" بعض الخسّاير الله يامكبر ارباحها "

بارت 50

العزيمه
جلست شيهانه بجنب انهار بما انهم عزموهم
تسولف معها وانهار كل مره تقوم وتجيب اكل لشيهانه
كانت العزيمه صغيره وحلوه
الصباح
صحت نجمه ونجود وبدو يتجهزون يطلعون
اخذت شنطتها نجود وتنزل هي ونجمه من الدرج : دانه بالبيت مع مجاهد
نجمه : ليش راحت انهار؟
نجود : اي مستغربه كيف عرفوهم
ركبو السياره اخذو لهم فطور وحركت للجامعه
وقفت عند الجامعه ناظرت بنجمه : تروحين له؟
نجمه : بروح انزل الكاميرا واطلع بدون اتكلم
هزت راسها نجود ونزلت نجمه
تدخل المبنى حق نجم
قربت لمكتبه طقته لكن مافيه صوت : شكله ماجاء فتحت المكتب قربت لمكتبه نزلت الكاميرا لفت من سكر الباب ووقف عنده ناظرت بشنطته الواضح جاي الحين
نجم : مانمت امس تدرين ؟
سكتت نجمه تناظر تحت كمل : قلبي مبسووط يانجمه
ناظرت فيه توترت تتكتف
نجم : انتي سماك ابوك علي تدرين؟
نجمه : حلو قلت لي عشان اغيره
ضحك توترت من ضحكه : لو تغيرينه تبقين نجمه ماتتغيرين
توترت منه : ممكن تبعد بطلع
هز راسه بنفي : ابيك توعديني اول
نجمه : اوعدك بايش تراك زودتها حتى لو كنت شخص اعرفك وانا صغيره مايحق لك تسوي مثل كذا
نجم : وش سويتت  ؟
نجمه : ابعد !
نجم : اول شي اوعديني ان خطبتك مره ثانيه توافقين
ميلت راسها تضحك : عشانك ايش اوافق ؟
نجم هز راسه : اي وافقي
نجمه : ياخي احتاج ثقتك
نجم : بتوافقين فتح شنطة الابتوب طلع منها بوكس صغير
مسكت راسها بتعب منه لكنها انصدمت من فتحها
ناظرت بلمعان النجوم الصغيره
نجم : تدرين وعدك فيها واحنا صغير كنت اشوف النجوم وقلت اذا كبرنا اجيب لك نجوم
تجمعت الدموع بعينها رعب خوف صدمه الشي الي كانت تبيه ولا تدري وش سبب حبها لنجوم كان بسببه ! هو قالها عن النجوم
ميلت راسها : ابعد عن الباب
ابتعد نجم طلعت برا المكتب ركضت تطلع برا المبنى وقفت قريب من المبنى حقهم
دخلت حنان البيت رقت فوق لغرفتها وصالح خلفها
صالح : ماردك عليك بنتك؟
حنان : على؟
صالح : يوم خطبها نجم
حنان : لا ماقالت لي
صالح : ماشاءلله عليه يوم خلص العزيمه سرا جاي للقصيم عشان دوامه والله ذا الرجال مايتفوت بس قولي لبنتك توافق حاولي فيها
حنان : اشوفها اليوم واقولها
-
اخذت نفس نجود : لاتلومينه يوم يسوي كذا
تنهدت نجمه : ليه ؟ مالومه مريض وحمار بعد
انصدمو يلفون على صوت الاسعاف واغلب الدكاتره ركضو برا وقفت نجمه تمسك صدرها ؛ بسم الله شصاير !
نجود : مدري
ميلت راسها من شافتهم يشيلون شخص تاكدت من هيئته انه هو همست : نجم!
ناظرتها نجود : شفيه؟
نجمه ناظرتها : ماعرف بس ليش يشيلونه شصاير
نجود مسكت يدها تمشي معها يطلعون
نجمه : وين نروح؟
نجود : بنتاكد عن نجم
فلتت يدها نجمه : ليش نروح بحظر المحاضره
ناظرتها نجود : اقول امشي قدامي والله يداخلك ميت خوف
-
المستشفى
شهقت من قالت لها الدكتور
ناظرت بنجود الي مصدومه مثلها : سكر!
الممرضه : اي ارتفع عليه السكر واغمى عليه
نجود : طيب من زمان كذا ولا اول مره؟
الممرضه : ماعرف يوضح شوي
ابتعدت ولفو يناظرون بعماد وشيهانه الي دخلو
نجمه : اخته!
نجود : اما شيهانه
نجمه : كنت حاسه اني شايفتها طلعت اخته
ابتعدو يرجعون للبيت قبل يشوفهم احد
دخلت بيتهم نجمه ناظرت بامها وابوها قربت تسلم عليهم
جلست قدامهم
وبعد مده من الكلام
صالح : يابوي اسمعيني نجم والله رجال ونعم الرجال صدقيني شخص اامنك عليه وانا مرتاح
ناظرت بامها الي مبتسمه همست : موافقه يبه
وقفت ترقى فوق وتسكر الغرفه
صالح : الحمدلله يارب والله يتمم لهم
-

