" بعض الخسّاير الله يامكبر ارباحها "

بارت 41

دانه : ماعليه انت قولها او اخطبها بعدين صارحها انكم تسافرون هناك يعني بما ان باقي لك سنتين تدخل هي دبلومات هناك
مجاهد : يزينها الله
-
دخل عماد بعد ماقالو له انها صحت كانت مستلقيه كفها على بطنها ابعدت نظرها عنه من جلس بجنبها
مسك عماد كفها الي على بطنها : ليه ماقلتي لي؟
شيهانه : قلت لك
عماد : ماقلتي
شيهانه : لمحت لك لكنك مره ماودك حتى تفكر وتنتبه على مقصدي
عماد : ماقصدي حملك
لفت له تناظره عقدت حواجبها : ايش؟
عماد : ليه ماقلتي لي عن اهلك؟
فلتت يدها ابعدتها عنه
عماد : ليه ؟
شيهانه : اطلع رجاءً
اخذ نفس يوقف طلع برا يسكر الباب
اخذت نفس ماودها تبكي دخلت الممرضه وبدت تفحصها
-
دخل نجم وبيده قهوه وفطور قرب لعماد : يمديها تاكل؟
رفع اكتافه : والله مدري تو ماجاها الدكتور
نجم : دخلت عندها؟
عماد : اي بس ماتبي تتكلم
نجم : تتكلم عن وش؟ نزل الاغراض وقرب لعماد : بتجنني انت البنت تو صحت تتكلم عن وش
فلت عماد وابتعد عن نجم : ابي اعرف ليش ماقالت لي ؟  ليه طول الشهور كانت تبين لي انها عايشه عندكم بسعاده ليه كانت تتعذب عندكم وكنت اعذبها انا بعد
قرب نجم له مسك يده عماد : لاتنسى انت بعد ضريتها
ابتعد نجم يناظره : كنت صغير بذاك الوقت ولا كنت افهم شي اما الحين انا اخوها وسندها
ضحك عماد : الحين بتشوف ولا واحد فينا بتقبله
-
لفت نجمه تناظر بنجود : تخيلي انه الدكتور ماحظر له يومين اتوقع
نجود : ليكون عشانك ماحظظرتي؟
نجمه : تخيلي بس رايح للفضاء يجيب لي النج،، ضربتها نجود : انتي باقي بنجوم
نجمه : احس انك تغارين مني
نجود : على ايش ؟
نجمه : ان الدكتور رايح للفضاء يجيب لي نجوم وانتي قدام بيتك ماتحرك
نجود : تبين اضربك قدام البنات وش اسوي فيك بالله؟
ناظرت نجمه بدخول دانه المبنى حقهم ومعها كوب قهوه : شكله الحب حقك شاري لاخته
لفت تناظر نجود ناظرت بنجمه : قهوه؟ اشريها انا
نجمه : الحين صدق بسالك سؤال والسؤال جدي
نجود : اسلمي
نجمه : لو رجع خطبك مجاهد بتوافقين؟
نجود : عارفه ايش بتكون ردة فعل اهلينا؟
نجمه : ياشيخه وشدخلهم بطقاق
نجود : اهم لا علي رضى ابوي وامي ومايهم الباقي
نجمه : شفنا رضى ابوك وين وداك؟ خلك تتعلقين فيه وبنهايه طلقك منه بدون يشاورك
نجود : يمكن ماهو بخير لي
نجمه : اي لدرجة طايح بهالبلكونه
عقدت حواجبها نجود تناظرها : شلون
نجمه : كل مافتحت البكلونه حقت غرفتي لقيته يناظرها وجالس فيها
نجود : تخيلي يسويها ويخطب
نجمه : بيسويها
نجود : ماش اساساً شفتي وش سوا يوم المحكمه والله للان احس بصدمه كيف كل شي صار
نجمه : حطيتي الذنب عليه! ماعليش نجود جد انانيه انتي الولد قبل المحكمه جاء وسالك ! قلتي له تبين الطلاق بعذره يوم ماتكلم اكيد ماراح يغصبك تبقين معه!
اخذت نفس من حست بكلام نجمه ناظرتها : عندي محاضره وقفت تاخذ اغراضها وتطلع
ناظرتها دانه من وقفت ودها تسوي شي لكنها ماتبي يصير مثل ماصار يوم قالت لابوها اكثر شي مريحها ان مجاهد متفهم
-
المركز
دخل مجاهد لمكتب سلمان طق الباب : سلام عليكم
وقف سلمان : هلا والله
قرب يصافحه وجلس قدامه : تعرف ان ابوي ماكان وده اني اترك المركز والعسكريه
سلمان : ان رجعت ف اعرف انك رضيت ابوك ورضيتني الرسم مايفيدك الحين
ابتسم يناظره : اي عرفت الحين والحمدلله مافاتني شي توني
سلمان : الله يوفقك بس متى ودك تبدا ؟
مجاهد : بكرا؟
سلمان : من الحين
كشر مجاهد لف للجهه الثانيه بيسوي شي هو ماوده فيه
ناظر بسلمان هز راسه
اخذ سلمان جواله يتصل على ثامر يجيب الاوراق
-
لفت راسها لصوت الازعاج عندها فتحت عينها تناظرهم
قرب نجم لوجهها يمسكه : الحمدلله على سلامتك
هزت راسه بهدوء
مسك عماد يد نجم يرفعها : تعبانه البنت
ناظره نجم ابعد يده يناظر بشيهانه : سويت لك اكل وقهوه وشاهي بعد
شيهانه : ماني جوعانه
ناظروها عماد ونجم نطقو مع بعض: ماكلتي شي!
