" بعض الخسّاير الله يامكبر ارباحها "

بارت 35

ركبت السياره لفت لثامر : سلام
ثامر : شصاير ليه هذا هنا
نجود : موضوع وخلص
ثامر حرك السياره : وش موضوعه
نجود : بتطلق منه
لف ثامر يناظرها بصدمه : ليكون قايل لك شي ؟
نجود : ماقال ولا بيقول ولا يتجرى حتى
ثامر : ماعليه يروح هو يجي غيره
نزلت راسها تناظر برجلها
وقف ثامر عند البيت
فتحت الباب قبل لاتنزل لفت له: شكراً
ثامر : مابينا اذا بتقولين لعمي كلميني اجي معك
نجود :مو مهم انا اتصرف
ثامر : نجود ارجوك انا ادري ماوقفت معك قبل خليني على الاقل الحين
نزلت نجود بدون تتكلم وقف ثامر ينتظرها الين تدخل
ضربت الجرس مره مرتين ثلاث مااحد يفتح استغربت ناظرت بساعه ٨:٣٠
اخذت نفس وين يكونون يعني لفت تناظر بثامر الي نزل قرب يفتح الباب بمفتاحه
استغرب يناظر : ثامر !
ميل راسه يناظرهم من فوق
فتح الباب دخلت ودخل خلفها بما انه جاي ف بيسلم عليهم
دخلو بصاله
ثامر : شكلهم طالعين
نجود : غريب لفت ترقى ناظرت بالغرفه ظلام وهدوء فتحت النور ناظرت بنجمه نايمه
نجود : غريب مااخذوك
نزلت عباتها وبدلت لبسها لبست بجامه وسيعه طفت النور وانسدحت بجنب نجمه لفت للجهه الثانيه غمضت عينها بمحاوله انها تنام تبي تبعد التفكير ولا ودها تفكر ابد
-
قفل البلكونه جلس بسرير يفكر متاكد انها راحت مع ناصر بس وش رجعها مع ثامر ! اخذ نفس مسك شعره يشده
-
بالمطعم
حنان ناظرت بغزال الي هاديه وجداً: غزال شكل البيت مضايقك يابنت والله انك بعيوني انتي ونجود واعتبركم خواتي
غزال : يابعد روحي والله ، ليت البيت الي مضايقني انا مضايقني شي ثاني بعيد عن البيت
حنان : افا ولا تقولين لي
غزال اخذت نفس : ياحنان ملكة نجود على ناصر مقلقتني الولد مارتحت له ومن يوم خطبوها اقول لسلمان لكنه مايفهم
حنان : والله اني فاهمتك لكن ماتدرين دامها وافقت يمكن يكون خير لها
غزال : نجود ماتبيه ماوافقت عليه راضيه لاوالله ذي بنتي واعرفها بتتهرب من كلام عن طلاقها الاول
حنان : والله مدري شقول لك انتي امهاا وتفهمين لها اذا ودك اخذيها واطلعو تمشو وخليها تقولك وش الي بخاطرها وان قالت ماوافقت الا عشان هالكلام اخذي الكلام مني ماياخذها لو وقفو بوجهي الشياب
ابتسمت غزال : ياختي ربي يسعدك
-
جلست دانه تناظر بالابتوب وتذاكر
طق الباب عماد لفت تناظر لدخوله : بسم الله
عماد جلس بالكرسي قدامها : طفشان وحيل
دانه : اذاكر اشرت له
عماد : يع ياجواء الدرسه وقف يطلع
زفرت بممل وبدت تذاكر
-
ناظر عماد بغرفه مجاهد قرب يطق الباب ومافيه صوت كشر : بالله احد ينام الحين
لف ينزل تحت ناظر بجواله رسالة شيهانه " قبل لانسافر بمر ابوي" مسح على راسه: انتي باقي تبين ابوك
ارسل : تم
قفل جواله رقى لغرفة امه طق الباب
انهار : ادخل
دخل عماد : غريبه ابوي وينه
انهار : عنده شغل
عماد : زين انا بسافر بكرا
انهار : سبب
عناد : طفشان بروح اتمشى
انهار : زين انتبه وش صار على المحكمه اليوم
عماد : قبضو عليه لانه ضر العسكر وضر اخته بعد سلمان تكلم عن اخته
انهار : هو شدخله!
