" بعض الخسّاير الله يامكبر ارباحها "

بارت 6

منيف : نجود
لفت تناظره بتشتت : ايش؟
منيف : انتي وش صاير لك؟
نجود غضمت عينها مسكت جبهتها بتوتر تفركها : مافيه شي ابداً مافيه لو فيه قلت لكم
وقفت: برقى لغرفتي تعبانه
وقفت تطلع ناظر منيف فيها : والله فيها شي
غزال اخذت نفس بقوه : خايفه وش صاير ماودي اضغط عليها  تقولي غمضت عينها بخوف عليها
-
طلع عماد برا الشركه بالليل هالمره طول بالشغل
لف يناظر بثامر : عشاك علي عشان تاخرنا
ثامر ابتسم : لاوالله لاتكلف على نفسك اهلي ينتظروني
عماد : ماتشوف شر ومره ثانيه اعذرني الشغل كثير هالمره
ثامر : معذور ماعليك
ركب سيارته ثامر حرك لبيته وبطريق انصدم من رساله زياده الراتب ابتسم بضحكه : عماااد
-
نجمه جلست على سريرها : يابنت ماعليك والله تخطيتها ااصلاً متى طلعنا؟
نجود: قبل يومين او امس تحديداً
نجمه : شكراً نجود انك قلتي الخطه منك
نجود : تستهبلين اكيد بقول مني مابي يهاوشك
نجمه : احبك بنت عمي
نجود بهدوء : اكثر ،بغيتي شي ؟
نجمه : لا سلامتك
سكرت نجود تناظر بالسقف بتعب ماتعرف وش تسوي او من وين تبدا تحس كل شي مقفل عليها تماماً
-
ناظرت انهار بمساعد تمد الشاهي له : اي وش الاخبار هالايام
مساعد : مافيه جديد ، وينه مجاهد من داوم مختفي
انهار : اليوم جاء من المستشفى خشمه نزف
باستغراب : ليه وش السبب
انهار : عسكري ضربه بخشمه
مساعد : اي عادي يعلمونه
-
~بغرفة مجاهد
اخذ الون الازرق يكمل تلوين بقايا البحر الي اهمل تكملتها طول الرسم كان يهوجس بكل شي حوله من بداية دخوله العسكريه الين هاليوم البنت واضح انها فيها شي لكن شي كايد وغريب بنفس الوقت مايعرف وجودها بالمكتب الي يوحي الى انه لرجال تشتغل فيه والي مستغرب اكثر منه ان الاسم من برا اسم الرجال واسمها تحت بدون اي شي هز راسه : معقده اخذ يكمل عقد حواجبه من طق الباب وقف ينزل الفرشاه طلع برا غرفه الرسم للمرايا بغرفته يعدل بجامته مشى لباب فتحه ناظر بابوه اتكا يوقف على الباب: سم
مساعد : غاطس بالرسم
سكتت مجاهد يناظره
مساعد : وش صار بخشمك اليوم ليه ضربك العسكري
مجاهد بهدوء: ماصوبت زين
مساعد : انت ذكي يامجاهد لكن ذكاءك هذا مايبي الشي السخيف الي تسويه الحين لو تسمع كلامي وتركز بالعسكريه كان انت الحين من اطلق العساكر
مجاهد سكتت بهدوء
مساعد : اذا شفتك مره ثانيه ترسم بسحب كل شي منك
لف مساعد يبعد سكر الباب مجاهد بقهر ولا واحد فيهم قدر هالشي فيه" الرسم موهبه حلوه" مشى لسريره ينسدح بتعب من ابوه الي الا وينشبه بالعسكريه ذي
-
اخذت اميره حلا تمشي معاها لصاله ناظرت باحمد عند الطاوله الصغيره : تعالو
قربت اميره له : الله وش هالفطور
احمد : طبخ يدي ذوقي بس بتدمنين
ضحكت حلا : احسن من اكل ماما
احمد : صح
اميره : خيرر عشاني ماعرف ناظرت باحمد : ترا عشانكم اطبخ ولا ويني وين الطبخ
احمد : اكلك عسل على قلبي
