بالمجلس
مساعد : جيتكم اركض من دريت والله اعذرني ياسلمان
سلمان جلس بعد ماسلم عليه : ماعليه الحمدلله
مساعد : وش قالو من وش الحريق
صالح اخذ فنجال القهوه من مده منيف : يقولون الطبلون منفجر
سلمان : الغريب ماقد جاء ضغط للطبلون مدري من ايش ينفجر
مساعد : يمكن مطولين مشغلين فيش شي
سلمان : لا حريصين واساساً من كثرنا بالبيت؟
مساعد : بالبيت وغيره اهم شي سلامتكم
سلمان : اي والله
-
انهار : الله يستر بس والحمدلله الي سلمتو
غزال بخوف : بس نجود ياخوفي عليها ماطلعت لهلحين
حنان: الله يهديك نجود بخير وماعليها بس يتاكدون خوف
انهار : ماراح يطلعونها هاليوم؟
حنان : الا بس قالو بيتاكدون ويطلعونها ان شاءلله
غزال سكتت وهي كل تفكيرها بنجود
انهار : كيف الموقف صار كيف حسيتو بالحريق
اخذت نفس غزال : قمت وريحة الدخان تخوف الله لايعيش احد هالموقف بغيت انهار على عيالي مشيت بصعوبه الا منيف ياعمري واقف ينادي واخذني بالغصب كنت ابي اشوف نجود نزلي برا وجيت اركض لبيت حنان
ومنيف خبري راح لنجود بعدين مدري وش صار صدق ماسالتهم
انهار : اهم شي جت سليمه ياعمري عليها
-
وقف سلمان بصدمه : كيف!
ابراهيم : مدري ياخوك يوم جيت الحين الا الدنيا حايسه والكل خايف مانعرف من وين صارر
مسح على وجهه سلمان : حسبي الله
مساعد بخوف : شصاير ياسلمان
صالح : نجود نجود فيها شي؟
سلمان : بجيكم
قفل جواله جلس يمسك راسه
رفع راسه يناظرهم : المركز احترق والحمدلله امداهم يلحقون عليه قبل ينتشر
مساعد : لاحول ولا قوه الا بالله
صالح : لا واضح انه شخص متعمد
سلمان : والشخص ذا اعرفه اعرفه زين حسبي الله
مساعد : منهو ليكون سلطان ماغيره؟
صالح : شكله هو
سلمان ضغط على ركبته : مدري شسوي بحياتي يعاقبني هالشخص
مساعد : ماعليك اهم شي ماصار اصابات وهذا سلطان بعلمك وش اسوي فيه
-
المغرب
جلست نجود على السرير بعد ماقالو لها هن التحاليل
نجمه : الحمدلله يارب انك سليمه
نجود : الحمدلله يارب
نجمه : بجهز اغراضك عشان نطلع
هزت راسها نجود
اخذت نجمه ثوب لنجود
نحود باستغراب : ثوبك هذا؟
نجمه : اي جبته من عندي
نجود : وين ملابسي الي كانت علي ؟
نجمه : اي ملابس جابوك مفصخه
فتحت عينها بصدمه نجود : شلون!
نجمه : لابسه رروب
نجود اخذت نفس : قولي طيب
لفت نجمه تاخذ عباية نجود تلبسها
انتبهت نجمه لشماغ ناظرت بالباب يطق اخذت الشماغ وطرحته بلارض عند رجلها
دخل سلمان ومنيف
سلمان : سلام عليكم
ناظرت فيهم نجود : وعليكم السلام ياهلا
قرب سلمان لها وسلم عليها: الحمدلله على سلامتك والله يان هاليوم مابننساه
نجود : الله يسلمك عدا
منيف مسك كف نجود : بنروح عندهم الين مانشوف بيتنا
نجود ناظرت بنجمه نطقت نجمه : غرفتي لك ولعيونك
نجود : مأسال عن الغرفه بيتنا لمتى بيعدلون فيه مره راح فيها
سلمان : البيت يتجدد يانجود
سكتت نجود تفكر
منيف : يالله استعجلو امي قلقانه عليك
هزت راسها نجود وبدت تلبس نقابها
مسك يدها منيف يمشي معها
وسلمان قدامهم
اخذت نجمه الشماغ وحشرته بشنطة يدها : ادخل
حاولت تحشره الين مانحشر خلت الشنطة مفتوحها ومشت تطلع
طلعو برا المستشفى
-
ناظر مجاهد بامه بصاله لوحدها جلس معها
مجاهد : سلام عليكم
انهار نزلت جوالها ناظرت فيه : كذا يومي صار حلو
مجاهد : ليه ؟
انهار بابتسامه : انت تخلي يومي حلو
مجاهد : اي هذا الشي متاكد منه لكن وشصار بيومك اليوم؟
انهار : اليوم رحت لغزال ماشفت بيتهم؟
مجاهد : الا شفته محترق
انهار : اخخ الفجر احترق انا مقهوره اننا ماحسينا
سكت مجاهد يناظرها كملت : ام منيف بيت اخو زوجها ونجود بالمستشفى يقولون انها تسوي تحاليل بس مدري احس صاير شي لان غزال بس تفكر وخايفه طول الوقت
عقد حواجبه مجاهد
انهار : بس الحمدلله الي تاكدت منه انه ماجاهم اي اصابات
مجاهد : اي الحمدلله
انهار : انت وينك مختفي ؟
