" بعض الخسّاير الله يامكبر ارباحها "

57

الساعه ١٠ م
تقدمت انهار وبجنبها غزال ينزفون للمكان الرقص وكل الضيوف وقفو يصفقون لهم ويشجعونهم وبدو بحماس الرقصص
-
دخلت وبيدها بوكيه ورد اصفر طاحت عينها نجمه عليها وقفت وتقدمت بما ان الكل انشغل بالرقص والاستقبال مافيه احد تقدمت لها ووقفت : ياهلا ومرحبا
ام نجم وقفت تناظرها : اهلين
نجمه : حياك خالتي حياك اشرت لها نجمه على طاولتها لكنها تعدتها ام نجم وتقدمت تجلس مع حريم
عقدت حواجبها نجمه لفت ترقى لنجود دخلت غرفتها وجلست معها يسولفون
-
شدت على يدها من انتبهت لام نجم ونجمه لفت تناظر بغزال الي ترقص ولا منتبها لام نجم
اخذت نفس حنان تصفق لهم
-
ضحك مجاهد من رقص سلمان ومنيف الي بحماااس قوووي
تقدم ثامر معه السيّف مده لمجاهد : تعال ارقص قدام عمك وابوك
اخذ مجاهد وعدل بشته وقرب يوقف قدامهم ويرقص لهم وقف سلمان عمه وجنبه مساعد وصالح يرقصون له
بسيوفهم
وتقدمو العيال يرقصون مع مجاهد ويشجعونه وصراخهم
-
الساعه ١٢ بالليل
دخلو غزال وحنان ناظرو بنجمه الي جالسه معها
وقفت نجمه : بتبدا زفتها؟
غزال : اي ١٠ دقايق كذا بيدخلون وتنزلين لهم
وقفت نجود تناظر بنجمه : طيب عدلي شكلي
تقدمت نجمه وغزال يعدلون شكلها ويعطرونها
دخلت حنان غرفه ثانيه تاخذ عباياتهم
ودخلت لغزال ونجمه تعطيهم
وقفت نجود تناظر بشكلها بالمرايا سمت بالله ووقفت عند باب الغرفه تناظرهم يلبسون عباياتهم ويسبوقونها تحت
نزلو غزال وحنان ونجمه بقت تناظر بنجود : لاتتوترين
نجود : ماني متوتره بس انتي فيك شي احسك مو طبيعيه
ضحكت نجمه : مافيني شي بخير
ابتعدت تطلع وتنزل تحت وجلست بطاوله بعيده شوي تحس ودها تغمض وتفتح وتلاقي العرس منتهي ماتدري وش هالضيقه الي جتها وشايله هم وش سبب الاستغفراغ اخذت نفس تهدي نفسها من طفت انوار القصر وبقى نور خفيف على الباب من تحت الدرج
انفتح ودخل منه
مساعد ومجاهد وصالح وسلمان ابو نجود
-
قبل بوقت
وقف ثامر من اتصلت حنان تبلغهم بانهم طولو بالزفه
تقدم يقولهم وتجهزو كلهم عشان يدخلون
اما العيال ف بقو عند الضيوف
-
دخل مساعد وجنبه مجاهد وبالجنب الاخر سلمان وصالح وتقدمو للكوشه
عند الباب اخذت نفس تهدي نزلت نظرها لتحت من انفتح الباب من جديد ووصارت واضحه للكل تقدمت بهدوء تمشي ونظرها تحت مشت بهدوء لهم والانظار والكل عليها
ابتسم بهدوء يناظرها

