" بعض الخسّاير الله يامكبر ارباحها "

59

وقفو قدام معهد
نجود : والله حلو
مجاهد : ندخل نشوف
دخلو وقفت تناظر نجود : احس احس ناظرها : يخوف
مجاهد : بالعكس حلو احسه
نجود : كنسل قبل لاتسال بعد نطلع
مجاهد : طاقين مشوار
نجود : والله يخوف
طلعو وركبو سياره ثانيه رجعو للبيت
-
اخذت كوبين قهوه ناظرته يناظر بالابتووب قربت تجلس بجنبه مدت له الكوب اخذه
نجود : شتسوي ؟
مجاهد : اناظر بمعاهد قريبه من هنا
ميلت فمها بملل : خلني هنا بالبيت احس خفت ادرس لحالي وبمكان يخوف
ناظرها مجاهد : وش يخوف من اي ناحيه
نجود : يعني تخيل ادرس مع اجانب بدوله مافيها اسلام
مجاهد : انتي عندك سبب ثاني وش مافيها اسلام واجانب
نجود : خايفه منهم حتى اخاف يوم تجي تصادقني احسها بتقتلني
مجاهد : عليك حراره
اخذت نفس تناظره : مجاهد ماتفهم انت المح لك اني اخاف يعني قول خلاص يازوجتي تجين معي تدرسين بنفس جامعتي
ضحك من ستوعب : هههههههه يعني كذا نيتك
هزت راسها بابتسامه
مجاهد قرب ياخذ الابتوب : نشوف اجل وش موجود لك نصرفك فيه
نجود : بس خل جدولك نفسي لاني اخاف مابي ابقى لحالي
مجاهد : عادي انتظرك
قربت راسها تناظر معه بالابتوب من دخل موقع جامعته
ناظر بالتخصصات : وش تبين ؟
نجود : تصميم ازياء اكيد
مجاهد : مافيه غير ٤ سنوات
نجود : طيب اي شي فيه تصميم
مجاهد : لو تدخلين معاهد غير جامعتي بتدرسين تصميم ازياء وسنتين
نجود : حسافه بس مابي ابعد عن زوجي شسوي
مجاهد : تبعدين عني ؟
ناظرته حست انها بتنكشف : مو غيره يابن الحلال بس ابي اكون معك عشان احس بالامان
مجاهد : ماقلت غيره انا
رفعت حاجبها مدت يدها ترفعها : من سياق الحديث فقط
قلدها مجاهد : لا قولي غيرانه من دون ماتقولين
سكتت تناظر بالابتوب : دور لي شي حلو
ناظر مجاهد بالتخصصات الموجوده الي فقط سنتين
نجود : تصميم داخلي الله حلو
مجاهد : ودك؟
نجود: اي سجلني
هز راسه وبدا يسجل معلوماتها وهي تمليه
~اليوم الثاني
صحت ناظرت فيه نايم لبست جاكيت ثقيل على لابسها لانه برد وبالحيل دخلت المطبخ تسوي له فطور وتجهز اغراضه
بعد مده دخلت الغرفه : مجاهد قربت له : مجاهدد
فتح نص عين : ها
نجود : قوم جامعتك تاخرت
لف للجهه الثانيه وغطى نفسه كله من البرد : غبيه
نجود : وشو
مجاهد : الساعه كم؟
نجود : ٥ الصبح
مجاهد : الدوام الساعه ٩ عندهم
نجود : صادق؟
لف يناظرها : في شي على النار؟
نجود : لا اساسا ماسويت الا اكل خفيف
مد يده وسحبها شهقت من سحبها انسدحت بجنبه : مجنون
مجاهد : نامي بس بتصحيني من فجر ربي
ضحكت تنسدح بجنبه : ياخي متحمسه ابي اقهرك
ضحك يغطي عينها عشان تنام

~بعد مرور اسبوع
نزلت نجود من ارسل لها مجاهد انهم بيتغدون برا
لفت الشال قربت له مسك يدها
مجاهد : مدحو لي العيال مطعم بس بعيد شوي
