فتح الباب مساعد ناظر بنته اميره داخله : حي الله بنتي
وقفت دانه تسمعه قربت للباب تناظر باميره تسلم على ابوها :كيف حالك ابوي
مساعد : بخير الحمدلله
اميره ناظرت بابوها : بتطلع بغيتكم بموضوع
وقفو مجاهد وعماد باستغراب قربت انهار لها سلمت اميره وباست راس امها : اخبارك امي عساك طيبه؟
انهار مسكت كف بنتها : بخير امي، بس وش موضوعه
ناظرت اميره فيهم قلقنين : لاتخافون شي بسيط
بصاله
انهار : لاياربي ليه ياخي
مساعد : عادي تروحين مع زوجك وتنتبهون هناك والحمدلله
اميره ناظرت بابوها : ان شاءلله ناظرت بامها : والله امي احمد سوا كل شي بس يقهرون حاطين اسمه
انهار : اوووف رفعت راسها تمنع دموعها: كم سنه؟
اميره : سنه ونوص
انهار : ان شاءلله تمر بسرعه
مساعد : اشوا سنه ماعليه ان شاءلله
وقف وقفت معه اميره تودعه
مساعد : بطلع انا ناظر باميره : ان نقصك شي لايردك عني شي
اميره : تسلم
حلا نقزت تحضن مساعد : وهذي الدلوعه صوريها لي كل يوم
اميره ابتسمت : ان شاءلله
حلا : جدو تروح معانا
ضحكو عليها
مساعد : اي تجهزين اغراضي؟
حلا بدلع : بابا يشري لك اغراض
ضحك عماد عليها ووقف ياخذها يبوسها: لا هذا ابونا نبيه انتي روحي مع ابوك
مسكت خشمه حلا : هذا ابوي انا بعد
مشى مساعد يطلع
جلست اميره جنب مجاهد : توني صدقت
ناظرها : بايش
اميره. : انك توظفت الحمدلله يارب والله يعطيك خيرها
مجاهد ابتسم : امين
-
وقفت نجود تاخذ الاسامي الي بالملف وتروح تتاكد من حظورهم وانهم يتشغلون صح ،صحيح الشغله هذي سخيفه وتقدر تسوي احسن منها لكن المدير عطاها هالشغله عشان يبعدها عن الاشغال الصعبه
وقفت نجود من بعيد تناظر بالحراس الي على المركز وكتبت اسماءهم قربت تناظر بقاعه الي مليانها كاميرات من كل مكان وكتبت انه حظر وموجود لفت تمشي للقسم الي بعد مرت من عند البوابه ناظرت بمجاهد يدخل ناظرت بالساعه بيدها : ٧:٣٠
ناظرت بالملف حظور مجاهد ٦:٤٠ عضت شفتها : يعني تاخرت من اول يوم حطت عنده انه تاخر مشت للقسم تناظر وتسوي شغلها
دخل مجاهد يناظر بالمركز اغلبهم لابسين ثياب والاغلب بدلات قرب لمكتب سلطان دخل عنده : سلام
سلطان : وعليكم السلام
مجاهد : وين التدريب ووين ابدا
سلطاان : تدريب السلاح تحت
مجاهد : ماقلت لي وش اسوي وومتى اخلص تدريب
سلطان : اسبوعين بس تتدريب وبعدين نوظفك بالمركز ونعطيك مهمات يعيني بعدين اقولك انت تدرب وانتبه تخطي بشي نحط لك جزا
قفل الباب مجاهد ومشى لاحد العسكر : ابي تدلني على تدريب السلاح
هز راسه العسكري ومشى مع مجاهد لتحت نزلو من الدرج قربو للباب فتحت الباب نجود طالعه من قسم التدريب ناظرت بمجاهد خلفه ومشت عنهم ترقى
دخل مجاهد داخل المكان كله صوت رمي وصوت الحدايد كشر من ازعاج الاصوات قرب لاحد العساكر ثاني : مجاهد؟
ناظر فيه مجاهد هز راسه
العسكري : تاخرت
مجاهد سكت
العسكري : تفضل هنا دخل مكان التدريب
العسكري اخذ السلاح ومده لمجاهد مد كفه مجاهد شال العسكري يده باالمسدس استغرب مجاهد
العسكري : مثل ماتوقعت ماتعرف كيف تمسك المسدس رفع يده العسكري وبدا يقول لمجاهد كيف يمسكه
بعد ساعه تقريباً
اخذ نفس مجاهد بعد ماعلمه العسكري عن بعض التدريب
العسكري : خلاص الحين روح للعسكري ابراهيم يعطيك التدريب الثاني
مشى مجاهد عنه طلع برا مكانه ناظر بعسكري يصارخ على شخصين ويجازيهم مشى له يحاول يلقط الاسم عرف انه ابراهيم وقف حوله ينتظره يخلص
ابراهيم بصراخ : ارجعو اوقفو لين ينتهي الوقت
وقفو الشخصين قريب
ناظر ابراهيم بمجااهد : وانت وشعندك؟
مجاهد : تدريب
ابراهيم : امش وراي
مشى مجاهد له ووقف عند باب الغرفه مصدوم من كميه الاشخاص الي يتدربون
ابراهيم : اخذ سلاح ورني كيف ترمي
هز راسه مجاهد اخذ السلاح والي جنبه اخذو وقفو بالمكان الي حاطين عنده علامه انهم يوقفون هنا وقف مجاهد عنده وجنبه اشخاص واقفين
العسكري : ابدو
بدا مجاهد يرمي بالسلاح للدائره البعيده لعلها تصاوبها
لكن ماصاوبت بعذره توه تعلم وعلطول بينجح؟
العسكري : وقفو
مجاهد نزل السلاح مكانه ولف للعسكري
ابراهيم : وجهك قدام
لف مجاهد عنه يناظر مكان الي يرمون له
ابراهيم بصوت عالي : كذا ترمون؟ هذا رمي رجال!!!