تقدم من قربت لهم تقدم لها ووقف قدامها ابتسم من رفعت راسها وناظرته ندمت انها وافقت على الزفه لو بقت هي وياه لوحدهم بدون احد افضلل
مجاهد : حظي والله
سكتت ماتعرف وش تقول او تحس كل الحروف متبخرههه
مد كتفه دخلت يدها ومشت بجانبه لابوها وعمانها وقف قدامها سلمان باس راسها وحضنها : مبروك يابوي انتي مبروك
ابتسمت بهدوء لفت تناظر بمساعد تقدمت تسلم عليه وعلى راسه : مببروك يابنتي مبروك
لفت من باس راسها عمها ووقفت بجنب ابوها ومجاهد لفت بنظرها باستغراب تناظر بنجمه الي طلعت برا عقدت حواجبها باستغراب وخوف واضح من وجهها ان فيها شي وقوي
لفت بانتباه للمصوره الي تقدمت تصورهم
ابتسمت بهدوء من حضنها ابوها
بعد مده نزلو مساعد وصالح وسلمان وبقى مجاهد معها رقو له غزال وانهار ودانه يزغرطون ويصارخون
تصورو معهم ونجود كل همها بنجمه
قبل دقايق
عقدت حواجبها بالم بمعدتها خافت والاكثر من حست نفسها تختنق عقدت حواجبها بالم وقفت تمشي بسرعه دخلت دوره المياه توقف مسكت المغسله وكفها الثانيه حول رقبتها ناظرت بالمرايا وجهها احمر وحيلل واضح فيه تعب رغم انها ماجاها تعب ولا تعبت بشي غمضت عينها بخوف همست : انا شفيني شفيني لفت تناظر بحنان الي دخلت تقدمت بخوف تمسك نجمه : نجمه فيك شي يامي شفيك بسم الله
نجمه بخوف تبكي : مدري شفيني يمه مدري احس بالم بطني واحس شهقت تناظر بامها : احس بختنق
غمضت عينها بالم برجلها انحنت على ركبتها تجلس : يمه المم اللم
اخذت جوالها حنان تتصل على صالح مايرد اتصلت على ثامر : هلا
حنان : ثامر جيب السياره وتعال عندنا نجمه مدري شفيها تعالل بسرعه
خاف ثامر ووقف بربكه يركض يطلع ركب السياره وحرك لقسمهم
حنان : قومي تكفين لاتخوفيني
بكت بخوف : يمه والله ماتشيلني رجولي يمه تكفين يمه نزلت راسها تبكي
حضنتها حنان تبكي بخوف وكل الي بالها تحس انه صح وفعلاً ماتستغرب ام نجم لها سوابق وكثيرره
ناظرت بجوالها باتصال ثامر ووقفت تركض للبوابه " كانت لابسه عباتها من قبل حتى نجمه" فتحت الباب : ادخل مافيه احد الحين ادخل شيلها
ثامر : بسم الله شفيها نجمه ناظر بامه من سبقته تدخل دورة المياه وقف مصدوم عند الباب يناظر فيها : نجمه يابوي تقدم يحملها : يابوي فيني ياليت فيني طلع برا بسرعه ركب السياره وركبت بجنبه حنان ومشو للمستشفى ونجمه مابين الوعي والا وعي
-
نزل جواله من اتصل عليها ولا ترد تأكد انها مشغولا وخصوصاً انه زواج بنت عمها لف للعيال وتقدم يجلس معهم بس مايعرف وش الي حسه فجاءه وقام يتصل عليها لكنها ماترد ناظر بمجاهد الي جاء وقف له : مجاهد
مجاهد انتبه له : جاي ادورك اساساً
عقد حواجبه : ليش ؟
مجاهد : مدري بنت صالح تعبت فجاءه عليهم واخذها ثامر للمستشفى جيت اقولك عشان تروح لها
ناظره بصدمه لف يبعد عنه ويطلع برا ركب سيارته اخذ جواله يتصل على ثامر لكنه مايرد اتصل من جديد ولا يرد ينقطع الاتصال بدون اي اجابه ضرب الدركسون بعصبيه : حسيتتت حسيتتتت اتصل من جديد ولا يرد اخذ نفس يتصل على حنان وبعد اتصالين ردت : خاله بأي مستشفى انتم
-