البنت : الدكتور نجم قصدك؟
نجمه هزت راسها
البنت : مكتبه هنا على اليسار اشرت لها
نجمه : شكراً قربت للمكتب واقفت قدام الباب تناظر اخذت نفس تطقه مافيه اي رد فتحت الباب ناظرت في اربع عيال الي واقف والي جالس والي معه اوراق
ناظرت بالي جالس على كرسي المكتب لابس الابكوت
نجم : نعم؟
نجمه توترت تناظر سكرت الباب
اخذت نفس : رعب
وقفت قدام المكتب تنتظر مرت ١٠ دقايق حست بتصيح من الانتظار تحركت تمشي وترجع ناظرت من انفتح المكتب وطلعو العيال
قربت بسرعه طقت المكتب
دخل الابتوب بشنطه نزل الابكوت يعلقه و اخذ الاوراق اعتدل يوقف يناظرها : نعم؟
وقفت عند الباب وباقي مفتوح
نجمه : انا نجمه صالح
نجم : تاخرتي
نجمه : ماتاخرت
تعداها يطلع
نجمه : ماحضرتني
نجم طلع مع البوابه بدون يلتفت لها: بكرا تعالي انتهى دوامي
نجمه : شدخل يخلص ترا بالابتوب ضغطت زر
نجم : حتى القروب ضغطت زر
نجمه وقفت تناظره من ابعد : الحين هو غصب اسوي يعني ؟ لاتحضرني ولا انا مسويه واخر مره احضر محاضرات لك
نجم ركب سيارته: مبروك تكملين ترم الثاني غصب
نجمه : على الاقل قد تشافى الهندي واكمل معه
فتح الباب يناظرها : هندي ؟ كاني اشم ريحة سب !
لفت تبعد تمشي تحس لو بيدها تركض ركضت وقفت من مشى بسيارته : انا ليه ماامسك لساني غمضت عينها كل مابغت تكحلها عمتها جلست تحت الشمس مقهور كل جيتها خساره ناظرت برساله سلمان انه برا قربت للبوابه تطلع ركبت السياره ساكته
سلمان : عسى ماشر
نجمه : لا تكلمني ارجوك
سلمان : شفيك
نجمه اخذت نفس تسكت
سلمان : وجهك وجه الي حملت ماده
لفت تناظره
سلمان : شفيك بسم الله
-
جلس بصاله ناظر بمكالمة ابوه : سم
مساعد : وينك؟
عماد : قريب ليش
دخلت شيهانه ناظرت فيه اشر لها تسكت
سكتت كمل عماد : طيب العصر اجي ، زين
سكر جواله
شيهانه : ايش ؟
عماد : ابوي يبي اكون معهم اليوم
شيهانه : ليش؟
عماد : محكمة رافعين قضيه سواليف كثيره مالنا فيها
سكتت شيهانه لفت تناظر بالتلفيزيون
وقف عماد جلس جنبها لف تناظره
عماد : ودك نسافر؟
تعجبت تناظره : السبب؟
عماد : نغير جو
فتح جواله : اختاري وين ودك بس؟
شيهانه : والله خوفي تقلب علي عماد وتغير كل الموضوع بثانيه وبنهايه مايضيق غير صدري
زفر بملل عماد : اجل انسي
شيهانه : شفت
ناظرها عماد : قد قلتي لي خاطرك بايطاليا اعتبري تم مشى يبتعد عنها يطلع
بعد ساعه ونوص ناظرت برساله جوالها حجز التذكره اخذت نفس تفكر
-
العصر
صحت رانيا من صوت الجرس اخذت طرحتها تلفها ناظرت بولدها هايل صاحي تعدته تطلع برا الغرفه قربت للباب : مين؟
العسكري : اختي المتهم سلطان موجود؟
رانيا : اي متهم! لفت تناظر بصاله وكان كل هادي عرفت انه مب موجود
مسكت يدها تفركها قربت للباب : مو موجود والله
العسكري : مو مشكله بيوقفون عسكرين هنا وياليت اذا جاء تبلغينا
مسحت وجهها بخوف ناظرت من حست بشخص : سلطان!
نزل من الدرج غطا فمها بيده : اسكتي
ابعدت يده : يبونك وش مسوي انت!
سلطان : مالك شغل
ناظرت بالكيس الي بيده : بتهرب!
سلطان : مالك شغل قلت
رانيا : ودي اعتذر ياسلطان لكنك ماتستحق الاخوه ابد انت ماضريتني وبس ضريت عائله كاملة وفرقتهم ادعي ربي كل ليله يلم شملهم لكن الحين عشاني وعشان العائله
عقد حواجبها يناظرها تكمل
صارخت رانيا بقوه
فتح عينه بصدمه
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
