" بعض الخسّاير الله يامكبر ارباحها "

بارت11

نجود : ماودي اكمل بالمركز تعرف اني دخولي له عشان ابوي وهذا انا لقيته وبقدم استقاله
سلمان : طيب ماسمعتي من ابوك لهلحين
نجود : قلت لك امس مابي اسمع منه
سلمان اخذ نفس : والله مدري ايش اقول بالضبط
نجود : ماعليه المهم بالتوفيق لك
سلمان : وياك
مشت نجود لسيارتها
-
ناظرت غزال بالظرف المرمي بالحوش قربت له تاخذه ناظرت بالورقه الي موجود فيها تاريخ محكمة عشان تاخذ البيت عنه اخذت نفس تدخل
اخذت جوالها تتصل على حنان
بعد مده
حنان : عساه لجهنم خليه يعرس بس ليه يختفي كذا بدون يقولكم هذا فيه شي صدق
غزال جلست بالصاله : والله مايهمني كثر مايهمني الحين اخذ البيت منه واخلعه
حنان : هذي صعبه كيف بتحلينها
غزال : قد قالي سلمان قبل عن صاحبه مساعد وبالصدفه يوم شفت سلمان شفت مساعد وقالي نجود انها كانت تراقب سيارته من كان بالمركز عندها
حنان : والله السالفه معقده بشكل الله يعين بس
غزال : امين بس بغيت حاجه منك
حنان : ابشري قولي لي بس
-
وقف صالح بصدمه يناظرهم : مستحيل انتي وشقاعده تقولين سلمان كان مختفي حتى بطاقاته ماكانت تشتغل ولا شي له كيف يتزوج كيف يصرف على الولد
غزال بهدوء : انتم رجال تسوون اي شي وانا قلت لك مايهمني تزوج او لا المهم ابي البيت
صالح : البيت مالي فيه شي ومن قبل انا معطيه سلمان
غزال : صحيح عطيته لكن باقي هو لكم ورث من ابوكم
صالح : طيب ؟
غزال : يعني اذا ابيك تروح معي للمحكمه بعد يومين وتكتب البيت باسمي
صالح جلس يناظرها: بس انا معطيه سلمان من قبل
غزال : صح عطيته لكن اخوك وين يفضى عشان ينقله لاسمه باقي هو باسم ابوك الله يرحمه
حنان بهمس : الله يرحمه
صالح : ماقدر اسوي شي لين اسمع سلمان
غزال : شوف صالح وربي الي فيني مكفيني يانك تروح مع تنقل البيت يا وربي وخالقي ماتشوف لا نجود ولا منيف وربي نختفي مثل مااختفى اخوك
وقفت تطلع برا البيت
بدت حنان بشغلها ناظرت بصالح : بالله عليك تقولها باسمع اخوي زياده على الي شافته
صالح : انتي عارفه وش الي صاير الموضوع كبير
حنان : انت روح اسمعه وشوفه لكن قبل اوقف مع غزال عشان تضمن نفسها وعيالها
سكت صالح يناظر بفراغ تمام حولينه
-
مشت نجمه ل قسم المتدربين ناظرت فيهم من القزاز وبدت تكتب مشروعها لفت تمشي ناظرت بالساعه ١٠ ظهر اخذت نفس ترقى لمكتب ثامر ناظرت من القزاز حوست الاوراق قدام ثامر ووجود عماد ميلت فمها تمشي عنهم تنزل للكوفي الموجود بالشركه قربت تطلب قهوه وكوكيز
اخذت الطلب قربت لطاوله وجلست عليها تتقهوى وتناظر بجوالها بعد مده رفعت راسها بملل اخذت اوراق المشروع ناظرت وش باقي لها كان باقي تقريباً ٤ اوراق لفت بانتباه لنزول ثامر وعماد بالكوفي قربو يطلبون لف ثامر يناظر انتبه لنجمه ابتسم لها لف لعماد ومشو يجلسون يتقهون جلست بملل تناظر تحاول تشغل نفسها لانها فعلاً تعبت وقف ثامر : دقايق بس
عماد : خذ راحتك
مشى ثامر لنجمه : مليتي
نجمه لفت له : اي والله
جلس ثامر جنبها : ماعليه شرايك تروحين للبيت وتتركين اوراق اليوم علي
نجمه عضت شفتها بفرحه : اخخ ياثامر
ثامر ابتسم لها : ارتاحي واضح امس تعبتي مع نجود
اخذت نفس : اي والله الله يساعدهم
ثامر وقف اخذ اوراق نجمه معه : اقابلك بالبيت وتعطيني الاخبار لكن بطلب لك سواق الشركه يوصلك للبيت تمام؟
نجمه وقفت : تم
مشى ثامر لطاولة عماد جلس : بعد شوي ساعه كذا ابي اخذ ٢٠ دقيقه بخلص لي شغله
عماد باستغراب : ايش
ثامر : اوراق مشروع اختي تعرف
عماد : اي عادي خذ راحتك
