" بعض الخسّاير الله يامكبر ارباحها "

بارت14

اخذ جواله من جانبه رفعه يصور القلب الي رسمه ابعد جواله قرب للوحه ينزلها قريب للوحات الي نزلها قبل
طلع برا الغرفه قفلها اخذ جواله دخل على الصوره ضافها لخلفية جواله لف يناظر بالباب الي طق قرب له : طيب
فتح الباب ناظر بامه : سمي
انهار : الفطور انزل افطر
هز راسه بالنفي : مالي نفس
انهار : اخخ يامجاهد تكفى لاتضايقني تتسهل ان شاءلله
ابتسم مجاهد : تتسهل كيف ؟ اليوم الملكه اذا ناسيه
انهار : ماني ناسيه عارفه بس ماتدري يمكن تتفقون مع بعض
مجاهد : اتفق معها؟ امي انا وين وهي وين بالله؟ اذا ماقالك ابوي ف ترا زواجنا انا وياها عشانـ.. قاطعه ابوه من يرقى الدرج : قلت لك تسكت يامجاهد !
ناظر فيه مجاهد لف يناظر بامه : افطري ولاتشيلين همي
سكر الباب من لفت امه
اخذ نفس يناظر بجدية الموضوع الي صار
-
بطاوله
مساعد ناظر بانهار : عزمتي ؟
انهار: مافكرت
مساعد : وليه؟ وش ينقص مجاهد عن عمار ؟
ضحكت انهار تناظره : هو اخوانه يدرون عن خطبته ؟
مساعد : يدرون ضرب الجرس : هذا هم جايين
لفت انهار تناظر بدخول عمار : صباح الخير
ردو : صباح النور
وقفت انهار سلم عليها عمار
عمار : صادقين انتم؟
انهار جلست : اي تخيل
عمار : وانتي امي عادي جالسه كذا ؟
مساعد : كيف
عمار : يعني بملكتي اذكر امي قومت البيت وقعدته والحين عادي !
انهار اخذت لقمتها : تقدر تقول مااحد راضي على هالملكه
عمار رفع حاجبه باستغراب : انا حاس الموضوع غريب ممكن احد يقولي ؟
مساعد : لا
انهار : صدقني ياولدي لو اعرف بقولك المصيبه انا ماعرف
عمار :  ابوي غريب صاير
-
دخل الشركه ناظر بثامر : صباح الخير
ثامر : صباح النور
ناظر عماد بل الملف الي بيد ثامر : ملف ايش؟
ثامر ناظر بالملف رفع نظره ل عماد : مشروع اختي خلص وجايه تاخذه عشان تسلمه اليوم
عماد : يعني ماراح تجي هنا؟
ثامر : اي خلاص اساسا ماجت الا كم يوم اتوقع
عماد : ماعرف الله يوفقها تمام اجل بروح لعملي
لف يمشي عماد انتبه لصوتها من خلفه لف براسه يناظرها وهو يمشي
دخلت نجمه الشركه ناظرت بثامر واقف : ثامر
قرب لها ثامر مد لها الملف : ٩٩٪؜ اشتغلت عليه
ابتسمت نجمه من تحت نقابها قربت لثامر تحضنه : والله مابنسى يااطيب اخ
وقف عماد يناظرها وهي باقي حاضنه ثامر انتبهت نجمه لنظراته بلعت ريقها تبعد عن ثامر : بطلع طولت عن الجامعه
ثامر : بالتوفيق
هزت راسها نجمه ابتعد ثامر عنها بتلت واقفه تناظر بعماد الي واقف يناظرها لفت تبعد تمشي للبوابه
مشى عماد لناحيتها : انتظري
فتحت عينها بقوه من سمعت صوته قريب لها وقفت مكانها لفت تناظره من واقف قدامها
عماد : عندي وضايف جديده اذا ودك تقدمين
نجمه : ادرس انا باقي ماتخرجت
عماد : وضايف بشهاده ثانوي عادي
نجمه : للاسف مابي ادخل بشهادة الثانوي
عماد : عادي خدمة عملاء بشهاده ثانوي بعدين نغيرها لك بس تخلصين الجامعه
نجمه هزت راسها بالنفي تحس تبخرت كل الكلامات من عندها
عماد : شوفي انا محتاج شخص يشتغل بخدمة عملاء وشخص اثق فيه
نجمه : خدمة عملاء مو حسابات عشان تكون مهمه ولازم شخص تثق فيه
غمض عينه عماد من حس فعلاً كبر الموضوع
نجمه : ماقدر اساسا ادرس ولا يمديني اتوظف
عماد : وظيفه بالليل ؟
نجمه لفت بدون ترد عليه مشت للبوابه مبتسمه عضت شفتها وهمست: غبي
-
طلعت نجود تجفف شعرها ناظرت بجوالها عقدت حواجبها من شافت نجمه ماتصلت عليها ابد
