" بعض الخسّاير الله يامكبر ارباحها "

1

الصباح الساعه 6:30
نزلت لابسه عباتها وبيدها نقابها تناظر بامها تفطر قربت لها : صباح الخير سحبت كرسي وجلست تفطر
غزال ناظرت فيها : صباح النور والسرور كيف النوم؟
نجود اخذت نفس بتعب : تعبانه امس وخليت الليل كله نوم من التعب
غزال ناظرت فيها: نجود وش استفدتي ؟ بس اهلكوك واتعبوك يامي انتي
ابتسمت نجود بهدوء تمسك كف امها : ادري امي انتي بس نذرت مااطلع من المركز الين الاقي شي يدلني على ابوي
غزال : الله يهديك بس ، قالو لك ليه ماانتي مصدقه؟
نجود بلعت لقمتها ناظرت بامها : اذا هم صادقين ليش مايوروني جثته؟ ليه امي هم واثقين انه مات بس وينه ماله اثر انا باقي عندي امل انه موجود
غزال اخذت نفس تلف من نزل منيف : عائلتي الحبيبه
لفت نجود له : حي الله اخوي الحبيب
قرب منيف باس راس امه وقرب لاخته يحب خدها جلس قدام نجود يفطر : اي اختي الحبيبه لك سنتين موظفه مااخذتي ترقيه؟
نجود ناظرت فيه : وانا داخله عشان الترقيه؟
منيف : يعني لابد انهم يرقونك لان قاعد اشوفهم يكرفونك بالحيل
غزال : لاتتعب نفسك منيف توني اتفاهم معها بس مامنها رجاء
نجود : وبما انكم عارفين مامني رجاء لاتحاولون مره ثانيه
منيف بلع ريقه ناظر فيها بتردد داهمه : فيه تطورات؟
نجود ناظرت فيه هزت راسها بنفي
غزال سكتت تناظر فيها اخذت نفس توقف تلطف الجو عليهم : اليوم جاء بالي اسوي لكم شي تحبونه
رجع ظهره لورا منيف ابتسم
هو ونجود بنفس الوقت : حلا الزبادي؟
غزال هزت راسها بالايجاب : بالضبط متى ودكم تحلون؟
نجود : بس نرجع من الدوام
منيف هز راسه يناظر بامه : اي الحين ماينفع باللصبح
عقدت حواجبها غزال : ومن قال بعطيك على هالصبح
وقفت نجود تناظر بساعة يدها : بمشي امي قربت تبوس راسها غزال : روحي يامي انتي ربي يحفظك ويحميك ابتسمت نجود ناظرت بمنيف : تبي اوصلك على طريقي؟
منيف وقف يهز راسه : ماقول لا
وقفت عند الباب تلبس نقابها
طلعو برا البيت وقفت بالحوش من سمعت صوت السياره توقف فتحت باب الشارع وقفت تناظر بعمها نزل صالح قرب لها سلمت عليه باست راسه : حي عمي
صالح : الله يبارك فيك
نجود : عمي انا تأخرت اذا جاي عشان موضوعك ف رجاءً اجله
صالح ناظر فيها : نجود يابوي الرجال كمل له سنتين افهمي ياوليدي خلينا نسوي العزاء
نجود بهدوء مثل كل مره: طيب وينها جثته؟ وينها ؟! ياخي خلاص اتعبتوني تطلبون مني العزاء ! وانتم بنفسكم مترردين انه يمكن حي !
وقف منيف وراها يناظر فيها
صالح : كلنا ودنا ونتمنى انه يكون حي لكن مرت سنتين ولا هي شهر ولا شهرين يانجود سنتين !
