصادق او يكون له اصحاب دايم مختلي برسماته وبالبيت
سلمان : حياك معك سلمان الداشر
سكتت مجاهد
قربت نجود من خلف سلمان : سلمان
لف سلمان يناظرها : سمي
نجود : ابي اكلمك
لف مجاهد يمشي
سلمان : شفيك ؟
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
