" بعض الخسّاير الله يامكبر ارباحها "

52

نزلت نجود وامها خلفها وقفت تناظر بابوها يتقهوى : يبه؟
ناظرها سلمان :سمي ؟
نجود : ماراح تساعد عمي؟
سلمان : يقولي مافيه شي والعيال معه نجم متكلف بكل شي
هزت راسها من سبقتها امها تطلع وطلعت خلفها لبيت صالح عمها
-
دخلت نجمه وحنان رقت علطول لغرفتها بما انه اذن الظهر ولا فيه وقت دخلت علطول تتروش
ضربو الجرس غزال ونجود ودخلو بعد مافتحت الخادمه
بالمطبخ
بدت تجهز حنان الصينيه والفناجيل والكاسات
وغزال تطلب حلويات حلوه سكرت جوالها ناظرت بحنان: المفروض طالبين من زمان
حنان : الله يهديه مستعجل على اساس خطبه وطلب ملكه بعد!
غزال : الله يوفقهم يارب ماعليه هالاشياء نعوضها بعرسهم
حنان : ان شاءلله
جلست نجود على السرير بعد ماجهزت كل شي : نجمه ماصار ترويش!
فتحت الباب تطلع : ياربي سويت انواع المقشرات وانواع الكريمات ماخليت شي من التووتر
ضحكتت من شافت وجهها واضح الخوف فيه : بالله تخافين من نجم؟
جلست جنبها : مو خوف منه انا متوتره احس شي يخوف
نجود : صدقيني انك خذيتي شخص تبينه افضل شي وبالعكس بعدين تتذكرين وتقولين يالله لهدرجه متوتره
سكتت نجمه تناظر قدامها لفت من تذكرت : الكوشه كلها نجوم نروح نشوفها؟
نجود : جابوها؟
هزت راسها نجمه ووقفو ينزلون ناظرت بامها : يمه وينها الكوشه؟
حنان : بالغرفه الي برا حطوها
طلعت هي ونجود لغرفه فتحت الباب ناظرو فيها كانت لوحه على شكل قمر وموجود فيه اسمائهم والكروت كحليه وكلها نجود والكوشه من عند حافة الكنب موجود قمر صغير ورود كحليه
نجود : ماشاءلله رهيبه رهيبه
نجمه : اي والله تجننن مسكت القمر الي متدلي : يجنن
نجود : لو بخليك اتوقع تنامين هنا ترا مافيه وقت تعالي تجهزي
طلعو برا رقو الدرج : تتوقعين شلون فستاني؟
نجود : مدري شلونه؟
دخلو داخل قربت نجمه لفستانها توريه نجود : شرايك؟
ضحكت نجود : ياربي زوجنا نجوم وابتلشنا وربي خيالللللل وش هالنجوممم
نجمه : امي تقولي اننا متفقين
نجود : تدرين اول مره بتشوفين اهله
نجمه : وبشوف شيهانه احس مدري
نجود : مو مهم من تشوفين تعالي الحين اجهزك
جلست نجمه عند التسريحه وفكت المنشفه من شعرها وبدت تستشوره نجود
نجمه : بسوي لي الميكب
هزت راسها نجود
وبدت تسوي الميكب حطت خفيف مرهه اهم لا عليها يبرز ملامحها فقط
العصر
وصلو نجم واهله
