( ما اسامح القراءه بدون نجمه✨ وكومنت)
-
وقفت نجود طلعت برا المركز ناظرت بالساعه ماباقي شي ويأذن العصر وهي ماتجهزت ركبت السياره استغربت اختفاء نجمه عنها اليوم اخذت جوالها تتصل عليها لكنها ماردت خافت نجود على نجمه حركت لبيتهم
بعد مده وقفت عند بيتها سمعت صوت الاذان نزلت بسرعه ركضت لبيت نجمه تضرب الجرس ضربت مره ثانيه ومااحد يرد لفت من سمعت صوت السياره خلفها وقفت ناظرت بسياره مجاهد وقفت عند بيتهم لفت تتاظر باب بيت نجمه ضغطت الجرس
ردت خادمتهم : نعم؟
نجود : نعامه ترفس الي عندك افتحي الباب
فتحت الباب دخلت نجود تركض لفوق ناطرت بالغرفه مسكره والظلام من تحت ضربت الباب بقوه : نجمه ياقليله الادب افتتتتحي
فزت نجمه بخرشه ابعدت غطاء السرير ركضت تفتح الباب : وشفيك
تقدمت نجود تمسك شعرها : نايمه هذا وقت نوم
نجمه : وش نومه كم الساعه
نجود : تسمعين ذا الاذان اذان العصر ياهبله
نجمه بفزع : صاددقه انتي
نجود : اجل ؟ ضربت خدها نجود : مافي وقت مافيييه
نجمه : وانتي وش مشغلك ماجهزتي
نجود : كنت بالمركز اشتغل
ركضت نجود تطلع برا البيت لبيتهم دخلت وبدت تتجهز
سكرت باب غرفتها نجمه حمدت ربها على عقلها : ناس ماعندهم عقل
دخلت دورة المياه تتروش وبدت تتجهز
-
قبل المغرب بوقت قصير
وقف سلمان عند المجلس ومنيف وسلمان وثامر بالمجلس الي يبخر والي يجهز الاغراض
طلع صالح من المجلس ناظر بسلمان واقف ويكلم
بعد مده قفل سلمان
صالح : سلمان متى يجون؟
سلمان : هذاني ارسلت له الموقع
صالح : اي الله يوفقهم يارب
سلمان : امين
صالح : الا هي موافقه وراضيه؟
سلمان : اي
صالح : سالتها انت ولا بين الحريم
سلمان : امي سالتها وبعدين المووضوع من رجال لرجال وين الحريم ؟
صالح : لا مقصدي امها وهي يمكن قايل،،
قاطعه سلمان: الله يرضى عليك خل هاليوم يعدي وانا مرتاح مابي اشيل هم فوق همومي
صالح : اذا خلصنا ان شاءلله ابيك بموضوع
سلمان : عن؟
صالح : يعني ترا ماجلسنا من رجعت ونسولف عن الي صار
سلمان : وش صاير ؟
صالح : قصدي من يوم رجعت وانا ماسولفت معك ولا قلت لي وينه سلطان مختفي
رفع حاجبه سلمان : هذا الموضوع يخصني ياصالح ولو ودي اتكلم فيه كان قايل لك من قبل
-
فوق
ناظرت نجمه بنجود : وربي تفشلت كاشخه اقوى منك الحين هذي عروس بالله؟
نجود : تخيلي بس اكشخ كشخه ثقييله
نجمه : طيب والمعازيم؟
نجود : مااحد بيجي
نجمه : خيررر
نجود : اي بس رجال
نجمه : ياشيننننك
نجود : عاد مدري امه تجي ولا
-
عند الرجال
دخل ابراهيم وخلفه ولده ناصر : السلام عليكم
وقف سلمان : وعليكم السلام ياهلا
وبعد السلام والسواليف دخل المملك
بعد العقد
اخذ الدفتر سلمان رقى فوق لغرفه نجود طق الباب
نجمه قربت تفتح : اهلاً عمو
سلمان ابتسم لها وقف يتوسط الغرفه ناظر بنجود الي باقي جالسه عند التسريحه : تعالي وقعي
وقفت نجود قربت للكتاب ووقعت بدون تشوف حتى الاسم
ابتسم سلمان : الف مبروك الله يوفقك
ابتسمت نجود بهدوء : الله يبارك فيك
اخذ الدفتر وطلع سلمان نطت نجمه على نجود تحضنها : مبرووكككك
نجود : يبارك فيك وعقبالك
دخلت غزال : حياتتتي نجود
ابتسمت نجود
حضنتها غزال تسمي عليها
دخلت حنان : بنتتتي الثانننيه قربت تحضنها
بعد مده
حنان : بغيت انسى يبونك تنزفين له
ضحكت نجود بصدمه : انزف ؟ هو فيه احد ؟
حنان : اتوقع عاده عندهم رفعت اكتافها
غزال : ماش من اولها
ناظرت نجود بنجمه الي مصدومه مثلها
طلعت حنان
غزال : اجل تكشخي زياده
نجود : مستحيل هذي انا ماني كاشخه عشانهم
نجمه : اوفر
غزال : قبل لاتنزلين ارسلي لي اجي احصنك
هزت راسها نجود
طلعت غزال
نجمه : نجود لازم تكشخين
نجود : كل ذا ومامليت عينك
نجمه : ميكبك خفيف خفيف زيدي عليه والبسي فستان فخم
نجود وقفت : هذا هادي وحلو بعدين ملكه وصغيره ترا ومافيه احدد
نجمه قربت تعدل شعر نجود : حتى ولو لازم تقهرينهم بجمالك
نجود : ارسلي لامي بس اني ١٠ دقايق وبنزل
-
وقف المملك بعد مااخذ الدفتر
وقف له مساعد : بما اننا موجودين كلنا وتكلمنا عن هالمووضوع ياصالح قبل وخطبنا بنتك لولدي عماد
عقد حواجبه بصدمه عماد يناظر وقف ثامر وهو مصدوم يسمع كلام مساعد
مساعد : نكمل هالليله ونخليها فرحتين ونملك لعماد بنتك
لف نظره عماد يناظر بثامر الي محترق
ثامر : ماعندنا لكم نصيب وعماد غمض عينه يستغفر
صالح وقف : الكلام الاول للبنت والثاني لابوها ودامني موافق اخذ لكم رايها واجيكم
ثامر انجن من سفهه ابوه كلامه قدام الرجال
طلع صالح برا
طلع خلفه ثامر : ابوي
صالح لف له.: من انت عشان تتكلم عني !
