" بعض الخسّاير الله يامكبر ارباحها "

54

بسيارة نجم يسوق وكل مره يناظر بابوه
ابو نجم : شيخه ام منيف
نجم : عشانها جت تسال ؟
ابو نجم : لا والله حظ سلمان فيها
نجم : ابوي الله يهديك
ابو نجم : شوف امك ذي يانجم ماتتحمل خلاص طاقتي وصلت حدها
نجم : الله يهديها
ابو نجم : قول لامك معها يومين اذا ماركدت وتركت بنتي بحالها يمين بالله لا انقل للبريده واتزوج وخلها تقعد
ناظر بابوه : استهدي بالله
ابو نجم : هذا انت هجيت لبريده علطول من كلام امك وازعاجها لاتنسى
سكتت يناظر قدام نجم
-
جالسه بالكافتيريا حطت يدها تحت فكها تفكر
دانه : الي ماخذ عقلك مين ؟
ناظرت فيها : نجود
دانه : شفيها
نجمه : تقهر تركت الجامعه رغم ماباقي الا سنتين لها !
دانه : عادي طيب حره بقرارها
نجمه : اوف من يسليني بالله
دانه : افا انا وين رحت
نجمه : ماش
فتحت عينها تناظرها ضحكت نجمه
دانه : وجع
نجمه : والله مايروقني غيرها
دانه: يالله انفعي نفسك وخليها تجيك
وقفت وتركت اغراضها بالكرسي وجوالها بطاوله  تشري اغراض
جاء جوال نجمه وجوال دانه اشعار بنفس الوقت ميلت راسها تناظر باستغراب لانت ملامحها من شافت حساب سلمان منزل تغريده عضت شفتها باستغراب تام ناظرت بجوالها ونفس الشي حساب سلمان منزل تغريده همست : ضايفته!
قربت دانه وجلست رفعت جوالها تناظر نزلته بشنطه
نجمه : اي اخبارك
دانه : ماعندي اخبار
رفعت حاجبها نجمه ماتدري تصارحها وتسالها ولا تسكت
-
وقف السواق عند بيت غزال ونزلت ومشت حنان لبيتها
دخلت غزال ناظرت بمنيف بصاله : منيف
منيف : هلا؟
غزال: من متى جاي ؟
منيف : طلعت بدري اليوم
غزال جلست عنده ونزلت عباتها جنبها : اليوم سمعتني
ابتسم منيف : امي لاتبررين انتي انسانه ام واعيه ولا بغصبك تبقين مع ابوي يعني صح جبته انا قبل ونجود جابته هالمره لكن اغلاط ابوي كثيره احنا نسامحه لاننا عياله لكن انتي بعذرك زوجته واغلاطه عندك ماتنغفر امي مدري شلون اشرح لك بس تاكدي اني معك بأي موضوع ودك بلع ريقه : حتى لو دوك بطلاق انا معك وقف ورقى لغرفته وسكر الباب مسك قبضه الباب بقهر من حالهم ومن ابوه الي مايعرف وش سبب هالتغير
ناظرت فيه من رقى غمضت عينها بتعب تنهدت
ناظرت برساله حنان : درا صالح عن سلمان انه مسروق وبيروح له عاد بياخذني معه لان زوجته جت بشقه نجم
ناظرت قدام تفكر اتصلت على حنان
حنان : وشفيك تتصلين
غزال : ابيك تساعديني
حنان : بايش بسم الله
حكت لها الي تبيها تسويه
حنان وقفت بصدمه : غزال وش هالموضوع رجاءً ابعدي هالفكره من راسك
غزال : ليش ؟ تراه تعب مع زوجته وانا تعبت من سلمان
حنان : لو تبين الزواج اخذي واحد على قدك هذا كبيره
غزال : بيننا عشرين سنه تقريباً او اقل عادي بالعكس ابيه ومانزلت اليوم من عبث
-

بالليل
بطاوله الاكل
مجاهد : عماد وعمار
ناظرو فيه كمل : بتروج خلاص هالاسبوعين واقل وابي تساعدوني بتجهيزات
عماد : ابشر
عمار : ليه اسبوعين ؟
مساعد : وش وراك؟