نجود : ماورانا شي
مشو ووقفو سياره وركبو متوجهين للمكان
بعد مده وقف قدام المطعم ونزلو يدخلونه
اخذت نجود الملعقه تشرب الشوربا : امي كلمتني اليوم
مجاهد : كيف حالها
نجود : بخير كلهم بس ياخي مخوفين نجمه ماترسل لي ولا تكلمني
سكت مجاهد لانه فعلاً مستغرب
نجود : احس ابي ارجع لهم كم يوم شرايك؟
مجاهد : لا انتظري هاليومين يمكن يرسلون لك القبول
نجود : طولو اسبوع
مجاهد : عادي انتظري
هزت راسها تكمل اكل
-
نزلت من غرفتها دخلت الصاله ناظرت بصالح جالس ويهوجس
حنان : مارحت لنجمه اليوم؟
صالح: لا
حنان : نجم تعب لازم احد يجي بداله اليوم
صالح : هو راضي
اخذت نفس رجعت ظهرها للخلف
-
بالمستشفى
قريب المغرب
ناظر بالدكتور من جاه وقف
الدكتور : نجم
هز راسه بالايجاب
ابتسم الدكتور: لان حالتها تحسنت تقدر تطلب احد يرافق معها
نجم : اقدر ارافق انا؟
الدكتور : مافي مشكله تفضل توقع بعض الاوراق
مشى معه نجم
بالغرفة
دخل الغرفه ناظر فيها قرب للكرسي الي جنب سريرها وجلس عليه يناظرها رجع راسه لورا اتكى بتعب وغفى بدون يحس من التعب
طق الباب فز يناظره مسح على وجهه يوقف : ادخل
دخل سلمان اخوها : سلام
نجم : وعليكم السلام
سلمان : جيت واستغربت ماشفتك قالو انك داخل
نجم : اي توني سمحوو لي ادخل
هز راسه سلمان : الحمدلله تحسنت
نجم ناظرها : اي ان شاءلله تصحى قريب
جلس على الكرسي
سلمان : بروح اجل واذا بغيت شي قولي
نجم : تسلم
طلع سلمان
رفع يده يتكي عليها يناظرها غفى من التعب
-
مسكت راسها تناظر بسلمان : ان فتحت فمك بشي لنجود ويمين بالله ياسلمان اني لاندمك
سلمان : مايأدبك غيرها اجل تبين الطلاق !
غزال : وحده مثلي المفروض من يوم اختفيت سنتين ومتزوج بعد ماتقعد عندك انا عطيتك وجه الين صرت تتمادى
عقد حواجبه : اتمادى وين تماديت
غزال : بنتك شسويت فيها؟ كم مره صارت مشكله وسامحتك عشانهم هالمره صدقني لو ايش ماتسوي ماشيل هالفكره من راسي والان الان اطلع من بيتي ياسلمان الان
مال براسه يناظرها : انتي ماعادك بعقلك
غزال : اكيد ماعادني بعقلي دامك رجالي للان
لفو من سمعو صوت منيف نازل وتعداهم بدون يقولهم شي ركب السياره
حرك لبيت صقر صاحبه اتصل عليه لكنه مايرد حرك يطلع من حارتهم لف يناظر بالسياره الي مسرعه وماشيه بعكس اتجاهها لف عنها بقوه وصدمته من الخلف بقوهه انصدم يناظر بسياره نزل من سيارته قرب لسياره
نزلت منها بنت وكانت ترجف : ابوي بسياره ابوي الحق عليه
منيف: سلامات ايش فيه
مسكت راسها برعب : تكفا طلبتك وده تكفا ماعرف اسوق ماعرف
انحنى يناظر بسياره قدام وفعلاً كان شخص كبير بالعمر تقريب ناظر فيها
كانت ترجف بقوه : اغمى عليه فجاءه اتوقع سكره بس عطتيه حالي الله يخليك ساعده
هز راسه : اركبي ورا
