" بعض الخسّاير الله يامكبر ارباحها "

بارت 46

( ما اسامح القراءه بدون كومنت)

طلعو حنان وغزال يجهزون تحت
قربت نجمه لها مدت لها المنشفه ومده لها غسول بالورد اشرت على الحمام
ضحكت من حماسها : ترا بالصبح تونا
نجمه : اقول امشي بس ابي ياذن الظهر مخلصه من كل شي انتي
ضحكت من بدت تدفها للحمام
دخلت تتروش
لفت نجمه تناظر بالاغراض اخذت الفستان تعلقه على الدولاب وحطت الكعب الابيض تحته
اخذت الطاوله الصغيره تقربها لدولاب وتجهز الاكسسورات والعطر
لفت لتسريحه طلعت الفير والمكيب وبدت ترتبهم
اخذت نفس من تذكرت المصوره
اخذت جوالها ترسل لدانه
دانه : تكفين من اليوم اراسلها ماترد
نجمه : ماعليه تونا الصبح
دانه : متحمسه من الحين اجهز
ضحكت نجمه : مجاههد يدريي بنجيب مصوره؟د
دانه : لا يمه حتى نجود لاتدري يذبحونا
ضحكت تسكر الجوال
لفت من طلعت نجود ودخلت بعدها نجمه تتروش
-
اخذ جواله من اتصل عمار : هلا ابو ماهر
عمار : ارحب تعال للاستراحه حقت عزيمه عماد
مجاهد : اي عارفها جايك
بعد مده وقف عمار وعماد ومجاهد يشرفون على العزيمه
ضحك عماد : والله يان وقتك غلط
مجاهد : صدقني اهم شي انه رضى عادي لو يقول العرس الليله
عمار : الله يهديه يبي يصعببها علينا
عماد: كانت خطبه فجاءه ملكه
-
صرخت نجود : كيف ملكه كيف !!! مو خطبه وشوفه
غزال: والله انهار ياعمري عليها تقول انه اجبرهم
مسكت راسها تجلس طلعت نجمه وهي ضامه المنشفه عليها : صراخكم ارعبني وش صاير
غزال : صارت ملكه
لفت تدخل الحمام تلبس
بعد مده طلعت : صادقين؟
غزال : اجل ؟ ناظرت بحنان خلينا نجهز اغراضنا والظهر نروح هناك نشوف اغراض نجود
نجود : اي اغراض ؟
غزال : انهار وبنتها متكلفين بكوشتك
نجود : ياخي وش امداهم واضح يكذبون
غزال : اقول خوذي اغراضك ويالله مع اذان الظهر بنطلع
طلعت نجمه شنطة سفر وسط كطت فستان نجود وكعبها هذا المهم لفت تاخذ فستانها وكعبها بعد وتحطهم قربت للبوكس حق القلاده والاسوراه الفضيه لنجود حطتهم بوكسها وحطتهم بشنطه واخذت كم عطر
وقفت نجود تاخذ شنطه الميكب وتحط فيه المهم ونجمه اخذت الاجهزه
-
بالاستراحه
دخلو ثامر وسلمان يساعدون ويجهزون مع العيال بحكم انها صارت ملكه ومامعهم وقت
وقف مجاهد برا بعد ماقالت له اميره ان الكوشه وصلت استقبلها هالمره وهو مبسوط دخلها داخل
وبدو ينزلون الباقي طاولات صغيره ومن كروت دعووات لهم
ناظر بالكروت منزله على الطاوله قرب ياخذ كرت يناظره وكان موجود اسمها واسمه اخذه لسيارته
-
الظهر
حطو اغراضهم بسياره وركبو
حركو الاستراحه
وقفت عند الباب وكان موجود منيف
غزال : شكل سلمان موجود بعد
نجود : ملكة بنته
تنهدت غزال ونزلو
دخلو داخل
وبدو يتجهزون
دخلت غرفه فاضيه نجود ونجمه وبدو يتجهزون
صارخت نجمه : تفكين فستاننك ازرق يبي لك شي هادي وناعم ليش بني ؟
نجود : هذا لوني دايم احطه
اخذت الفرشه نجمه: بالله اسكتي وعطيني اسوي لك
بعد مده ساعه من هواش نجمه لنجود خلصت الميكب حقها
دخلت دانه وهي باقي مالبست : الله الله
ابتسمت نجود
نجمه : تعالي شوفي شرايك بالله؟
دانه : خيااالللل وربي
وقف نجود وجلست دانه ناظرها نجمه : ماسويت مكياجي!
دانه : انا اخت العريس بخلص بدري اعذريني
نجمه : طيب روحي للغرف الثانيه ليه هنا !
وقفت دانه : ياشينك ابي المح لك تسوين لي
ضحكت نجمه ومسكتها تجلسها : بسوي لك
دانه : فستاني بني
وبدت تتجهزهم
رجعو العيال للبيت بسياره وحده وبدو يتجهزون
-
دخل يتروش مره ثانيه طلع يتعطر ويتجهز
ثامر : عمي وراك مب بشاليه؟
سلمان : بروح الحين جيت اتجهزز
هز راسه يدخل بيتهم ثامر ويجهز
-
المغرب
