" بعض الخسّاير الله يامكبر ارباحها "

بارت 7

دخل مركزه مساعد قرب لمكتبه دخله يسكر الباب ناظر بالاوراق قدامه اخذ مفتاح قرب يفتح درج صغير بالمكتب طلع منه ملف اسود فتحه يناظر بالملف ومواضيع كثيره تخص " سلطان" ناظر فيه مساعد : من زمان انصح سلمان يبعد عن المركز الي انت فيه بس ان شاءلله مايطلع شي من وراك ولا والله يانهاية حياتك بيدي ضغط على يده يناظر بمعلومات سلطان
بعد نوص ساعه قضاها بين معلومات سلطان اخذ التلفيون : ناد ٢ من العساكر
بعد ٥ دقايق طق المكتب
دخلو العساكر
وقف مساعد يناظرهم : تفضلو
قربو يوقفون قدامه
مساعد : ابي اطلب منكم خدمه وهالخدمه تكون موجوده هنا بس ماتطلع برا هالباب اشر على الباب خلفهم
العسكري محمد : ابشر
العسكري الثاني هز راسه
مساعد : عندي شخص ابي تراقبونه انت يامحمد ابي تكون عند بيته من يجي لبيته تكون موجود انت وتراقب كل مكان يروح له
وانت ياسعد ابيك تكون عند المركز حقه وتقولي كل شي عنه في امر وانا شاك فيه بس بشوف وبعدين اقولكم عنه
سعد : ابشر اعتبره خلص
مساعد : مشكورين، قولو لي اي شي يصير اي شي
هزو روسهم : تقدرون تطلعون تبدون شغلكم لف من طلعو جلس مساعد على مكتبه يكمل الشغل وباله مع سلمان واختفاءه الغريب
-
ناظرت غزال بجوالها يتصل : طيب هذاني جايه
حنان : يالله انتظرك احترقت
غزال: يمدحون التان هالصيف عادي ماعليك
ضحكت حنان : اقول امشي لا اسحبك الحين
لبست عباتها وطلعت برا ناظرت بحنان مع السواق فتح الباب السواق لها ركبت بالخلف مع حنان: ياهلا بحنان الغايبه
نزلت نظارتها حنان ناظرتها : غايبه بس موجوده حولينك
ضحكت غزال : وين حوليني بس هههههههههههههه
حنان ناظرت بسواق حرك ناظرت بغزال : بوديك مطعم نتغدا يانه لذيذ
غزال : تمم معك ،قلتي لنجمه ونجود؟
حنان بتذكر : يوووه نسيتهم طلعت جوالها
-
نزلت نجود مع الدرج للقسم التدريب قربت تفتح الباب دخلت منه سمعت صوت الرمي والصراخ قربت لاحد العساكر الواقفين : وين العسكري ابراهيم؟
العسكري : هذاك هو بالغرفه
دخلت نجود تناظره يناظظر بالي عنده يرمون : عسكري ابراهيم
لف يناظرها
نجود : مجاهد
ابراهيم : ماني مسؤول عنه تلقينه تحت عند الجزى
هزت راسها تبعد لقسم الجزى قربت للقسم فتحت الباب تدخل ناظرت بالغرف الكثيره قربت لغرفه كان واقف عندها عسكري : عسكري مجاهد ال نجم وينه؟
طلع راسه مجاهد يناظر باستغراب ناظر فيها
نجود ناظرت بالعسكري : مدربه؟
العسكري هز راسه
نجود : ابوه طلب مني طلب اوصله لكم
مجاهد اعتدل يوقف باستغراب
ماناظرت فيه ننظرها بالعسكري بس : ابوه يقول خفو عليه ولا تزيدون
لفت نجود ترجع بدون تسمع ايش بيقول طلعت لمكتبها
ناظرت بكرسيها : كذا ينفع ولا
-
ناظر العسكري بمجاهد : ايوا يابابا شاكي لابوك؟
مجاهد ناظره بدون يتكلم
العسكري : هنا تدريب بس ولا هو واسطات دخلت برجليك تحمل

بالمطعم
دخلت نجمه تناظر بامها وغزال قربت لهم تسلم على غزال : شخبارك