مجاهد وقف : موجود
انهار : يالله يانت ماقعد معك دقايق حتى
مجاهد : عندي شغل طلع برا ناظر بيتهم مشى يركب سيارته اخذ جواله يتصل براكان : يالحبيب
راكان : ارحب
مجاهد : قد قلت لي ان صاحبك دكتور ؟
راكان : اي بالتخصصي عندك
مجاهد : طيب اذا تقدر تخليه يشوف لي موضوع بس مااحد يعرف
راكان : مافهمت كيف يشوف لك بدون مااحد يعرف يعني كيف يعرف هو
مجاهد : صدقني اكره شخص عندي هو انت استيعابك يالله بس مضطر اشرح لك
ضحك راكان
-
بيت حنان
مدت حنان كوب كمون لنجود اخذت نجود الكوب وبدت تشرب ناظرت بامها الي حاطه يد على ظهر نجود ويد على فخذها تقرا وتدعي
ابتسمت نجود تناظر بحنان
حنان : لاتلومينها قلقانه عليك بشكل
غزال حطت راسها على كتف نجود : والله خفت عليك تمنيت لو فيني ولا فيك
نجمه : امي ترا كل ماتقابلنا غزال ونجود يقهرنني امدحيني ياخي حسسيني اني بنتك ترا بقوم افتش باوراق ابوي الي عنده بتاكد اني بنتكم
دخل سلمان : ياربي بلعت راديو ماتسكت
وقفت حنان قربت لنجمه تحضنها : اذا مابينت لك حبي ف ابينه بالدعوات
حضنتها نجمه : مااامي
سلمان : قرف
نجود : غيران خل عنك القرف
سلمان : شدخلك يعنني الحين تعبانه والكل مهتم فيك ناظر بغزال : ترا تكذب شفتها تمتر المستشفى رايحه جايه وهنا يالله تمشي
ضحكت غزال رفعت حواجبها نجود : ياكذاب
سلمان : الحمدلله اني ماصحيت الا اخر شي ولا تخيلو اساعد واتعب مع وحده كذابه
نجود : شلون ماصحيت الا متاخر انت؟
سلمان : اي وابوي يحاول فيني يصحيني بس عمي ومنيف مدري وينهم
غزال ناظرت بنجود : منيف يقولي انه ماسك ابوك لايدخل عليك بالحريق
استغربت نجود ابعدت نظرها عنهم تفكر
ناظرت نجمه فيها
نجود : بس ان،،
قاطعتها نجمه : بتسوون عزيمه لنجود؟
كلهم بصوت واحد : لا
سلمان : عمي وابوي تصدقو على سلامتهم بس
سكتت نجمه وهي عارفه انه ماله داعي عزيمه بس عشان تسكت نجود وقفت نجود تبعد عنهم وترقى فرق لغرفة نجمه
ناظرت نجمه فيها وهي ترقى
لفت لامها وغزال الي قربو يسولفون
اخذ جواله سلمان يراسل
-
وقف عند الفله فتح الباب بمفتاحه
سمع صوت الاغاني العالي اخذ نفس : حركاتك
قرب يدخل داخل ناظر فيها جالسه ولابسه بنطلون ضيق وتيشيرت ضيق وقفت من شافته قفلت الصوت : عماد بدري عليك!
عماد : وش قلت لك بالبدايه؟
شيهانه : مو معناته تسفهني كذا!
عماد : ماسفهتك انا قلت لك قبل عشان تفهمين وش قلتي انك موافقه
شيهانه ميلت جسمها : لو انت ملاحظ انك تاخذ بشهور ماتجي لي !
عماد : ناقصك شي ؟ اي شي تبينه اوفره لك !
شيهانه : انت تنقصني البيت موحش انا صرت اخاف عماد
عماد : شرايك اخذك لبيت اهلي بعد ؟
شيهانه قربت له تمسك خده : عماد وش في نفسيتك ماخبرتك كذا؟
ابعد عماد يدها : نفسيتي تعبانه هالفتره
ابتسمت شيهانه : ماقد رحت من عندي الا ونفسيتك زاينه
ابتسم لها يناظرها
-
بالمكتب
يناظرون بالكاميرات الخارجيه وفعلاً ماخاب ظنهم
مساعد : الكلب
سلمان : يعني حتى وهو مسوي شي قوي ماياخذ حذره
صالح : هذا بس ارفع عليه قضيه ويموتونه لانه ضر العساكر
سلمان : غبي
اخذ سلمان نسخه بجواله ونسخه حفظها بالابتوب وقف يناظرهم : نرفع عليه قضيه بكرا؟
مساعد : وليه مو الحين؟
سلمان : ودي اشوفه الحين
صالح : مستحيل!
مساعد : انا معك
سلمان هز راسه ومشى يركب سيارته ومعه مساعد
طلع صالح يناظرهم من مشو ركب سيارته وتوجه لبيته
-
عند سلطان وقف يسمع سبهم وشتمهم عليه
ناظرت فيه اخته اخذت ولدها عمره سنتين حملته تبعد وتقفل الغرفه عليها جلست تناظر بولدها بخوف
فتح الباب سلطان ناظرهم : نعم؟
ضحك سلمان : ياشيخ اهنيك على البطوله الي بتنهيك
سلطان : اي بطوله؟
مساعد : اي بطوله دفه بقوه لداخل
-
( اسمعو ترا بزعل عليكم اكتبو لي توقعاتكم ولا بعاقبكم مثل الانستا واسحب ايام )
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
