هزت راسها بهدوء
نجم : الله ياخذني ان شفتيني مره ثانيه وياجعلها ان كانت تموت اموت قبلها
لانت ملامحها : انت شفيك شمسوين لك
ابتعد عن امه ووقف عند الباب ناظرها : بقول لاخوي يوديك لديره تجهزي
طلع برا ونزل يركب سيارته وحرك للمستشفى وقف ناظر برساله سلمان له بانه بيقعد والكل بيرجع نزل من السياره وجلس برا بجلسات مسح على راسه يفكر
-
جالسه بصاله ومنيف قدامها
منيف : مافيه اي خبر
وقفت غزال من سمعت صوت السياره : واضح جت روح استقبلهم
طلع منيف ناظر فيهم ونزلت حنان تدخل لغزال
وقفت غزال وناظرتها قربت تمسكها وتجلسها اخذت كوب مويا وقربته لها تشرب
حنان : ليتني مارحت ليتني ماسمعت شوفي نتيجه فعلتي
غزال : ليه متاكده منها؟
حنان ناظرتها : لها سوابق ياغزال
سكتت غزال وكملت حنان : اكره نفسي الي سمعتك ورحت وربي لو تدري بنتي ماتسامحني والله مسحت دموعها : يارب يارب قومها بسلامه غطت وجهها من انفجرت بكاء وحضنتها غزال تهديها
-
الصباح
فتحت عينها وسكرتها بقوه من اشعة الشمس لفت تناظر بمكان مجاهد ماكان موجود اعتدلت تجلس سمعت صوت المويا من الحمام عضت شفتها من تذكرت امس وكلامه لها لفت براسها من فتح الباب وقفت تبعد وجهها عنه دخلت بعده ضحك منها دخل لغرفه التبديل
-
وقف دخل المستشفى وقرب لغرفتها وقف من قرب له الدكتور
نجم : يمدي ادخل ؟
الدكتور : لازم تلبس وماتلمس اي شي بالغرفه حتى هي
هز راسه ومشى معه ناظر بسلمان الي يمشي قدامه : بتشوفها؟
نجم : اي
سلمان ناظر بدكتور: انا اقدر ؟
الدكتور : اعذرني ماقدر خطر
تضايق سلمان هز راسه يبعد ويجلس بمكانه
دخل نجم ولبس القلفز والكيسه ربطها على خصره ولبس على راسه بعد قرب للغرفه وفتح الباب حس بضيقه على قلبه من سمع صوت قلبها يضرب بالغرفه مع كل دقه يحس وده يصارخ الالم كبيرر عليه قرب يناظرها همس : ييوهه اثاري العذاب بعد اني ماقدر المسك
قرب لها انحنى قريب لوجهها : تكفين لاتعذبيني تكفين اصحي
ناظر بيدها الي فيها المغذي لف يناظرها همس : قالو لاتلمسها شلون اقدر ؟ قولي لي اصحي قولي لي تكفين
اخذ نفس بضيق : طلبتك لاتطولين علي ناظر بيدها واصابعها نزل كمامته قرب ليدها يبوسها همس : لاتطولين
لف يطلع
-
عقد حواجبه قرب لغرفه التبديل يطق الباب : نجود
وقفت تمسك قلبها بخوف طق الباب مره ثانيه : نجود!!
نجود : هلا
مجاهد : شفيك طولتي؟ فيك شي
نجود بتوتر: لا ، لا
حاول يفتح الباب مسكرته
مجاهد : طيارتنا بعد ساعتين تجهزي
ابتعد لباب الغرفه كامل فتحه وسكره بدون يطلع
لانت ملامحها براحه مسكت وجهها بحياء كيف تطلع له بعد الي صار بينهم وقفت تقريب الدقيقتين تنتظر صوت او شي لكن مافيه اي شي تاكدت انه طلع قربت للباب وفتحته بهدوء طلعت راسها تناظر بالغرفه ومافيه احد مامداها تحط رجلها الا شالها شهقت برعب ضحك منها يوقفها على الجدار : خايفه مني
فتحت عينها تناظره وكانت قريب لوجهه وباقي محاصرها: ماني خايفه
قرب لخدها وباسه : اجل مستحيه مني ؟
احترت تناظره سكتت
-
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