ابتسمت اميره : لاتمدحني انا عارفه اكلي الكلب ماياكله
قرب احمد ياخذ لقمه استوعب  كلمتها : شقصدك انا كلب ؟ عشاني اتغصب اكل ؟
اميره ضحكت بقوه من استوعبت : لا وربي ههههههههههههههههههههه وربي لا
حلا : بابا تقولك كلب صح؟
احمد : لا بس شكلها بطريقه ثانيه
اميره عجزت توقف من الضحك : هههههههههههههه اخ وربي لا ماقصدي
احمد نزل لقمته يناظرها مبتسم : اجل وش قصدك؟
اميره : انت عسل على قلبي
احمد ميل فمه اخذ لقمته ياكلها
اميره : الحين الصبح اكيد عندهم ليل صح؟
احمد هز راسه : صح
اميره: طيب كيف ابي اطمنهم اننا بخير
احمد : ارسلي رساله بس
اميره : تمامم
احمد ناظر بساعه معلقه بالجدار : باقي ساعه على الدوام بقوم اجهز
اميره : طيب توصل حلا ولا اوصلها انا؟
احمد وقف : انتي انا مايمديني
اميره : طيب وبشوف لي شي ادخله ادرس او اشتغل ملل
هز راسه احمد : تمام وخبريني
اميره : تمممام
-
انحنت نجمه تسكر شنطتها بعد ماجهزتها تحب تجهز من الليل عشان مايعيقها بكرا الصبح التجهيز قربت لسريرها تجلس سمت بالله طفت الابجوره تنام
-
الصباح الساعه ٦:٣٠
ناظرت نجود بالمنبه الي دق غمضت عينها بقلق مانامت ولا رمش لها جفن من التوتر والقلق الي تعيشه ماتدري وش هي الخطوه الي تقدر تسويها تخاف تبدا بشي وينكبها هي ودها بشخص يكون خلفها ويساندها شخص تحتمي فيه لو انقلب شي عليها
وقفت تبعد المفرش دخلت دوره المياه تجهز
-
نزلت غزال من غرفتها دخلت المطبخ تجهز الفطور ناظرت برانو : جهزي اكواب وودي العصير لطاوله
هزت راسها رانو
بدت غزال تسوي الفطور
سكر منيف جواله رماه على السرير اخذ شنطته ينزل تحت ناظر بامه تصب العصير باكوابهم : صباح الخير على اجمل ام
ابتسمت غزال تناظره : صباح النور يامي انت
منيف : صحت نجود ؟
جت نجود من خلفه تنزل : صحيت
ناظرها منيف : صباح الخير
نجود : صباح الخير لكم
غزال : صباح النور رفعت نظرها تناظرها تلبس نقابها : مابتفطرين؟
نجود : لا بروح تاخرت
منيف ناظر بساعته: شلون تاخرتي دايم هالوقت تفطرين
نجود اخذت نفس تناظره : مالي نفس افطر اخذت اغراضها تطلع تقطع نقاشهم
ناظر منيف بامه : ماعرف احس وراها شي
غزال جلست تناظر بصحنها بقلق: الله يستر عليها
-
طلعت نجود برا ناظرت بسيارتها موقفه عند بيتها وبمكان غير الي هي وقفت قبل يجي سلمان بالامس قربت لسياره تناظرها مصلحه الشبابيك قربت تناظرها باستغراب متفاجاه ناظرت بالورقه الصغيره على القزاز قدام اخذتها تقرا  "لاتعيدينها بنت سلمان لمصلحتك"
فتحت فمها تناظر بصدمه شلون حركوها من مكانها والمفتاح معاها شلون صلحوهت غمضت عينها تضغط على الورقه بيدها تضغط بكل مافيها تحس عليها ضغط مو طبيعي
ركبت سيارتها حركت لكوفي تاخذ فطور وقهوه قربت طلبت ووقفت تنتظره عند الشباك اخذت جوالها تتصل على نجمه
بعد مده
نجمه : ياشينك
نجود : تكفين موضوع خطير
نجمه بنوم : ايش هو
حكت لها نجود الي شافته
نجمه : طيب وش الي مخوفك؟
