ضحك سلمان : خوافه
نجود : ماسك رجلي بالمسبح وتقول خوافه!
لفت تناظر بنجمه الي شوي وتنكتم من الضحك
نجود : انتبهي تموتين
سلمان : تخيلو اخوكم ثامر يمكن يموت
اعتدلت نجمه : كيف
نجود : بسم الله عليه شصاير
سلمان : كبيت دلة القهوه عليه
فتحت عينها نجمه بصدمه : ايش ؟ ياكلب قربت تضربه بقوه : احرقته عساك للي ماني قايله ياحمار
مسكتها نجود تبعدها ناظرت بسلمان : وينه؟
سلمان : بالمستشفى مع صاحبه
نجمه : اي صااحب؟
سلمان : مدري ذاك الي يناشبه ماعرفه
نجود : طيب وش مره احترق
سلمان : اي والله كتم صيحته ولا انفجر عند الرجال
نجمه : ياخرب بيتك صدق
سلمان : شفيني طيب ماعرفت اصب واكلها ثامر ماهو مني
نجود : كيف ماهو منك غبي انت
سلمان قرب يحضن نجود من كتفه : انا كنت شايل هم بس يوم رضيتي علي نسيت همي
نجود ابعدت كتفه عنها : توكل من قال رضيت عليك
سلمان : ياخي اسالك بالله كيف اطلع لك وابوي مشترك بذا الموضوع؟
نجود : اي موضوع؟
سلمان : الورث
نجود : اي ورث!
عقدت حواجبها نجمه تناظرهم
سلمان : تستهبلين امدا نسيتي
نجود بحده: ماستهبل سلمان وش سالفه الورث!!!
سلمان : زواجك كله عشان تقسيمه
ميلت راسها تستوعب الكلام
نجود بحده : زواجي كان عشان يتسجل البيت باسم امي !
سلمان : ابوك استغل هالشي وطلب يزوجونكم عشان يتقسم ورثهم سوالف مالنا فيها تخص اجدادنا قبل
ابتعدت نجود تطلع من المسبح مشت تركض تدخل داخل
دخلت غزال الغرفه ناظرت بنجود جالسه
غزال : بنمشي نجود
نجود اخذت ملابسها الي مبلله وحطتها بكيس : زين
طلعت برا ناظرت بنجمه : خليك الصباح موجوده تتمام
نجمه : تمامم
طلعت نجود وغزال ناظرت نجود بسلمان وصالح ومساعد يسولفون ومن ابتعد صالح عرفت ان موضوعهم الحين يخص مجاهد
ركبت السياره ساكته قرب منيف وركب : سلام
غزال : وعليكم السلام
منيف : اطلق عزيمه
غزال : اي ماشاءلله
ركب سلمان حرك متوجهين للبيت
وقف عند البيت نزلت نجود بسرعه دخلت البيت ترقى لغرفتها
نزل سلمان خلف غزال دخلو البيت
طلعت نجود بعد ماتروشت جلست بسرير تفكر
مسكت راسها بضيقه : معقوله ماكان يعرف ! او يعرف اخخ ياربي
الساعه ٢:٣٠ الفجر
اعتدلت تلف لجهة اليمين سمعت صوت ابوها نازل تحت ويكلم اعتدلت تجلس باستغراب وش مصحيه الحين!
قربت تفتح الباب قربت تناظر من الدرج شافته يكلم ويكتب ومشغول غمضت عينها من تذكرت انهم بيعرفون مكان مجاهد بالضبط ضغطت على يدها تناظر بابوها يكلم
وقف سلمان : طيب ، طيب الحين اجيب لك ، اي هو رقمه عطيتك ابي تعرفون مكانه ، بضبط بريطانيا ، طيب بكون معك ماعليك لاتطول بس طيب سكر الجوال جلس قرب يناظر بجيك المويا مخلص تأفف يوقف رايح للمطبخ يشرب مويا بدون اي تفكير من ابتعد عن الصاله نزلت نجود تركض لمكانه ناظرت برقم مجاهد بجوال ابوها اخذت القلم تسجل بيدها لفت من سمعته يقفل نور المطبخ ركضت لغرفتها سكرت الباب
قربت لسرير تمسك قلبها تاخذ نفس ناظرت بجوالها اخذته تسجل الرقم فتحت الواتس
ميلت فمها وش تكتب له
بعد مده من التفكير
ارسلت : سلام مجاهد ماعرف كيف افهمك لكن ياليت تقفل رقمك او تغيره وتغير مكانك بعد لان ابوك وابوي يحاولون يلقون مكانك وابوك متوعد فيك ارسلتها قفلت جوالها علطول انسدحت تناظر بسقف بتوتر
-
~بريطانيا
ضحك من شاف صاحبه الاجنبي يحاول يشرح لهم اساسيات الرسم
مصعب : يارجال توكل بس الماده انضافت عندي بالغللللط
راكان : وش بالغلط بالله اشرح لي
مصعب ناظر بمجاهد : يالليل ياذا الا واشرح
مجاهد : تخصصه طلب كذا وش يسوي
مصعب : صح عليه
وقف مجاهد يدخل المطبخ
ناظر مصعب بجوال مجاهد من ارسل : مجاهد جوالك ارسل
مجاهد : جاي
مصعب ناظر بالاسم :GD حركات عقد حواجبه مجاهد من نطق هالاسم ركض يشوفه باستغراب تام اخذ جواله فتح الرساله يناظرها
عقد حواجبه يناظر اخذ نفس يرفع راسه
حركات ابوه مايتركها ابد ابتعد عنهم
مايدري ليه بس كان وده يسال ويشوف ارسل لها : مين انت؟
اعتدلت نجود تناظر بصوت الرساله ناظرت انه رد عليها عقدت حواجبها : من انت!
