(مااسامح القراءه بدون كومنت)
-
غزال : هدده لو ما اخذك عاد مدري وش يسوي فيه
رفعت حاجبها تناظر : يمه؟ وش صاير!
ابتسمت غزال قربت تمسك كتف نجود : مافيه شي ولا تشغلين بالك انتي الحين خلي بالك كله بمجاهد
ميلت راسها نجود كملت غزال : مع ماظنتي جاء يوم ماهو بالك
اعتدلت نجود تناظرها : امي انتي فيك شي وش هالكلام
غزال مسكت راسها : اتوقع بديت ادخل جو العزوبيه
ضحكت نجود لفت ترقى دخلت الغرفه
ناظرت فيها نجمه : شصاير؟
قربت تجلس جنبها : تخيلي امي تلمح لابوي بان مجاهد مهدد ابوي بموضوع لفت تتاظرها وش هو !
عضت شفتها تناظرها : هدده؟ اخخ
ضربتها بكتفها : انتي دايم تركزين على الشي الغلط
نجمه وقفت تناظرها : نجود ركزي معي ارجوك مو انتي تبينه؟؟
هزت راسها بنفي
انصدمت نجمه : نجود؟
نجود : وش يعني علطول بقول اني ابيه بكابر حبيبتي
ضربت يدها ببعض : سنتين تكابرون ماشبعتو
رفعت اكتافها تناظرها كملت نجمه : يعني الحين موافقه بس بتكابرين؟
رفعت اكتافها نجود بمعنى مدري
هزت راسها نجمه تجمع اغراضها : موافقه موافقه واوريك
طلعت برا ووقفت عند الدرج ونجود خلفها : شبتسوين؟
لفت لها نجمه تناظرها نزلت وهي باقي تناظرها وتبتسم
انخرشت نجود : وجع شتسوين؟
دخلت الصاله نجمه ناظرت بامها موجوده : مامي قربت تجلس بجنبها
وقفت نجود تناظرهم قربت تسلم على حنان جلست تناظرهم يناظرونها حتى امها
نجمه : ابشركم موافقه نجود
مامدها تنصدم نجود انخرشت من زغرطو حنان وغزال
حطت يدها على قلبها بخرشه
حنان : واخيراً هم وراح
غزال وقفت : ياربي احمدك اجل الصبح بتصل عليه يجي هو واهله
ناظرتها نجود بصدمه لفت تناظر نجمه بوعيد
طيرت عيونها نجمه ضحكت من نظرات نجود
-
الصباح
عجزت تنام ماقدرت ابد وقفت تتجهز اخذت جوالها تتصل على نجمه
نجمه : هلا بزوجة مجاهد مساعد
نجود : بتداومين اليوم؟
نجمه : سلمان بيوديني
نجود : ليش؟ وانا رايحه بالاساس
نجمه : يعني لسلامتي
نجود : طيب نتقابل عند الكافتيريا
نجمه : للاسف ماعندي بريك
نجود : اصبري بس
-
طلعت نجمه وسلمان سبقها يشغل السياره
طلعت دانه وخلفها مجاهد وقفت عند باب السياره التفت لسلمان الي منزل نظره ولا يناظرها رغم انها بجنبه
ماتدري ليه انبسطت ركبت السياره وحرك مجاهد
-
بالجامعه
انخرشت نجمه ركضت تبعد عن البوابه: نجود
ركضت نجود خلفها ساكته
نجمه وقفت : تكفين تكفين
مسكتها نجود من اكتافها تضغط عليها : ليه سويتي كذا
نجمه : بعدين تدعين لي
مسكت نجود وجه نجمه : ادعي عليك الي ماخليتيني اسوي الي بالي
نجمه ابعدت يدها : سويه بس وانتي مخطوبه عشان ارتاح
نجود : تدرين توقعت اموتك من امس افكر اقتلك
نجمه : الحمدلله يارب قدرت بكلمتين اجيب راسك
نجود : باقي فيني حرقه ضربتها بشنطتها
توجعت نجمه بهمس : مقبوله مقبوله
ابتعدت نجود تدخل قاعتها
اعتدلت توقف : غبيه اتمنى احد يجمعني انا والنجوم الي بخاطري ياخي
اخذت اغراضها ودخلت للقاعتها
اخذت نفس تدخل محاضره لدكتوره
بعد مده
جلست بالكافتيريا دخلت على رقم اخوها ثامر لكنها متردده
سكرت جوالها من امس على هالحال
العصر
جلست بصاله وجت حنان بالقهوه
وقفت نجمه : يمه عطيني اصب انا
مدت لها ترمس القهوه
وبدت تصب لهم
قربت لسلمان : بعرسك
نجمه : تعقبب
جلست ناظرت بنظراتهم حتى ابوها توترت : شفيكم؟
دخل ثامر ومبسوط بالحيل سلم عليهم وجلس يناظرها
نجمه : سلامات شفيكم؟
ابتسم صالح
وقفت ووقفت معها حنان مشت نجمه لغرفتها وحنان خلفها انخرشت توقف عند باب غرفتها دخلت حنان للغرفه وسكرت الباب
انخرشت نجمه
-
نجود : كيف صادقه انتي ؟
نجمه ترجف : تكفين تعالي لي وربي خايفه
سكرت نجود لبست عباتها واخذت مفتاح تركض تطلع
ركبت السياره وحركت للبيت نجمه
وقفت ووقف معها مجاهد مستغرب جيتها نزلت بدون حتى تلفت له ضربت الجرس
فتحت نجمه تحضنها ؛ نجووود
بالغرفه
نجمه : تخيلي خطبني من ثامر وربي رعب رعب
نجود : ماعرفتي كيف تعرفو؟
نجمه : مدري مدري تكفين كيف اصارحهم
نجود : وربي يخوف مدري كيف اقولك
نجمه مسكت راسها ترفعه : ندمت ماقلت لثامر ندمت !