غزال : الحمدلله يامي انتي كيفك واخبار الجامعه
نجمه اعتدلت تجلس : يووه ابعديني عن طاريها
ضحكت غزال : الله يوفقك
حنان : غريبه ماترد نجود
نجمه عقدت حواجبها : يعني ماقلتو لها توكم
حنان : اي نسيت اليوم ومن يوم اتصلت عليك اتصل عليها
غمضت عينها غزال بضيق من نجود ناظرت بحنان اخذت جوالها تتصل على نجود ونفس الحاله ماترد اخذت نفس تهدا
-
بالمركز دخلت المكتب بعد ماتاكدت من توقيع سلطان على اوراق اليوم غمضت عينها بس تذكرت كيف تغصبت تدخل عنده اخذت نفس تقرب للمكتب ناظرت بجوالها والاتصالات اخذت جوالها بربكه حنان ونجمه وامها يتصلون عندها امل فيه خبر : يارب بشرني ،
اتصلت على امها لانها اخر اتصال كات منها
رفعت الجوال لاذنها من ردت : هلا امي وش فيه؟
غزال : شفيك ماتردين خوفيتنا
نجود : مافيني شي مشغولا
غزال : لاتروحين البيت موجودين بمطعم انا وحنان ونجمه نتغدا تعالي
نجود مسحت على جبهتها بفقدان امل : طيب
نزلت جوالها اخذت شنطتها طلعت برا المكتب مشت لسيارتها برا ركبت تمشي للمطعم
-
غزال براحه : الحمدلله ردت خوفتني
حنان : الله يهديها بس
غزال : جد اتعبتني من دخلت المركز وهي شخص ثاني
ميلت فمها نجمه تسمع سواليفهم بمملل رفعت عينها تناظر بنجود الي دخلت رفعت يدها لها : نجود
قربت نجود لهم سلمت على حنان وحضنت نجمه : اخباركم
حنان : بخير الحمدلله انتي اخبارك
نجود : بخير ناظرت بامها مسكت كفها
ابتسمت غزال تناظرها من تحت نقابها
"بعد عشر دقايق"
اخذت المنديل تمسح فمها تناظر بحنان : مره حلوه الشنطه ياغزال تدرين وش الي قلقني انهم يوصلونها بعد شهر متخيله
نجود بداخلها تناظرها: الهموم الي ودي فيها نزلت راسها تفكر
غزال بتسليك : المهم انها بتجي
نجمه : والله امي يانك اقلقتي نفسك بشي مايتساهل الناس عندها هموم فوق ماتتخيلين وانتي الشنطه
حنان ناظرت بنجود الي سهت لفت تناظر بنجمه : هو قلت لكم راي بالشنطه بس شفيكم قلبتو
نجود وقفت : تسلمين حنان على العزيمه جت بوقتها وقفت تناظر بامها : ترجعين معاي ؟
غزال وقفت : اكيد امي
ناظرت بحنان : ياعمري ياحنان تسلمين ولازم تسيرين علي
حنان بابتسامه: ان شاءلله
مشت نجود وخلفها امها قربو لسياره يركبون
غزال : ياحلوها حنان
نجود : اي والله عسل دايم كلامها عسل
غزال ضحكت : تكفين دايم هي كذا همومها صغيره بس تشيل همها تضحك
نجود : الهموم الي الواحد وده بها
ضربتها غزال بخوف : نجود تبين تصيرين طول عمرك قلقانه
نجود : يمكن طول عمري
وقفت عند الاشاره نجود ناظرت بامها تلطف عليها: ودك بعصير او مشروب يبرررد هالقلب حطت كفها على قلب امها
ابتسمت غزال تناظرها : ودي به دام بنتي ودها
نجود: تبشرييين
حركت وقربت لكوفي : ننزل نتقهوى ونحلي ؟
غزال : ماورانا شي يلا
نزلو يدخلون الكوفي
جلست على طاوله قرب الباريستا وطلبو لهم
غزال : كأن هذاك ثامر
لفت نجود تناظر : اي هو
غزال : ماشاءلله شكله حلو هالكوفي
نجود ناظرت بالباريستا جاي لهم