نجود : ان شاءلله عشر ماراح افكر اسوي عزاء وابوي ممكن يكون حولي وموجود وانا مو عارفه
صالح اخذ نفس يناظر فيها لف يركب سيارته بدون ينطق بشي
لفت نجود تناظر بمنيف ميلت راسها بتعب منهم كل ما فكرت تروح مكان يطلبون منها او يذكرونها بابوها : يلا منيف ركبت السياره وركب بجنبها منيف حركت لمدرسة منيف ناظرت فيه وابتسمت له من تحت نقابها : شد حيلك منيف عشان اوضفك وتكون قريب مني بالمركز
منيف اشر على خشمه : على خشمي ولا تشيلين هم قربت
نجود : الله يوفقك
نزل منيف وحركت نجود للمركز
المركز
وقفت سيارتها عند البوابه فتحت الدفتر الصغير ناظرت ايش عندها اليوم ميلت راسها تقرا: اشوف اسماء المسجلين اتاكد من الي مجازين سكرت الدفتر تحطه بشنطتها بعد ماتاكدت فتحت السياره نزلت تدخل ناظرت بالعسكر جنبها مشت بهدوء تدخل قربت مع الممر والكل من حولها يمشي ولاهي بشغله قربت تناظر بمكتبها مكتب ابوها سابقاً ابتسمت بحزن تشوف اسمه ماطلبت يشيلون اسمه من عند الباب فقط حطت اسمها تحت اسمه فتحت الباب تدخل قربت لكرسيها جلست فتحت جهازها الابتوب وبدت تدخل تشوف اسماء الخريجين دخل مدير القسم : سلام عليكم
نجود رفعت راسها له : وعليكم السلام
المدير سلطان : نزلتي رابط التسجيل صح؟
نجود : اي من قبل يومين
سلطان : زين شوفيهم وعطيني اسماءهم ومعلومات عنهم
نجود : طيب
ناظر فيها طلع يسكر الباب خلفه
ناظرت نجود بالابتوب تكمل
-
سكر غرفة الرسم بعد ماتاكد من نظافتها قرب لتسريحه يناظر بشكله نزل تحت ناظر بامه بصاله تقهوي ابوه
ناظر فيه مساعد
مجاهد جلس قدام امه ناظر بنظرات ابوه له اخذ نفس يتجهز لكلام ابوه الي بيقوله
مساعد : مجاهد لمتى؟
مجاهد ناظر فيه كمل مساعد : لمتى وانا ابوك بلاحقك تتوظف؟
مجاهد : ابوي انا مو مستعد
مساعد : متى تكون مستعد هذا انت لك اكثر من سنتين متخرج ولا شفنا شي اعتدل يناظر بمجاهد : ودك برسم؟
مجاهد ناظر فيه مستحيل يقول اي حتى لو رغبته فوق ماوده لانه يعرف ابوه وش بيقول وفعلاً : تعقب
مجاهد : ماقلت ابي الرسم
مساعد : اعرف انا وش ودك ولدي انت
اخذ نفس بيوقف لكنه انتبه لدخول اخوه عمار : سلام عليكم
لفت انهار له : وعليكم السلام هلا امي انت وقفت تسلم عليه باس راسها وقرب لابوه يسلم عليه
لف لمجاهد وسلم عليه : شخبارك
مجاهد ابتسم بهدوء اعتدل يجلس : بخير الحمدلله
عمار جلس يناظر بابوه الي ساكت : شخبارك ابوي
مساعد : الحمدلله حالي يسرك
عمار : الحمدلله
انهار : وينه حفيدي ورا ماجبته؟
عمار: وديته مدرسته على طريقي الحين
انهار بتذكر مسكت جبهتها : اي نسيت ياعمري
مساعد : الله يوفقه وان شاءلله مايطلع مثل عمه
رجع ظهره مجاهد للخلف بملل
عمار ناظر باخوه ناظر بابوه : ليه شفيه ؟
مساعد : هذا هو قدامك اسأله متى بخاطره يتوظف؟
عمار ناظر باخوه : متى يامجاهد
مجاهد : مو مستعد
مساعد بعصبيه : متى مستعد هاه؟ متى تستعد!! لك سنتين وزود ماشفت منك شي
عمار ناظر بابوه : ابوي لا تعصب تنحل يابوي
مساعد : وين تنحل الحين وش بيقبله!
عمار ناظر باخوه : تنحل يابوي ولا يهمك
مساعد ناظر بانهار الي ساكته تناظر : شرايك بولدك!
انهار مسكت كف مساعد: الولد ماوده لاتضغط عليه
مساعد سكت يناظرها لف لمجاهد : معك يومين يامجاهد وتجيب لي الوظيفه الي قابلتك وقف : بروح لدوامي
انهار : موفق
طلع مساعد ناظرت انهار بمجاهد : الله يخليك يامي ليه تحب تعصب بابوك
مجاهد : ياخي ماودي اتوظف وابوي الا ولازم يشوفني موظف!
انهار : ابوك ماوده تفوتك الوضايف وتقعد سنين متحسر
مجاهد سكت
عمار وقف : بطلع انا بعد
انهار : ماتشوف شر لفت براسها له : لاتطول علينا بحفيدي
عمار ابتسم : ابشري
طلع برا ناظر بابوه بسياره مع السواق قرب لشباك فتح مساعد الشباك
قرب عمار لشباك: يبه فيه تسجيل مفتوح مباحث ودك نسجل مجاهد؟
مساعد : وين التسجيل؟
عمار : هنا بالقصيم
مساعد : مرني بمكتبي اليوم نسجله
عمار : اتوقع ماباقي شي ويقفل اذا ودك بسجله انا
مساعد هز راسه : سجله وقولي
عمار : ابشر