" بعض الخسّاير الله يامكبر ارباحها "

بارت 16

ناظرت نجود بالورد حولها : يجنن لونهم
مجاهد : اي هالشارع احبه ببريده
نجود لفت تناظره : اول مره اشوفه
ناظر مجاهد بجواله يتصل وكانت اميره قفل نزله بمكان الاكواب ناظرت نجود بخلفية جواله : تجنن الرسمه
لف يناظرها باستغراب : عجبتك؟
نجود مدت يدها بتاخذ الجوال لكنها ترددت ناظرها مجاهد : عادي مد لها جواله
اخذت الجوال تناظر فيها : والله حلوه الرسمه يعني كانها حقيقه
ابتسم مجاهد : انا رسمتها
لفت له بصدمه : مستحيل!
مجاهد : والله واليوم خلصتها بعد
نجود بابتسامه : ماشاءلله عليك مره حلوه
ابتسم مجاهد : ودك تشوفين رسوماتي ؟
نجود : اكيدد ياليت والله
مجاهد بفرحه : ابشري بوريك اياهم
لف مجاهد لبيتهم
بعد مده وقف مجاهد عند بيتهم
نجود : اهلك مو فيه فشله ادخله
مجاهد : انا موجود انزلي بس
نزلت نجود مشى قدامها مجاهد يفتح الباب
دخلو داخل ورقو لغرفته
ناظرت نجود بغرفته نزلت نقابها بيدها قربت تناظر بتسريحته وعطوراته لفت له تناظره دخل غرفة الرسم قربت تدخل ناظرت بالوحات الي منزلها بالارض
همست نجود : ماشاءلله عليك
ابتسم لها
نجود : ايش ترسم غير الطبيعه
مجاهد : ارسم كل شي بس يعني غير الارواح
نجود : الارواح حرام اصلاً
مجاهد : اي عشان كذا مارسم ماودي بالذنب
نجود بضحكه: بس حلوه القلب كثر منها
ابتسم لها هز راسه
قربت نجود للوحه على الارض تناظر بالبحر وبجانبه نار : اوو حرام عليك خربت الرسمه بنار مسكتها تشيلها لكنها ثقيله فلتت من يدها : اوو
قرب مجاهد بسرعه مسك الوحه لفت نجود تناظره قريب منها بلعت ريقها تبعد : اسفه
مجاهد : عادي رفعها عشان تشوفها
نجود : خربتها بنار
مجاهد : كنت ارسم ومقهور من مووضوع
نجود بهدوء : زواجنا؟
مجاهد : لا موضوع ثاني
نجود : اعرف ترا لاتكذب علي
مجاهد : صدقيني ماكان هالموضوع اسااسا رسمت هالوحه قبل لايجي طاري ل لزواجنا
نجود اخذت نفس تسكت
مجاهد : بما انك شفتيها ودك نطلع نتمشى؟
نجود : اي عادي
مشت قدامه ومشى خلفها يقفل النور
-
بسياره
اخذ كوبين شاهي حرك سيارته متوجه ل مكان بمخطط هادي وقف فيه
ناظرته نجود : معاك فرشه؟
مجاهد : بشوف
نزلو من السياره فتح الباب الخلفي ناظر بوساده صغيره اخذها قرب من جهة باب نجود ناظرها ماسكه كوبها وكوبه : لقيت وساده وحده خوذيها
نجود : وانت؟
مجاهد : عادي بجلس على حذياني
هزت راسها له مدت له كوبه اخذه
اخذت الوساده وجلست جلس بجنبها
بعد صمت قصير
نجود لفت له : تدري احب ارسم بس ماقد رسمت
مجاهد : وكيف عرفتي انك تحبين الرسم وانتي مارسمتي
نجود ابتسمت : يعني قافطني
ضحك منها : لان مستحيل شخص يحب الرسم وهو ماجربه
نجود : لا انا احب يعني تعرفين الفساتين احب ارسمها بس ولا مره جربت اخاف ماتضبط معي
مجاهد : اكيد ماتضبط مافيه شي يجي علطول
نجود : صح تصدق ودي اجرب يعني احس تحمست يوم شفت رسماتك
مجاهد : اقدر اساعدك
نجود : تعرف ترسم فساتين؟
ضحك مجاهد :ماقد رسمتها بس سهله ،اعلمك؟
هزت راسها بالايجاب
وقف : بشوف كان فيه دفتر لي
فتح السياره ناظر بالدرج فتحه ناظر بدفتر له قديم اخذه ابتعد يسكر الباب
لف لها :لقيت
ابتسمت نجود
جلس بجنبها
اخذ القلم من جيبه ناظرها : قربي
قربت له وصار مابينهم شي
مجاهد : بعلمك اساس الرسمه
هزت راسها بهدوء
لف لها الدفتر : برسم الجسم بس مابي الراس
نجود بضحكه: عزتي لها مودل بدون راس
ناظرها ابتسم: ماحب الذنوب الصدق
نجود : ماعليه علمني
بدا يشرح لها مجاهد الين ختم الرسمه : شرايك؟
نجود : طلعت سهله!