مجاهد : جامعتي تبدا هالاسبوعين ف ودي نتزوج ونروح
انهار : بس هي مو تدرس؟
مجاهد : امي راضين بس نبي نخلص هالعرس
هز راسه عمار : ابد من بكرا نبدا ان شاءلله ونتقسم
مجاهد : بيكونون معنا سلمان ومنيف ان شاءلله
هزو روسهم كملو اكل
-
ركبت السياره وحرك صالح لشقه نجم
متوتره وبالحيل من الي بتسويه غزال صاحبتها مو سنه ولا سنتين لا عمر طويل مع بعضهم وهالشي الي بتسويه لاجلها وعارفه انها ودها ترد الصاع لسلمان الي اتعبها واتعب بنتها
تنهدت من وقف وطلع نجم يدله لباب الشقه
دخلت لام نجم وسلمت عليها وفعلاً ام نجم انسانه ماتترك احد بحاله ف كيف بنت زوجها ماتنسى كيف كانت تقولها عن ام شيهانه وايش تسوي فيها وهي مبسوطه رغم ان حنان وغزال كانو مصدومين منها يمكن هالشي ربي كاتبه يعاقبها بزواج ابو نجم عليها ويعيش بعيد عنها ويتركها لوحدها هي وبناتها وولدها
بعد سواليف سطيحه وجداً وكانت مستغربه ام نجم من رسمية ام نجم معها لكنها سكتت
طق الباب ابو نجم : ام نجم وين القهوه
وقفت حنان : ابو نجم الحمدلله على سلامتك
ابو نجم : هلا ام ثامر الله يسلمك يارب
حنان : يوم قالت لي غزال جيتك مع ابو ثامر يعمري هي شالت همك اليوم طاح الترمس من يد ام نجم تناظر بحنان لانت ملامحها من حست بالموضوع
حنان : كان دوها تجي ووتطمن عليك وترتاح سكتت غمضت عينها: الله يهديكم
ابو نجم : الله يسلمها ام منيف وطمنيها اني بخير ماعلي الاغراض تتعوض الحمدلله
حنان ماتدري وش خلاها تقولها لكن تحس نطق لسانها بدون تحس : قالت لي ابلغك انها بتعوضك بالي ودك سواً فلوس او غيره
ابتعد ابو نجم ابتسم من فهم مقصد حنان ودخل عند الرجال ناسي الدله بعد
طلعت ام نجم من المطبخ تناظر بحنان مصدومه تحس وكان ماء بارد انكب عليها صحيح ماكانت قريبه حيل لهم لكنهم مع بعضهم من سنين !
جلست حنان تدعي بقلبها ان صالح يقولها بنمشي وفعلاً اتصل عليها طلعت بدون حتى تودع ام نجم ركبت مع صالح ومشى للبيت
-
جلست ام نجم ماسكه راسها دخل نجم ينادي القطوه : نجمهه وينك
وقفت تناظره : وربي لاندمها والله ماخليها تعيش بسلام معك
ميل راسه نجم : مين ؟شتقولين امي
مشت عنه تدخل غرفته
-
نجمه : يعني بالله وش استفدتي يوم تخليني ادوام لحالي اساسا باقي ترم لي واتخرج اليوم طلبت اخلص كل مواد هالترم الي باقي  وارتاح واتخرج ويالله
نجود : ناسيه وراك عرس
نجمه : يوه اسكتي يامسلمه
-
انسدحت على سريرها وبما انها سوت الشي ف لازم تكمل للاخير لكن الشي الي تحس مضايقها نجود غمضت عينها حطت منبه على ٣:٠٠ص
غفت بتعب
-
وقفت من سمعت صوت سلمان دخلت وراه بالغرفه: عطني ١٥٠
ناظرها سلمان سفهها وانسدح على بطنه : طفي النور
قربت له سحبت شعره توقفه صارخ : مريضه انتي
نجمه : مريضه ؟ احمد ربك ماعلمت احد عليك اجل دانه بنت مساعد
اعتدل يجلس ناظرها : دانه ؟
نجمه : اي ضايفها تويتر بعد !
ضحك : ضايفها الله يشفيك اذلفي بس
نجمه : ولد شفت حسابك عندها !
