" بعض الخسّاير الله يامكبر ارباحها "

بارت 43

طلعت من الغرفه بعد مانومت هايل جلست بصاله تناظر بالاكياس الى الان ماخذتهم ولا شافتهم ماتدري من مين اخذت نفس تفكر
-
قفلت شنطتها غزال اخذت باقي الاغراض سحبت الشنطه برا دخلت غرفة نجود ناظرتها من تجهز اغراضها
هزت راسها من ناظرتها دخلت غرفه منيف ناظرته مجهز اغراضه لكنه قاعد ويفكر
سكرت الباب دخلت له : منيف
ناظرها كملت غزال : شفيك؟
منيف : يمه معقوله ابوي كذا من زمان لكنا تو نلاحظ؟
غزال اخذت نفس : ابوك الله يهديه بس تعميه الفلوس وانا لهنا وبس الا عيالي
وقف منيف : فلوس؟ شدخلها بنجود ؟
قربت تمسك كتفه : منيف انت اخو نجود وانت سندها ابي اقولك عشان تكون معها وتوقف معها
منيف : وش يمه وش !
غزال : ابوك يوم تزوجت نجود مجاهد كان عشان الورث ويوم تزوجت ناصر كان عشان املاك مشتركه بينه وبين ابوه وخطبها ابراهيم عشان يضمن سلمان اخذت نفس تهدا والحين بيزوجها ذا الشايب بس عشان فلوس الي قاهرني ابوك ماناقصه شي لكن الشفاحه بدنيا اخذت نفس تجلس مسكت راسها : وانا والله ماسمح له بعد !
-
جهزو اغراضهم بصاله دخلت تلبس عباتها غزال ونجود بعد نزلو تحت ناظرت غزال بسلمان الي واقف ويناظر بالاغراض
غزال نزلت من الدرج : ها سلمان متوقع بنكمل معك؟
سلمان : اقول رجعي الاغراض واقعدي بيتك
غزال : هذا مو بيتي انا بالاساس رايحه لبيتي
سلمان : غزال وش ذا الحركات!
غزال بصراخ : انت وش هالحركات تزوج بنتك شايب ! عشان وش اعتدل يوقف يناظرها
غزال : الشفاحه ذابحتك وتخسى ياسلمان تخسى تغصب نجود وانا باقي موجوده مابقى الا ذي
قربت تسحب شنطتها ووتتعداه طلعت نجود خلفها وهي مقهوره ولا تدري بشي ركبو السياره ينتظرون منيف
ناظر سلمان بمنيف : وانت بعد شعندك؟
منيف : اعرف وش الي يخليك تزوج نجود والله اني خفت على اختي يوم تتزوج ولا يتم اثاريه انتت يبه! ابوي وش ناقصك بدنيا وظيفه وعندك عيال وعندي زوجه وعندك وش تبي زود!
مشى سلمان لمكتبه بكل هدوء سكر الباب قعد يفكر
-
ركبو وحركت نجود لبيتهم الي تسجل باسم امها وقفت عند البيت
ونزلت غزال : الحين الواحد ياخذ راحته قربت للباب تطقه
نجود : تطقين؟
فتحت الباب حنان : حي الله اهل البيت
ضحكت نجود ناظرت بامها : تخطيط؟
غزال : مو تخطيط لان لو ايش مانرجع لكن تقدرين تقولين ساعدتني حنون
ابتسم منيف ودخلو داخل ناظرو بالخادمات منظفين البيت وحنان مجهزه قهوه وشاهي وحلويات جلسو يتقهون
رفعت راسها نجود من نزلت نجمه : يعني لازم تكأفيني بكرا عندي دوام وتعب وانظف غرفتك
ضحكت نجود : نجمه اخخ قربت تحضنها ضحك نجمه
عدلت نجمه نقابها من خبرته نجود يوم حضنتها
وقف منيف وطلع برا بالحوش
-

