" بعض الخسّاير الله يامكبر ارباحها "

55

وقفو السياره جنب سياره سلمان ومنيف فتحو الشبابيك
سلمان : الحين مالقيتو الا القهوجين نمسكهم؟
عماد : ليه وش شصار؟
سلمان : قول وش ماصار ماحد يفهم
منيف : يفهمون بس ذا اليوم ماش
مجاهد : ليه سلمان شفيك؟
سلمان : مافيني شي منيف يحب يسولف
مجاهد : تدري وجهك وجه الي موجوع من حب؟
رفع حاجبه سلمان يناظره كمل مجاهد : دندنو ضرب على ركبته على اساس يطبل والكل فهمها كذا ماعدا سلمان
لانت ملامح سلمان همس يناظر بمنيف : دندنو؟
منيف : يعني وش ؟
سلمان : اخته ياحمار شعرفه !!!!
لانت ملامح منيف من تذكر يوم قال لنجود ناظر فيه : ماقلت
سلمان : لاتكذب مااحد يدري غيرك ، كيف صارحته ياحمار!
منيف : نجود هي الي قالت واضح
مسك راسه بصدمه : بعد فيه احد يدري
ناظر بمجاهد : وش باقي ياعيال ؟
عمار : الحين بنروح نشري كراتين تمر ومويا
عماد.: احس تونا على ذي !
مجاهد : صح بنحجز الحلويات والباقي والتززين اذا نسيتو
تنهد منيف : وش تزينه هذي امور للحريم شيفهمنا
مجاهد سمعه وناظر فيه : نفصل على الي ودهم
عمار ناظر بسلمان : اسمع بنمر البيت وقفو سيارتكم وتعالو معنا يالله
حركو لبيتهم ووقفو السياره وركبو سوا
قدام عماد وعمار والباقي ورا
نط منيف وشغل على زفه باسم مجاهد بدو يرقصون ويغنون ويضحكون من رقص مجاهد بحماس
عماد : اذكرو الله على وليدي تراه رسام
سلمان ناظر بمنيف : تسمعينه يابنت ارقصي قدامه يقولون رسام اشر بيده يعني فلوس
انهارو ضحك من كلام سلمان
نزل منيف شماغه من راسه وبدا يلف براسه لمجاهد
مجاهد : والله لو ان شعرك لحد ظهرك مااخذك بس اهجدي
ضحك منيف : تراك اخذ اختي يعني تشبهني غير شعره، غطا فم منيف مجاهد : سلامات ياولد
فتح فمه صدمه سلمان : منيف وين الرجل الغيور
عمار : ماسمعنا ماسمعنا
منيف مسك اذنه بالم يناظر بمجاهد : اذني ياورع
مجاهد : خلها تسمع وش تقول
منيف : وانا صادق وراك تسبني وهي تشبهني
ناظر مجاهد بعمار : وقف والله لانزله
سلمان : انا معك
منيف : وقفتو علي ناظر بمجاهد : ترا يمدي اعبي راس اختي عليك
مجاهد نزل من وقف عمار وسحب منيف ينزله بشمس : ارجع للبيت برجلك
منيف : ياحمار تستهبل حركو بسياره يضحكون ومنيف خلفهم مشو ودخلو مع لفه مختصره ترجعهم لنفس الطريق رجعو لمنيف واقف ومتكتف فتح الشباك مجاهد : عقلت ؟
نط سلمان : بديت تغار؟
منيف : افتح ولا يكثر ركب وحركو يحجزون تزيينات للقصر وغيره
-
عضت شفتها نجمه تناظر بملابس نوم اخذت نفس تناظر بنجود : تذكرين قصه سمو واثمار؟
نجود : شفيهم؟ ناسيه
نجمه : اثمار حطت ملابس نوم لسمو واذكر اختها بعد
رفعت راسها نجود تناظر مالت بوقفتها : وبتقلدينها؟
نجمه : لا الحركات هذي ماهي جوي
نجود : اي الحمدلله لاني ماتخيل اجيه بملابس نوم والاعياذ بالله
ابتسمت من تحت نقابها نجمه : ماعليك انا بعد مارضى

