" بعض الخسّاير الله يامكبر ارباحها "

61

سكرت الشناط بعد مارتبتهم والحماس عندها فلل ناظرت فيه نايم بتعب ولا تغطى لفت تطفي الانوار قربت لجهته سحبت الغطاء تغطيه رجعت لمكانها ونامت
-
الصباح
اخذت شنطتها وبعض من الكتب عشان مايحسون انها تكذب فتحت باب غرفتها ناظرت فيهم قدامها يفطرون
ام ملاك : تعالي افطري
هزت راسها بنفي : بالعافيه بطلع تاخرت
ابتعدت تطلع وقفت تناظر بالرجال الي يطلبهم دين قرب ووقف قدامها : وين ابوك؟
ملاك : لاتكلم ابوي انا بدفع دينك
ضحك : انتي عطيني الذهب اول الي معطيك ولدي والله عجيب الابو فلوس ولا رجعها والبنت الذهب ولا ترجعه
رفعت عينها تناظر بسياره الي وقفت عقدت حواجبها من السياره واضح انها غاليه غاليه لفت تناظر بابو نبيل : بيجيك كل شي بس لاتضغط على ابوي
انصدمت من جاها صوت نبيل لفت تناظر
نبيل : يبه قرب يمسك كتفه يبعده : ليه تضغط عليهم ليه
ابعد يده ابو نبيل : انت تدري وش سوا يكذب علينا ويسرق فلوسنا
نبيل : ماكذب هو يبي مهله بعدين من وين يجيب يبه امهل عليه
ابو نبيل : انت وش جابك ؟ ليكون بينكم شي من ورانا
نبيل : ابوي وش هالكلام
ابو نبيل : بينكم شي
اخذ نفس نبيل : ترانا مطلقين وش بيكون بينا ! بعدين شايفنا نناسب بعض ؟
ابو نبيل : وليه جيت
نبيل : عرفت انك جايهم وجيت اردك
ابو نبيل ابعد عنه وقرب لملاك : اسمعي زين الفلوس تجبينها معك اسبوع ياملاك اسبوع بس
رفعت نظرها تناظر بنبيل ناظرت بابوه هزت راسها همست : ابشر
سكرت الباب ومشت على رجلها للشركه تحت استغراب نبيل الي انتبه لكتابها بيدها ورايحه على رجلها
ركب ابو نبيل السياره ينتظر نبيل يحرك ركب سيارته وحرك نبيل يوهم ابوه الين ابعد ابوه رجع للطريق يشوف ملاك وقف سيارته ومشى لها : ملاك
عقدت حواجبها توقف بدون تلتفت له
نبيل : ليه مارحتي مع سواق الجامعه ؟
لفت تناظره: شدخلك؟
ابتسم : انا نبيل
ملاك : اعرف نبيل الي يطلبني ذهب وابوه فلوس اعرف
اقترب شوي  : لا انا نبيل الي تحبينه ويبيك
ضحكت باستفزاز : يووه يانبيل ماعادني الي توهمها نبيل انا اعرفك والله اعرفك تضحك علي بكم كلمه ومن وراي تسبني هذا حب بالله؟ اعتدلت توقف : برجع لك ذهب ان شاءلله قريب
لفت تعطيه ضهرها تكمل طريقها
بعد مده وقفت عند الشركه
سمت بالله ودخلت تبدا شغلها
-
ابو نبيل : كيف تركت الجامعه ؟ كانت طالعه ومعها الكتب بيدها
سواق الجامعه : هذا الي قالته لي ولا صرت امر حارتهم من فتره
سكر ابو نبيل مستغرب
-
بالمطار
جلس بجنبها مد لها كوب القهوه
نجمه : تقريباً متى نوصل ؟
نجم : ماعرف بس مانطول
نجمه : متحمسه
ابتسم يمسك يدها ينتظرون
-
رافعه شعرها وتمسح الطاوله وترتب الصاله
مجاهد : متعبه نفسك طيب بقولها تجي تنظف
نجود : مابي
اعتدلت توقف تناظره كان واقف وميل راسه على الجدار يناظرها تنظف : جيب المكنسه وكنس احسن من وقفتك بدون شغله
مجاهد بمزح :بروح ادور لنا كوفي عندي شغل
ضحكت نجود وهي ترتب مخاد الكنب
اخذ المكنسه مجاهد شبكها بالفيش وبدا يكنس
دخلت المطبخ ترتبه
بعد جلس مجاهد بعد ماخلص طلعت من المطبخ تدخل غرفتهم ترتب الاغراض خلصت ترتيبها طلعت من غرفتها تسكر الباب استغربت لغرفه موجوده ومسكره مالت توقف قدامها : مجاهد
مجاهد : هلا
نجود : ايش الغرفه ذي الي قدام غرفتنا؟
وقف مجاهد طلع من الصاله يناظرها واقفه قدامها : انتبهي فيها اشباح
لفت تناظره : اووه خفت مرهه لفت تناظرها : صدق ايش ؟ ماتستخدمها؟
مجاهد : هذي غرفه الرسم حقتي من زمان مارسمت ولا جيتها
قرب يوقف قدامها فتح الباب
دخلو شغل النور لانت ملامحها ابتسمت تناظر لوحة القلب : الوحه هذي
قربت لها تاخذها : يالله
مال على الجدار يناظرها قدامه : اي للان محتفظ فيها وانتي؟
ابتسمت تناظره نزلتها وابتعدت تدخل غرفتها فتحت شنطتها الثانيه وطلعت الوحه الصغيره الي اهداها بايام الملكه اخذتها طلعت من غرفتها تدخل غرفه الرسم ناظرته لابس المريله وده يرسم قربت توقف قدامه لفت الوحه له : باقي محتفظه فيها
ابتسم : نرسمها سوا
هزت راسها كمل : البسي عشان مايتوصخ لبسك
لبست المريله رفعت شعرها تثبته وقربت توقف بجنبه وهو جالس يحدد بالاسود على شكل قلب
مجاهد : حطي احمر ولونيه
لفت تناظر بالالوان : احمر مره ولا فاتح؟
مجاهد : مره
اخذت الون تحط منه اخذت الفرشه لونتها بالاحمر قربت للوحه تلونها تحس بتوتر انها تطلع من الحد
وقفت تناظره : اخاف اطلع من الحد
مجاهد : ليه تخافين اخذ الفرشاه من يدها وبدا يلون وسريع ومايطلع من الحد
نجود : ماشاءلله عليك ابي اصير مثلك طيب
مجاهد : ماحد يصير مثلي حط يده خلف ضهرها مد لها الفرشاه تمسكها معاه
مجاهد : لونيها معي
مسكتها معه وبدو يلونوها سوا
ابتسمت من قربو يخلصون من الرسمه : تجننن وربي
ابتسم : اي ادري
ناظرته : لانك زوج نجود يحق لك
وقف من خلص من الرسمه : محظوظ رجلك
اخذ الوحه يطلعون للبكلونه
نجود : ليش هنا
مجاهد : الغرفه مقفلين بلكونتها