مجاهد سكت يضم يده
ضرب احد العساكر ضهر مجاهد من الخلف وكمل يضرب الي جنبه لف مجاهد بصدمه
العسكري : وجهك قدام قلت
لف مجاهد بصدمه منه العكسري : ارم مره ثانيه
غمض عيينه بقهر مجاهد اخذ السلاح من جديد وملاه رصاص وقف من جديد قدام المكان
العسكري بصراخ : اوقف زين
وقف زين مجاهد
العسكري : ابدا
رمى مجاهد لكنها ماتصاوبت
العسكري : ابعد
ابتعد مجاهد والسلاح بيده
العسكري : نزله على الطاوله وابتعد
ابتعد مجاهد وناظر فيه يمسك شخص ثاني ويهاوشه ويعلمه لكن بدون جدوى
العكسري : تدريب ٤٨ ساعه تحت
مجاهد : شلون؟
ابراهيم سفهه ولف للعسكري الي واقف عند الباب : خذ ذولا ودهم لتدريب المكثف
العسكري : ابشر
مشى العسكري ومجاهد وثنين معاه
نزلو تحت لمكان شبه بسجن مافيه صوت غير الرمي هدوء مره لكن صوت رمي عالي فيه
العسكري ناظر بشخص : ادخل هنا
كمل لغرفه ثانيه وناظر بمجاهد : وانت هنا
دخلو بغرف
ناظر مجاهد بعسكري جالس على كرسي ناظر فيه
العسكري وقف قريب من مجاهد ماحس مجاهد غير بألم بطنه ناظر فيه بصدمه من ضربه العسكري
العسكري : اوقف زين
وقف مجاهد بألم كمل العسكري : وجهك لذا الجدار
لف مجاهد وجهه للجدار كمل العسكري : وش تشوف قدامك؟
مجاهد : جدار
العسكري مد له سلاح مد يده مجاهد بدون يلتفت ياخذ السلاح كمل العسكري : ناظر بالنقطه الحمرا
ناظر مجاهد بالجدار مافيه ولا أي نقطه
العسكري : تشوفها؟
مجاهد هز راسه بلا
مسك العسكري رقبت مجاهد بقوه ودفه للجدار لصق وجهه بالجدار : تشوفها!
مجاهد ناظر بنقطه صغيره قريبه من عند وجهه : اي اشوفها
ابعد يده العسكري : ارمها
مجاهد اعتدل يوقف مسك فكه بألم
العسكري : مو من هنا
مجاهد عقد حواجبه
العسكري اشر له من عند مكان شبه ببعيد يعني لو نظرك ١٠٠٠من ٦ مابتشوفها من ذا البعد
مجاهد ناظر بالمكان وناظر بالنقطه
العسكري: صوبها
اخذ نفس بهدوء مجاهد ابتعد عن العسكري يوقف عند المكان الي قاله حاول يلقط النقطه ماشافها
العسكري : ارم
اعتدل يوقف مجاهد زين ويمسك السلاح مثل ماقالو له ماوده يتصفق زياده رفع السلاح لجهه الجدار بنظره انه يمكن تكون هنا النقطه ورمى
العسكري : وقف
وقف مجاهد يناظره قرب العسكري لنقطه لكنها ماصاوب لها مجاهد
ناظر مجاهد من قرب له العسكري بيضربه ...