لف لسيارته وسكرها ورجع لسيارتها وركب فيها وهي بالخلف ماده يدها تمسك ابوها بخوف
حرك للمستشفى
بعد مده
سكرت باب غرفته ناظرت فيه واقف ميل راسه يناظرها قربت له مسكت يدها ببعض  : الله يسعدك شكراً مرره ماادري وش اجازيك فيه الصدق
ابتسم : ماسويت شي كيفه الحين؟
ملاك : صحى كم دقيقه ونام تركته يرتاح
منيف : الحمدلله على سلامته
اعتدل بوقفته : استاذن بمشي انا
ملاك : تقدر تنتظر الين يصحى ابوي ؟ اكيد بيشكرك
منيف : مايحتاج ماسويت شي انا مع السلامه
ابتعد منيف عنها طلع من المستشفى دخلت الغرفه وجلست قدام ابوها تناظره تحرك بانزعاج وقفت بسرعه تعدل له المخده صحى يناظرها
غمض عينه من تذكر مفتاح السياره معه لف يدخل وقرب لغرفتها
طق الباب وكانت جالسه تعدل مخدت ابوها : ادخل
فتح الباب شوي منيف انتبه لابوها صاحي فتح الباب : سلام عليكم
ابتسمت من رجع ناظرت بابوها الي مستغرب : ابوي هذا الي ساعدك وجابك لهنا
ابتسم ابو ملاك : هلا ياوليدي هلا قرب منيف وسلم عليه : الحمدلله على سلامتك طهور ان شاءلله
ابو ملاك : الله يسلمك مشكور ياوليدي
منيف : ماسويت شي طلع المفتاح من جيبه ومده لابوها : نسيته اعتذر
ابو ملاك : ماشاءلله من انت ولده؟
منيف : منيف سلمان
ابتسم له ابو ملاك
ابتعد منيف وطلع برا المستشفى اخذ جواله يتصل بسلمان
رد سلمان : ارحب
منيف : وينك ؟ ان شاءلله قريب من المستشفى
سلمان : توني مشيت من البيت بمر نجمه
منيف : كويس انا موجود بالمستشفى ومامعي سياره
سلمان : شموديك بدون سياره
منيف : اسقاط نجمي جيت اخلص بس
سلمان : زين
-
جلست بهدوء بعد مانام ابوها مسكت بطنها من العصر ماكلت شي وقفت واخذت جوالها وطلعت برا الغرفه نزلت تحت للكافتيريات حقتهم ناظرت بالوجبات عندهم طلبت لها اكل تقدمت تجلس بطاوله وتاكل
اخذت نفس من اتصلت امها :سمي
ام ملاك : شصار عليكم؟
ملاك حكت لها كل شي صار معهم
ام ملاك : اصارخ لك واقولك لاتسوقين وانتي ماتعرفين ماتفهمين
ملاك : اهم شي صحت ابوي مايهمني شي ثاني
ام ملاك : والسياره وسيارة الرجال مين يصلحها ياملاك مايغرقنا بالديون غيرك اتعبتينا
ابعدت الوجبه الي طالبتها عنها انسدت نفسها كل مره تذكرها امها بالديون الي عليهم وما اغمى على ابوها اليوم الا عشان هالديون الي اهلكتهم مسحت جبهتها : امي خلاص
ام ملاك : صارخت وفهمتك السياره ماتعرفين لها اخخ ياملاك اخخ
سكرت الجوال ام ملاك
نزلت جوالها ملاك ومسكت راسها تبكي مسكت قلبها بتعب من الحال الي هم فيه والديون الي من كل جهه عليهم البيت والسياره ومصروفهم مسحت دموعها بقهر ناظرت بوجبتها الي ماكلت منها الا قليل غمضت عينها بتعب ومسحت الدموع حول عينها وقفت لفت تناظر اذا فيه سله للاكل الزايد وفعلاً لقت نزلت اكلها فيها قربت لطاوله تاخذ جوالها ومشت ترقى وعيونها غرقانه بالدموع