استقبلوهم صالح وسلمان
بالمجلس
ابو نجم : ماحكي لكم يوم جيتو لي كيف فرحتي اصحابي من سنين ماشفتهم
ابتسم نجم وهو ماينسى يوم قال لابوه انه عرفهم
وبدت سوالفيهم الشياب
دخل ثامر : المملك جاء
اخذ حلا قدامه اكله لان يحس بأي لحظه بيغمى عليه من التوتر
بعد مده وبعد ماوقع نجم اخذ الدفتر ثامر وسلمان ورقو لنجمه
بالغرفه اخذت العطر تتعطر والتوتر عالي عندها ناظرت بنجود : شوفي شرايك؟
نجود : تجنين بتصل على حنان تحصنك
هزت راسها تفرك يدها بتوتر
طق الباب ثامر : نجمه؟

لبست عباتها نجود وفتحت الباب : اهلين
دخل ثامر ومعه الدفتر
ناظر سلمان بنجود : مااني مصدق اعرستو قبلي
نجود : حشى مانتركك ان شاءلله
سلمان: واضح قرب لنجمه ووقف عندها
جلست قريب للكتاب ووقعت جنب اسمه توترت من وقفت تناظرهم : شفيكم تناظروني
ثامر مسح دموعه بطرف شماغه : اووف ينجمه قرب وحضنها بقوه
سلمان : خنقها بالليله ملكتها
ابتعد عنها واخذ الدفتر يطلع قابل امه : ملكت
حنان : ياماشاءلله
زغرطت غزال من سمعتهم : مبروك مبروك
ناظرت من طلع ثامر ولحقت حنان دخلت تشوف حنان حاضنه نجمه وتبكي : يووه ياحنان لاتبكين
حنان : مدري شفيني
ابتععدت تمسح دموعها
نجود : حصنيها
حصنتها حنان وطلعت باركت غزال لها وطلعت قربت نجود وحضنتها بقوه: يابعد كل الناس مبررروووكك
نجمه : يبارك فيك يارب
ابتعدت نجود وجلست بجنبها نجمه : احس متوتره
نجود : الحين ينادونك وفعلاً اتصل جوال نجمه وكان ثامر يناديها
وقفت بتوتر اخذت العطر نجود وعطرت نجمه ناظرت بوجهها وبالميكب حقها وشعرها الويفي : خيال خيالل
حطت كفها على قلبها تسمي بالله طلعت ربرا تمشي نزلت ع الدرج وطلعت من جهة المطبخ للغرفه ناظرت بثامر وسلمان الي واقفين عند الغرفه : جاء؟
ثامر : لا بتدخلين اول
هزت راسها ودخلت داخل قربت للمغاسل تشوف شكلها ناظرت بانعكاس سلمان : تبين ندخل معه ولا اول هو ؟
نجمه : مدري
سلمان : ندخله هو احس مستحين منه
-
بالمجلس
وقف نجم ومعه صالح مشو للغرفه فتح الباب صالح بنجمه الي واقفه ابتسم لها قرب يسلم عليها ويحضنها : مبروك يامي انتي مبرووك
نجمه بصوت يالله ينسمع : يبارك فيك
توترت من لمحته دخل نزلت نظرها علطول تحس نفسها مشدوده ملامحها من التوتر ولانت من قال صالح انه بيتركهم براحتهم رفعت راسها تناظره من طلع وسكر الباب لفت بنظرها تناظر بنجم : طلع!