لفت نجود من نادتها غزال ودخلت المحل معها وحنان معهم
ميلت راسها نجمه تناظر بالمحل قدامها : ودي انبسط وش اسوي يعني قربت تدخل : بعدين بيدعي لي مجاهد اكيد نجود تستر حتى شعرها لو بيدها
ناظرت بالقمصان وفيه بجايم خفيفه وارواب : عشانك باخذ بجامه ناظرت بوحده حمراء : نجود سامحيني مسكت البجامه تناظرها
لفت بتحاسبها واخذتها تطلع ناظرت بنجود الي جايتها انخرشت
نجود : وربي اندمك لو شريتي منه
نجمه : سلامات ماشريت ولا شي هذي اغراضي قبل شوي
نجود تعدتها تمشي وتتوعد فيها
نجمه همست : شفيها ذي هذا يسمونه خير فعلاً يقولون افعل خير تلقى شر
مشت معها واخذو بعض الاغراض
حنان : نجمه ماشريتي شي
ناظرتها نجود : ماشريتي ؟
رفعت الكيس الي معها : شريت لي غرض الحين بشوف الفساتين مشت عنهم وجت بجنب غزال يناظرون بالفساتين
-
"بعد اسبوع وتبقى اسبوع عن العرس"
سكرت الشناط نجود بعد ماجهزتهم : خلصتها بدري ابي اخلص كل شي مابي اشيل هم شي
رفعت نظرها نجمه تناظر بالاغراض الي بالغرفه وذهب نجود : بكرا بنروح نشوف فستانك
رفعت راسها تتنفس بقوه : متوتره وحيلل
ابتسمت نجمه
طفو النور وسكرو الباب يطلعون رقو لغرفه نجود ونامو بتعب من اسبوع وهم مايرتاحون
-
الظهر
نزلو للمحل ودخلو
رفيف : اهلاً اهلاً بعروستنا
ابتسمت نجود
دخلو داخل تقدمت رفا بالفستان  : بساعدك فيه
دخلو داخل وبدت تساعدها رفا تسكره وتضبطه تقدمت تلبسها الطرحه
ناظرت نجود في نفسها لفت لرفا : عادي تخليني لوحدي ؟
ابتسمت رفا : اكيد طلعت
ناظرت نجود بنفسها بالمرايا مسكت قلبها بتوتر مسكت الطرحه ومطرز فيها حبات لولو ابتسمت : تجنن لفت وفتحت نص الستاره : مستعدين
كلهم بصوت واحد : اي
فتحت الستاره كامله رفا وطلعت نجود لهم
وقفت نجمه بفرح تناظرها تجمعت الدموع بعينها : نجووود
عضت شفتها غزال تمنع بكيها لكن ماقدرت نزلت راسها تبكي تقدمت لها رفيف بالمنديل وتمسح على اكتافها
رفعت راسها تبتسم لنجود وقفت لها وتقدمت تحضنها بدون تتكلم
ابتسمت حنان
رفيف : عمري نجود اجمل عروس
ابتعدت غزال واخذت منديل تمسح دموعها ناظرت برفيف : اول مره تشوفني ابكي
رفيف : حبيبتي دموع فرح ياقلبي
ابتسمت نجود من حضنتها نجمه من دون شعور تحس بتطير
ضحكت نجود : نجمه
ابتعدت نجمه وهي باقي حاضنتها : صدقيني احس بنتي تتزوج
ضحكو كلهم عليها وعلى شعورها
ناظرتها نجمه تضحك وابتعدت
وتقدمت حنان تمدحها وتمدح فستانها

مسك راسه بصداع له كم يوم ماينام الا ساعات من الشغل
بدو يجهزون بالقصر والكوشه وغيره
مساعد : خلص اشوا
مجاهد تقدم بفاتوره بيده : اي خلصنا
سلمان ابو نجود : باقي التمر والمويا وصحون لتمر
مجاهد : قبل العرس بيوم نجهزها
مساعد : صح
سلمان : خلها علي انا
مجاهد : لا لاتتعب نفسك العيال يخلصونه
سلمان : خلني ماسويت شي غير اشياء بسيطه
مجاهد هز راسه وابتعد عنهم يرجع للبيت بتعب
-
الليل
ركبت نجمه السياره ناظرت بنجم
نجم : اسبوع وعليها !
نجمه ابتسمت وتقدمت تحضنه: والله اسفه يوم اعتذر منك بس اشتغل مع نجود وتعبت
ضاع من حضنته هي والاكثر ريحة عطرها توترت من ما رد عليها حاولت تبتعد ضغط عليها غمضت عينها بتوتر
نجم : ابقي خليك حاضنتني
انخرشو من طق الشباك بقوه لفت نجمه تناظر بسلمان شهقت : سلمان
نجم قفل السياره بالقفل وحرك
لفت تناظره : ماشفناه وش يبي ؟
نجم : وش يبي تلقينه بيركب معنا واضح
ناظرته : طيب عادي خله يركب
رفع حاجبه يناظرها ضحكت من نظرته
ابتسم يناظر بطريق: ابي اقولك كلام
نجمه : عن؟
نجم : الحين بوقف واقولك بس وشرايك وين ؟
نجمه : وين ماودك مايهمني المكان يهمني الي معي
عقد حواجبه : هي مدحه واضح بس ماقلتها زين
ضحكت: والله مدحه
وقف نجم عند مخطط والقمر واضح وبالحيل
نزل كرسيه ولف لها وسوت نفسه وصارو متقابلين
نجم : بقولك
هزت راسها وكمل : خلي زواجنا بعد زواج بنت عمك بيومين
انصدمت تناظره : زواجي بعد اسبوع ويومين مسكت راسها مسك يدها : نجمه وربي اسوي لك زواج ماتنسينه ابد وغير كذا خلي بس عائلتنا واشخاص قريبين
ناظرته نجمه : انا مايهمني من يجي انا ماجهزت ولا سويت شي ابداً
نجم : مختصر زواجنا وبيصير هادي وصغير وحلو يعني مايبي له تتتجهزين من فتره عادي اصلاً اغلب اغراضك تشرينها معي
-
بالبيت
دخلت نجمه وسكرت الباب
لفت تناظرها حنان : طولتي
قربت وجلست : اي جلسنا نسولف وراح الوقت
حنان : الله يحفظكم
نجمه: نجم يقولي بيعجل بزواجنا ويصير بعد اسبوع ويومين
اعتدلت بجلستها تذكرت ام نجم وش ممكن تضر نجمه ناظرت فيها : وش قلتي له
نجمه : وافقت عادي بيصير مختصر وو