ناظرت بنظارتها الطبيه الي على رقبتها لبستها قربت لغرفه ابوها ودخلت تناظر فيه
تعبت وحيل من تشوف ابوها كيف يتعب عليهم من تهديد الرجال له بسبب الديون
مسحت دموعها جلست تفكر وهالمره لازم تتعب وقفت تمسح على ابوها وتقرا عليه
-
الصباح
صحى ابو ملاك وطلعو للبيتهم
حظرت الغداء اخذته توديه للغرفه الي ياكلون فيها دايم تعتبر الصاله عندهم
نزلت الغداء : يبه بطلع بجيب لي غرض محتاجه للجامعه
ناظر فيها : مامعي ياوليدي
هزت راسها : معي يكفيني وبجيب اغراض للبيت بعد
ام ملاك : من وين لك ؟
ملاك : الذهب حقي باقي منه ببيعه
وقفت ام ملاك طلعت بسرعه ملاك بدون لاتسمع كلامهم تعرف بيمنعونها دخلت غرفتها ولبست عباتها وطلعت برا البيت ماسكه شنطتها
استغربت الرساله الي جتها اخذت جوالها تناظرها " رسالة انسحابها من جامعتها " شهقت بكت ان تخصص احلامها تبخر الحين قدامها مسحت دموعها تمشي على رجولها للمكان الي صدمت فيه انتبهت ان سيارته باقي موجوده وقفت قريب منها تنتظره يجي
بعد ساعه ونص من انتظارها مسكت راسها بتعب تنتظر راح عن بالها امس لو تذكرت وتكلمت منه عن السياره وقفت ومسكت شنطتها بيدها مشت تعطي السياره ظهرها لفت من تعدتها سياره وكانها لمحته موجود فيها ناظرت بساعه ٨ ص
اخذت نفس توقف مكانها تناظره من قرب لشباك الشخص الي جابه ويتكلم معه بعد تقريب ٥ دقايق ابتعد عنه وحرك سلمان لف لسيارته منيف عقد حواجبه من سمع صوت الي يناديه ناظرها
ملاك : نسيت امس لا اتكلم معك عن السياره وكم بتكلف تصليحتها بما ان الغلط علي
منيف : ماتستاهل انك تصلحينها شي بسيط
ملاك : حتى ولو بصلحها
فتحت جوالها على ورشة تصليح السيارات قربت توريه من قريب وين مكانها : نتقابل هناك الظهر
لفت عنه ومشت على رجولها لاسواق الشعبيه عشان تبيع الذهب الي معها
بعد مده
صاحب المحل : ٤٥٠٠
هزت راسها ومد لها الفلوس طلعت ناظرت بساعه ١٠ ص
ناظرت بالفلوس بشنطتها ماودها تصرف منها شي يمكن ماتكفي لتصليح السياره
ناظرت ان باقي وقت معها مشت على رجولها تتبع الموقع لشركه قريبه شوي مشت وتعبت لكنها تحملت الين وقفت عندها ناظرتها وناظرت بكبرها
دخلت قربت لوحده كانت واقفه تناظر باوراق بيدها : لو سمحتي
ناظرتها : هلا
ملاك : ابي قسم التوظيف هنا
اعتدلت بوقفتها : اذا ودك بوظيفه الافضل تروحين للمدير نفسه يساعدك
هزت راسها : وينه؟
اشرت لها على مكان مكتبه
ومشت ملاك الين وقفت قدام المكتب سمت بالله ودعت بداخلها ان الله يسره
هزت راسها ومد لها الفلوس طلعت ناظرت بساعه ١٠ ص
ناظرت بالفلوس بشنطتها ماودها تصرف منها شي يمكن ماتكفي لتصليح السياره