مجاهد : الرسم سهل هو يركز عليك بس اذا انتي تعرفين ف الموضوع سهالات
نجود : لازم تعلمني بعد
مجاهد : ابشري
ناظرت نجود بجوالها يتصل "امها"
ناظرت نجود له : امي والواضح لازم نرجع
مجاهد ناظر بساعه ٩:٠٠
وقف : يالله
-
في الليل الساعه ٢:٣٠
رجع الكل لبيتهم وانتهت الملكه
-
انهار : يعني ماشفتها ابد تخيل!
مساعد : تشوفينها ان شاءلله بعدين
انهار : واذا ماعجبتني؟
مساعد : اي اعجاب البنت قدها صارت زوجة ولدك
وقفت انهار تبعد عن التسريحه همست: كريه صاير
مساعد بجانبها : سمعت ترا
انهار : هذا الي ودي
-
رمى منشفته ورمى نفسه على السرير يناظر بسقف
ولاول مره بحياته شخص يحب رسوماته ! ولاول مره احد يعطيه مدح لرسامته كانو يسبونها اهله لكنها مدحتها وقدرت تخليه مبسوط بسبب مدحها عن رسماته
اخذ نفس من تذكر انه لاهي راضيه ولا احد راضي عن زواجهم وانها شخص كم يوم وبيختفي مجرد ماتعرف سبب زواجهم ويتسمى البيت باسم امها بتتركه لف للجنبه الايمن غمض عينه يبعد الافكار عنه
-
جلست على كرسي التسريحه تناظر بكلام امها وبهاوشها
غزال : يعني بدون تقولين لي تروحين معه! تتركيني بين المعازيم نجود يسالوني عنك ماعرف وش اقولهم!
لوهله توقعت انك هربتي وتركتيني
نجود : طلعت مع مجاهد
اعتدلت توقف غزال : نعم!
نجود : والله طلعت معه وتمشينا برا
مستحيل بتقولها انها راحت معاه لبيتهم
غزال : وين بعد؟
نجود : بس اساسا كنا قريب الشاليه مابعدنا
غزال : ليه ماقلتي لي ؟
نجود : وانتي ليه ماقلتي انه بيدخل علي الغرفه بالشاليه؟
غزال : لانه صار زوجك مالنا دخل
نجود ابتسمت : ليه تجاوبين مع من اليوم ؟ قلتيها الحين زوجي ؟
غزال : مابي تطلعين معه الين تتزوجون
وقفت نجود بصدمه تناظرها : نتزوج؟ مو على اساس ملكه وبس!
