" بعض الخسّاير الله يامكبر ارباحها "

بارت 44

وقفت قريب من الجدار تناظر بنجم من سلم على ثامر انصدمت من حضنه ثامر وكانه شخص يعرفه حطت يدها على فمها بصدمه هي كيف بتصارح ثامر هذا مريض والله مريض ناظرتهم من دخلو وسكر الباب نجم طلعت من المبنى دخلت عن البنات
ناظروها قربت لهم : بنات
ناظروها كملت : ثامر جاء
شهقت نجود : وشجابه
نجمه بكت تنزل راسها : ماعرف والله ماعرف
مسكتها دانه ناظرت بنجود
مسكت راسها نجود
بعد ساعه طلعو من الجامعه
نزلت نجود دانه وناظرت بنجمه: تروحين معي طيب ؟
هزت راسها نجمه
وحركت نجود لبيتهم نزلو ودخلت نجمه لغرفة نجود علطول ناظرت نجود بامها بصاله : يمه ترا جينا
غزال ناظرتها : جينا؟
نجود : نجمه معي
هزت راسها غزال : تبون غدا؟
نجود : لا بننام لفت ترقى
-
فتح غرفته مشى بهدوء لغرفه دانه طق الباب
دانه : ادخل يالحبيب
دخل مجاهد وناظرها : شصار
دانه : تعال انصدم معي
حكت له انه فيه شخص خطب نجود وانهم طلعو برا بيتهم للبيت الي باسم امهم
عقد حواجبه: يستهبل
دانه : الحين شمعنى يعني ماشاءلله بس شمعنى تنخطب كذا
وقف مجاهد بدون يتكلم طلع لغرفته
اخذ جواله يرسل لسلمان وقاله انه باقي بالمركز
اخذ مفتاحه وطلع برا البيت للمركز
وقف عنده ونزل قرب لمكتب سلمان طقه
سلمان : ادخل
دخل مجاهد بهدوء وسكر الباب قرب لسلمان ووقف عنده
ناظره سلمان : شعندك من كلام؟
مجاهد : تقدر تقول اني اعرف وش مغزى تزويجك لبنتك؟
ضحك سلمان : قلتها" لبنتك"
ابتسم مجاهد : لو عرفت ؟ وش بتكون ردة فعلها
سلمان : ماراح تعرف
مجاهد : وش مخليك واثق كذا؟
سلمان : لانها بتتعذرني مثل ماعذرتني يوم اختفيت
قرب مجاهد له انحنى له لانه جالس سلمان
مجاهد : ليش تعذرك؟ فقير ؟ ناقصك فلوس ماعندك بيت يضفك؟
سلمان : الحين من قالك اني ازوجها انا فقط اخليها تملك
مجاهد : اعرف انها تملك بس انت تدري شسويت فيها ؟ لعبت بنفسيتها اتعبتها انصدم من وقف سلمان يمسكه من ياقة ثوبه : من انت عشان تتكلم كذا عن بنتي
ابتسم مجاهد بهدوء يفلت يده
طلع برا وسكر الباب اخذ نفس يطلع
ركب سيارته وحرك لبيت غزال هالمره بيسوي شي يعرف انها بتكبر وقف عند بيتها اخذ نفس ينزل ضرب الجرس
غزال : نعم؟
مجاهد: انا مجاهد مساعد خاله ابي اكلمك
غزال : مجاهد!
بالمجلس دخلت غزال لابسه عباتها ونقابها ناظرته : شصاير يامجاهد
ابتسم بهدوء : ماصار الا كل خير ياخاله بس جيت اناقشك
غزال : تفضل وسم
اخذ القهوه يصب له لانها نزلتها قدامه
مجاهد : اعرف عن سلمان وش يسوي وادري لو عرفت نجود وش ممكن يصير
نزلت فنجالها تناظره كمل مجاهد : انا توني جاي من المركز تقدرين تقولين تهاوشت معه
غزال بدون شعور طلعت هالكلمه: احسن
ناظرها مجاهد : كان ودي اتكلم اكثر لكنه قالي وش شدخلني فيها ؟
غزال: فعلاً وش دخلك فيها؟
نزل فنجاله بصدمه يناظرها وحس صدق هو وش دخله يسوي كذا "ابوها وامها"!
