" بعض الخسّاير الله يامكبر ارباحها "

بارت 12

ناظر سلمان بمساعد ابتسم له : ان شاءلله توافق ونرتاح من هالهم 
مساعد : ماعليك هانت ان شاءلله
مد يده سلمان صافح مساعد
بسياره
مجاهد : كان قلتو لها افضل
مساعد لف لف : ليه احد بيقبل فيك؟
مجاهد : وش ينقصني عسكري
مساعد : لانك رسام هذا شي يفشل ولا رجال يرسم؟
مجاهد : لا تحول الموضوع لرسمي البنت بتعرف افضل يانتم تقولون يانا
مساعد بعصبيه : عشاني قلت لك تروح تهددني ؟
مجاهد : مااهددك انا اقولك الزواج مو لعبه بتزوجونا عشان مصلحتكم من ورث هايل!
ناظر فيه مساعد : يويلك لو جاء علم ل نجود ولا امها قبل لايوافقون
سكت مجاهد يناظر بشباك
-
بالغرفه انسدحت نجود تناظر بسقف
نجمه ناظرتها: سبحان الله توقعت نفسه عمي مايتغير لكن صدمني
نجود : حتى انا صدمني تدرين ماعطاني اي اهتمام حتى منيف ماسال عنه
نجمه اخذت نفس : المهم الحين وش بيكون له عشان الزواج !
نجود بتعب: مدري مدري
طقت الباب غزال دخلت ناظرت فيهم : نجود
اعتدلت نجود تجلس : سمي
غزال : ابي اتكلم معك
لفت نجود تناظر بنجمه
نجمه وقفت : اجل بنزل تحت انتظركم
غزال رفعت كفها تمنعها : لا اجلسي بعد انتي
لفت براسها نجمه تناظر نجود باستغراب جلست بجنبها تناظر بغزال
غزال قربت توقف قدامهم : فكرت وفكرت مالقيت اي حل يانجود
ناظرتها نجود كملت غزال : شوفي ماودي اغصبك ولا ودي اجبرك لكن تفهمي الوضع ابي تتزوجينه بس اسبوع شهر الي ودك وبعدها تطلقي منه
وقفت نجود بصدمه : راضيه اصير مطلقه ! عشان البيت بس
غزال : يانجود انا ..
قاطعتها نجود : انتي وش امي وش انتي راضيه بالله عليك ؟ انا كرهت ابوي زود يوم يبي اتزوج هالولد بدون اي علم لي
غزال : نجود افهمي لو اخذ البيت مافيه مكان نعيش فيه انا ابي اضمن البيت بس الباقي سهل
نجود : لا سهل ولا غيره انا استأجر لنا بيت معاي فلوس
غزال : نستأجر دفعنا هالمره وهالمره طيب وبعدين ؟ كيف بندفع ، قربت تمسك كتفها :نجود طلبتك افهمي
ابعدت نجود يد امها : افهم وش تكفين انا محترقه من كل شي هذا مساعد وثقت فيه وقلت له شوفي لقيته بالمركز وقلت له قالي جاي لشغل ماقال انه بيدخل معنا لا فجأني امي تكفين لاتصدميني انتي بعد
نجمه : غزال نلاقي حل لاتقلقين
ناظرت غزال بنجمه لفت تناظر نجود بصراخ : وش لاتصدميني انا ابي مصلحتك تعرفين مصلحتك قربت وجهها لوجه نجود بصراخ : انا بعد مصدومه ومقهوره لكن مابي استسلم رفعت سبباتها : وربي يانجود وخالقي لو ماتوافقين وتخلينهم يسجلون البيت باسمي وربي يانجود لارميك انتي ومنيف وابعد عنكم مثل ما ابعد ابوكم سمعتي
انصدمت نجمه تسمع كلام غزال
بلعت ريقها نجود تناظر بامها وبكلامها ناظرت فيها بخوف وصدمه لو فعلاً تخلت امها عنهم
غزال ابتعدت تناظرها : انا اكافح انتي بعد تكافحين معي
لفت براسها نجود تسمح لدموعها
طلعت برا الغرفه غزال سكرت الباب وقفت عليه بقهر ماكان لازم تصارخ عليها لكن لعلها فرغت جزء من داخلها
-
~المغرب ٧:٢٠
اخذت حنان القهوه تقدمت لصاله تجلس
ناظرها صالح : شفيك ماتتكلمين
حنان : ليه اتكلم معك وانت بايع عيال اخوك سبحان الله نفس الطينه
صالح : انتبهي للسانك
مد يده سلمان ناظر بابوه: تدري من يوم المحكمه ماني قادر اجي نجود
صالح : ليه لك دخل انت
سلمان : والله ماتوقعتها منك طيب قول على الاقل وش السبب
وقف صالح : والله مافيه راحه لا بالبيت ولا غيره
-
ناظر مجاهد بامه لف يناظر بابوه الي يكلمه
مساعد : بس يعطونا خبر بموافقتهم نروح نخطب من بكرتها لف مجاهد بدون اي كلام
انهار : الحين من هذي الي فجاءه تبي مجاهد ياخذها!