ثامر : ابوي انت ماتعرف عماد
صالح : اعرف ابوه وابوه خير الرجال
ثامر : ابوه ماهو هو يبه تكفا لاتظلم اختي
صالح مشى عنه عند باب المطبخ دخل يده بجيبه يطلع جواله مسك كتفه ثامر : طالبك يبه لاتقهر اختي
صالح : ثامر لاتختبر صبري وابعد عني
ثامر : لو اقولك انه تواصل مع نجمه شتقول ؟
صالح عقد حواجبه : كيف!
ثامر : والله وخالقي تواصل معها وجت نجمه وقالت لي
صالح : تكذب
ثامر : يمين بالله
اتصل صالح على نجمه يناديها تحت
ثامر : يبه
صالح سفهه من نزلت نجمه عقدت حواجبها تناظر بثامر : بسم الله وش صاير
صالح : وانا ابوك عماد ولد مساعد متواصل معك قبل ؟
عقدت حواجبها تناظر بثامر
صالح : ناظري فيني وعلميني
هزت راسها : اي يبه حتى عندي طلعت جوالها توريه كم مره ارسل لها
رص على اسنانه صالح ابتعد عنهم يدخل للمجلس
نجمه : وش صاير ؟
ثامر لحق ابوه
بالمجلس
دخل صالح ونظره كله على عماد : والله يامساعد اعتذر منك ناظر بالمملك واعتذر خليتك تنتظر على الفاضي
ناظر بمساعد من وقف : مالكم نصيب عندنا
مساعد عقد حواجبه
كمل صالح : اقولك يامساعد بس نكون لوحدنا
ناظر عماد بثامر
وقف عماد طلع برا لبيتهم مسح على وجهه
ناظر بجواله الي يتصل
رد : ايش ؟ شويات واجيك ، مافيه احد اجيك شوي ، الفله امان وين الخوف بالموضوع؟ ، انتظري اجيك شوي
شيهانه اذا هذي من العابك زي دايم ماني ناقصك
-
طلعت برا غرفتها نجود ناظرت بنجمه جايتها
نجود : مافي وقت اسالك لكن بنزل
نجمه : تمام عدلت شعر نجود
نزلت نجود تحت
دخل ناصر وامه لقسم النساء وجلسو ينتظرون دخول نجود
مشت غزال بنجب نجود لقسم النساء
وقفو ناصر وامه من جتهم نجود سلمت نجود على امه لفت لناصر ومدت يدها فقط مد يده وجلست قدامهم
امه : الله يوفقكم يامي
غزال : تفضلي معي ام ناصر
مشت ام ناصر وتركوهم لوحدهم
ناظرت نجود فيه كيف ساهي ويناظر تحت
وقفت بتطلع
نطق ناصر : شخبارك نجود
بدون تناظره حتى طلعت ورقت لغرفتها
دخل الغرفه ناظرت بنحمه : بنت
ابتعدت نجمه نزلت جوالها بعد ماصورت : كيف شكله وش قال لك شايف نفسه ولا؟
نجود نزلت عقدها : ماينبلع
نجمه :احح
نجود حكت لها
نجمه : اما سفهتيه
نجود : ياكل تبن
-
الساعه ١٢
سكرت الباب بالقفل دخلت دوره المياه تتروش بعد مده طلعت تشد الروب عليها جلست على سريرها نزلت راسها تناظر بالسقف ماحست الا وغفت بتعب
-
سكر غرفة الرسم بعد مااخذ ماوده سكر شنطة السفر وجهز اغراضه ناظر بالساعه باقي ساعه عن طيارته دخل البلكونه ياخذ لوحه تو راسمها وينتظرها تجف ناظر بييتهم قدامه اخذ نفس يبعد حطها بكيسه وحطها فوق سريره يفتح شنطته اخذ اغراضه وطلع للمطار اختار هالوقت عشان مااحد يكون صاحي ويمنعه
ركب السياره حرك للمطار
وصل للمطار ناظر بان ماباقي على طيارته شي
الساعه ١ م
قرب يخلص اوراقه
الموظف : الجواز؟
مجاهد : لحظه لف لشنطته يدور بجيبها الاول ماكان فيها
عقد حواجبه ناظر بالموظف : ماعليش لحظه
ابتعد يفتح الشنطه كامله يدوره مالقاه ضرب رجله بالارض بقوه من تذكر : ناسيه
شد على شعره بقهر
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