ثامر : تسلم ، اي وين وقفنا
عماد : اقولك قبل شوي عن الرحله السنويه الي نسويها لشركات
ثامر : يوه لاتذكرني
عماد : للاسف والاسف الاكبر اننا بنروح
ضرب ثامر الطاوله بخفيف : دايم نروح ولا مره جونا
عماد : عوذا الحمدلله حساباتنا وامورنا تمام وشركتنا كل مره ترتفع بشي زين
ثامر : طيب ليه مانساعدهم بشركاتهم من شركتنا يعني واحنا بمكاننا ليش نسافر
رفع اكتافه عماد : شي مطلوب مو مني
ثامر : عاد ليتك قلت لي بوقت مناسب
عماد : حظك
ناظر ثامر بجواله يتصل استغرب وقف يبعد عن عماد : هلا
نهال : ثامر فاضي تجي؟
ثامر : ليش ؟
نهال : ماعرف انس مرتفعه حرارته بالحيل ولا راضيه تنزل
ثامر : تمام بجيك الحين تجهزو
نهال : تمام انتظرك
سكر ثامر مشى لطاولة عماد : اعتذر عماد حصل لي ظرف عائلي بطلع
وقف عماد : عسى ماشر ؟
ثامر : لا ياخوك شي بسيط ان شاءلله مشى ثامر يطلع برا المركز
جلس عماد اخذ كوبه يشرب انتبه للاوراق مسكها لف يناظر بثامر لكنه طلع كشر : يووه نساها
اخذ الاوراق ناظرها : اذا هي بسيطه بخلصها لك
فتح اول ورقه ناظر بالمعلومات الي هي كاتبتها
ناظر بالصفحه الي بعدها اخذ كوبه يشرب قرا نظرة المدير عن مدربينه كاتبه هي : شين وشايف نفسه كب الي بفمه من القهوه بصدمه غمض عينه : سلامات
كمل يقرا : مغرور ومتكبر انا ماعرف اخوي وش مصادقه عليه
عماد : يعني كذا هذا وانا قايل بساعدك
- يوم المحكمة الساعه ١٠:٣٠ -
وقفت غزال ناظرت بنجود : بناخذ البيت ونضمن انفسنا مثل ماقلت لك
نجود : اخ امي اخخ
نزلو يمشون لفت نجود تناظر بمساعد وقفت تناظره يرقى للبوابه : عمي مساعد
ناظرها : هلا يابوي
نجود : ليه هنا اشوفك
مساعد : عندي شغله مشى يتعداها يدخل
لفت بتمشي لكنها انتبهت لسياره مساعد انفتح بابها نزل منها مجاهد ناظرت فيه تشوفه ولاول مره بثوب وقفت تناظر باستغراب ودهشه وجودهم هنا ميلت فمها مشت خلف امها الي تعدتها ناظرت فيهم ينادون باسم امها دخلت معها للغرفه
جلست وماامدها تجلس الا يدخل مساعد وولده مجاهد لفت تناظر فيهم بصدمه حست ان فيه شي لفت تناظر قدام جلس مجاهد خلفها ومساعد امامه
بدا القاضي يتكلم : وين صاحب البيت سلمان ال هايل؟
غزال : اخوه بداله لفت تناظر لكنه مو موجود لفت تنتبه للباب الي ينفتح دخل منه سلمان وخلفه صالح انصدمت غزال تناظرهم غمضت عينها بصدمه نزلت راسها تحس فيه شي
وقفت نجود تناظر بابوها الي تقدم وجلس بمكانه المخصص ولا التفت لا لها ولا لامها
تقدم صالح وجلس بجنب نجود مسك يدها يجلسها
القاضي : سلمان ال هايل
سلمان هز راسه
القاضي : تسمح بنقل ملكية البيت لزوجتك غزال
سلمان : اي نعم
ناظرت فيه غزال بلعت ريقها
سلمان : لكن بشرط
ابتسم مساعد بهدوء
سلمان : بنتي نجود تتزوج ابن مساعد ال نجم
انصدمت غزال تناظره
وقفت نجود تصارخ عليه :توك تعرف اني بنتك توك تجي وتقول بنتي انت حتى ماضميتني انت،،ضرب القاضي مطرقته : هدوء
مسك صالح يد نجود يجلسها لكنها رفضت مشت تطلع تحت نظرات مجاهد لها اخذ نفس يسمع
القاضي ناظر فيهم: تم تأجيل الجلسه الى،،
طلعت غزال خلف سلمان تناظره : انت ابو انت كيف تشرط هالشي على بنتك
بدون يلف لها سلمان مشى يبتعد
ناظرت غرال بمساعد ومجاهد لفت عنهم تمشي
-
بالبيت
نجود ببكاء : كيف يقول كذا كيف
منيف : لاحول ولا قوه الا بالله
غزال: والله لو تشوفه منيف تنصدم مستحيل هو
نجود : ودي اعرف وش موصله لهلشي
منيف اعتدل يجلس بقلق : اخخ يابوي اخخ
نجود ناظرت بامها : مساعد هو ورا الموضوع لانه قد قالي
غزال عقدت حواجبها : وش بيستفيد!
نجود رفعت اكتافها