عماد : مدري
طلع برا البيت عماد متوجهه للفله
-
وقف مساعد : خلاص اعتبر البيت تم خلال شهر
سلمان : الحمدلله خلصنا اليوم اشغال لشهر قدام
صالح : اي والله
ركبو السياره وبما ان بيوتهم قريبه لبعض راحو بسياره وحده
بعد مده نزلو غزال وحنان دخلو البيت
وقفو مساعد والباقي نزلو
مساعد : مع السلامه
سلمان : هلا
دخل سلمان ناظر بالمقلط : مانمتي
غزال : بسم الله
سلمان : بسم الله عليك
غزال : توني جيت تعشينا انا وحنان برا
سلمان : زين انسدح على الفرشه يريح ظهره
غزال : متى بتبدا بيتنا؟
سلمان : الصبح
غززال : الله يعين ، شصار عليكم عسى انمسك
سلمان : اي الحمدلله
غزال : الحمدلله
-
الصباح
طول ماقامو ونجمه بس تضحك على نجود : ياخي مااتخيل اجازتي تخلص بيوم!
نجود : سدي حلقك
نجمه جلست تضحك بقوه : نجود احس حلقي بداية احتقان
نجود : ان شاءلله تزكمين اسبوعين قدام
نجمه : واخذ اجازه مرضيه
نجود : شالفايده تعبانه
نجمه : اشبع نوم
تجهزو نزلو تحت يفطرون
غزال : نجود متى بتطلعين اليوم ؟
نجود : الظهر
نجمه : تكفيننن !
نجود : ليش ؟
نجمه : عندي محاضره الظهر
غزال : خلاص تمريني نجود ونطلع نتمشى بعدها نمر نجمه
نجمه : سلامات تروحون تتمشون وانا منطقه ثم تاخذوني للبيت لا ظلم لا اسمح
حنان : احمدي ربك بتمرك انا اقول خليها تنطع تعقل وانتي اطلعي مع امك الين تخلصون
نجمه نزلت لقمتها : لا الى هنا انا لازم اسوي تحليل DAN
ضحكت نجود
نجمه : اضحكي بلاك بدلع ولا انا محسسيني شخص بدون مشاعر
-
بسياره
نجود : اسمعي
نجمه : اسمعك بكل جوارحي
نجود ناظرت فيها : وصخه
نجمه : ماش الرومانسيه معك ماش اخذت علبة المويا تشرب نجود : بتطلق
شرقت بالمويا كحت بقوه وقفت نجود على جنب تضرب بظهرها : بسم الله بسم الله كحت بقوه نجمه وجهها حمر فتحت الشباك نجمه تتنفس
بعد مده هدت لفت تناظر بنجود : صادقه؟
نجود : اي والله حركت للجامعه
نجمه : سبب؟
نجود : يقول انه من صغره يبي وحده قلت لك مجبوور
نجمه : ياربي من هلحين ينجبر لو انه انتي قلت صح بنت لكن ولد وينجبر!
نجود : النصيب
وقفت عند الجامعه نزلو يدخلون
نجمه : قررت محاضره ابو عيون ماني حاظرتها
نجود : ابو عيون!
نجمه : مو قلت لك يلبس نظاره عنده ٤ عيون انعكاس
نجود : تحسين بشي ؟
نجمه : قلبي يحترق قهر
نجود : حرام عليك هذا شي مو بيده تروحين تعيبن عليه
نجمه : ياكل تراب
نجود فتحت عينها بقوه ضربت نجمه بكتفها : بنت!
نجمه فتحت جوالها : بشوف محاضرتي الاولى اذا اقدر اغيب بسحب وبقعد اسولف معك
نجود : مشغوله انا عندي تطبيق وبطبق
نجمه ميلت راسها عقدت حواجبها : ياعمري
نجود : وشو !
قربت تناظر معها
نجمه : محظرني ! وانا ناطعه عنده بعز النهار امس والتحضير امس بالمحاضره حضرني وماقالي يبي اترجاه طيب شالفايده يخليني اجيه اصلاً تدرين انا العمياء الي ماشفت
نجود : انتي حاقده عليه؟
نجمه : اتمنى اقتله بيدي تدرين ليه نشب فيني عشان ماقاربه لاسمه؟ اغير اسمي ولا اموت وش اسوي !!!
نجود : لاتعطينه وجه انتي احضري عشان الدرجات
نجمه : الله ياخذ الدرجات ليتها بيدي ثم اتفل بوجهه