ارسلت : فاعل خير
ضحك من رسالتها : تمام شكراً يافاعل الخير
سكرت نجود بدون ترد : والله صادقه نجمه راح لشقر ونسى حمدلله والشكر
طلع مجاهد رقمه وكسره
لف للعيال يجلس
مصعب : شفيك مبتسم
مجاهد ناظره : حاسدني؟
مصعب : لا بس انت هادي ووين تبتسم ف قلي خذي حبيبة القلب
مجاهد : لا
راكان : بالله اشرح لي سبب تسميتك GD
ناظر مجاهد بمصعب : امداك تقوله
مصعب : ندمت والله ياهو غثني يبي اشرح له
وقف مجاهد : بشوف الاكل
دخل المطبخ ووقف عند الفرن يناظر بالقدر سهى يتذكر يوم قالت له عن تسميته ضحك يحس الاسم مميز ومشترك بينهم
اول ماطلع الرقم سجل رقمها عنده لانه مايبي ينساه
ولان بداخله شي كبير انهم بيرجعون و بيكونون افضل من الحين
ضرب مصعب باب المبطخ : الي ماخذ قلبك يتهنى به
لف مجاهد بخرشه يناظر: سلامات خرشتني
مصعب : يابوي الحب ينسيك
مجاهد لف للقدر : انشهد
مصعب : بس اخخ يالحب
مجاهد : شكلك مجرب
مصعب : قلبي فنادق والمشكله تعبت وماتوب
مجاهد : يخلف الله
مصعب : اعلمك بعدين عن سبب دخول لعالم الحب
مجاهد : ماني راكان تشرح لي
مصعب : اوكيه ماعليه يجي منك اكثر
اخذ مجاهد الصحن يغرف لهم الاكل
اخذ مصعب العصير ومشو يتعشون
-
رفع حاجبه سلمان بصدمه : شلون مقفل ! ، تأكد بالله ، كيف بنتواصل الحين؟ ، شلون ماتقدر ، متاكد !
الصباح
نجمه : وش هالقافه ترسلين !
نجود : مدري قسم ندمت ليتني خليته
نجمه وقفت تلبس عباتها: ماندمتي انك قلتي له ندمتي على رده اعرف ترا !
نجود : شدخل نجمه
نجمه : نجود خلي عني لو قالك شي يعني مثلاً رحب فيك او عرفك بتطيرين بس لان رده مااعجبك ندمتي
نجود : انزلي وقفت عند الباب اعلمك كيف مايعجبني
بعد مده
رفعت جوالها نجمه من الرقم الغريب
نجمه : رقم يراسلني
نجود : غريب مين
نجمه : شعرفني دخلت على المحادثه
الرقم : السلام عليكم
ارسلت نجمه : وعليكم السلام
الرقم : معك رنا من قروب الجامعه
ابتسمت نجمه : اي قروب ؟
رنا : قروب مادة الفيزياء
نجمه بضحكه : تلعب علي ذي شوفي شتقول
ناظرت نجود
نجمه ارسلت لها : ياشيخه مادرس فيزياء روحي لغيري تكذبي
ضرب راسه عماد : غبي
وقف يفكر بترقيعه
ارسل : انتي بجامعة القصيم؟
نجمه : ايوا!
رنا : طيب انا اعرفك من هنا خوفتيني توقعت شخص ماعرفه
نجمه : كيف تعرفيني وانا ماعرفك!
رنا : تقدرين تقولين ودي اصاحبك ف اعرفك
نجمه : تصاحبيني !
رنا : ايوا دايم اشوفك وبخاطري اتعرف عليك
نجمه ناظرت بنجود : ذي تخوف صدق
رنا : عادي نتعرف ؟
نجمه : نهائياً والقمي بلوك
فتح عينه بصدمه عماد من بلكته : ياغبي ياحمار مب كذااااااااا
جلس يمسك راسه بصدمه
دخل ثامر : عماد مهم
عماد بصراخ ناظره : اذلف عني مب ناقصككككك
وقف ثامر بصدمه يناظره : شفيك بسم الله
عماد : اطلللع ناظر بوجهه : انت ووجهك اطلع
مشى ثامر بخفيف عشان حرقته يطلع
رفع جواله من جته رساله
نهال : ثامر كان المفروض ماتداوم اليوم والله قلقانه عليك
ثامر : لاتشيلين هم بخير انا
نهال : طمني كل شوي
ثامر : ابشري
-
نجمه : تخوف
نجود حكت لنجمه كل شي عن قبولها
نجمه : ياخايسه!
نجود : عاد تدرين من قالي عن اساسيات الرسم؟
نجمه رفعت يدها : GD اكيدد
نجود : بالضبط وقفت قدام مطعم
نجمه : ياختي سوالفيك انتي GDتجوعني
نجود : لانها مليانه شوق وحب وغرام
فتحت حزامها نجمه من استوعبت كلام نجود وقفت تناظرها : نجود ! انتي نجود الي اعرفها
ضحكت نجود : يمه مدري شلون طلعت كذا اصلاً مستحيل يعني يحبني واحبه واح،، قاطعتها نجمه تسكر فمها : عرفت عرفت خلاص
نجود ابعدت يد نجمه : حب من طرف
نجمه : ومنك
نجود : للاسف مدري وش النهايه بس الله يعين
نجمه : ماقدر اقولك شي لاني انا بعد مو عارفه
نجود : قدامنا ٤ شهور لو مارجعنا ننتهي فعلاً
نجمه : يسرها الله
نزلت نجود وخلفها نجمه
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