بالليل
دخل البيت ناظر بامه شايله صحن العشاء للمطبخ : نجم؟
ابتسم : جيت عندي موضوع
نزلت الصحن بالمطبخ وجته بنخوف : عسى ماشر ؟
نجم : ماشر وينه ابوي ؟
ام نجم اشرت بصاله ومشو لصاله
وقف ابو نجم : نجم شفيك جاي الحين ؟ تذكر شيهانه : شيهانه صاير لها شي
قرب يبوس راسه : يبه مافيه الا كل عافيه بعدين ولدكم اجيكم اي وقت
ام نجم جلست تمد له شاهي : اي بس ماقلت لنا ولا عطيتنا خبر جيتنا فجاءه شصاير
ناظر بابوه : يبه عرفت صالح امس صح؟
ابو نجم : اي والله وتذكرت ايامنا قبل يشهد الله انهم اطلق خوه
نجم : الحمدلله
ناظر فيهم كيف يناظرونه ابتسم : انا ابي القرب من ابو ثامر
رفعت حاجبها متعجبه : نجمه؟
هز راسه نجم
ابو نجم : عزالله انك عرفت تختار
نجم : متى ودك نخطب ؟
ابو نجم : كان قلت لي نعطيهم خبر ؟
نجم : عطيتهم يبه وعطوني موافقه مبدئيه المغرب عشان كذا جيتكم
ابو نجم : اجل بكرا نمشي خذنا انا وامك
نجم : ان شاءلله ناظر بامه : شرايك؟
ام نجم : نجمه اعرف امها حيل طيبه الله يوفقك ياوليدي وعسى ربي يسر لك ماتبي
همس بامين
وقف نجم حس نفسه دايخ : يمه ابي اكل
وقفت ام نجم وجابت له اكل ياكل
ابو نجم : شكلك ناسي سكرك
نجم : اليوم انخفض عندي وتعبت نسيته ذا اليومين انشغلت
ابو نجم : انتبه له ولا تنسى الابر
نجم : من شهر تقريب استبدلتها باحبوب
ام نجم : الحمدلله كنت شايله همها
نجم : ماعليه
-
نجود : بموتتت ياربي مدري ابارك ولا اصيح
نجمه : لا باركي ليش تصيحين
نجود : قلتو لهم؟
نجمه مدت رجلها تجلس : مدري من يوم قلت لابوي مانزلت لهم مستحيه
نجود : يايي
نجمه : بكرا ماراح اداوم
نجود : ولا انا
نجمه : ليش؟
-
الصباح
صحى من النوم ناظر برسالتها ابتسم من عزمته
تجهز وتعطر طلع برا ركب سيارته متوجهه لبيتهم
نزلت نجود وبيدها عباتها : امي
ناظرتها غزال : هلا؟
نجود : بفطر مع مجاهد اليوم
ميلت راسها غزال : لنا الله
ضحكت تعطيها بوسه طلعت برا ناظرت فيه بسياره ولابس نظارته قربت تفتح الباب : سلام عليكم
قرب يسلم عليها توترت من قرب وسلمت عليه
مجاهد : كيف حال زوجتي
ناظرت فيه : بخير انت ؟
مجاهد : من انا؟
نجود : اي انت
مجاهد : اي اسالك من انا؟ اذا انتي زوجتي انا مين
ضحكت تناظره : ههههه مجاهد مساعد
ابتسم من ضحكها : اي وين تبين مطعم؟
نجود : في مطعم قريب هنا
-
نزلت تفطر معهم لانها ماتعشت امس ولا احد ارسل لها قربت تاكل
صالح : اليوم جاايين يخطبونك
لفت تناظره : وشو
حنان : شمسرع!
صالح : ترا خطبه مب ملكه
ناظرت بسلمان الي ياكل وساكت مستغربه سكوته
وقفت ناظرها صالح : ماكلتي ؟
نجمه : باالعافيه
رقت فوق لغرفتها سكرت الباب قربت تناظر بجوالها استغربت رسايل من نجم بلعت ريقها تفتحها
نجم : وافقي يانجمه نملك اليوم
-ارجوكك يانجمه
-نملك وصدقيني اسوي العرس الي تحلم فيه كل بنت
جلست على السرير بتوتر تعرف ليش يبي يملكون
سكتت وسكرت جوالها ارسل لها
" السكوت علامة الرضى حظ عيني ف لقياك الليله"
سكرت جوالها منخرشه مايمديها تسوي اي شي
وقفت تمسك راسها ارسلت لنجود ولا ترد