بدو الرجال يجون ولان مافيه وقت عزمو الرجال والحريم فقط القريبات
دخلت نهال وبيدها انس والتعب واضح بوجهها من الحمل
دخلت داخل ناظرت بحنان : عمتي
لفت لها حنان : ياهلا ومرحبا
نهال : وينها نجمه؟
حنان اشرت على الغرفه : هنا
هزت راسها تدخل لها
سكرت سحاب الفستان نجود ابتعدت : سكرته
عطتها ظهرها نجود وسكرت السحاب نجمه
دخلت نهال : ماشاءلله عليكم
ابتسمت نجمه : شرايك بس ؟
نهال : مره تجننني
قربت تسلم عليها نجود
-
دخل المملك وقف مجاهد يسلم عليه ابتسم من دخل بعده سلمان لكنه خاف لو يسوي شي لانه مب راضي
جلس المملك وجنبه سلمان والجنب الثاني مجاهد
وقف منيف ياخذ الكتاب ويدخل لنجود
تغطت نجمه ونهال ودخلو غزال وحنان ودخل منيف بعد والكتاب بيده قرب ينزله لنجود : وقعي
وقعت بهدوء بدون تناظر باسمه تحس توترت وخافت وقفت تناظرهم حضنها منيف بقوه : اووف خايف ابكي وينقدون
ضحكت نجمه : ابك ولا عليكم منهم
ابتعد ياخذ الكتاب ويدخل عند الرجال
قربت غزال تحضنها بقوه والفرحه مو سايعتها
طلعو حنان وغزال بعد ماباركو لها يستقبلون الضيوف
لفت تناظر بنجمه الي رمت عباتها وركضت تحضنها : اوووف اوووف مو مممصدددقهه
ضحكت نجود
ابتعدت نجمه : خليني بعد العزيمه احضنك لين اخلص الفرح الي بداخلي
ابتسمت نهال تبارك لها وطلعت لضيوف
-
توترت تناظر بنجمه : اقدر اكنسل؟
ضحكت نجمه : اقول امشي بس بروح اشوف الكوشه وارجع اركض
نجود : يبي نتغطى لانها برا الغرفه بينا وبينهم
نجمه: اخس استراحه
نجود : ماعليه اخذت شنطه صغيره نجمه حطت فيها عطر وروج وكم حاجة لبسو عباتهم وطلعو برا ناظرو بغزال الي واقفه عند الباب طلعو سوا للغرفه الي تعبتر جناح
وقفت نجود تناظر بالكوشه والورد حولها والاغراض مسكت بطنها برعب ولا كنها قد جربت
نجمه : ماشاءلله تبارك الله لفت تناظرها تعالي اجهزك عشان يمدي اطلع قبلل يجي
مشت معها نجود عدلتها نجمه وعدلت شعرها وزادت روج
اخذت العطر نجود وتعطرت
غطت نفسها نجمه واخذت الاغراض تطلع
وقفت تتاكد من العطر لو معها
انتبهت لترحيب ثامر الحار لضيف الي جاء
ماتدري هو وقت فضولها ولا قربت عند الجدار حق الغرفه تناظر بالرجال انصدمت من كان الشخص الي يرحب فيه ثامر هو نجم
مسكت نفسها لاتبكي مشت لقسم الحريم دخلت للغرفه حقتهم الاولى نزلت عباتها واغراضها ودخلت للضيوف وقفت جنب امها
-
توترت من دخل منيف وابوها وسلمان وثامر
ابتسمت من حضنها سلمان : الف مبروك يابنتي
سكتت ولا ردت
قرب سلمان يحضنها: مبرررووووكك
ثامر باس راسها : مبروك ياعيني مبروك
نجود بهمس : الله يبارك فيكم
وقفت غزال لابسه عباتها كانها جلال حول اكتافها : لاتوترونهم اطلعو
وقف سلمان وطلع وخلفه منيف
ثامر : تطردينا؟
غزال : مابي اوترهم حتى انا بطلع
شهقت نجود : امي !
طلع ثامر وخلفه سلمان
عدلت عباتها غزال قربت للباب مسكتها نجود توقفها : يمه تخليني
غزال : روحي اوقفي هناك
وقفت نجود مكانها وماسكه الباب : يمه!
فتحته بقوه غزال وكان مجاهد واقف خلفه : خاله بتطلعين؟
انرعبت من سمعت صوته ركضت وصوت كعبها واضح للكوشه توقف بتوتر
غزال : اي اخذو راحتكم
ابتعدت غزال عنهم
ماتدري كم مر على وقفته عند الباب ولا تدري كم اخذت تنتظره يدخل الا انهم طولو وكل مننهم متوتر
اخذت نفس تهدي نفسها نزلت نظرها ليدها كيف حمراء من كثر ماضغطت عليها
فتح الباب ودخل وقف عند الباب يناظرها
رفعت نظرها تناظره حست لو يزيد توترها زياده يمكن يطلع قلبها من نبضه
قررب ولا يدري كيف قدر يمشي الين وقف عندها مسك كفها بكفه ناظرها : ليه متوتره
ناظر بيدها : اذا توترتي من اليوم ورايح لاتضغطين على يدك اضغطي على يديني