غزال : ايوا نجود عطيني علومك
ضحكت نجود : لقيت لي عريس
غزال : عطيني موصفات العريس يمكن مااقبل
نجود : افا امي عريس ياخذ العقل اخاف اقولك وتاخذينه غمزت
ضربتها بخفيف غزال : وجع انا احس انخفيتي بعد المركز
ضحكت نجود ماتدري هالكلام كيف جاء وكيف قالته حتى
ابتسمت غزال من شافتها تضحك كانها نست همومها او كانها حطتها على جنب تستريح اليوم او ها الدقيقه مع امها
غزال ناظرت بنجود : عسى ربي يمحي عنك كل هم وربي يسعدك ويرزقك الي ودك وربي مايخيب لك امورك
ناظرت نجود بامها دمعت عينها تناظرها : اممي
غزال : اعرف يانجود وش فيك اعرف ان فيك ضيق وقلق بس انتظرك تجيني تقولين لي حتى انا انقلقت بسببك انتظرك يانجود
نجود ناظرت تحت تفكر
غزال : قولي لي يانجود
اخذت نفس نجود تناظرها : يمه حكت لها كل شي من راحت للبر مع سلمان الين مساعد قبل شوي
غزال فتحت فمها بصدمه تناظرها بصراخ قوي : من قالك تروحين لوحدك من سمح لك!! ماخفتي على نفسك ماخفتي علي وش يصير فيني نجود!!!!!
نجود ناظرتها صدق ماتعرف وش تقول بالضبط لان هذاك الوقت ماكانت تفكر بنفسها ابداً
وقفت غزال : رجعيني البيت
وقفت نجود معها يطلعون
-
~بيت صالح
جلست حنان بعباتها : ياربي مافيني حيل ارقى
نجمه : هذا وانتي ماكنتي بجامعه بعد
حنان : شقصدك ؟ كبرت يعني
نجمه : ياعندك ربط للمواضيع
ضرب الجرس
حنان باستغراب : مين
نجمه : تعرفين جارنا الي قبل كم سنه يعني شعرفني بالله؟
حنان وقفت : ياكثر هرجك
ناظرت بثامر داخل ومعه ولد يحيى
حنان : حي الله ولدي وحفيدي
قرب ثامر يسلم عليها ويمد لها يحيى
حنان باسته بخده : ووهه حفيدي وعيوني
قربت نجمه بعد ماسلمت على ثامر ليحيى : عطيني
اخذته تبوسه : يويو حبيبي ووه وزين الغمزات
ثامر: اشقانا هالولد
نجمه : يحق له
حنان : اخبارك ياوليدي تغديت؟
ثامر هز راسه : اي من زمان
دخل سلمان من الدوام سمع صوت يحيى يناغي : يويو
وقفت نجمه : اي تعال شوف
ناظر سلمان ب يويو : ووه يازين ورعنا
ثامر ناظرهم كيف يلعبونه : شكلي بعطيكم بساعات تمسكونه
جلست نجمه : بالله شايف ماعندنا شغله غير ولدك
حنان : نجمه يالله تتحمل نفسها هالايام
ثامر : اي كيف الجامعه؟
نجمه : اخخ بس باقي لي مشروع واخلص هالترم
ثامر : مثل كل مره؟
نجمه : مدري هالمره الدكتوره غير ف ماعرف وش تختار
ثامر : اي قولي لي علطول اساعدك
نجمه هزت راسها : تمامم
سلمان فتح ازارير بدلته : اقسم بالله لابس عشر فنايل اوف يالحر
ثامر : بالله كيف فجاءه انقبلت شي صدمه
حنان : لو ماتدخلت كان لهلحين جالس قدامك
سلمان : الله يا الواسطات
حنان : تسبني؟
سلمان : حشى
ثامر ابتسم يناظر بسلمان : وكيف الدوام
سلمان : والله عادي جداً بتدريب وبمركز نجود
ثامر : اوو يافشلتي نجود لي كم ماسلمت عليها ولا شفتها ومنيف اووه
نجمه : حرام عليك الا هم لاتقطع عليهم
ثامر : والله مشغول بالدوام هالاياام
حنان.: الله يوفقكم يارب وقفت : بروح اسوي القهوه

-

الصباح
الساعه ٩:٣٠ص