الساعه ١١
وقفت نجود تلم شنطتها واغراضها طلعت برا المكتب قربت لمكتب سلطان طقت الباب
سلطان : تفضل
نجود : ابي اطلع بدري اليوم
سلطان : سبب؟
نجود : ابي اروح ابحث عن ابوي
تأفف سلطان : باقي تبين تبحثين ؟
نجود : لو سمحت ماجيت اشوف رايك عن الموضوع
سلطان يستفزها: روحي بس ها بلغيني ان لقيتيه
نجود عرفت انه يستفزها ابتعدت تسكر الباب اخذ جواله سلطان اتصل على الرقم لكنه مشغول تأفف : مب وقتك مشت تركب سيارتها
حركت لبيت نجمه بعد مده وقفت اخذت جوالها تتصل على سلمان
سلمان : هلا
نجود : سلمان انا تحت الحين باخذ نجمه بوصلها للجامعه اذا على اتفاقنا اليوم باخذك
سلمان اعتدل يجلس : ابد معك
نجود ناظرت من ركبت نجمه : تمام انتظرني
نجمه ركبت وسكرت الباب خلفها: اخبارك
نجود بهدوء : بخير انتي ؟
نجمه : عال العال ااي وين توديني اليوم
نجود لفت تناظرها لفت لطريق : ماقدر نجمه ابي ابحث عن ابوي
نجمه ناظرتها : عشان كذا متضايقه
نجود : اخخ نجمه اخخ
نجمه حطت كفها على كتف نجود : ماعليك تتيسر ان شاءلله
نجود مسكت الدركسون تضغطه : والله دايم اذا جيت انام افقد الامل اقول خلاص مات واضحه بس اذا صحيت احس انه موجود وحولنا وربي مرات افز احسه يناديني مثل كل مره تعبنا لفت تناظرها : نجمه وربي انا وامي ومنيف نكذب على بعض ونحاول نوضح لبعض اننا عايشين طبيعي ونضحك واحنا بس نكون لوحدنا ننهار
تعبت وربي تعبت انا بس ابي اعرف وينه تكفين ابي بس خبر بسيط عنه ابي اعرف هو بخير بس بس شي واحد
نجمه سكتت تناظرها لفت تناظر بشباكها : ان شاءلله تشوفينه
نجود سكتت تناظر بطريق
-
حنان وقفت تناظر بسلمان نازل : وين؟
سلمان : مع نجود بطلع
حنان عقدت حواجبها : بتدور ابوها؟
سلمان : اي بنروح نشوف
حنان قربت له : بلغني عن اي شي يصير طيب؟
سلمان : ابشري
دخلت نجود : سلام
حنان قربت لها : هلا ومرحبا بنجود
نجود قربت تسلم عليها
حنان : تقهوي معي
نجود: لاوالله ابي اروح
حنان : تمام الله يساعدكم ناظرت بسلمان : انتبهو !
سلمان : طيب
مشت نجود وخلفها سلمان ركبو السياره :
سلمان : من وين نبدا؟
نجود : اول شي ببدا من الاماكن الي ابوي كان يروح لها
سلمان : حلو وبعدين؟
نجود : بنشوف يمكن جاي لهلمكان
سلمان : طيب حركي
حركت نجود لاول مكان كان يروح له ابوها دايم والي هو الاستراحه
-
سلطان وقف يناظر برساله كان محتواها "تم"
سكت سلطان اخذ نفس يوقف يناظر بالقزاز المطل على تحت يفكر
-
وقفت نجود عند الاستراحه ناظرو فيها ماكان موجود عندها اي سياره
سلمان : ماظني احد فيها
نجود اخذت نفس تحرك لفو يمشون
سلمان: وين الحين؟
نجود : بمشي حول الاستراحه يمكن الاقي شي
سلمان : تكفين صحراء بتنزلينها؟
نجود ناظرت فيه : تبادلني ؟
سلمان هز راسه فك الحزام ونزل يبادلها الاماكن
حرك سلمان بعد ماركب ينزل صحراء حول الاستراحه مشو بمكان خالي تماماً
نجود ناظرت بسياره تحترق بصحراء : يمه
سلمان : الله يعينهم مشى من جنب السياره سلمان ماسك طريقه نجود ناظرت بسياره فزت تنتبه لسياره صارخت له: سلمان وقف
سلمان لف لها
نجود : وقف سلمان وقف
وقف سلمان فتحت الباب تنزل نجود تركض لسياره وقفت تناظرها بصدمه : سيارته وربي سيارته ناظرت فيها بهول بصدمه
سلمان بصدمه : نجود تستهلبين السياره تحترق الحين!
نجود مسكت راسها تناظرها : قسم بالله سيارة ابوي وخالقي سلمان قربت لسياره كانت تحترق : تكفاا ليكون ابوي فيها قربت لسياره اكثر مسكها سلمان بقوه يبعدها: مجنونه انتي نارر
نجود ببكاء تناظره : ماهمني ماهمني ابي اشوف سلمان
سلمان : نجود وربي انتي مشبهه مستحيل هي
جلست على ركبها تبكي بقهر تناظر بسياره : قسم هي هي والله
سلمان ناظرها باستغراب مستحيل يقدر يميزها ناظر نجود الي جالسه : لو هي ليه تحترق الحين!
رفعت اكتافها بمعنى مدري وقفت تبي تناظرها مسكها سلمان من يدها : بنت
نجود ببكاء : والله هي هذي سيارتنا ميلت راسها تناظرها
أنت تقرأ
" بعض الخسّاير الله يامكبر ارباحها "
Conto"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
