" بعض الخسّاير الله يامكبر ارباحها "

بارت 18

اشرت على سيارتها هز راسه ركبت السياره حركت للبيت
وقفت عند البيت ناظرت بسياره غريبه ميلتت فمها : احس شفت هالسياره! حاولت تتذكر لكن عجزت فتحت الباب تنزل دخلت للبيت ناظرت بصراخ امها ركضت للصاله تناظر فتحت عيونها بقوه تناظر بابوها الي جالس ومتوسط الصاله لفت نظرها بمنيف الي جالس ناظرت فيهم بصدمه
وقفت غزال : اجلسي اسمعيه وروقي على طلباته يقولي يبي انسى الي صار ونرجع مثل قبل
لفت تناظر بسلمان : انت بكامل عقلك تقولي هالكلام!
تبي انسى سنتين من راحت من عمري اعيشها بقلق؟
سلمان : ماقلت انسي قلت نفتح اوراق جديده ونبدا من جديد
غزال : تخسى
انصدم سلمان يناظرها
منيف : امي
غزال ناظرت بمنيف : انت اسكت ولا تفتح حرف واحد
ناظرت نجود فيه اشرت له بمعنى ليه يسكت
منيف: لاني دخلت ابوي للبيت بدون تدري
نجود ناظرته زفرت بضيق من منيف ومحاولاته لفت تناظر بامها الي تهااوش ابوها وتصارخ عليه وهو ولا كانه يحس
بللت شفايفها فتحت جوالها تناظر برقم مجاهد غمضت عينها بقهر قفلت جوالها ناظرت بابوها الي يناظرها : ليه تتاظرني ؟ امي تكلمك مب انا
سلمان : ادري انك شايله علي يانجود
ميلت براسها : شايله عليك؟ بلعت ريقها تعتدل بجلستها : تدري لو انك بينت لي ان فعلاً باقي تبينا كان نسيت كل شي سويته ؟ بس انت صدمتني صدمات كثيره ولو اعدها لك ماتكفي ! بس منها نومتي الي كلها احلام تخوف منك انت لو تدري اني خاطرت بنفسي وطلعت لبر بس لاني شفت سياره تشابه سيارتك! او انها هي ماعرف متخيل انا وصلت اني اخاطر بنفسي عشانك لكن انت صدمتني بردة فعلك لي كأنك نسيتنا! او هو فعلاً نسيتنا يعني لو ماطلعنا هذاك اليوم انا وامي عند المزرعه يمكن ماتكون قدامي الحين! باقي عايش حياتك سعيد اساسا ليتني ماطلعت ولا شفتك كان ماصدمتني وغصبتوني على هالزواج وقفت تاخذ شنطتها رقت فوق لغرفتها
ناظرت غزال فيه : مو بس هي كسرتها كلنا شتتنا وقفت: المهم ابيك تعرف اني رجعه تحلم فيها تطلقني غصب عنك ولو ماطلقت اخلعك ثانياً لاتنسى موعد المحكمه عشان البيت لاننا سوينا الشرط الي حطيته ختمت كلمتها ب : يالاب الحنون
ابتعدت تدخل المطبخ تسوي العشاء وكأن ماصار شي
ناظر منيف بابوه : ابوي ليه ماتقولهم ؟
سلمان وقف : وش اقول هذا هم مايسمحون لي اتكلم
ناظر منيف فيه بيطلع : وين بتروح؟
سلمان : لبيتي
ناظر منيف فيه همس: بيتك
سلمان : اي تجي معي ؟
منيف : يالله وتبي اجي معك مسح وجهه بكفيه : ببرود وكأنك مو بيتك الي تركته ابتعد عن ابوه يرقى فوق ناظر بغرفه نجود طق الباب
نجود : مين؟
منيف : انا
نجود : ادخل
دخل منيف سكر الباب
قرب يجلس على كرسي التسريحه
ناظرت فيه : ايش موضوعنا اليوم؟
منيف : بقولك شي وانتي قولي لي ايش اسوي
نجود : قول
منيف : هذاك اليوم رحت للمركز حقك
نجود : سبب ؟
منيف : راقبت ابوي
نجود : غبي انت وش تبي فيه!