رفعت جوالها من حطت رقم نجمه
نجمه : هلا بعروسه هالليله
نجود : وينك ماشوفك عندي
نجمه : يعني لك ان تصدقي ان اليوم تسليم مشروعي
نجود : اووف يعني متى بتجين؟
نجمه : بجيك بدري لان بسحب على محاضرتي الثانيه
وبصراخ : بنتجهز سوااااا لليله حلوه
نجود : رجاءً لاتكبرين الموضوع
نجمه : ليش ؟ خلينا ننبسط
نجود : حاولي تجين بدري
-
نزلت جوالها غزال بعد مااتفقت مع حنان على تجهيزات واغراض ناظرت بمنيف الي نزل : امي
غزال : منيف الحين مشغولا خل موضوع بعدين
منيف : امي تكفين الموضوع يخص ابوي
غزال : لاتجيب طاريه ابداً سمعت وموضووعه مايهمني
منيف : تكفين زواجه عليك طلع غصب عنه
ناظرت فيه بصدمه غزال : عبو راسك! صفقت بيدها : الا والله عب راسك بصراخ عالي : ياغبي وين وين يزوجه غصب ! الزواج الغصب فعلاً هو الي زواج اختك الي مااحد راضي عليه غير ابوك
سمعت نجود صراخ امها استغربت فتحت الباب تنزل ناظرت بامها تكلم منيف
كملت غزال : انجبرنا كلنا واختك ضحت بنفسها وتجيني الحين منيف تقولي ابوك مجبور يمين بالله يامنيف لو تقول هالكلمه مره ثانيه اقسم بالله لادفن ابوك حي
منيف : ماقال..
قاطعته : اسكت ولا كلمه اليوم هذا ثقيل علي لا تثقله زياده يامنيف!
اخذت نفس تجلس
ناظرت نجود فيه من لف عليها لفت بترقى لكنه وقفها : انتي باقي اسمعيني
لفت نجود تناظره : اسمع ايش منيف ؟ منيف اذا ماتعرف انا وامي شفناه قدام عينا عايش معها مبسوط بالعكس ماهو مجبور ! لو مجبور تدري كيف بصدقه؟ لو اول ماشافني يحضني يوضح لي انه فعلاً كان مشتاق لي هنا والله لو متزوج برضاه بسامحه بس هو بين لي انه ماهمه مين احنا! رفعت سبابتها قدامه : رجاءً ابوي لا تجيب لي طاريه ابد لف بترقى لكن وقفت بدون تناظره :  لو قالك بسلم عليها اذا انكتب الكتاب قوله ماتبيك ولا بتسمح لك
مشت لغرفتها قفلت الباب خلفها
-
طلعت نجمه من غرفتها ناظرت بسلمان الي واقف : الحين شفت نجود ؟
سلمان هز راسه بالنفي
نجمه : من متى
سلمان : مين يوم جاء ابوها
نجمه : منجدك!
سلمان : اي والله
نجمه : ليش!
سلمان : مدري ياخي استحيت اقابلها وابوي متدخل بزواجها
نجمه : يابن الحلال مالنا دخل امش بس
سلمان : توكلي بس حتى ملكتها ماني بحاظرها
-
الساعه ١:٣٠ م
ناظرت نجود بالميكب قدامها اخذت الايشادو وبدت تبدع على نفسها
نجمه : تتوقعين يجون ناس كثير
نجود: ماعرف
نجمه : هم معروفين اكيد امهم بتعزم الرايح والجاي
نجود همست بداخلها : هذا لو راضيه علي
اخذت نجمه السراميك وبدت تزين نفسها
-
تحت
اخذت حنان غسولات اليدين وبدت ترتبهم على المغاسل نزلت غزال صينيه الفناجيل والكاسات لفت تناظر الدرج الي تنزل منه نجود مزين بالورد الاحمر والشموع
طلع منيف من الغرفه الي موجود بعيد عن قسم النساء بشوي ناظر بالكوشه الي صغيره وحلوه كان مستغرب منيف بداخله اذا نجود طالبه بدون تقوله
لف يسكر الباب ناظر بمجاهد الي مد يده يدفع الحساب قرب له: ليه تدفع
مجاهد : مين بيدفع؟ طلبتها ودفعت
منيف : انت الي طلبتها؟
هز راسه مجاهد بالايجاب
منيف : اعذرني ماتوقعت انت لاني شايل فكره ان اختي تطلب
مجاهد : عارف اختك مافكرت بذي الاشياء لانها عندها هم كبير بس قلت حتى لو مااحد راضي عن هالزواج اقلها نكمله من كل جهه ولا ينقصه عن باقي الزواجات شي
هز راسه منيف : صح عليك