ناظرت ان باقي وقت معها مشت على رجولها تتبع الموقع لشركه قريبه شوي مشت وتعبت لكنها تحملت الين وقفت عندها ناظرتها وناظرت بكبرها
دخلت قربت لوحده كانت واقفه تناظر باوراق بيدها : لو سمحتي
ناظرتها : هلا
ملاك : ابي قسم التوظيف هنا
اعتدلت بوقفتها : اذا ودك بوظيفه الافضل تروحين للمدير نفسه يساعدك
هزت راسها : وينه؟
اشرت لها على مكان مكتبه
ومشت ملاك الين وقفت قدام المكتب سمت بالله ودعت بداخلها ان الله يسرها
طقت المكتب سمح لها بدخول قربت الين توسطت المكتب : سلام عليكم
المدير : وعليكم السلام حياك تفضلي اشر لها على الكرسي
ملاك : ملاك ال سعد خريجة ثانوي معاي دورا،، قاطعها
المدير : ماعليش بس مافهمت انتي جايه مقابله؟
هزت راسها بنفي بتوتر: لا انا جيت اقدم على وظيفه
المدير : للاسف مقفلين من فتره مكتفين والله
تضايقت وبالحيل سكتت اخذت شنطتها
قربت للباب وقفت من تذكرت لفت تناظره : معي شهادة اعداد تقارير
عرف انها بحاجة للوظيفه وبالحيل هز راسه : تفضلي وعطيني شهادة
قربت وفتحتها بجوالها ومدتها له ناظرها وفعلاً اخذت نسبة عالية واتقنت هالدورة
ابتسم لها : تفضلي الين ماجهز اوراق قبولك
اخذت نفس بفرح
وقف وطلع برا بعد مده دخل وناظرها مد لها الاوراق : معك عماد مساعد مديرك وبكون المشرف عليك بالعمل
ملاك : يعطيك العافيه
عماد : يعافيك ، من بكرا ان شاءلله على الساعه ٩ تكونين موجوده بالشركه
ملاك : تمام ان شاءلله
ابتعدت وطلعت برا الشركه ناظرت بساعه كانت ١٢:٣٠ غمضت عينها بتعب : مايمديني وانا وعدته يارب تسامحني طلبت لها سياره وركبت متوجهه للورشه
كان يناظر بالورشه مستحيل يسمح لها تسويها لكن استغرب انها ماوصلت ومر نص ساعه ماجت
مسح على وجهه ينتظرها
وقفت قريب من الورشه نزلت بعد مادفعت له وقربت توقف قدام الورشه نزل من السياره من عرفها وقرب يوقف قدامها : اسمعيني السياره بسيطه ولا بسمح لك تدفعينها وسيارتكم بعد بصلحها انا عارف انك امس ماسقتي ولا صدمتي بارادتك ف اعذريني ماني بسامح لك ابد
سكتت تناظره ناظرت بالعامل من جاء ووقف قدامها : تكلف واجد
ملاك : الصدمه من ورا بس
العامل : اي نفس الي قلتي لي
ناظرت ملاك بمنيف الي متفاجاء : هذا عمي
عقد حواجبه عم ملاك يناظر بمنيف : من ذا؟
ملاك : الي صدمته امس عشان ابوي
ناظر عم ملاك بمنيف مد يده يسلم عليه
ناظر عمها فيها : ٤٠٠٠ ياملاك
عضت شفتها من تحت نقابها هزت راسها : تمام فتحت شنطتها بتدفع انتبهت لكلام رفعت راسها تناظره
منيف : اعذرني ياعم الصدمه بسيطه وماتستاهل الدفع وياليت تبلغها وتفهمها ناظر فيها : سلام عليكم لف يبتعد عنهم همس يركب السياره : غصب يعني تدفعين غصب حرك يبتعد عن الورشه
ناظرت ملاك بعمها : غثيث
عمها : صدقيني واضح ولد نعمه ماشاءلله
ملاك : مايهم الحين كيف برتاح!
عمها : سامحك هو وراضي