" بعض الخسّاير الله يامكبر ارباحها "

بارت 5

نزل مجاهد يناظر بامه : صباح الخير
انهار لفت تناظره : صباح النور والسرور يامي انت
عمار ناظرهم : وانا قدامك طيب
قرب مجاهد مبتسم باس راس امه مسكت كفه انهار : ياعمري والله اذا شفتكم يطيب خاطري
جلس مجاهد بجنبها لفو يناظرون بالباب الي فتح
عمار : ياهل البيت
وقفت انهار من شافت حفيدها قرب يركض لها : عمري وحبيبي ماهر انحنت تحضنه
قربت سكره تركض : جده نجحت بالاختبار
ضحك مجاهد من سلم على عمار : ماتوفر
عماد : لازم الكل يعرف ههههههههههههههههههههه
انهار لفت عنها تناظر بسكره : كفو عليك اي هذي بنتي الشاطره
سكره ضحكت بدلع
عماد: حفيدات امي من كثر مادلعتهم تتمنى تصير حفيده
ضحك مجاهد : ودك بالدلع بس
عمار جلس : ماافطرت ترا
انهار قربت له الصحون : افطر يامي افطر
سكره : تدرين جدتو يقول مابي غير فطور امي
ابتسمت انهار تناظره : جعله بالعافيه
وقف عماد : انا بروح توصون شي ؟
انهار : لا يامي ماتشوف شر
مجاهد وقف : انا بعد بطلع
انهار : الله يحفظكم
مجاهد باس راسها وطلع
بالحوش
كان عماد ينتظره ناظره يطلع : كيف الدوام مشو مع بعض للشارع
مجاهد : زين
عماد : الله يوفقك
مجاهد : وياك بطلع تاخرت
عماد :ماتشوف شر
-
ركبت السياره نجود : ياشينك اخرتنا بها القهوه
سلمان : اذا ماروقنا هالراس كيف نصحصح
نجود فتحت قهوتها : الله والراس عاد وقف سلمان عند البوابه ناظرت نجود بسياره الي من جنبهم كان مجاهد يناظرها بنظرات غريبه نزلت ناظرته ومشت عنه تدخل للمركز
ناظر فيها مجاهد بقرف : وصخه جايه مع واحد من الي بالمركز !
فتح سيارته وهو متقرف نزل يدخل المركز
~بعد ساعتين
اخذت نجود الملف بعد ماطبعته طلعت برا الغرفه تقييم ناظرت بسلمان واقف وتارك التدريب ويسولف مع العساكر ضحكت منه : ماتترك عادتك
مشت عنه تقييم قربت لباب التدريب بتفتحه فتح الباب بقوه مجاهد طلع منه ناظرت بخشمه ينزف : اووه بسم الله
مجاهد ناظرها لف عنها يرقى للدوره المياه
مشت وراه نجود : تبي الاسعافات اطلبها؟
مجاهد : لا ابعدي عني
نجود : خشمك ينزف بقوه
لف لها مجاهد كان بيعصب لكنه سكت
وقفت نجود تناظره :  وربي خفت من النزيف
لف عنها مجاهد يدخل دوره المياه
قبل دقايق
ناظره مجاهد كيف يصارخ على الي قدامه
لف لمجاهد : يومين ندربكم على السلاح ماعرفتو له
كل هذا مجاهد متعمد عشان يفصلونه لكن ماحسب انه هنا يطلعونك غصب متدرب ولا فيها فصل ابد
العسكري : خذ السلاح مجاهد
اخذه مجاهد بهدوء
العسكري بصراخ : اطلللق
طلق مجاهد ورا بعض وكلها يحطها باماكن غير
ضربه العكسري على خشمه بقوه
ناظرت نجود بالورقه بعد ماخلصت اخذت نفس ترجع لمكتبها فتحت الباب ناظرت بسلمان : نسيت ياخي
سلمان لف لها : ايش
نجود : انك بتنشب لي بمكتبي
سلمان ضحك : هذا وهو اول يوم تخيلي لبعدين كيف ههههههههههههههههههههه
ابتسمت نجود تجلس : حياك بأي وقت ودك