منيف : نجود الموضوع مو هذا
نجود : اجل ؟
منيف : انا سمعته كان يقول لسلطان
حكى لها كل الموضوع : واليوم قالي سلمان ان سلطان فصلوه من المركز
نجود اعتدلت تجلس : اليوم؟
منيف :مدري متى لكنهم طلعوه
-
اخذ نفس مساعد : انت عارف ان ابوي وابوك رفضو يتوزع الورث الين نزوج عيالنا!
سلمان : وش قلت لك ؟ قلت انتظر الين يتصلح موضوعي لكنك اصريت كأن ربي ماعطاك خير تبي هالورث يتوزع
مساعد : من حقي ابي فلوسي من الورث
سلمان : ياشيخ الله ياخذ الفلوس الي فيها كره لبعض وقف يناظر بمساعد : بنتي ماقدر اناظرها ولا احط عيني بعينها ولا اقدر احضنها مالي وجهه كله بسببك وبسبب سلطان استغفر يجلس
مساعد : هذا سلطان وطردناه وش تبي بعد وبنتك ماردها ترجع لك
سلمان : بالله؟
مساعد : ياخوك تزززين الامور حتى انا مجاهد شايل علي وماعليه
ناظره سلمان : يتوزع الورث يتطلقون وكلن يعيش لوحده مانظلمهم اكثر
مساعد : ماعليك ان شاءلله
-
ناظر عماد بثامر وهو كل هالفتره مايدري كيف يطلع اخت ثامر من راسه ناظر بثامر جاي عنده : سلام عليكم
ابتسم عماد : وعليكم السلام
ثامر : اليوم خلصت شغل بدري ودك نطلع نتغدا؟
عماد ناظر بساعته : ابد ماعندي مشكله
ثامر : يالله
بسياره
ناظر ثامر بجواله
ثامر : هلا؟
نهال : وينك بتتغدا عندنا؟
ثامر : لا لاتحسبين لي
نهال : تمام نجمه بتجيني
ثامر : اي عندي خبر
نهال : تمام سكرت الجوال
ثامر ناظر بعماد الي يهوجس : وين ودك نروح؟
عماد : الي ودك
وقف ثامر عند مطعم
نزلو يتغدون بعد مده من السوالف
ثامر : اليوم اخوي ولد عمي بيجون عندي اعزمك
عماد : ماتقصر لكن تسلم
ثامر : نلعب بلوت امش بس
عماد : دام فيها بلوت تم
ابتسم ثامر ووقف : حياك اجل ركبو السياره
-
نجمه نزلت ملعقتها : ياختي الترند يجنننن يجنن نشق علبه المويا من فوق ونحط فيها مويا وادور
نهال : مدري ماجازت لي
نجمه : مالت اخذت قاروره من الطاوله بروح اجرب
نهال بضحكه : انتبهي لاتزلقين
نجمه : وجععع
دخلت المطبخ شغلت النار اخذت العلبه تخرمها من فوق
فتح المجلس : حي الله عماد
عماد من خلفه : الله يبارك فيك يارب
جلس عماد طلع ثامر يدخل البيت
ناظرت نجمه من خلصت تخريم طلعت للحوش من باب المطبخ مسكت الجوال تثبته تقدمت قدام لقدام لفت تااكد اذا الكاميرا شغاله لفت خللت يدها بشعرها مسكت العلبه ترفعها لفوق
ناظر ثامر بنهال جايته بالقهوه : الله يهديك كان عطيتني خبر اجهز قبل
ثامر : مو ضيف غريب
جهزت القهوه نهال قربت تمدها له
اخذها طلع برا يدخل المجلس ناظر بعماد الي يكلم
وقف عماد : اجتماع مكالمة ؟ طيب طيب
ناظر عماد بثامر : بروح لسياره
هز راسه ثامر
طلع برا الحوش عماد سمع صوت طيحه لف براسه بقوه يناظر ناظرها طايحه ومبلله ناظر فيها بصدمه
مسكت رجلها بألم لفت بنظرها عنه
فتح الباب يطلع برا
بلع ريقه يوقف عند باب الشارع بتوتر انه شاف زوجة ثامر

ركب سيارته وهو متوتر
ناظرت من باب المطبخ نهال : قايله لك ياشينك قربت لها : تتوجعين قوه
نجمه : اي اي ياربي ضغطت على رجلها ناظرت بنهال : قولي لثامر
نهال: اتصل عليه مايرد
نجمه : طلع صاحبه ادخلي له بالمجلس
نهال ناظرتها لفت تناظر بالمجلس : متاكده؟
نجمه بصراخ : تكفين يوجعع
ركضت نهال للمجلس فتحت الباب : ثامر
وقف ثامر بصدمه : بنت!
