وقف بغرفته يستوعب الي صار هي نفسها الي كانت بالحمام غمض عينه غبي مانتبهت انها اختهم ! انسدح على السرير يحاول ينام
-
وقف عند البيت بعد مانزل نجود بيت امها دخل البيت ناظر بالطين الي من المجلس ل البيت استغرب يدخل رقى لغرفته انتبه لنور غرفة دانه قرب يطق الباب
رمة فستانها بكيس لفت للباب : مين؟
مجاهد : انا
دانه : بنام تعبانه
مجاهد : طيب لف يدخل غرفته
-
الظهر
صحت غزال وبدت تجهز الفطور لانهم ماصحو الصبح
فتحت الباب نجود ودخلت
ستغربت غزال : نجود !
نجود : كنت طالعه افطر
غزال : مع مين؟
نجود :مجاهد
تكتفت تناظرها : بالله ؟
نجود : اي والله
غزال : وتطلعين من دون تقولين لي ؟
نجود.: كنتي نايمه بعدين مارحت مع غريب
غزال : اي انتي معه وبكرا منيف وانا اقعد
ضحكت نجود : يعني غرتي
غزال : روحي عني بس
قربت نجود حضنتها من جنب : امي اساسا افكر اعيش عندك وشوله بيت ؟
غزال : وليه تسكنين عندي الحين زوجتك عشان تروحين لبيت زوجك تجين تسكنين عندي ؟
ضحكت نجود : يعني تطرديني هههههههههههههههههه
غزال : افهمي بكيفك
نزل منيف لابس البدله : ابي اكل
غزال : الحين اجلس اجيك
جلسو بطاوله ونجود معهم تشرب قهوه
منيف : يمه
غزال : هلا
منيف : بعض الناس امس
غزال ناظرت فيه يخز نجود كمل : خلونا نقوم وهربو مع بعض
نزلت كوبها تناظر بامها : اول شي بعض الناس عزمو نفسهم وقطو وجيههم معنا
غزال : لحظه
شربت قهوتها نجود تناظر
غزال : امس بعد طالعه مع مجاهد؟
نجود : اي ؟
غزال : نجمه قالت انكك معها!
منيف : هوو ليه تكذب
غزال: لاني ماراح اسمح !
نجود : امي شفيك ترا متزوجين
غزال : ادري انكم متزوجين لكن طالعه امس والصبح ؟
منيف : لحظه طالعه الصبح!!
ناظرت فيهم نجود يناظرونها : خيرر شفيكم علي
نزلت كوبها ركضت لغرفتها وسكرت الباب
-
"نرجع شوي الصباح "
تحركت بانزعاج من صوت الجوال اخذت جوالها ترد : هلا
مجاهد : كيف قدرتي تنامين؟
عقدت حواجبها من صوته : مجاهد!
مجاهد : اي
نجود : نمت كيف يعني قدرت!
مجاهد : انا من امس اتقلب وعجزت !
سكتت نجود ناظرت بالصباح غمضت عينها بتعب
مجاهد : عازمك على الفطور بجي امرك
نجود : ماق ، قاطعها
مجاهد : رجاءً اطلعي
بالمطعم
جلست وجلس قدامها
مجاهد : اي الحين نقدر نتكلم
نجود : عن ؟
مجاهد : عن وضعنا حالياً بما اني ادرس برا وانتي هنا
نجود : ولا انت بترضى تترك جامعتك ولا انا
مجاهد : اها يعني تلمحين مااتتركين الجامعه؟
نجود هزت راسها بنفي
مجاهد : طيب
نجود : وش طيب ؟
مجاهد : بترك انا الجامعه هناك
نجود : مستحيل مجاهد سنتين تروح خساره؟
مجاهد : عادي اساسا شهاده رسم
نجود : واذا رسم ؟ شي حلو تاخذ شهاده تثبت انك رسام جبار
مجاهد : يكفيني شهادتك يوم اثبتي لي ان رسوماتي حلوه
ابتسمت نزلت راسها
تنهدت : مجاهد تكفى لاتتركها
مجاهد : اجل روحي معي واسجلك هناك
نجود : كيف مجاهد وجامعتي هنا
مجاهد : انسحبي واسجلك معي واساعدك تضيفين مواد وتتخرجين بسرعه
نجود : لاا
مجاهد : انتظرك تتخرجيين ولا يهمك بس وافقي نروح نجود ارجوك
اخذت نفس تفكر : افكر واقولك
مجاهد : وش تفكرين وافقي وبس
نجود : طيب موافقه
مجاهد : اي من اول ياخي
بعد الفطور
مجاهد: الترم حقي يبدا بعد اسبوعين
نجود : حسافه مايمدينا
مجاهد : بالله؟
نجود : اي يعني وش يمدي نخل ناظرت فيه وجديته : مستحيل
ضحك : نجود بتوافقين
نجود ضحكت : مستحيل قلت وش اسبوعين وش اخلص ؟
مجاهد: جهزي الي ودك والي باقي تخلصينه معي
نجود : مجاهد!
