" بعض الخسّاير الله يامكبر ارباحها "

بارت 38

قفلت شيهانه ووقفت تناظر بعماد من دخل وبيده اغراض اكل : جوعانه
عماد : جبت كل شي طلبتيه
اخذت شيهانه  دخلت المطبخ من قامت وهي مشتهيه معكرونه بتونه
دخل عماد المطبخ : طيب لو طلبنا او رحنا تعشينا بمطعم؟
شيهانه بدون تلتفت تقطع البصل : مشتهيه اسويها
عماد : غريبه
قطعت شيهانه وحطتها بنار
بعد مده غطت القدر يطبخ بالمعكرونه
اخذت نفس من امس وهي تفكر غمضت عينها من دخل
لفت له : عماد تجي لصاله ؟
هز راسه وطلع معها لصاله : سويت قهوه ودك؟
هزت راسها تاخذ كوبها
شيهانه : عماد
لف يناظرها كملت : دايم استغرب انك وصلت لثلاثين ولا تزوجت ماودك بعيال؟
عماد : لا ماودي مااحس نفسي مستعد اكون اب ابداً ناظر فيها : شيهانه احرصي على الحبوب ولا صدقيني بندمك لو حملتي
ضغطت على ركبتها تناظره : مهتمه فيها على العموم بس نرجع بكرا ابي اروح لابوي
-
جلست نجود بالغرفه ناظرت بنجمه الي فاتحه الدولاب تاخذ بجامه
نجود : الحين شنسوي بذا ؟ نبلغ ابوك؟
نجمه : بقول لثامر
نجود: مدري احس لا
نجمه : ثامر يعرف يتصرف افضل
نجود : اجل انا معك
هزت راسها نجمخ لبست بجامتها وانسدحت تنام
-
بصاله
اخذ قهوته قرب يجلس معهم
واريج تغطت من قبل
عمار : حي الله مجاهد
ضحك مجاهد : ادري بتقول وينه وينه موجود والله
قرب ماهر ونط يجلس على رجل مجاهد حضنه مجاهد : يازين ماهر وابوه وجدته وجده
انهار : شطاري وشعندك
مجاهد : ابد مروق
اريج ناظرت بانهار : لازم ياخاله تدروين له عروس
ناظر مجاهد بنظرات امه : مايحتاج موجوده هي
انهار : مين هي ؟
وقف ينزل مجاهد : كل شي بوقته حلو
دانه : ياعيني ياعيني مجاهد مفضوح عندي تراك
ناظرها يغمز لها
انهار : لا قدامي بعد ؟
دانه : ماعليش امي انا واخوي متشابهين
عمار : عزي لعماد بس
طلع مجاهد يرقى الدرج قرب للبلكونه يناظر مبسوط وبالحيل
-
حطت لها بصحن وبدت تاكل دخل عماد : شيهانه اسالك بالله فيك شي ؟
هزت راسها بنفي
عماد : ليه احسك صايره غريبه ؟ مو نفس سفراتنا الي دايم !
سكتت تكمل تاكل
جلس عماد قدامها : شكل عشاني قلت لك اننا بنتطلق
نزلت راسها تاكل هي حتى لو تطلقت منه ف طلاقهم باطل لانها حامل
مسح على وجهه : استغفرالله ياربي
وقف عماد : بنمشي الصبح جهزي الشنط
-
اخذت الايباد دخلت تليقرام بدت تدخل قروبات
- القانون - وتشوف كلامهم وتشرح لنفسها
دخلت تويتر على حساب واحد يتكلم عن قضيته انتبهت لتعليق شخص عنه وكان يسبه ويسب القانون ولان عندها جنون العظمه للقانون ماتحملت من سبه دخلت له خاص تهاوشه
-
طلع سلمان من الدوام ركب سيارته بتعب حرك للبيت
وقف عند البيت رجع راسه يرتاح استغرب رسايل جواله المتتاليه : تويتر!
ناظر بالحساب كيف كمية الدعاوي وكمية سب فتح عينه يناظر : بسم الله
" ايش دخلك بالقانون تقول هالكلام ؟ انت تعرف وش هو القانون ؟ يمين بالله اتخرج اول شي ارفع عليك قضيه هو انت اصلاً واضح انك شخص ضعيف ولا تقدر توصل للقانون نهائي "
سكر جواله باستغراب : من مسلطها ذي
ارسلت له جبانن وضعيف خفت لاني برفع عليك؟ والله ارفع بس انتظر
فتح جواله ارسل : متى تتخرجين؟
دانه : بعد سنتين
سلمان : طيب تعرفين وش انا؟
دانه : اعرف انك واحد ضعيف رايح لناس الي اعلى منك ووصلو للي ودهم
سلمان : يمدحون النوم يابنت القانون سكر جواله
نزل يرقى لغرفته وغفى ببدلته
-
دعت من قلبها عليه
وقفت تدخل توضي وتصلي انسدحت بسرير تناظر فتحت جوالها ودخلت على حسابه بفضول
ناظرت بتغريداته
اعتدلت تجلس تقرا
" اليوم كنت باستراحه دخلت دورة المياه يكرمكم المهم بعد ماطلعت انصدمت شفت وحده قدامي والي يصدم اكثر من دخل اخوها ماحكي لكم الموقف لكن الحمدلله قدرت اتفداه وادخل لدورة المياه قبل يشوفني
المهم البنت ماخذه عقلي "
ماتدري كم قراتها ولا تدري كم دعت عليه وقفت تفتح البلكونه حقتها تناظر بيتهم
-
الصباح
لفت من دق المنبه ولا غفى لها جفن من الليل وهي تفكر كيف الصدف جابته وكيف حبها رغم انه مايعرفها ولا يعرف عنها شي وقفت تتجهز
نزلت تحت تناظر بامها : يمه قلتي لسواق ؟
انهار : اي برا ينتظرك
هزت راسها تلبس عباتها ونقابها طلعت برا وركبت مع السواق
دانه : حرك
هز راسه : هذا مقفل طريق سياره هو
ناظرت لقدام وشافته يرجع سيارته ورا عشان يحركون لفت لباب بيتهم تناظر بنجمه ونجود من طلعو وركبو معه انتبهت ان نجود ركبت مع قدام
غمضت عينها تناظر من حرك السواق
-
بالجامعه
طلعت نجمه ونجود برا جلسو الجو خيال اليوم
نجمه : ارسلت لثامر يمرنا اليوم
نجود : متى تخلصين انتي؟
نجمه : ٩
نجود : سلامات وين محاضرت الظهر!