سلمان : اكيددد بجي حتى لو ماتبيني
-
جلست حنان تمد القهوه لصالح: مافيه جديد شي عن اخوك
صالح هز راسه بالنفي عقد حواجبه : اليومين ذي انشغلت تدرين عن نجود؟
حنان نزلت فنجالها تناظره : اي سلمان اليوم بدا دوامه معاها وغيره مافيه اي شي جديد
صالح : ذاك اليوم طلعو هي وسلمان مالقو شي ؟
حنان اعتدلت تجلس : لقو سياره محترقه ونجود صارخت بكل مافيها انها حقت ابوها بس سلمان رفض تقربها وسحبها للبيت غصب
صالح باستغراب : سياره كيف ؟
حنان : مدري سياره اخوك نجود تقوله ومتاكده
صالح وقف : الله يهديك ياحنان وماقلتي لي
حنان وقفت وراه : شسوي ياخي انت وين تجلس مضغوط بهالدوام
صالح : الله يعين بروح لهم بالمركز
هزت راسها حنان
-
~بالمركز
وقف صالح عند البوابه اخذ جواله يتصل على نجود
رجعت ضهرها بالخلف من كثر مااكانت منحنيه تكتب ناظرت بجوالها : يارب خبررر
نجود : هلا
صالح : نجود يابوي انا برا تعالي لي
وقفت نجود بسرعه : ابشر طلعت تركض لبرا
-
~عند البوابه
ابتعدت بعد ماسلمت : اخبارك عمي
صالح : بخير وانا ابوك انتي شلونك بشريني عنك واخوك وامك
نجود : الحمدلله بخير
صالح مسك كفها : اعذريني يوم اطول عنكم والله ويشهد علي ان حتى بيتي الدوام ياخذ من وقتي الكثير
نجود ابتسمت من تحت نقابها : ياعم معذور
صالح ناظرها : حنان قالت لي سيارة ابوك كيف شفتيها؟
حكت له نجود
عقد حواجبه صالح : ولا قلتي لي يانجود ولا استئذنتي
نجود ناظرت فيه : والله هذاك اليوم مافكرت باي شي غير اني اشوف السياره واتاكد
صالح : الله يهديكم ونجمه كيف طلعت بدون تقولي
نجود : انا قلت لها واجبرتها ماتقول لك
صالح : اخ منكم والله لو تسوون هالحركه مره ثانيه يويلكم
هزت راسها نجود : ابشر
صالح : اي شي يصير يانجود تقولين لي
نجود : ابشر
صالح : ماتشوفين شر لف بيمشي
طلع سلمان : ابوي
لف يناظره : هلا واخيراً شفتك بالهبدله
سلمان قرب له : شرايك؟
صالح : الحمدلله احمد ربك اشر على نجود : اختك انتبه لها لايجيها شي
سلمان مسك كتف نجود : ابد ماعليك عندي
صالح : ارضعناكم مع بعض واتعبتونا انتبه عليها
ضحكت نجود لفت تدخل تكمل شغلها
-
ناظرت نجود بالابتوب قدامها ميلت فمها بضيق من انشغالها نست تسكر الموقع التسجيل سكرته وقفت تمشي لمكتب سلطان قربت تطق الباب لكنها توقفت تسمع عقدت حواجبها تسمع حكيه لشخص على الجوال شهقت من نطق انتبهت انه سكت والواضح انه سمع شهقتها غطت فمها بكفها تركض لمكتبها دخلته سكرت الباب خلفها ناظرت بالباب بصدمه نزلت راسها: شلون غمضت عينها تستوعب الكلام الي قاله رفعت راسها من جاء ببالها تخبر عمها لفت لمكتبها شهقت بصدمه تناظره
وقف مجاهد : ماعليش دخلت وانتي مو موجوده
نجود سكتت تناظره باستغراب هي لسى مو مستوعبه اي شي
مجاهد ناظرها ساكته : ابي اخذ اجازه مرضيه
نجود هزت راسها بتكرار : طيب ، طيب قربت لمكتبها جلست تفتح الموقع وهي متوتره وتحس ابداً مو مستوعبه شي لفت تناظره يناديها : سم