ناظرت نجمه من دخلت الدكتوره القاعه : ازيكم يابنات؟
ردو البنات : بخير
الدكتور: با يابنات بتعرفو حيصير عندنا مشروع من ١٠٠ درقه
نجمه اعتدلت تسمع كلمة الدكتوره : المشروع با ابغى تمسكي محل او متجر اكتروني او شركة او اي حاقه يكون فيها عاملين كتير انتي باء ايش هتسوي هاعطيك اوراق حتكتبي فيها عن المكان كامل ايش بتشوفي وكيف العاملين بيئدو شغلهم كل شي حايكون بالورقه تمام؟
هزو روسهم لها
عضت شفتها نجمه تفكر
بعد ماخلصت الدكتوره وسلمت الاوراق للبنات
وقفت نجمه تطلع برا القاعه اخذت جوالها تتصل على ثامر
اخذ جواله : هلا
نجمه: ثامر هالمره المشروع جديد وغريب مره
ثامر : قولي بس وانا معك
نجمه حكت له
حك شاربه ثامر : وش تبين الحين اي مكان؟
نجمه : ماعرف
ثامر : طيب بفكر واقولك
نجمه : تمام ورد لي بسرعه
ثامر : ابشري
-
دخلت مكتبها وبيدها قهوتها سكرت الباب جلست على كرسيها تكمل بالملفات حولها اخذت الملف الاول وبدت تشتغل عليه بعد مده اخذت الثاني وانغمست بالملفات اخذت الملف الاخير وبدت تشتغل عليه اخذت كوب قهوتها تشرب لفت تناظر بالورقه الصغيره الي طايحه على الارض انحنت تاخذ الورقه ناظرت وش مكتوب باستنكار تام " لصبري نهايه حذرتك تبعدين انهيك يابنت سلمان اذا انتهى صبري"
بلعت ريقها تناظر مسكت بكفها رقبتها بتوتر ناظرت بالملفات حولها تتذكر اذا كتبت رقم لمساعد لكن ماقد اخذته لفت تناظر بالابتوب الي طافي لفت تدور بتوتر وقفت تهمس : مجاهد !
اخذت جوالها تطلع من المكتب ركضت لقسم التدريب تدخله مشت بسرعه لغرف الجزى
ناظرت بابراهيم الي يصارخ وصوته واصل لهم قربت للغرفه توقف تناظر ناظرت بمجاهد الي واقف ومعطيها ظهره يناظر بابراهيم الي تعب يفهمه همست : مجاهد
انتبه مجاهد يعرف هالصوت زين لف يناظر فيها
نجود بتوتر ناظرت بابراهيم : ابيه شوي ممكن
ميل راسه يناظرها مشى لها بدون يسمع سمح ابراهيم له
وقف قدامها برا الغرفه : سمي
نجود : احتاج رقم ابوك ضروري
مجاهد عقد حواجبه باستغراب : ليش؟
نجود : موضوع بيننا لازم اكلمه
مجاهد : طيب بس اسمع
هزت راسها : اذا فهمت السالفه اساساً صعبه
مجاهد : ماعليه اخذ جواله من جيبه واتصل على ابوه
مساعد : هلا مجاهد
مجاهد : ابوي ماعرف بس نجود تبغاك بموضوع
مساعد : عطني اياها
مد الجوال لها سكرت السبيكر حطته باذنها ابتعدت عنه ناظر بحركتها مجاهد لكنه سكتت : هلا عم مساعد
مساعد : هلا ابوي عسى ماشر
نجود بتوتر رجفت يدها تقرا له المكتوب : هذا المكتوب
مساعد غمض عينه : اسمعي اتركي كل شي لا تروحين تدورين ابداً
نجود ما ادور والله ماسوي شي حالي حال نفسي
مساعد : ماعرف نجود الشخص يمكن شايفك تدورين شي
نجود بخوف سكتت
مساعد : عطيني مجاهد
نجود : ابشر قربت لمجاهد وعطته الجوال
مجاهد اخذ الجوال : هلا
مساعد : مجاهد نجود لاتبعد عنها خلك قريب منها
مجاهد باستغراب ناظرها تبعد : ليش ؟
مساعد : سو الي قلت لك وبالبيت اقولك
مجاهد : طيب