مجاهد : نمشي ؟
-
ركب عماد وشيهانه بجنبه حرك للمستشفى
وقف ونزلت شيهانه لموعدها جلست ينتظرها كان فيه طفله صغيره تبكي وتتدلع على ابوها ابتسم يناظرهاا كيف تبيه يشيلها ماحس بنفسه رايح لها وشالها ناظر بابوها : اعذرني
ابوها : لا سويت فيني خير ازعجتني
ضحك يناظرها تناظر فيه : ودك بحلاوه؟
هزت راسها بنفي : بابا جاب لي حلاوه نزلني
عاند عماد : لا
ناظرت بابوها بكت: بابا
ضحك عماد ينزلها : ربي يرزقني بنت مثلك
ناظرت فيه: بابا يبي مثلي بكت تخبي وجهها بكتف ابوها وهو يضحك
جلس عماد ناظر بجواله من اتصلت شيهانه طلع برا يناظرها : شقالو بنت ولا؟
وقفت تناظره : بدري يالطيب
عماد مسكها : وش بدري تكفين ابي بنت
ميلت راسها حطت كفها على بطنها : ياماما يالي بطني شرايك تكون بنت ؟ طيب
عماد : اما عاد
شيهانه : غباءك عماد
عماد: ابي بنت
شيهانه : اطلب الله
ركب السياره وركبت معه
-
جلست اريج تبكي
عمار : اسالك بالله لاتخوفيني
اريج : تؤام
اعتدل يوقف : تؤام؟
هزت راسها : الحمدلله طيب الحمدلله قرب لها يبوس راسها : وش مخوفك
ضربته تبعده : كيف يطلعون من بطني ٢ انا واحد وبغيت انهار عمار وربي اكرهك وربي اكرهك ودني بيت اهلي الان
عمار : تكفين اكثر شي قلقت عشانه
اريج : توديني يعني توديني
عمار: طيب مدرسة العيال؟
اريج: عند امك
اخذ نفس يسكت لانها كذا بعيالها كانت تكره عماد
وعشان المدرسه هالمره بتترك عيالها عند انهار
-
العصر
جلست نجود تناظر بغزال ماسكه جوالها : يمه
غزال : لحظه
سكتت نجود تناظرها
نزلت جوالها : اي شعندك
نجود : يمه اسمعيني انا قررت اني اسحب من الجامعه
غزال : سبب !
نجود : مجاهد يبي نتزوج خلال هالاسبوعين ونروح هناك ندرس يعني هو يكمل وانا ابدا ادرس
غزال : بالله؟ اربع سنوات عني هناك؟
نجود : احاول اضيف مواد واخلصها بسرعه
غزال سكتت تناظرها
نجود : والله بعد متردده لكن هو اصر
غزال : انتي وش ودك؟
نجود : ماعرف ودي ابقى معك ودي اروح معه احس احترت حتى حامعتي ماودي هالسنتين تروح كذا!
غزال : بعد العشاء او الليل واحنا نايمين روحي صلي استخاره وادعي ربك ربي هو اعلم وش خير لك يانجود ماودي اقولك اقعدي ولا ودي اقولك روحي
تنهدت نجود تناظرها
-
دانه : يخرب بيت عدوك وش غصب هي تقولها
مجاهد : وشدخلك ؟
انصدمت : دانه الحين وشدخلني ؟ يومك تجيني تهزءت : دانه اسحبي منها الكلام دانه سولفي معها الحين يوم اخذتها تقولي شدخلك
سكت يناظرها
وقفت تبي تضربه مسك يدها يكتفها يجلسها جنبه : قبل لو تضربيني مافيه احد بيمنعك الحين فيه زوجتي حبيبتي
دانه : يووه مجاهد تخليني ابي الزواج بسببك
ضغط على يدها : بنت
دانه : ياولد يعني تحسب انت الي تحب بس ؟ فتحت عينها من ستوعبت كلمتها : مااحب والله
مجاهد : وش قلتي عيدي بالله؟
دانه : اسمع قسم ماحبه وربي
مجاهد : ماتحبين مين مين
دانه : مااحد والله مااحد اصلاً منبوذه انا
مجاهد : دانه اهرجي
دخلت انهار الصاله وراها عمار وعياله
جلست انهار تناظرهم : حي الله احفادي وعيالي وحباني
ابتعدت من فتح يدها ترقى فوق لغرفتها
مسكت انهار سكره وجلستها على فخذها وماهر بجنبها : شلونكم يامي
دخلت سيرا شنطه سفر
ناظرت انهار بعمار
استغرب مجاهد الشنطه وانصدمو زياده بشنطه الثانيه
عمار : انطردنا
ضحك مجاهد بقوه : انطردت ههههههههههه هههههههه
كتمت ضحكتها انهار تناظره
عمار : اضحكي امي عادي اضحكي
سكره : ماما هاوشت بابا يبعد عنها تقول ريحتك يع
ضحك مجاهد بقوه منه عاجز يسكت بس يتخيل شكله
عمار : يعني زود مطرودين تعلمين
ماهر : بابا تروشت قعد يد على يده : كثيرر
لفت وجهها انهار تكتم ضحكها
-
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