نجود : تستهبلين
نجمه فتحت عينها بصدمه : نجود يمه ليكون حاطين لك سماعات مراقبه
نجود : شلون؟ كيف
نجمه : يعني الي اخذو سيارتك ليكون مراقبين لك يخوف اسمعي تمريني ؟ اقعد افتش معاك
نجود ناظرت بالطلب قدامها: ارجعي نامي سكرت الجوال
نزلت جوالها نجمه : تتصلين وتقوميني من نومي وبالاخير تسحبين وقفت تغسل وتجهز رغم باقي لدوامها
-
وقفت نجود قريب من عند بوابه المركز اخذت القهوه ومسكت شنطتها تنزل قربت للبوابه تدخل قربت لمكتبها دخلت داخل ناظرت بالشخص الموجود وجالس بمكتبها ناظرت فيه باستغراب: سم ؟
وقف ناظرها: معك مساعد ال نجم ابو مجاهد الي قبلتيه
هزت راسها نجود باستغراب تام
مساعد : جيت كنت ابي اتكلم مع العساكر وقالو لي بالاول اكلمك توصليني لهم اتفاهم معاهم
نجود : اي عساكر ؟
مساعد : الي يدربون مجاهد قالو لي اسماءهم عندك وانتظرت بمكتبك
نجود هزت راسها : طيب الحين اشوف لك
لف مساعد يناظر بالصور الي من اليوم يناظرها باستغراب ناظرت بنجود : ابوك سلمان ال هايل؟
رجفت يدها بتوتر تناظره : اي تعرفه؟
مساعد : اي اعرفه قبل زميل لي بالعمل كنا بمركز واحد بعدين ترقى هو للمركز هنا وصارت ماتجيني اخباره
نجود هزت راسها تسكت
مساعد :بس ماعليش بسالك
نجود ناظرته : سم
مساعد : وينه ابوك ليه تشتغلين هنا
نجود سكتت تناظره
مساعد: عسى ماشر صاير له شي
نجود : ماعرف
مساعد باستغراب ناظرها : شلون
نجود بخوف بكت : ماعرف والله ماعرف
مساعد : هدي يابنتي هدي ماعليك يابوي قولي لي وش صار
نجود حكت له كل شي الين اخر شي الي هو اليوم
مساعد عقد حواجب: كيف كذا ولا احد تكلم ولا جابو طاري بالمركز عندنا ولا هنا
نجود رفعت اكتافها باستغراب سحبت منديل تمسح دموعها الي طول حكيها تتناثر
مساعد : طيب كيف السياره متاكده انها هي؟
نجود : والله هي شوف احلف لك والله
مساعد : عارف يابنتي الله يساعدكم امك اخوك بخير ؟
نجود هزت راسها : الحمدلله
مساعد : طيب بشوف انا المووضوع من البدايه
وقفت نجود بتردد تقوله
ناظر مساعد فيها وعرف انها ودها تقول جلس: قولي واياك يانجود تترددين تقولي لي شي اعتبريني ابوك
نجود : تسلم ، امس كنت بروح لمكتب سلطان بقوله عن مووضوع لكن تفاجاءت سمعته يقول عن سياره ويطلب منهم يخفونها انا ربطت الموضوع من يوم رحت للبر وجاء حسيت الموضوع متعلق فيه
مساعد : سلطان هذا من يوم كنا نعرفه انا وابوك وهو ماهو جايز لنا وقف ، انا بروح اشوف المووضوع وانت بلغيني باي شي انا ان شاءلله اني اقدر اجيب معلومات عنه
وقفت نجود : جزاك الله خير
مساعد وقف عند الباب بتذكر : دام مافي وقت معي راح كله هنا ف لا اوصيك بلغي عساكر الي ماسكين مجاهد
نجود : ابشر
طلع مساعد برا المركز
جلست نجود بتوتر تناظر بالابتوب : ثقه؟ اكيد ينوثق فيه قال اسم ابوي يعني يعرفه ناظر بالصور الموجوده بالمكتب غمضت عينها من تجمعت دموعها : اخ يابوي ربي يجمعني فيك يارب