نهال : ادري انه طلع شوف اختك طاحت
ثامر : واذا طاحت تدخلين عندي كذا قرب يمسك كتف نهال : ادخلي لاحد يشوفك
نهال : يابن الحلال خلني شوف اختك لف يناظر ثامر بنجمه الي طايحه قرب لها : وشفيك
لف يناظر بجوالها ووقف : خلي هالتراندات تنفعك
نجمه : ياغبي ماهو وقتك رجلي تألمني
قرب يناظر برجلها : المستشفى لازم
هزت راسها نهال : اي واضح
وقف ثامر ناظر بنهال وزينتها وفستانها : وش قلت ؟ ادخلي لا احد يشوفك
نهال بطفش ناظرته : ترا مب وقت غيرتك شوف اختك
ثامر : جيبي عباتها
دخلت نهال اخذ جواله ثامر اتصل على عماد
ناظر بجواله عماد اخذ نفس بضيق صوره البنت ماتطلع من باله ابد اخذ نفس يرد : هلا ثامر اعذرني اضطريت اروح لشركه
ثامر : معذور انا داق اعتذر اختي تعبت بوديها المستشفى
عماد وقف من الصدمه على جنب همس: اختك؟
ثامر : اي اسف
عماد بيتاكد : سلامات عسى ماشر
ثامر : ماشر بس طاحت على رجلها
عماد : الله يقومها بسلامه مع السلامه
سكر الجوال باقي يناظر قدامه صورتها باقي قدامه همس : الحمدلله
لبست عباتها : ماقدر اقوم
ثامر : ماشاءلله ليكون اشيلك؟
نهال : اكيد ككيف تمشي يعني
نجمه ناظرت برجلها كيف لافه : يمه بصير معاقه
ثامر : بعيد الشر
نهال : هذي بسيطه
ناظر ثامر فيها كانت واقفه وماسكه فستانها من جنب رافعته عن الماء
نهال ناظرت بنظراته : قلت انه راح صاحبك مافيه احد
سكت يناظر بنجمه : انتي وجودك غلط عندي
نجمه حاولت توقف : مالت عليك من اخو ناظرت بنهال : مالت عليك من زوجة اخ ربي يرزقني بواحد يلفني لف
نهال بضحكه : وتطيحين انتي وهو ونبلش
ناظر ثامر بنهال وضحكتها ابتسم يلف لنجمه حاول يمسكها يشيلها
-
بالمستشفى
مشت نجمه على رجلها : حسافه الروحه بس لفها وضبطت الحمدلله يارب
ثامر : اتصلت بسلمان يجي ياخذك
نجمه : يالله يالحب طالع من عينك
رفع حاجبه ثامر : اي حب؟
نجمه : تحسبني ماشوف نظراتك لنهال
ثامر سكت يناظر بسلمان الي جاي لهم
-
وقف عند البيت وكلام نجمه باله هل فعلاً بدت نهال تستحل قلبه؟ هل المشاعر الي بقلبه ميته احيتها نهال
ناظر بنور غرفة انس الي قفل
اخذ نفس ينزل فتح الباب ودخل
نهال نزلت من الدرج : بشرني شلونها نجمهه
ثامر : بخير راحت للبيت
نهال : اي الحمدلله خوفتني والله
ثامر ناظر بلبسها نزل مفتاحه على الطاوله همس : خوفتك لدرجة مابدلتي لبسك
نهال عقدت حواجبها : وشو؟
ثامر : لا سلامتك
نهال : تبي قهوه؟ سويت
ثامر هز راسه
نهال بفرحه: واخيراً تشرب معي بالليل
ضحك : وبسويها معك
نهال بضحكه : لا ماشاءلله مسويا شي انا اليوم
ضحك منها قرب بكتفه يضمها لجنبه ابتسمت نهال تناظره
قرب يبوس جبهتها