نجم : اي تبينه يجلس ؟
نجمه: مايصلح
نجم : ليه مايصلح ، تراك صرتي زوجتي
توترت من نطقها نزلت نظرها بتوتر تتمنى لو تنشق الارض وتدخل فيها تحسه احرقها بنظراته
نجم : انا اطالعك لكني عجزت افرق بين الفستان نجمه! خيالللل اجزم انك محليته
غمضت عيونها بتوتر فتحتها انصدمت من شافت قرب جزماته يكرم القارى عندها يعني واقف قدامها وقريب بالحيل رفعت راسها دخل يده بجيبه وطلع البوكس الصغير : وقته البسك
طلع النجوم الصغيره الفضيه وكانت مثل البنس قرب يثبتها بشعرها ابتعد يناظرها مغمضه عينها بهدوء باس جبهتها : مبروك لنا
نزلت راسها تدلى على عينها

تدلى على عينها من خيوط النجوم الي ثبتها ابعدها باصبعه
نجم : تكلمي تكفين لاتسكتين
سكتت ماتكلمت
نجم : زواجنا بعد اسبوعين
رفعت راسها تناظر احتدت نظرتها : مستحيل
ابتسم : الي ودك لو ودك بعد سنه راضي
المصوره : ياعريس ممكن تقرب ميلت راسها نجمه تناظرها : كيف دخلتي بسم الله
المصوره : من زمان هنا اشرت على غرفه صغيره
ناظرت بنجم الي مستغرب
المصوره : ياعريس قرب وبوس جبهتها
نجمه : هيه
قرب ومسك كفها بيده ناظرت بوجهه : ليه تسمع لها
سكتت من باس جبهتها
المصوره : الصوره الثانيه امسك خصرها وقربها لك
نجمه : تستهبلين انتي ناظرت فيه من مسك خصرها : غبي انت
بدت تصورها الين مانفتح الباب ابتعد نجم عن نجمه بمسافه
سلمان : انتهى وقتك لو سمحت اخرج
نجم : بطلع ناظر بنجمه
سلمان : الان ولا بنادي ابوك يتصرف معك
ناظره نجم : حركات سلمان من وين تجييك القوه؟
سلمان : يوم صرت نسيبي
قرب نجم بيطلع وقفه سلمان: اذا بتشوفها وتبي اجيبها لك تدفع لي فلوس
ضحك نجم : مايحتاج اطلبك انا اجي اخذها من عندكم
طلع برا ودخل المجلس جلس جنب ابوه تقدمت نجمه وطلعت برا لغرفتها رقت فوق
قربت لنجود الي جالسه تاكل من فطاير ناظرتها نجود : شصاير
قربت لها وخنقتها بيدها : اكرهك اكرهك
نجود : ابعدي ياحماره توني ماكله ابتعدت نجمه وتخصرت : امسك خصرها بوس جبهتها قليله ادب
مسحت فمها نجود : لاعت تسبدي
نجمه : شتقولين عني مسكت نفسي لا اصفقه انا مدري كيف بعيش زوجه صالحه
نجود : مو منك عشان خنقتيني توني ماكله ياشينك لازم اعطيك دورات
نجمه : انبسط لانه لو تقوله اخنقها اصوركم خنقني
ضحكت نجود : هههههههه ياخي حكايه انتم
نجمه : يخوف صدق يوتر ابتسمت : مدح فستاني اخخ بغيت اخمه
نجود : شلون استحيتي ؟
نجمه : استحي ؟ حبيبتي طول الوقت هو المستحي
رفعت حواجبها تناظر بنجمه
نجمه : شرايك يعني انا زين ماغمى علي وربي توتر نزلت راسها تدلت النجوم تذكرتها مسكتها تنزلها من شعرها تناظرها : فضيه
نجود : واضح غاليه
نجمه : استاهل!
نجود : اكيد احباب الطفوله
-
بعد السواليف الي محليه جلستهم واغلبهم عن ماضيهم مع بعضهم
ام نجم : يوم جابت غزال منيف يوهه ياني مانسى كيف انكرفنا
ضحكت حنان : لازم تجازينا غزال كنتي جالسه عند الضيوف عاد بعذرك والد وانا وام نجم نكرف
غزال : مانسيت اذكرك حنان يوم تتحلطمين ثم لشفتيني سكتي
ضحكو من ماضيهم الي اغلبه يكرفون
جلست اريج بجنب شيهانه: اتوقع بعد شوي بيجي دور الولاده
شيهانه : دايم اساساً جلست الحريم ماجابو طاري الولاده اعرفي بهم شي
ضحكت اريج : يزينك اخوك نجم؟
هزت راسها شيهانه : اي
اريج : بس احسك ماتشبهين ام نجم بالحيلل
ابتسمت شيهانه : زوجة ابوي
اريج : اهاا عقدت حواجبها : وينها امك؟