" بعض الخسّاير الله يامكبر ارباحها "

بارت 36

الساعه ٩:٣٠ ناظرت نجمه وقفت قدام القاعه بحيره تدخل تسحب رفعت راسها تدور
نجود من بعيد بقاعتها : ادخلي
وقفت نجمه تناظرها كشرت بوجهها
نجود رفعت جوالها
فتحت نجمه المحادثه
نجود : فشلتينا تدورين
نجمه : توترت
نجود : شوفه هي ؟ ادخلي بس ولا عليك خليك قويه واي شي يقوله قولي لي اروح له العنه
نجمه : كفو بنت عمي
فتحت الباب ودخلت انتبهت انه يحظر
جلست ومن جاء عند اسمها : موجوده
خلص التحضير
نجم : قبل نبدا الدرس بتكلم عن موضوع فتحت ايبادها وبدت تدخل ماهمها وش بيكون الموضوع
كمل : الي تجي للمبنى بحجة انها تبي تكلمني وتعطلني وبنهايه تقولي ماحضرتني! وانا محضرها ترا لو تكرر هالشي وشفت وحده تجي للمبنى كثير بخليها تجرب الغياب وحتى لو هي موجوده بغيبها
كيان : دكتور ممكن تذكر الاسماء
نجم : مايحتاج معروفين ولا اقولهم
اولهم كيان! انصدمت كيان ناظرت فيها نجمه همست: تفشلين
كمل نجم وذكر اسم نجمه ميلت راسها تحاول تتستوعب بحياتها مافكرت تروح للمنبى الشؤون وطلبها غصب عشان التحضير وبنهايه غمضت عينها من ستوعبت انه متعمد حتى يذكر الاسماء
نجمه همست: ياعساني اقتلك
كمل الدرس نجم بهدوء ولا كانه احرق نجمه
مسكت قلمها تضغط عليه وهو كل ماتكلم كل ماودها تذبحه
انتهى الدرس وقفو يطلعون
نجم : نجمه متى بالله ناويه تسوين القروب ؟
سكتت نجمه تاخذ اغراضها تطلع
كيان : اقدر اسويه
نجم : حتى انا اقدر
سكر المايك
وانتهى الدرس
-
اخذ شناطهم عماد : متاكده تمرين ابوك؟
شيهانه فتحت الباب : اي
ركبو متوجهين لقريه بالقصيم
بعد ساعتين نزل عماد لطريق صحراء
زفر بطفش : كتمه
سكتت شيهانه وقف عماد عند البيت الصغير لكن حوشه كبير
نزلت شيهانه نزل هو يقفل الباب
طقت باب البيت فتحت زوجة ابوها : او شيهانه !
دخلت شيهانه : سلام تعدتها بدون تسلم عليها ناظرت بابوها بصاله : ابوي
اعتدل عبدالله : ارحبي ارحبي ياهلا ومرحبا انحنت تبوس راسه ويده
عبدالله : يامرحبا ببنيتي
ابتسمت شيهانه : ابوي اشتقت لك حضنها يسلم عليها

دخل اخوها من ابوها : يبه عماد بالمجلس
عبدالله : حياكم الله يابوي ناظر بولده اذبح الذبيحه
هز راسه : ابشر
شيهانه : لا احنا مستعجلين بس مريتك يبه مطوله ماسلمت عليك
حضنها عبدالله من كتفه مشى متجه للمجلس ناظر عماد فيهم من دخلو وقف يسلم عليهم : شلونك ياعم
جلس عبدالله : بخير نحمد الله
جلست جنب ابوها قدام عماد وبعباتها
عبدالله : شلونك ياوليدي شلون اهلك
عماد : بخير الحمدلله
ناظر عبدالله بشيهانه : شلونها عمتك وعمك عساهم طيبين
عقد حواجبه عماد شيهانه : بخير يبه ويسلمون عليك
عبدالله: الله يسلمهم
ناظر عماد بشيهانه ناظرت فيه لفت بنظرها تناظر بابوها
بعد ساعه تقريباً وقف عماد : استاذن ياعمي
عبدالله : الغداء ياوليدي
عماد : مستعجلين والله ورانا طياره
ناظر عبدالله بشيهانه : اجل ماتشوفون شر مسك يدها عبدالله ياخذها معه للمقلط : يابوي ناقصك شي عماد وش لونه معك
شيهانه ابتسمت : وش زينه يبه مايقصر معي
عبدالله : امه عسى ماتقولك شي
شيهانه : لا معتبرتني بنتها
ابتسم عبدالله حضنها يودعها
بسياره
عماد : شيهانه
تناظر بجوالها : هلا؟
عماد : ابوك مايدري اني ماخذك مسيار؟
شيهانه بدون تناظره نزلت جوالها : لا
عماد : ليش ؟
