" بعض الخسّاير الله يامكبر ارباحها "

بارت 42

📍(ما اسامح القراءه بدون ⭐️ ومااسامح القراءه بدون كومنت)

ضحكت تناظره
انسدح يناظرها : تعبت اطبخ بجيب طباخه تطبخ لنا
صغرت عيونها ابعدت نظرها
-
وقفت نجود : اي خطاب يبه؟
سلمان : هذا كان صاحبي قديم وجاي يخطبك
نجود : لحظه هو ولا ولده؟
سلمان : هو بس يابنتي ماهو واضح،،
نجود : شلون تزوجني واحد اكبر منك! منجدك انت
طلعت برا الصاله رقت لغرفتها
سكنو بيتهم رغم انه باقي له اشياء بس تهون اهم شي خلصو غرفهم
جلست تناظر بهدوء وتفكر
-
بالمكتب
جلس مجاهد من ناداه ابوه
مساعد : قالي سلمان انك ضاغط نفسك بشغل
هز راسه مجاهد : نحاول نرضيك
مساعد : مرضيني لكن ياليت عشان رضاي وبس
مجاهد : ليه رافض ؟
مساعد : لانك ماتعرف سلمان
مجاهد: مابي اعرفه مايهمني يبه
مساعد : لا بقولك عشان تعرف يامجاهد وتشيل الفكره
عقد حواجبه مجاهد يناظر ابوه
مساعد : سلمان مازوجك نجود حباً فيك زوجك عشان يتقسم الورث
مجاهد : شي عارفينه
مساعد : بس ماتعرف وش غرضه من موافقته لناصر؟
كمل مساعد تحت نظرات الاستغراب بعين مجاهد : دخلو شراكه هو وابراهيم وجاء ابراهيم يخطب لناصر عشان يضمن سلمان ويوم عرف سلمان اكيد لو رفض بينهي شركاتهم ابراهيم قبل لايكسبون! وانا ماودي تاخذ وحده ابوها يزوجها عشان فلوس
لف براسه يستوعب الكلام : ابوي لحظة وقف : لحظة نجود وش ينقصها عشان ابوها يسوي كذا فيها!
رفع اكتافه مساعد يناظره : المهم انك تشيلها عن بالك
مجاهد : كنت مصر والحين اصريت اخذها والله يبه مايجيب لك الحفيد غيرها
طلع برا المكتب رقى لغرفته جلس يستوعب كمية كبر حجم الي يسويه سلمان شي كبير ومستحيل تسامحه نجود لو عرفت اخذ نفس يوقف مصدوم مسح على راسه
-
دخلت غزال : نجود لاتفكرين ابداً ارفضيه وانتي مغمضه
نجود اعتدلت تجلس : شفتي ابوي وش يقول وربي مصدومه
غزال : مابقى الا ذي يزوجك انا ناصر وانجنيت
قربت غزال تحضنها
دخل منيف يناظرهم : بالله منجده ابوي ؟
نجود : برفضه اكيد
منيف : الغريب انه مصر ماقد سوا كذا!
غزال ناظرت بنجود وباست راسها : ابوك من يوم جاء ماخلنا نرتاح بحياتنا
ناظرت نجود بمنيف
طلعت غزال برا البيت تدخل عند حنان
حنان : هذا كبر بالعمر وبدا يخرف!
غزال : صدقيني مصدومه ولا انا عارفه ايش اسوي
حنان : ماعليك تنحل
-