ناظرو بعضهم كشرو يناظرون بشيهانه : انتم فيكم شي؟
عماد : لا وبنفس الوقت نجم : اي
ناظرت بعماد لفت نظرها لنجم
نجم : اسالك بالله كيف تحملتيه انا يومين قعدت بالمستشفى عجزت اتحمله
انصدم عماد يناظره ناظر بشيهانه لكنها ماتكلمت بشي
ناظر بنجم الي انشغل يفتح العلب
نزل نظره يناظر بطنها ناظر فيها من تحاول تجلس مسكها يجلسها اخذت نفس تسكت ولا ودها تتكلم او تناقشهم بشي
-
خلصت من دوامها طلعت للحضانه دخلت تاخذ ولدها وتطلع للبيت
بالمطبخ
تسوي لها معكرونه سمعت صوت بكاء هايل: يعيوني جايتك الحين
طلعت للغرفه دخلت تناظره ياعيوني حملته تحضنه
سمعت صوت الجرس وقفت بخوف من يطق عليها! او من يعرفها من الاساس ! اخذت هايل ونزلته بصاله قربت للباب : مين؟
مندوب : مندوب شركة**
رانيا : ماطلبت!
مندوب : شخص طلب باسمك
رانيا : شلون ؟
مندوب : يعني من شخص الله يسعدك
هزت راسها تفتح الباب شوي ودخل الاغراض لها انصدمت تناظر بكمية الاكياس والاغراض المتنوعه
لفت انتباها كيس فيه العاب اخذته تناظر وتفتحه
وكانت العاب سيارات قربت لهايل تضحك : اخخ هايل متى تكبر وتلعب فيهم قربت تجلسه على الكنب وتحط له الالعاب
-
ارسل المندوب : تم التوصيل
ابتسم وقف يدخل عند امه : امي
ام حسن لفت له : لا تكلمني
حسن : تم
ام حسن : واخيراً واخيراً مابغينا
حسن : بس ها ترا الي ابيها عندي
ام حسن : من هي ؟
حسن : وحده معي بدوام مطلقه اتوقع
شهقت توقف : سلامات
حسن : اسالك بالله يمه لو كان عندي خوات بترضينها عليهم؟ اكيد لا حتى هي ماترضاها امها
ام حسن : وين امها طيب وين ابوها؟
حسن : ماعرف الصدق عنها شي
-
قربت بتطلع نجود للبيت لفت من نادتها دانه وقفت تنتظرها
ركضت دانه لها : نجود وقفت عندها تلقط انفاسها
نجود مسكتها : شفيك بسم الله
دانه : ابي تاخذيني معك
نجود : اكيد حياك ركبت نجود ودانه بجنبها
دانه : تروح معك نجمه؟
هزت راسها نجود : اي بس انتظرها دقايق تلبس
طلعت نجمه وقفت تناظر بدانه: يقليلة الادب يالي ماتستحين قربت تفتح الباب عليها : دانه مكاني
دانه : ورا وسيع
قربت نجمه : شوفي دول تخلو عن بعض عشان هالمكان لاتخلينا نتخلى انا وانتي
دانه : متزوجين احنا عشان نتخلى
ناظرت نجمه بنجود الي تضحك : وصخه طلعت
دانه : اركبي بس فشلتينا الكل يطالع
ركبت نجمه بجنب دانه
دانه : يمال الي ماني قايله ضيقه الاماكن
ضحكت نجود بقوه
نجمه : تراك جايه بممكاني للمعلوميه
لفت دانه تناظر بنجود : اجل لو تزوجت بعدين وتركب ام زوجها قدام وش تسوي
نجمه : وش اسوي بركب معها قدام عشتو بعد
ضحكو ورغم صملة نجمه ماتنزل حركت نجود للبيت
-
وقفت عند البيت
كان واقف عند البكلونه ومره يوضح ومره لا عشان ماينتبهون عليه
استغرب من نزلو كلهم من قدام
دخل من دخلو
فتح باب غرفته ناظر بدانه الي دخلت اشر لها تجيه
رقت معه ودخلو الغرفه مسكت ضهرها : هذي بنت عمها يبي لها قرصه
مجاهد : ليه
دانه : احسها تغار على نجود
مجاهد : كلنا نغاز
رفعت حواجبها تناظره : ههههههههههه اخخ مجاهد
مجاهد : والله اعذريني لانك بتسمعين كلام مني بتستغربينه
دانه قربت تحضنه : يجعلها من نصيبك
-
بعد اسبوعين هادي على الجميع
باالبيت
ناظرت فيه شيهانه من يناقشها بالبيت وايش يغيرون فيه وصارحها بغرفه جناح كامل للبيبي
من عطوها خروج المستشفى رفض انها تروح لاهلها وتبقى عنده
سمعت صوته يصارخ بالمبطخ : وش صار
دخل الصاله يناقز وقف على الكنب عند المكيف يحط يده : احترررررقتت
ضحكت تناظره
انسدح يناظرها : تعبت اطبخ بجيب طباخه تطبخ لنا
صغرت عيونها ابعدت نظرها
-
وقفت نجود : اي خطاب يبه؟
سلمان : هذا كان صاحبي قديم وجاي يخطبك
نجود : لحظه هو ولا ولده؟
سلمان : هو بس يابنتي ماهو واضح،،
نجود : شلون تزوجني واحد اكبر منك! منجدك انت
طلعت برا الصاله رقت لغرفتها
سكنو بيتهم رغم انه باقي له اشياء بس تهون اهم شي خلصو غرفهم
-