" بعض الخسّاير الله يامكبر ارباحها "

66

العصر
جلست نجمه بالصاله معهم وسلمان وثامر وعياله ونهال
نجمه : عزمت نجم يجي يوم شفتكم اخواني قلت يجي يسولف معكم رحمته
مسك سلمان شماغه وربطها على راسه : انتي ماعاد ينصبر عليك
حنان : لعبتي بالولد خلاص ابعدي عنه لين تولدين
تجمعت الدموع بعينها : تبين ابعد عنه؟ يعني ترضين اني اتطلق ؟
حنان ناظرت بصالح : انا قلت تتطلق ؟ انا قلتهه !!!!
نجمه : وين اروح انا طيب اشق هدومي ياعالم
ثامر : توها تعلمت هالكلمه وابثرتنا
سلمان : اتوقع كل هالتمثيل بس عشان تجرب هالكلمه
ضرب الجرس واعتدلت توقف تعدل لبسها وابتسمت تمسح دموعها وصارخت تنادي خادمتهم وجتها : نزلي شنطة جهزتها حقتي
وقف سلمان: ماني راحم غير هالشنطه ونجم الي رايحين جايين
ضحكو عليه وضحكت نهال
بالمجلس
بعد ماسولفو وتعشو وانبسطو 
دخلت لابسه عباتها وماسكه شنطة يدها تناظرهم : يالله نجم جهزت
وقف نجم وناظرهم : لاتودعونها بتجيكم بكرا
ضحك سلمان وطلعت نجمه
-
الساعه ١٢بالليل
طلع سلمان بالحوش وجلس بجلسه معه كاسه شاهي
يلعب بجواله ويشرب وكل هذا تحت نظرات دانه له
لفت واخذت ورقه صغيره وكتبت فيها : شيل البلوك مني ممكن؟ ربطتها بغطاء عطر ثقيل وقربت للبكلونه ورمته عليه بقوه وتخبت
شهق سلمان يناظر بصدمه
-
ناظر سلمان علطول للبلكونه استغرب مافيها احد وظلام ماكان فيها نور ناظر بالورقه طايحه جنبه اخذها وقلبها يناظر بالورقه ملفوفه حول علبة العطر فتح الورقه وناظرها لف علطول يناظر بالبلكونه ووقف ودخل البيت ورقى لغرفته وفتح البلكونه ووقف عليها يحاول يلقط دانه
بينما هي جالسه بالبكلونه عشان مايشوفها ولا ينتبه لها وماتدري انه قام لغرفته
اخذ جواله وفتح حسابها وشال البلوك عنها وارسل علامة استفهام "؟"
انتبهت لصوت جوالها وفتحته ناظرت برسالته دخلت الملاحظات ونسخت الي كاتبته له
" سلمان والله ماعرف وش سبب انك عطيتني بلوك بس ان شاءلله انك ماتكون فاهمني غلط انا بالبدابه هاوشتك
انت عشان سبيت تخصصي القانون وصدقني لما عرفت انه انت ماعطيتك بلوك بس لو كنت شخص ثاني عطيتك بس شكلك فهمتني غلط " ارسلت له وعطته بلوك بدون تشوف رده
وهي باقي جالسه وماوقفت ابداً
ضحك يقرا رسالتها مره وومرتين وكثيرر وكل مره يضحكك زود : اجل لو كنت شخص ثاني عطيتيني بلوك هههههههههه
عقدت حواجبها من صوت ضحكه تحسه قريب سكتت تحاول تعدل جلستها زود عشان مايشوفها
دخل وسكر البكلونه وقفل الانوار وجلس
ميلت فمها تناظر بجوالها لو ارسل اخذت نفس توقف بس كانها تركع وتمشي تدخل لغرفة وتسكر البلكونه وطلعت من غرفة مجاهد ودخلت بغرفتها
-
بالمستشفى
مسح على راسه مجاهد براحه من قاله الدكتور عن صاحبه مصعب انه بخير وصحى حمد الله وطلع بتعب ناظر بالساعه ١٢ باليل ولا مر نجود ولا سال عنها اليوم ركب سيارته وحرك للبيت نجود لان ماوده يجي لاهله بهذا الوقت واكيد كلهم نايمين
بصوت كله نوم وتعب ردت نجود : هلا
مجاهد : لو لي مكان جنبك اجيك؟
نجود : مطرود؟
مجاهد : اي قالو لاتجي وانت عندك زوجه
نجود : تعال عندي احط لك عيني لو تبي
مجاهد : انا تحت يالله
وقفت نجود بتعب وتحس مصدع راسها قربت للباب وفتحته ونزلت تحت للباب الرئيسي وقفت عليه تناظر فيه من دخل : حي الله السربوت
مجاهد : تدرين ادوج من اليوم اقول وين اروح بعدين تذكرت ان عندي زوجه يووه لو تشوفينها ماتبعدين دقيقه عنها
ضحكت تسكر الباب : امش بس قدامي
مجاهد : ليه غرتي؟