مساعد : وحده من ناس مهمين عندي
رفع حاجبه مجاهد يناظر بابوه
انهار : طيب اقلها ابي اشوفها
مساعد : تشوفينها وتعجبك ماتعجبك هي لولدك
انهار : حمدالله وشكر
مجاهد : ترا مصلحه له اكي قاطعه مساعد بصراخ : بتسكت ولا انت!
مجاهد وقف يرقى لغرفته
-
رفعت راسها نجود من حضن نجمه بعد انهيارات وصدمات من اهلها والادهى كلام امهاا الي تحس انها متحملتهم
نجمه : صدقيني مضغوطه امك ومقهوره
سكتت نجود
نجمه ناظرت بساعه : شكلي بنام عندك
نجود : اطلق من ينام عندي
ابتسمت نجمه لها
-
الصباح
ناظر منيف بامه الي تكلم قرب وجلس بجانبها : فيه شي جديد
غزال : اي بزوجك اختك ان شاءلله
نزلت نجود وخلفها نجمه
نجود : بعد مااخذتي رايي
غزال لفت لها : مايحتاج نجود انتي متفهمه للوضع
ناظرت نجود بنجمه هزت راسها
منيف : بتتطلقون؟
ناظرت غزال : اكيد بطلب بس اول اضمن البيت ناظرت بنجود الي ناظرتها
نجود : انتي تتطلقين وتاخذين البيت الي ودك لكن انا تظلموني؟
غزال : صدقيني بعدها بتفهمين يانجود
ناظرت نجمه بجوالها : ثامر برا بطلع
هزت راسها نجود
غزال : سلمي لي على امك وقفت بتذكر نجمه
لفت لها كملت غزال : بلغي ابوك يبلغهم باننا موافقين
ناظرت نجمه بانجود طلعت بدون ترد
ركبت السياره : تغيرت تغيرت مو طبيعي
ثامر حرك السياره : ايش ؟
نجمه : تبي تزوجها
ناظر ثامر بنجمه : مين ؟
نجمه : اوف ياانت ماانت عارف اخبار اهلك؟
ثامر : وشو
نجمه حكت له : مدري وش فيه ابوي واقف معهم
ثامر : الموضوع غريب بنزل معك الحين اشوف ابوي
-
بالمكتب
ثامر : شلون عشان ورث تزوجونهم!
صالح: هذا جدك وابو مساعد اصحاب قبل ومتفقين ورثهم مايتوزع علينا الين مساعد يزوج من سلمان
صفق ثامر بيده : ماشاءلله ماشاءلله هي لعبه ؟ تزوجونهم غصب عنهم
صالح : ماهو بغصب كل الناس تتزوج زواج تقليدي وتعيش
ثامر وقف يناظر بابوه : هذاك قبل الحين تغير ليه ليه يابوي خذلتهم فيك !
سكت صالح يبعد نظره عن ثامر
ثامر : اختفاء عمي وش سببه؟
صالح : هذي سالفه ثانيه مالي دخل فيها
ثامر : اي مالك مصلحه منها ماعليك منها
صالح : احترم نفسك
ثامر : هالزواج مايتم لو تبقون فقراء
صالح وقف يبتسم يناظره : من انت؟
ثامر : اعتبرني اخوها
صالح : اخوها انثبر هنا مايروح لها تجيني انت
ثامر : مالي دخل فيه دام ماوقف معها
صالح : ان فكرت ياثامر تتدخل بها السالفه وربي لاوصل علم لزوجتك
ثامر : وش علمه !
صالح : اريج اسمها صح ؟ يووه لو يوصل لنهال عاد حبيبه نهال
انصدم ثامر يناظر بابوه صدمة عمره
صالح : اشغلتني بس جلس ناظره : اطلع برا بس
ابتعد ثامر يطلع مصدوم
-
ناظرت اميره باحمد يمشي قدامها وشايل حلا على اكتافه
اميره : قرب بنتصور
وقف احمد صورت اميره قربت توريه : شرايك ؟
احمد ناظرها : تجننن
ابتسمت اميره : بحطها بالالبوم
-
١١ م
جالس بالصاله يناظرها بشتات يوم حاول وحاول قدر ينسى المشاعر فقط ولا هي موجود باقي بداخله يذكره ابوه ويلويه بهالشي اخذ نفس يعتدل يجلس
تذكر لما كان يمسك خط عشان يروح لرياض ويوقف عند بيتهم بس عشان يشوفها
تذكر باول يوم شافها لما كان ابوها تعبان وجاء مع ابوه ثامر للمستشفى وشافها واقفه عند غرفه ابوه وكيف كانت تتكلم مع ابوه بكل احترام ومن هذاك اليوم كان يتعذر انه يتواصل معها عشان يتطمن على ابوها لكنه كان يبي يناقشها ويسمع صوتها لو باتفه سبب
لما ناقش ابوه انه بيخطبها رفض ابوه رفض قاطع انه ياخذها بحكم انهم مايعرفونهم لكن الي صدمه اكثر من سمع انها تزوجت من ولد عمها ومن هذاك الوقت يحاول ينسى لكنه عاجز حب اولي وشلون ينسى؟