وقفت عند باب غرفتها ابتسمت من تغير عماد وصار كل اهتمامه لها اخذت غطا خفيف قربت تغطيه نايم بكنب الصاله نايم بتعب اخذت صحن الشوربه الي مسويه وشالته بالمطبخ قفلت الانوار دخلت لغرفتها تنام
-
غطت وجهها بالمخده تصارخ
ارسلت : ماقدر اتواصل معه
البنت : ماقدر اداوم بكرا كيف بقوله عذري؟
نجمه : ايميله
البنت : قال لاتتواصلون الين نجمه تقولي
اخذت نفس : ارسلي لي اسمك كامل وعذرك برساله وحده
سكرت جوالها وانسدحت بعد مده ناظرت برساله البنت الطويله كشرت : جعلك تداومين غصب
فتحت المحادثه ناظرت فيه موجود : ارسلت له عذر البنت بدون اي كلام قفلت الجوال
بعد مده
ناظرت من ارسل جوالها رفعته تناظر برسالته : من؟
نجمه : الليدر
نجم : حي الله الليدر
ارسل لها صورة قطوته كتب تحتها: تسال عنك
ركزت نجمه على الكنب الي فيه القطوه وراه حوسة اغراضه ناظرت بالغطاء الي عليه القطوه عليه نجوم
قفلت جوالها بدون ترسل له
تذكرت يوم ودها تقول لثامر لكنها عجزت وسكتت
-
سلمان : صدقق مملله طلع من حسابها وهو كل يوم يدخله وباليوم تغرد مره
-
الصباح
شيهانه : ماني مستعده!
عماد : ليش ؟ انا معك
شيهانه : الحين هذي فكره ؟ انك تاخذني وتصدم اهلك فيني وزياده تقولهم اني حامل مجنون انت
عماد : بيتقبلون الامر !
شيهانه : خلهم يتقبلونه بتفهم ماعليش بس ابداً ماني ناقصه ضغط نفسي
سكت عماد يناظرها : طيب ولا يهمك اروح انا واتفاهم معهم
سكتت عنه ولا ناظرته
طلع برا البيت
وحرك لبيت اهله
-
وقف انهار من دخل : وش هالسفره الي اخذتك عننا شهر ؟
ضحك عماد قرب يسلم عليها : غريبه وينهم العيال؟
انهار : مداومين وابوك بعد
عماد هز راسه وقرب يجلس بجنب امه
انهار : الله يستر اخر شي بنجن منكم شصاير لك؟
عماد : يمه اسمعيني ولاتقولين اي شي الا الين اخلص
انهار اخذت نفس تناظره
عماد : قبل ٨ شهور تقريباً كنت رايح لدوامي وبصدفه نزلت للبقاله وانتبهت لوحده مع ابوها وكيف تضحك معه طلع صاحب البقاله مر يومي عادي لكني عجزت اترك البقاله وكل مره اروح لعلها تكون فيه احيان اصادف واحيان لا
انهار : لاتصدمني
مسك يدها يكمل : لعب بي الشيطان ورحت خطبتها وتزوجتها لكني ماحافظت عليها
حاولت تفلت يدها تناظره
ضغط عليها يكمل : اخذتها من بيت ابوها وضريتها وكانت تسكت قلت لها اهلي ماتشوفينهم وسكتت
كنت قايل لها ان زواج مسيار
انصدمت تناظره : عماد !
كمل عماد : قالت تبي ابوها بعد شهور ورحت له تدرين بهذاك اليوم مدري كيف اقولك كبرت بعيني يعني حسيت انها شخص عظيم! قالت لابوها انها تشوفكم وقالت انها عايشه سعيده معي رغم اني اتركها اسابيع ماجيها
رصت على اسنانه تناظره : عماد لاتخليني ادعي عليك

عماد : صارت مشكله بينا ورغم كذا ماقالت لاهلها لكني انصدمت من زوجة ابوها انها تضرها يمه البنت مالها احد ابد اخذتها انا وضريتها هذاك اليوم تعبت والله يمه اني خفت انه يصير لها شي عرفت انيي ابيها وعرفت اني حبيتها من اول ماشفتها لكني خفت
انا ابيك تتقبلينها وابي تصيرين لها الام الي فقدتها وتعوضينها عن كل شي صدقيني البنت محترمه والله يمه انها غيررر
ميلت راسها تناظره : وينها ابي اروح لها
ابتسم : صدق ؟
انهار : مو عشانك والله اني راضيه اذا ابوك طردك بروح عشان هالمسكينه الي مدري تلقاها منك ولا من زوجة ابوها حسبي عليها
وقفت وقف عماد معها : دامك تقبلني الوضع تراها حامل
شهقت تناظره : وش وش تقول!!
ميل راسه يبتسم ضربته انهار على كتفه : مشكله ادعي عليك وش ذنب الطفل لفت تتجهز
-
ابتسم من ركبت : حي الله امي
انهار : لاتكلمني انت ومر لي باخذ شوكلاته ورد
عماد : افا امرك ولا يهمك
-
لبست فستان اصفر طويل اكمامه وشفافه ناظرت بطنها : باقي ماتنشاف
طلعت من غرفتها ناظرت بالبخور وترتيب الصاله صنينه القهوه والشاهي
مسكت يدها تضغط عليها : الله يستر ياعماد
فتح باب البيت : حي الله امي
دخلت بالورد انهار
توترت شيهانه تناظرها
نزلت الورد انهار قربت لها شيهانه تسلم عليها باست راسها
انهار مسكت كتف شيهانه : والله يامي مدري وش اقولك لكن مدري كيف وافقتي عليه
عماد : حسيت انك بتقلبين علي
سكتت شيهانه تناظرها ابتسمت لها انهار
قربت تجلس انهار اخذت القهوه شيهانه وصبت لها ساكته
انهار ناظرتها كيف انها صغيره وجميله : كيفك يامي
شيهانه بهدوء : الحمدلله بخير انتي كيفك عمه بشريني عنك
انهار : الحمدلله
شرب فنجاله عماد ناظر بامه ناظرت فيه : قوم اطلع
عماد : ليه؟
انهار : بتكلم معها بشي خاص
وقف وطلع برا سكر الباب
ناظرت شيهانه بانهار
انهار : مدري كيف اصارحك لكن احس انك صغيره وصعب عليك الحمل صحيح؟
شيهانه : اي صح معرفتي بالحمل قليله لكن اعيش ان شاءلله
انهار : مستحيل اخليك بتجون عندي تسكنون ان شاءلله
عقدت حواجبها شيهانه : صعبه خاله مابي اضيق عليك
انهار: ماتضيقين انتي من اليوم ورايح حسبت بنتي اميره ابتسمت بهدوء : الله يحفضها لك
انهار : وانتي بعد الله يحفظك لي