غزال ضحكت ؛ امزح معك مجاهد بالعكس انك جيت لهنا وخوفك على معرفه نجود هذي بحد ذاتها تخليني اثق فيك
ناظرها مجاهد ساكت
غزال : ليتكم ماتطلقتو
مجاهد : انا ابي اجي اخطبها منك وابيك تقولين لها ان وافقت جيتك باهلي وقف وطلع برا وسكر الباب
زغرطت بصوت عالي غزال وقفت تركض بفرحه اخذت جوالها واتصلت بحنان وقالت لها
ضحكت بفرحه : والله كبر بعيني اخخ يحنان
حنان : الحمدلله الحين بنتك هالعنيده
غزال : ماعليك نغصبها لو اضطرينا البنت وصلت فيها تنكشف قدامنا
ضحكت حنان
-
وصل للبيت ورقى فوق لغرفه دانه طق الباب بطرب فتحت الباب دانه قرب لها يحضنها ابتعدت عنه : ياولد شصار
حكى لها وهو واقف كل شي صار
شهقت تضربه : مجنون رايح لبيتهم
مجاهد : مسحور تقل مسحور
دانه : انا بقول لامي نوديك شيخ
مسكها مجاهد :اذا هذا سحر ومنها راضي فيه
حطت يدها على فمها : لاحول ولا قوه الا بالله
ضحك مجاهد ضحكت منه
دانه : متى نقولهم؟
مجاهد : الين المدام تعطيني الموافقه
دانه : يووه مدام! عزالله بتوافق
-
صحت نجمه والصداع مداهمها ناظرت بنجود الي تصلي
سلمت نجود وناظرتها : توني صحيت وجوعانه اجيب لك اكل ؟
هزت راسها نجمه
نجود : لو رفضتي بنصدم
نزلت نجود ناظرت بامها ومنيف يناظرونها : وش ذا النظرات
ابتسم منيف
غزال : والله نجود لي اكثر من عشرين سنه احس اليوم الفرحه هذي غير عندي
نجود مسكت بطنها : الله يستر
غزال وقفت : بس مو الحين بقولك بعد ماتتقهوين
منيف : انا بطلع مع صقر وانتي نادي نجمه تاخذ راحتها طلع برا البيت
بعد مده
غزال بالغصب ماسكه نفسها ودها تقوله ناظرت بنجمه الي تاكل ونجود ماسكه عصيرها
غزال : اليوم جاني مجاهد يخطبك
غصت نجمه بالاكل بدت تكح بقوه وبين كل كحه تطلع حرف خ، ط، ب، ه، ا
ابتعدت نجود من تاكدت ان نجمه هدت
غزال : نجود
ناظرتها نجود : وشو
غزال : شفيك؟
نجود : شلون جاء ؟ مستغربه يعني
غزال : توقعت تفرحين شي
نجود : انا اقولك ليش جاء؟ السبب؟
نجمه : انا بعد شلون جاء؟
غزال : كيف شلون جاء؟ بالعكس كبر بعيني جاء وخطبها مني عاد قبلها راح لابوك وتهاوش معه وماوقف جاني يطلبك
نجود : ليش يتهاوش معه؟
غزال وقفت : ياربي منك يانجود معك يومين وعطيني موافقتك ولو ترفضين بوافق بدالك
طلع للمطبخ
وقفت نجود تركض لغرفتها ونجمه خلفها تركض
دخلو وسكرت الباب نجود لفت تناظر بنجمه نطت نجمه بفرح تحضنها: يالمغروم واضح من عنيك
قرصتها تبعدها : وش واضح الحين صدق كيف جاء؟
اخذت نفس نجمه : موافقه تمام؟
نجود : وش موافقه بالاول وش خلاه يخطبني
نجمه : يالليل ياذا المعتوهها
استغربت صوت ابوها تحت ناظرت بنجمه : ابوي؟
هزت راسها بالايجاب نزلت تحت نجود ونجمه بقت بالغرفه وقفلت الباب
ناظرت نجود بابوها كيف معصب ويهاوش امها صارخت عليه : يــــبـــه
ناظرها سلمان : بينك وبين مجاهد شي ! بأي حق يجيني للمركز يهاوشني يانجود
غزال : اسال نفسك ولا تقول هاوشني قوله هددني
عقدت حواجبها تناظر بامها : هدده؟ بايش
سكت سلمان يناظر بغزال الي تكتفت : قولها بايش؟
لف سلمان يطلع اكيد ماراح يقولها ابداً
ابتسمت غزال من طلع وسكرت الباب
ناظرت بنجود الي قربت لها : هدده بايش ؟
غزال بابتسامه : انه لو يرفض انه ياخذك يعني هدده
نجود : بايش هدده وشدخل مجاهد يمه!