مجاهد : فتح الموقع
لفت نظرها عنه تناظر الابتوب : ماعليش
ناظرت بالموقع دخلت على اسمه : السبب
مجاهد : خشمي ينزف
ناظرت نجود بخشمه محمر فقط ولا فيه نزيف سكتت ماتبي تتكلم حالياً ابد لفت تناظر بالابتوب كتبت نزيف
هزت راسها بتوتر تناظره : خلاص خلصت اجازه يومين
مجاهد : شكراً
هزت راسها ترجف لفت تناظر بالابتوب بعد ماتاكدت انه طلع تبعد نظرها عن اي شي حولها ماحست بنفسها الا تبكي بكل مافيها تبكي قهر تمسكن بالملف قدامها تضغطه بحرقه سنتين كانت موجوده هنا ماحست بأي شي سكرت فمها تكتم شهقاتها : ياربي ياربي غمضت عينها تسمح لدموعها
ابتعد مجاهد عن الباب مصدوم منها ومن بكاءها رجفتها وسرحانها عن الموقع حس انها عندها شي مضايقها لف يطلع برا المركز ابتسم من تذكر اجازته قرب يركب سيارته شغلها حرك للبيت
-
وقفت تاخذ اغراضها ماتعرف وين تروح او وش تسوي بالضبط او من تقوله ناظرت بساعه ٢ الظهر عضت شفتها : يكون طلع الحين
ترددت بالفكره لكن تسوي كل شي عشانه طلعت برا مكتبها ناظرت بسلطان عن البوابه يتكلم مع عسكري ومعاه ملفات ولابتوبه والاكيد انه طالع
طلعت من مكتبها قربت لمكتب سلطان فتحت الباب غمضت عينها بقهر انه مقفله لفت لمكتبها تاخذ اغراضها طلعت لسلمان بسيارته
-
بالبيت
نزلت حنان العشاء
صالح : وينها نجمه
سلمان : بتجي
دخلت نجمه : سلام
صالح : حي الداشره
ناظرت فيه نجمه باستغراب : ليه
صالح : بيننا كلام نجمه
حنان ناظرت فيها لفت تناظر بصالح : وش صاير
صالح : مافيه شي بيننا بس
حنان : خير وش مسويا نجمه
نجمه سكتت تناظرها
سلمان : داشره يعني تسربتين بالليل
نجمه ناظرته : ماعندك غير الليل تطمن مخليتها لك
سلمان فتح فمها يناظرها : ياوصخه ماهو وقته
صالح : اي وش ياسلمان يعني بالله عليك تحسب ما ادري عن طلعاتك اخر الليلل؟
حنان بصدمه تناظره : طلعااتت ايشش !!
صالح : اي تخيلي انا ماني معهم كثير بالبيت واادري عن طلعاته
حنان ناظرته: سلمان ويطلع بالليل نجمه وش مسويه؟
صالح يغير الموضوع: ليت الكل نجمه
ابتسمت نجمه تناظره
حنان ناظرت بنجمه : ماراح تمر كذا
هزت راسها تسكت
-
غزال تكمل : والفستان رهيب حتى الموقع مره عجبني ان شاءلله بطلبه ناظرت بنجود الي سرحانه تناظر لقدام
غزال : نجود ناظرت فيها مو منتبه لها : نجود
نجود ناظرتها: هلا
غزال : نجود انتي وشفيك ليش لي يومين مو طبيعيه
نجود اخذت نفس : مافيني شي بس ضغط الدوام قلت
غزال : نجود مريتي بضغط قوي ولا تغريتي الحين فجاءه تصيرين شخص ثاني وتقولين من الدوام!
نجود : تكفين يمه طلبتك
دخل منيف الصاله : سلام عليكم
غزال : حي الله منيف وين رايح؟
منيف : كنت مع صاحبي تو
اخذت نفس تهز راسها غزال : اي بس روح انت مع اخوياك ونجود بالدوام وانا هنا لحالي
منيف ابتسم : طيب اطلعي سوي الي ودك صح نجود ناظر بنجود الي ابد مو معها اختفت ابتسامته نجود هاليومين ابد مو طبيعيه