شيهانه : طبيعي مابقول لابوي انك اخذتني مسيار واخليه يتعب زود على تعبه لاجاء ذاك الوقت الي تمل مني وتطلقني انا اتفاهم مع ابوي وثانياً لاتقول اخذتني مسيار وانت اخذتني من بيت ابوي
عماد : برضو مسيار مااحد يعرف غير جماعتك انك متزوجه
سكتت شيهانه
عماد : قايله لابوك انك تشوفين امي وابوي؟
شيهانه : اي
عماد : لو يدرون عنك موتوك قبلي ضحك يوقف عند المطار
شيهانه : لانك مب شجاع لو انك كفو بتوقف بوجهيهم وتقولهم انك اخذتني من بيت ابوي
عماد : لصار  اني ابيك بقوله اساساً هذي السفره اخر سفره
ناظرت فيهه شيهانه كيف مستنقصها : عماد
ناظرها عماد
شيهانه: طلقني
عماد : يابنت انزلي خلي عنك هاالكلمه تروحين عند امك هناك الي ماتبيك
شيهانه : امي ؟
نزل عماد مشى ومشت خلفه خلصو اجراءاتهم وهي هاديه
عماد ناظرها : المفروض تناقزين فرح عشان هالسفره
جلست بهدوء جنبه ساكته
زفر بملل عماد : شيهانه هالسفره ابي اريح راسي لاتخليني اندم اني اخذتك
لفت بنظرها للجهه الثانيه ساكته
ناظر عماد بيدها تضغطها : ليه تضغطين مسك يدها بكفه ابعدت يدها : لاتلمسني
وقف عماد : جتك الحاله وقفت معه تركب الطياره وطول الوقت تناظر بشباك بدون تتكلم معه ولا تسولف شعور الي بداخلها كبير هي كيف ترجع عند ابوها وزوجته كيف تتحمل الحياه مع زوجته هي حتى عجزت تكمل وتدرس جامعه وقفت بوجهها زوجة ابوها على اساس تبيها تساعدها بشغل البيت كان حلمها تكون مهندسه لكن انهدم هالحلم من دخلت البيت بيدها شهادتها الثانويه وعماد قدامها مع ذلك صبرت ولها شهور وهي معه معاملته باحترام رغم تأذيته لها الا انها ماتذكر اي شي لابوها عشان ماينقهر او بالاصح مايوصل لمرة ابوها شي لانه بنظرها عايشه عيشة ملوك شيهانه
-
"بعد اسبوع "
جلست شيهانه بالحمام برعب وخوف تناظر بالتحليل قدامها غمضت عينها تدعي بداخلها شهقت من شافت الخطين غطت يدها بفمها تكتم صياحها
طق الباب عماد : شيهانه فيك شي تراك مانتي صاحيه من جينا
تمسكت بالمغسله تبكي بكل مافيها بعد مده من الانهيار غسلت وجهها رغم ان عينها تنفخت
جففت وجهها اخذت التحليل تخبيه بنطلونها فتحت الباب تطلع ناظرت فيه جالس على كرسي التسريحه : فيك شي ؟
هزت راسها بنفي مشت عند الة القهوه بدون تناظره : بسوي لي تبي ؟
عماد : اي سوي لي بصحصح
غمضت عينها تسوي القهوه ابتعدت تدخل غرفه النوم ناظرت بشنطة يدها اخذت مناديل تلفها بالتحليل نزلته بشنطتها وقفلتها
سمعت صوت الاله طلعت تصب القهوه قربت له تعطيه كوبه جلست بجنبه بهدوء
عماد : شفيك انتي
شيهانه : مب قلت لي انك تبي تريح بهالسفره طيب؟
عماد : ابيك تروقين بي
غمضت عينها شيهانه توقف : بطلع للبلكونه
فتحتها تطلع جلست تناظر اليوم تدخل 20 عام ولا احد يهمه طلعت سلسالها من صدرها تتاظر فيه الشي الوحيد الي قدرت تاخذه من امها هو سلسالها كل ماضاقت ناظرت فيه تحس امها قريبه رفعت راسها لسماء : اخخ يامي ليتك اخذتيني بعد
-
طلعو من الجامعه دخلو مطعم يتغدون
نجود : ماصار اي شي عن دكتورك
نجمه : لا عقل وسوا قروب
نجود : يتكلم بالقروب ؟
نجمه : ماضافني
ضحكت نجود : ياخي تضحكون
نجمه : بطقاق بصيح على قروبه! بس تخيلي وحده قالت لي انه ماحط ليدر وكيان غاثته بكل محاضره انها تعرف
نجود : الله لايبلانا تلقينها ميته فيه
نجمه نزلت ملعقتها قربت لنجود : بيني وبينك تراه يجننن
ضربتها نجود تسكتها : يانتي ماينعرف لك مره تكرهينه مره تحببينه
نجمه فتحت عينها : وين حبيته !