مسكتها نجود بكت نجمه بخوف
بعد مده ناظرت نجود بنجمه كيف ساكته وتفكر
وقفت : بجيب ماء
هزت راسها نجمه نزلت نجود تحت ناظرت فيهم كلهم
ناظرت بثامر الي يسولف عن نجم ومبسوط بالحيل فيه
تخصرت تناظرهم رقت لغرفة نجمه قربت لها : نجمه ساحرهم؟
ناظرتها : ليش
نجود : مدري كلهم مبتسمين وثامر يتكلم عنه
-
اليوم الثاني
الظهر
انتشر بالحاره زواج عماد وشيهانه والكل بدا يهرج من عنده
انهار : لااتتدخل ! وبعدين انا ازين الموضوع بطريقتي
مساعد : وش تزينين وش تغطين! هذي حامل حامل
انهار : اسكت لاتسمعك البنت الي فيها كافيها!
مساعد : بطقاق فيهم
طلع برا وهو معصب
لف مجاهد بضيق !
جلست تفكر انهار
وقفت تاخذ جوالها
المغرب
استغربت حنان من عزيمه انهار نزلت تحت ناظرت فيهم مجتمعين وثامر موجود : بسالكم هو عماد ولد مساعد كان متزوج؟
عقد حواجبه ثامر : لا
حنان : تعزمني انهار على حفله مسويتها لهم
انصدم ثامر : غريب ماعزمني؟
حنان : مدري والله عزيمه غريبه بس مدري بشوف غزال اذا بتحظر حظرت
سلمان : هو هذاك مجاهد خطب نجود من جديد ؟
ابتسمت حنان : اي الله يوفقهم يارب
ناظرهم ثامر : لحظه انا ليه اخر من يعلم؟
حنان : انت خلك عند المدام
ابتسم : ابشركم على طاري المدام حامل ابتسم
ناظرت فيه حنان بفرحه : الله يتمم لها على خير ياعمري توك تقول لي !
سلمان اكل وهو ساكت كانه انصدم
ثامر : شفيك منغار؟
سلمان: تخيل انغار منك
ثامر : اجل ؟
سلمان نزل لقمته يناظره : تذكر يوم حرمتك بتولد بانس ؟ وشصار فيني مابي تنعاد هذي مره ثانيه ترا والله لو تدق علي ماوديها
ضحك ثامر من تذكر يوم ولد انس كيف تعب سلمان لدرجة خافو انه صار له شي
حنان : هذاك اليوم الله لايعيده الا بالخير يارب
سلمان : الي قاهرني ابوي مسوي عزيمه وعازم خلق ربي
وعازم اهلها وتعبانه والحيوان هذا مخليها تشتغل وبنهايه الي اكلها انا يوم خلصت العزيمه ورحت ارتاح وغفيت انفزعت من صراخ امي ونجمه مدري ذاك الوقت كيف انتبهت وسقت
ثامر : عدا على خير وشد حيلك بولدي الي جاي
سلمان : تخسى تراني قلت لك لو وش مايكون ماوديها
-
بعد ثلاث ايام
الصباح صحى من النوم وكل روقان الدنيا فيه دخل يتروش طلع يجفف شعره
ناظر بدخول امه ومبسوطه : العريس مبسوط
ابتسم مجاهد يناظرها
انهار قربت ومسكت يده : ماعليك انبسط الليله ليلتك وابوك خله علي انا اتفاهم معه
باس كفها مجاهد وراسها : الله يحفظك
انهار : اي لازم اجمعكم عاد تكفي سنتين ولا؟
هز راسه وهو ساكت
طلعت انهار ولف يجهز اغراضه
-
ناظرت نجود بالاغراض حولينها وكلها تجهيزات : اصدموني وقولو عرس مو ملكه؟
حنان : والله من فرحتنا
غزال : مابي شي ينقص هالليله
دخلت نجمه ماسكه الفستان بيدها : شوفو وصل فستانها
وقفت نجود تناظرهم كيف ماسكينه ويتكلمون عنه
ابتسمت تشوف فرحة امها تحس ولا مره شافت امها مبسوطه كذا
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