غزال : اي ملكه مااحد جاب طاري ملكه! قالو زواج
نجود بصراخ : اي زواج انتم الا غصب تربطونا بعض لاتصدميني الحين وتقولين جيبو ولد لانه تحلمون
غزال : ماعرف لو وده،، قاطعتها نجود بصراخ : الله ياخذ البيت دام من بدايته كذا الله ياخذني الي وافقت وتزوجت ليتني سكنت بشارع ولا ظلمت نفسي
غزال : نجود اهدي
نجود : وشلون اهدا هاه؟ وشلون وانتي قلتي ملكه وناخذ البيت وبعدها تتطلقين
غزال : ماقلت
غمضت عيونها نجود : امي اطلعي خليني لوحدي
غزال : نجود اسمعيني
نجود بصراخ ناظرتها : اسمع ايش سمعتك ووافقت وهذا انتي جحدتي انك قلتي ملكه بس
اخذت نفس تبعد نظرها عن امها : اطلعي ارجوك
ابتعدت غزال وطلعت برا الغرفه
اخذت نفس نجود غمضت عينها تجلس على كرسي التسريحه : اخخ
ملت بظهرها ارتكت بكتفها على ركبتها خللت اصابعها بشعرها تفكر
ناظرت برساله جوالها استغربت توقف قربت تناظر برساله
قبولها بالجامعه وبتخصصها الي ودها "تصميم ازياء "
ابتسمت بهدوء جلست على سريرها تناظر لو كانو مثل قبل كان الحين تركض لهم تبشرهم لفت نظرها تناظر بالباب وبشتاتهم مالت بظهرها تنام على السرير غمضت عينها وماحست بنفسها غفت
-
الصباح
دخل سلمان المركز ناظر بسلطان : شقلت لك؟
سلطان: بتندم!
سلمان بابتسامه : والله مااندم خذ اختك بطريقك من المزرعه لانها ب تتوزع
سلطان : وربي اندمك
سلمان : ياخي توكل لف بيمشي لكنه رجع : خذيت اغراضك؟
ناظره سلطان بقهر لف عنه بدون يرد يشيل صندوق اغراضه ولان سلمان اعترف بتهديد سلطان له قبل فصلوه من وظيفته
دخل سلمان صالح ناظر بسلطان : او استاذ سلطان وين رايح؟
سلطان :توكل عني مشى عنه
سلمان باستغراب : شفيه على الصبح نفسيه
مجاهد من خلفه : جاء خبر انهم فصلوه
ناظره سلمان : سبب؟
مجاهد رفع اكتافه : مدري والله
سلمان : غريب
مجاهد : اي الله يعين يمكن مسوي غلط شي
سلمان : لا ماتوقع مستحيل
مجاهد ناظر بساعته : بروح بدا تدريبي
سلمان : بالتوفيق
-
وقفت عند بوابه الجامعه فجاءه يقولون لها ان بياناتها تغيرت استغربت نجود كيف تتغير وهي حتى اهلها مايدرون عن قبولها
مشت تدخل للجامعه وقفت عند مكتب الشؤون لقت بنات كثير ناظرت بالمكتب قربت للغرفه وطقتها دخلت راسها : سلام ناظرت بالي جالسه
تماضر : ماجاء دورك
نجود : اي عارفه بس ماني جايه اسجل
تماضر : مين انتي؟
نجود : نجود بهدوء: سلمان
تماضر : اي انتي تعالي شوفي
قربت نجود تناظر بالابتوب
تماضر : هنا سجلتي بانك مو متزوجه! لكن لما شفنا بياناتك لقينا انك متزوجه!
اعتدلت توقف نجود : تزوجت امس وسجلت قبل
تماضر: مافيه مشكله اقدر اغير البيانات لكن ابي بطاقة العائله
ناظرت نجود فيها بصدمه : من وين اجيبها؟
تماضر ناظرتها : شعرفني عنك!
نجود : لازم؟
تماضر : يعني كيف بثبت لو سمحتي اطلعي جيبي البطاقه وبعدها تعالي عطلتي شغلي
هزت راسها نجود تطلع برا المكتب مشت تطلع برا وقفت تناظر بالحوش بصدمه : حطوني متزوجه حطت يدها على وجهها
ابعدت يدها اخذت جوالها تذكرت ان ماعندها رقمه مشت لسياره تركب متوجهه للمركز