ناظرها بصدمه : كيف !
اعتدلت من انتبهت لصدمته : اما ماتدري
وقف : نجمه من وين جابت حسابي !
نجمه رفعت اكتافها
سلمان : ضايفتها انتي ؟
نجمه : لا والله
سلمان : شلون جابته!
نجمه : شدراني ياخي
جلس يناظرها تنفس بقوه وحكى لها كل شي وضنه انها ضايفته من بعد المجلس لكن مايدري انها المحاميه الي هددته!
نجمه : اما عاد
اخذ مويا وشربها دفعه وحده
وقفت : ماهي هينه المحاميه
فتح عينه بصدمه همس : محاميه!
طلعت نجمه وقفلت الباب ودخلت غرفتها
ناظرت برساله نجود انهم بيبدون من بكرا يتقضون
ارسلت لها : ابشري
انسدحت تنام
-
جلس نجم : امي هالموضوع لا انا ولا نجمه لنا دخل فيه ولو ضريتي نجمه يايمه صدقيني يايمه انك لتحلمين تشوفيني
وقفت : غيروك غيروك علي مثل مابوك تغير !
قرب لها نجم : انتي يمه انتي بيدك وبتفكيرك غيرتينا سكتنا مره مرتين جيت هنا اعيش لاني تعبت من مشاكل البيت الي تصير بسببك يمه ماذقنا الراحه ولا انا بلوم ابوي
ام نجم : ماتلومه تقول هالكلام لي !
سكت نجم يناظرها
ام نجم : صدقني نجم سوات ام زوجتك ماراح اسكت لها وبرجعها بنتها ان شاءلله وتشوف !
ابتسم نجم : والله لو وش ماتسوين امي اني اعرفك وحافظك
جلست ام نجم بتعب : بكرا ترجعني لديرتي
نجم : ابشري
-
انرعبت تقرا الرساله
" ادري انك دانه بنت مساعد بس السؤال الي حيرني شلون جبتي حسابي وكنتي متعمده تهاوشيني على تغريده سخيفه ! "
ارسلت له : يمين بالله ماكنت اعرف بس صدفه عرفتك من تغريده منزلها قبل
ارسل علامة استفهام وارسلت له تغريده يوم كان يشرح لما كان بدوره المياه وهي كانت فيه
عطاها بلوك عقدت حواجبها بصدمه
-
مسك راسه : ان شاءلله ماهي من هالنوع ان شاءلله
-
الصباح الساعه ٨:٣٠
الكل يفطر بيته وكلهم شايلين هم هالعرس الي باسبوعين بيخلصونه
غزال : اول شي بنشري لك ونخلصها بعدين احنا والله يعين صدق
نجود : بتعزمون احد؟
غزال : حبيبتي قولي من ماني عازمته بعزم الكل حتى الي ماعرفهم
نجود : امي هدي وش بتعزمين الناس كلهم
غزال : فرحة بنتي وحيدتي
ضحكت تناظر بمنيف الي ساكت : شكلك قلقان خلاص بقول لمجاهد يعفيك من الشغل
ميل راسه يضحك : ماني رجال اذا ماشلت الشغل كله زواج اختي
ابتسمت : الله لايحرمني منكم
ناظر منيف بامه ووقف : بطلع هزت راسها غزال وطلع منيف وعلى طلعته دخلت نجمه : ان شاءلله ماخلصتو فطور!