الصباح
نزلت انهار تسمع صراخهم من المكتب قربت وفتحته تناظرهم
ناظرها مجاهد : امي؟
انهار : صوتكم واصل لفوق شفيكم؟
مساعد : اطلعي انهار وسكري الباب احتماليه يانا ياهو يموت الليله
انصدمت طلعت برا تسكر الباب
مجاهد قرب يبوس راس ابوه : يبه ترضى على دانه؟ يبه طلبتكك
مساعد لف بكرسيه يناظره : انت بتموتني بدري انت ماتفهم والله لو تاخذ كل القبايل معك مايوافق ويفشلك مجاهد افهم افهم لاتفشلنا
مجاهد : انا اكلمه وده بفلوس يطلب الي يبي اما بنته ويسوي كذا فيها يبه لو درو الناس وش بيقولون عنها؟
سكت يناظره كمل مجاهد : بيقولون انها ناقصه ولا مين الي ابوها يزوجها ويطلقها ويزوجها ويطلقها ارجوك يبه انا مابيها تعرف ابد
مساعد : دامك تبيها ليه مارفضت بالمحكمه قبل
ابتعد مجاهد عن ابوه يناظره يقوله انها ماكانت تبيني ؟ وانه سالها وقالت تبي الطلاق ؟
اخذ نفس : مدري ابوها جاء وطلب ماكنت اعرف وش اسوي
مساعد : مجاهد انسى انسى ولا تتعبني
اخذ نفس يبعد ولا تكلم طلع برا وسكر الباب
طلع برا ناظر في باب بيتهم الي مفتوح
استغرب ولا سيارتها موجوده رغم انه باقي على دوام
طلع برا رقى فوق لغرفت دانه
ناظر فيها تتجهز : بنت
ناظرت فيه : سيارة نجود ماهي برا الغريب باقي على دوام الجامعات
دانه : ياخي مشكلة اذا فيك هوس يمكن رايحه تفطر!
مجاهد : اسحبي السوالف منها اليوم
دانه : كيف اسحبها
مجاهد : بطريقتك
طلع برا وسكر الباب دخل غرفته يلبس بدلته وطلع لدوام
-
لبست نجود عباتها واخذت اغراضها ناظرت بنجمه الي تفطر تحت : يالله تاخرنا
وقفت نجمه تمسح فمها ومشت خلفها
ركبو السياره
بعد مده وقفت تاخذ لهم قهوه وكوكيز
نجمه : الحمدلله نقلتو بعيد اضمن دانه ماتروح
نجود : ذكرتيني مرسله علي وماشفتها
نجمه : يااليل
فتحت نجود رسايل دانه وكانت تبي تروح معها ارسلت لها نجود اقولك شوي اذا فضيتي
نجمه : وش قلتي؟
نجود : شدخلك
نجمه : يع وضعيه زوجه الاخو
ضربتها نجود بكتفها : ترا طفشتيني
نجمه : يوه يالكذب قولي انك ميته ميته
وقفو عند الجامعه
ونزلو دخلت نجود محاضرتها علطول وباقي على محاضره نجمه ١٠ دقايق وقفت عند باب القاعه تهوجس والتوتر ذابحها من جاء بالها غطاء الي على رجله كله نجوم
عدلت شعرها ناظرت بالبنت الي تناظرها
ميلت راسها تناظرها باستغراب دخلت البنت ونجمه تناظرها من دخلت سمت بالله ودخلت وقفت مصدومه تناظر بالوحه الي كلها نجوم وقمر موجود
نجمه همست : مايقصدك مايقصدك
جلست بمكانها ناظرت بدكتوره سميه : فين ليدركم؟
كيان : نجمه دكتوره
ناظرتها نجمه لفت نظرها ل سميه
سميه : هذي اوراق طلب مني الدكتور نجم تقريها عليهم الين مايوصل هو
نجمه : اقراها؟
سميه : ايوا تعالي هنا
غمضت عينها وقفت تعدل لبسها قربت لسميه ووقفت تاخذ الاوراق وكانت ٣ اوراق وكلها كلام طويل
سكتو كل من ف القاعه وبدت نجمه تقرا لهم عن النجوم وتعريفها وو الين وصلت للورقه الثالثه وكان عنوانها " مال النجوم اوطان دام السماء عيونك؟" سكتت تقراها مره مرتين تقريباً اخذت وقت طويل وهي واقفه وتناظر بالاوراق
كيان : كملي؟
ناظرتها نجمه بهدوء لفت تناظر بسميه : خلصت قربت تعطيها الاوراق والورقه الثالثه اخذتها معها تحت نظرات البنات الي اغلبهم حسو واغلبهم استغربو !
دخلت مكانها وجلست طوت الورقه وحطتها بشنطتها تناظر بفراغ وتهوجس مسكت يدها ببعض تحس اختنقت هو يدرسهم ماده مالها دخل بالنجوم ابد وقفت تاخذ اغراضها
سميه : مالك يانجمه؟
نجمه اشرت على راسها وطلعت برا جلس بالكافتيريا مسكت راسها تضغطه تحس بتنجن من الصداع والقلق
ناظرتها دانه من بعيد قربت لها : نجمه ؟
ناظرتها نجمه : تكفين خليني لوحدي
دانه : وش فيك؟ بسم الله تعبانه
هزت راسها بنفي
جلست دانه اخذت نفس نجمه تناظره : ابي اكون لوحدي
دانه : لاوالله واضح فيك شي بسم الله
مرت نجود لهم : شفيكم مجتمعين؟
لفت لها نجمه من سمعت صوتها وقف تبكي قربت تحضنها وقفت دانه بصدمه تناظرهم
نجود ابعدتها تناظرها تبكي فعلاً : نجمه شصاير
نجمه : يخوف والله يخوف تكفينن يخوفني
نجود : ليش شقاللل
ابتعدت نجمه تقولها لفت تطلع الورقه وتوريها نجود
عقدت حواجبها نجود : الكلب
دانه : بنات وش السالفه
لفت لها نجمه
نجود قربت تجلس وحكت لها كل شي
ضربت يدها ببعض بصدمه : مريض هذاا مريض وربي مهووس
انخرشت نجمه تناظرها من قالت مهووس
-
تعمد يقول الحضور رغم ان سميه قالت له انها اخذته لكن يبي يتاكد من وجودها وفعلاً تاكد انها مو فيه اخذ نفس يكمل الدرس
-
لبست عباتها نجمه من قالو لها تروح له وتوقفه عند حده
طلعت من المبنى حقها مشت لمبنى الي موجود فيه الي يخصهم دخلت ونفس الشي لقت كثير عيال وبنات تعدتهم وقفت عند مكتبه تطقه
قفل المايك نجم : ادخل
فتحت الباب بقوه ووقفت عنده
بانت على ملامحه الصدمه
طار كل الكلام وكل شي من شافته تحس الكلمات قاعده تتبخر قدامها
وقف من اتصل التلفون اخذه يرد ناظرت نجمه فيه لابس نظارته الطبيه ولابكوت اعتدلت بوقفتها من ذكر اسم اخوها همست : ثامر!
نجم : اي خله يجي حياه الله
ناظر بنجمه من سكر التلفون : صاحبي اللطيف الصدوق الحبيب سبحان من فرق
ناظرت ساكته وتناظر بفراغ : نجمه
ناظرته كمل : جايه ليه؟
سمعت صوت اخوها خلفها يسال عن مكتب نجم خبت الورقه بكفها وطلعت تبعد عن المكتب قرب نجم للباب يناظرها من مشت من الجهه الثانيه