ركبت السياره وحركت متجهه للمركز لان الحين وقت دوامه بعد مده وقفت
نزلت من السياره ناظرت بالمركز بلعت ريقها تدخل قربت لقسم التدريب نزلت تحت قربت لغرفه تدريب ابراهيم وقفت عند الباب تناظر ب مجاهد ماسك المسدس ويرمي باتجاه العلبه
ناظر فيها ابراهيم
تقدمت لهم : سلام عليكم
نزل السلاح مجاهد لف لها ناظرها باستغراب
ابراهيم ناظر بنظرات ابراهيم لها لف نظره لنجود : وعليكم السلام
نجود : اذا ممكن ابي مجاهد
عقد حواجبه مجاهد : تعالي
مشى بدون ماياخذ اذن ابراهيم وقف عند باب الغرفه : سمي
نجود : مدري كيف اقولك لكني انقبلت جامعه امس
ابتسم مجاهد : مبروك الله يوفقك يارب
نجود : امين وياك
مجاهد : ايش التخصص
نجود : تصميم ازياء
ابتسم مجاهد بهدوء
نجود : بياناتي تلخبطت سكتت ماتعرف كيف تقوله
مجاهد : اي؟
نجود : ابي بطاقه العائله
مجاهد : اي عائله؟
نجود : عائله اشرت باصبعها انا وانت
مجاهد بتذكر: نسيتها
نجود : وين؟
مجااهد : بالبيت وصلوه الصبح وخليته بالبيت
نجود : احتاجه الحين طيب
مجاهد : مافي مشكله تروحين انتي ؟
نجود : سلامات!
مجاهد : طيب بحاول اطلع
نجود: تمام انتظرك عند البوابه
مجاهد : طيب
مشت نجود ترقى ناظرت بسلمان واقف يسولف مع شخص مشت تبعد عنه
ناظرها سلمان مشى خلفها : نجود
كملت نجود تمشي وكانها ماتسمعه
مسك كتفها سلمان: اوقفي يابنت
وقفت نجود تناظره وهو باقي ماسك كتفها
سلمان : اسف وربي اسف ياخي،، قاطعته نجود : اسف ايش ؟ سلمان انا كنت احتاجك انت وثامر لكن وينكم؟ اختفيتو ! ثامر اختفى نهائياً مايطلع اساساً من زمان لكن انت؟ الي كنا مانطول عن بعض ؟ فجاءه يوم ابوي طلع لنا واحتاجتك انت اكثر ماجيت ولا سالت حتى؟ ياخي انا لو بمكانك ماالي وجه امسك يدها حتى فلتت يدها ابتعدت تمشي للبوابه
مشى خلفها لكن وقفه صوت مجاهد : سلمان
وقف سلمان لف له يناظره
قرب مجاهد له حط كفه على كتفه : قالت لك ابعد؟
سلمان : لا طبعاً
مجاهد : طيب انا اقولك ابعد عنها وخلها
سلمان ناظر بكفه ابعدها عن كتفه : شعندك صاير تتكلم وبطل عندي توكل الله يستر عليك بس
لفو يناظرون لنجود : تاخرت مجاهد
هز راسه مجاهد يناظر بسلمان : لاتقرب !
مشى يبعد عن سلمان طلع برا المركز
نجود ناظرته : امس وديتني بسيارتك اليوم دوري
مجاهد : اخاف على نفسي والله
نجود ناظرته : شقصدك؟
مجاهد : سلامتك مين يسوق ؟
نجود : انا طبعاً
هز راسه فتحت السياره نجود وركبو ربطت حزامها نجود
ناظرت فيه يناظرها : اربط الحزام عشان سلامتك
مجاهد : عشان سلامتي عزالله وصلت بيتي
ضحكت نجود : توصل توصل ان شاءلله ماعليك
ابتسم من ضحكتها ربط حزامه حركت السياره
بسياره
نجود : تدري الله يعينك بتلقاني كل شوي اسالك عن الرسم
مجاهد : كلي لك متى ماودك اساعدك
نجود ناظرت فيه لفت تناظر بالطريق : يعني لو اقولك ان ماعندي اي خبره بالرسم
مجاهد : ليش دخلتي تصميم ازياء
نجود : ياخي ماعرف تدري ماقد قلت لاحد يمكن لاني ماهتميت بس فجاءه يوم جيت اقدم اخترته حسيت ابيه
مجاهد : مافيه احد حمسك
نجود : صح ماكان احد يسمع لشي الي ودي فيه
مجاهد : التصميم حلو وممتع لانه رسم وتخيطين يعني له كذا شغله
نجود : صح
مجاهد : بكرا تفتحين لك محل وتصيرين اشهر مصممه
نجود : بفتحه جنب معرضك ان شاءلله ونصير مشهورين
مجاهد ضحك يناظر بالطريق : اي معرض بالله
وقفت نجود عند بيته : مو منجدك ماتفتح معرض؟
مجاهد : نجود مستحيل
نزل سكر الباب توجهه لغرفته ياخذ الكرت
بعد مده فتح الباب يركب : تاخرت
نجود : لا بس نرجع لموضوعنا
مجاهد همست : نشبت
نجود : يعني ايش سبب الي يمنعك؟
مجاهد مد لها الكرت اخذته تحطه بشنطتها : اسباب كثيره مو سبب
نجود : طيب ايش هي
مجاهد : يعني لو صارحت اهلي اني بفتح محل وبيكون معرض لرسماتي بيرفضون
نجود : وليه بتمنع نفسك من شي تبيه عشان موافقتهم؟
انا معك وانا بساعدك وانا بخليك تفتحه غصب رسماتك حرام تمنع الناس مايشوفونها!