نجمه : محاضرته والله مااحظر بروح لاخوي اشكي له
نجود : خوفي يحبه
نجمه : اقتلهم
تذكرت نجود : ياخاينه! ليه قلتي لي نجي مع سلمان!
نجمه : شدراني اني ماني حاضرتها
نجود : ياشينك اخذت جوالها تتصل على سلمان ومايرد
نجود : مايرد
نجمه : احضري محاضرتك الحين بعدين تتصلين
نجود : محاضرتي تبدا ١٠ وتنتهي ١٢ الله يستر لا اقعد
-
الساعه ٩:٤٠
وقف ثامر عند الجامعه
فتح الشباك يناظر بنجمه : اعزمك يعني ؟
تخصرت نجمه : بالله عليك كان قعدت اكثر؟
ثامر : ماعليش طولت مع المدام نفطر
ركبت نجمه : قل لي عشان ادور غيرك يوصلني
ثامر حرك للبيت : للاسف سلمان مسك خط الرياض
ناظرت فيه بصدمه : صاددق!!!!!
ثامر : اي طلبوه مركز الرياض
نجمه : نجود قعدت طيب
ثامر : متى تخلص ؟
نجمه : ١٢
ثامر : زين ماعليه اذا طلعت انس امرها
ارسلت نجمه لنجود وبلغتها ان ثامر يمرها
-
وقفت دانه من ارسل لها السواق بانه مسوي حادث
تأففت بتعب جلست تمسك راسها
طلعت نجود من محاضرتها واتصلت بثامر ومايرد اخذت نفس تتصل على نجمه وبرضو ماترد : شسالفه جوالي فيه شي
قربت للكافتيريا استغربت من شافت دانه منزله راسها قربت لها تمسك كتفها : دانه سلامات؟
رفعت راسها تناظرها : مافيني شي بس قعدت مافي احد يجيبني
نجود جلست ضحكت : تخيلي حتى انا لا اخوي سلمان يرد ولا ثامر
دانه باستغراب : اخوك؟
نجود : اي سلمان ؟ من الرضاعه
دانه : اهاا انا السواق مسوي حادث وشكل مادرو اهلي لسى
نجود : ماعليه ننتظرهم سوا
دانه: انتي شخبارك كيف الاختبارات معاك؟
نجود : الحمدلله كويسه
دانه : ابي اشوف تصاميمك
ضحكت نجود : عندك شك بذوقي؟
دانه: لا طبعاً بس ابي اشوف كيف تنسيقك
نجود فتحت جوالها وبدت توريها
لفت دانه من اتصل جوالها
دانه : هلا
مجاهد : خلصتي صح؟
دانه : اي من زمان
مجاهد : طيب كم دقيقه واكون عندك تجهزي
دانه : تمام
سكرت الجوال ناظرت بنجود : رد اخوي
نجود : كويس الحمدلله
حاولت تتصل نجود لكنهم مايردون اتصلت على نجمه وبرضو ماترد اخذت نفس توقف تبعد تتصل على امها
غزال : هلا نجود
نجود : يمه ورا مااحد يرد علي؟
غزال : مافهمت
نجود : لا ثامر ولا نجمه
غزال : اي ثامر مدرسة انس متصلين عليه متهاوش ولده وراح له وشكل مطوله السالفه وانا وحنان عند نهال
هزت راسها بعد مده تسكر
لفت لدانه من اخذت اغراضها وطلعت
قربت تجلس تأففت بتعب
-
ركبت دانه : حي يناس ليت سواقي يسوي حادث دايم
مجاهد : اعوذ بالله
دانه : وش اسوي اخوي يجيني هذي معجزه
مجاهد : صح انصدمت من قالي ابوي اروح لك بس برضو مللل
بعد مده قربو للبيت ونزل مجاهد نزلت دانه
ناظرت حنان بمجاهد ودانه من نزلو
حنان : دانه
دخل مجاهد البيت لفت دانه لحنان : سمي ؟
حنان : ماشفتي نجود ؟
دانه : الا بس تتصل عليكم
حنان : حسافه سيارتنا خربت علينا يالله جابتنا والعيال مافيه احد
ميل راسه يسمع مجاهد من خلف الباب
دانه ميلت راسها ماتعرف وش تقول
طلع مجاهد نزل راسه مايناظرها : ولا يهمك ياخاله نمرها انا ودانه الحين
ابتسمت حنان من تحت نقابها