نجود : وانتي تتكلمين الحين بتطلع عيونك
نجمه : كريها
نجود : انا شايله هم والله
نجمه : الاختبار
نجود : اي تخيلي تبي اساسيات الرسم اذكر قد شفت شخص يشرح لكن نسيت
نجمه : سهله شوفي شرحهه
نزلت راسها تكمل اكل وساكته
نجمه : مجاهد!
ناظرت فيه نجود انصدمت
نجمه : والله اني عارفه
-
اليوم الثاني
جلست بالكافتيريا بقلق مسكت راسها تناظر : نجمه برسب
نجمه : كم عليها درجه؟
نجود : ٢٠
نجمه مسكت قلبها : يويلي
قربت لهم دانه : سلام عليكم
ناظرت نجود بنجمه
نجمه : هلا والله
انحنت دانه تسلم على نجود وتحضنها : والله اني مشتاقه لك
كشرت نجمه تناظرها من سحبت الكرسي تجلس بجنب نجود سافهه نجمه
نجود : ياعمري
دانه ناظرت باوراق نجود : وش اختبار؟
نجود هزت راسها سكرت الدفتر
نجمه : اساسيات الرسم يعني لو عندك احد يعرف يشرح لها
ضربت نجود برجلها ساق نجمه انحنت بألم نجمه همست : يالمسكينه
دانه ناظرت بنجود : لحظه
نجود : اعرف ماعليك
نجمه وهي ماسكه ساقها وهي تتألم : صدقيني ماتعرف من اليوم تبكي عندي ضربت نجود ساق نجمه الثانيه اشرت بيدها نجمه انها بتسكت
وقفت دانه : الو
مجاهد : اجيك؟
دانه : لا ابي شغله تساعدني
مجاهد : وش
دانه : عندي اختبار اساسيات الرسم ف ابي تشرح لك
ضحك بكل قوته : قانون يالطيبه قانون عضت شفتها : كاشفني
مجاهد : من يبي ؟
دانه : بس يمين بالله ماقالت لي غير صاحبتها
مجاهد : نجود ؟
دانه : اي
مجاهد : طيب ارسلك
بعد ١٠ دقايق ارسلت دانه مقطع لنجود
ناظرت فيها نجود : ايش؟
دانه : مجاهد يشرح
ابتسمت نجمه
لفت نجود تناظر بنجمه اخفت ابتسامتها برعب ابعدت ساقها همست : لا يلدغ الشخص مرتين
وقفت دانه : عندي محاضره اشوفك بعدين
هزت راسها نجود
قربت نجمه : افتحي خن اسمع
نجود : اكرهك
نجمه : عشان درجاتك
نجود : تراي اذكر وش قلتي يوم المحكمه
نجمه : قلت نحول على مجاهد
نجود : وش قلت انسي ؟
نجمه : افتحي الصوت بس خليني اسمعه كيف يشرح
دخلت على الفيديو فتحته
مجاهد : هلا نجود اساسيات الرسم مثل ماقلت قبل سهله فقط تبدين من وبدا يشرح لدرجة حتى نجمه اندمجت بشرح
-