مجاهد : نجود تكفين ابعدي عن هالموضوع وخليني كذا مرتاح
نجود سكتت شغلت السياره تحرك للمركز
بعد مده وقفت عند المركز
ناظرها مجاهد : عطيني رقمك
نجود : تمام
بدت تمليه الرقم اتصل عليها
مجاهد قبل ينزل ناظرها : اقولك شي
نجود : سم
مجاهد : تدرين انتي اول وحده مدحت لي رسماتي !
ناظرته نجود كمل مجاهد : ابوي يماا سبه وسبه الين عاف لي اني اقول لاحد اني رسام ف انتي الوحيده الي عرفتي بدون ماقولك وانتي الوحيده الي حبيتي رسوماتي يعني صدق مدري شقولك بس شكراً
سكتت نجود ماتعرف وش تقوله فتح الباب ونزل سكر الباب
حركت للجامعه
وقفت عندها نزلت
بعد مده جاء دورها دخلت
تماضر : نجود مليني معلوماتك
بدت تملي نجود
تماضر :تمام باقي اخر شي
نجود : ايش؟
تماضر : موافقه الزوج مدت لها ورقه
نجود : لازم؟
تماضر : اكيد !
وقفت نجود اخذت الورقه تطلع برا بالحوش وقفت تاخذ جوالها لفت من جت خلفها تماضر ناظرتها : الورقه ماتطلع برا هالباب اشرت لها على بوابه الخروج
نجود : بس ابي اروح له
تماضر : للاسف مممنوع
ناظرت فيها نجود بوهقه مدت يدها تماضر تاخذ الورقه : اذا جاء تجين تاخذين الورقه من عندي
ابتعدت تماضر ناظر نجود بالبنات الي ينتظرون ويسجلون لفت نظرها تناظر بالبوابه : يعني باكل ورقتهم!
اخذت جوالها تناظر برقمه اتصلت عليه لكنه مارد
اتصلت مره ثانيه
رد مجاهد وهو يلقط انفاسه : سمي
نجود : والله مجاهد ماعليش اتعبتك يعني
مجاهد : ماعليك ايش بغيتي
نجود حكت له
مجاهد : طيب انتظري دقايق وارد لك
نجود : تمام انتظرك
قفل مجاهد نزل جواله يناظر بابراهيم : عندي ظرف
ابراهيم : طارى؟
مجاهد : اي بطلع
لف يطلع مجاهد ركب سيارته اتصل عليها
ردت نجود : هلا
مجاهد : ارسلي لي موقعك
نجود : تمام
دخلت نجود تسجل رقمه اخذت تفكر وش تسميه ولان ج و د مشترك باسمهم ف سمته GD
ارسلت له الموقع
ناظر مجاهد برسالتها ومشى على الموقع بعد مده وقف مجاهد عند الجامعه
اتصل عليها
اخذت جوالها توقف : هلا
مجاهد : عند الباب
نجود : تمام دقايق اجيب الورقه
مجاهد : طيب
بعد مده
طلعت نجود له برا نزل لها ببدلته قرب لها عند باب الجامعه
نجود : هنا تعبي بياناتك
مجاهد اخذ الورقه والقلم وبدا يعبي ناظر بكل الكلام وانه صار مسؤول عنها وهي نهايتهم واضحه ناظر فيها : نجود ليش اعبي البيانات اني زوجك واحنا نهايتنا واضحه؟
يعني مقصدي انك بعدين بتغيرينها
نجود ناظرت بانه خلص : لاتسالني عن شي ماعرف له اخذت الورقه ومشت عنه تدخل
-
بعد مده طلعت برا ناظرته بسياارته اشر لها تجي
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