ضحكت غزال : تعالي تونا نفطر قربت لهم وجلست تفطر ويسولفون عن تجهيزات وغيره
-
وقف مجاهد وعماد وعمار وطلعو بسياره وحده يدورون قاعه وسلمان ومنيف راحو للقهوجين يحجزونهم
وقفت حنان عند الباب واتصلت على غزال وطلعت هي والبنات ركبو بسياره
حنان : حي الله عروسة هالشهر
ابتسمت نجود
حنان : وين المول صح؟
غزال : لا في مصممه اخذت حسابها بنروح لها نفصل فستان نجود
عقدت حواجبها نجود : مايمدي
حنان : مره مايمدي
غزال : ادفع لها مبلغ وتضبطه باسبوع ناظرت نجمه بنجود ناظرت بغزال
غزال : اذا ماسويت شي بفرح بنتي الحين وش ابي بالله؟
ضحكت حنان
-
وقفت عند مصصمه مشهوره ومعروفه
نزلت غزال وجنبها حنان وخلفها البنات
قربو لوحده كانت واقفه وتكلم
غزال : لو سمحتي لفت لها : سمي ؟
غزال : المصصمه رفيف ال مرزوق وينها
ابتسمت : الحين اناديها لك لفت تمشي ودخلت مكتب امها : امي
ناظرت فيها
رفا : في زبونات جوك
وقفت رفيف وطلعت تناظرها : حياكم اشرت لهم على جلسه ، كيف اقدر اخدمكم
غزال : جيتك على مدح وان شاءلله انك قده
ابتسمت : ان شاءلله
غزال اشرت على نجود : هذي بنتي نجود عروس هالاسبوعين وجينا لك
رفيف : مدري اسبوعين احس صعبه شوي
غزال : الفستان ماراح يكون متعب
رفيف : يعني ودكم بهادي ؟ ناظرت بنجود : انتي العروس وش ودك وتبشرين به
ابتسمت : تسلمين
ناظرت فيها نجمه : وش هادي خليه يرعد ويبرق
رفيف : تعالي معي ناخذ مقاساتك ناظرت برفا : امي جيبي لهم صور يشوفونها
دخلت رفا واخذت المجله وطلعت ناظرت بامها دخلت محل المقاسات تقدمت لغزال : سمي
ناظرتها غزال: ماشاءلله الله يحفظك
رفعت حاجبها حنان ابتعدت رفا تشتغل
حنان : اصدمييني
غزال بدون مقدمات : ابيها لمنيف حالاً بالاً
ضربت بفخذها : انتي تشوفين الدنيا بيدك ؟
غزال: شفيك اكيد ماراح اسحبها بشعرها الحين اخذها اقول بتكونين زوجة ولدي
ضحكت حنان من تخيلت : من بعد سالفه امس ماستغرب شي
غزال: خليني اخلص من زواج بنتي ونتطلق ان شاءلله بس اهم شي اضمن ان نجود سافرت واستقرت هناك
طلعت نجود تسكر عباتها وجنبها نجمه ماسكه شنطة نجود اخذتها وقربو يناظرون بالصور ويخططون
-
وقفو عند القصر
عمار : القصر المليون
عماد : ياخي مايعجبه شي
مجاهد : هذا واضح حلو
نزلو وتقدمو للقصر كان فيه عمال ويتجهزون واضح انه فيه عرس الليله تقدم من شافهم صاحب القصر : تفضلو
عمار : بغينا صاحب القصر
مد يده : وصلت
عمار : نبي نشوف القصر ماعليك امر
صاحب القصر : تفضلو
بدو يدخلون العيال ويشوفون بعد مانتهو ناظرو بعض
هز راسه مجاهد : احجز
تقدم صاحب القصر : اعجبكم؟
عمار :  اي ماشاءلله ، يوم الاربعاء ليلة الخميس تاريخ ٢٧/١٠ نبي نحجز القصر
صاحب القصر : ابد تعالو نخلص بعض حجزكم
طلعو ناظرو بعض
عماد : بنشوف ذولا شصار عليهم
-
رفع ثوبه سلمان وربطه: ماتفهم يامسلم اقولك قهوجي تصب القهوه وينه!
رفع اكتافه العامل
ضرب بوري منيف لف له سلمان وركب : الموقع غلط ذا مايفهم
منيف : جيب خلني اشوف ناظر بالموقع وكان سلمان عاكس ناظر بسلمان : غبي
حرك منيف وقف : بنزل انا انت اقعد واضح منت طبيعي اليوم
نزل وتقدم بعد مده اشر لسلمان انه مضبوط وركب ناظر باتصال عمار ورد عليه وبلغو بعض انهم خلصو
-
ابتسمت غزال : تسلمين ياروحي واثقين انك بتبدعين
رفيف : ياعمري ناظرت بنجود مبروك ياعروس مقدماً
نجود : الله يبارك فيك
طلعو وركبو السياره وتوجهو للمول يتقضون باقي الاغراض
راحو نجود ونجمه يشرون الكعب والاكسسورات
-