نجود ناظرته واشرت له على الدرج : اذا رقيت وماجيت اعتبر انك مطرود من عندي بعد
مجاهد : لا الا انتي عاد ركض وهي قدامه معطيته ظهرها وشالها من خلف يرقون الدرج شهقت نجود همست : لايصحون ياغبي
مجاهد : خليهم يصحون الله اكبر زوجتي تراك دخلو الغرفه وسكرت الباب نجود من نزلها
لفت تناظره من نقز على السرير بقوه وانغمس بمفرشها : النومم
نجود : نزل ثوبك طيب بعدين احس ريحتك ريحة مستشفى سلامات؟
مجاهد رفع راسه وحط يده تحت رقبته: صاحبي اتصل علي ورحت له ومن هالسواليف فجاءه ااغمى عليه خوفني طلع متسمم خفيف
نجود رفعت حاجبها : بسم الله عليه يمه احس التسمم منتشر ولا
مجاهد صغر عينه : التسمم نخليه على جنب ونشوف كلمة تهزء فيها : بسم الله عليه
ضحكت نجود منه مدت كفها تضغط على راسه الين نزل راسه على المخده : نجود ابعدي يدك
نجود : ادري اقوى مني بس هالمره خل لي فرصه شهقت من سحبها وصارت فوقه توترت من حاوطها بيده: مجاهد ترا اهلي موجودين رجاءً
مجاهد : وش سويت ؟ مادخلت بالاعمق توني
فتحت عينها بصدمه وابتعدت عنه : ولد
ضحك يبعدها وقفت تقفل الانوار ونامت بجنبه
الفجر صحى من بدري لان وده يخلص اوراق تخص الطلاب وقف وسكر الباب شوي عشان ماتصحى نجمه انتبه لقطوته : وش مصحيك؟ حملها ياخذها الين قرب للحمام ونزلها يدخل ويوضي
بعد ماخلص طلع وهي تمشي معه وقف بصاله واخذ السجاده يصلي الوتر ويدعي كعادته
خلص ووقف يناظر بجواله من يوم صارحته نجمه بحملها وهو خاطره بان يقول لامه بس كل خوفه امه ماتتقبل الامر اخذ نفس ونزل جواله وحمل القطوه يمشي لمكان قهوته ويسوي له قهوه وهي فوق كتوفه بعد ماخلص جلس على الكنبه وبدا يفتح الابتوب والاوراق حوله لبس نظارته الطبيه وبدا يشتغل
وقفت نجمه على الباب تناظره : ليه ماصحيتني؟
نجم بدون مايناظرها يتشغل : الوقت توه وش وراك؟
نجمه : زوجي وراي يبي فطور يعني ما اسوي له؟
رفع حاجبه يناظرها: طيب الله يحفظك لي سوي لي لان احتمال ادوخ بأي لحظه
شهقت بخوف : نسيت سكرك ياربي الحين بسوي لك خفيف
دخلت المطبخ تسوي له فطور وصوت الاذان يصدح " الفجر "
خلصت توستت وحاطه عليه جبن ومقطعه خيار وطماطم ومحمصه التوست قربت له ومدته له مبتسمه: تفضلل
اخذه نجم وسكت اسااسا لاهي بالمره بالشغل
ناظرته : طيب جاملني ؟
ابعد التوست عن فمه يناظرها : شسويت بعد؟
نجمه : قول شكراً انك سويتي ؟ اساسا الشرهه علي الي اهتميت بسكرك واهتمت فيك المفروض مااهتم وواروح انام لو اني نايمه كان يمديني شبعت
ساكت يناظرها وقفت ودخلت غرفتهم وسكرت الباب
ناظر بانعكاسه بالابتوب : بتقولك تبي اهلها طيب وش استفدت لو انك ساكن عند اهلها كان يمديها تنزل وترجع لك بدون تعب منك
-
الصباح
فتح عينه من حسها حوله ناظرها واقفه قدامه : حسيت حسيتت
نجود : وش حسيت؟ تراني من اليوم اضربك
مجاهد : حسيت براحه عاد تعالي اضربيني زياده
قربت لانها صدقت يبي تضربه انصدمت من سحبها ودخلها معه بالغطاء : طمعتي بالضرب
ضحكت : مجاهد وربي عليك حركات
لفو من طق الباب واعتدل مجاهد يجلس ووقفت نجود تقرب للباب وفتحته وابتسمت من كانت امها : جهزت الفطور تعالي يالله نفطر سوا
نجود : زيدي نفر زياده امي
عقدت حواجبها غزال ومالت براسها وناظرت بمجاهد الي مبتسم ابتسمت له غزال : حياك مجاهد ناظرت بنجود :يالله تعالو
وابتعدت وسكرت الباب
بطاوله
تجهز غزال الفطور ونجود نزلت لها تساعدها
فتح الباب مجاهد وبنفس الوقت فتح باب الغرفه منيف
منيف بصدمه : وش تراها امس جايه امداك تشتاق لها
تلون وجه نجود الي كانت راقيه لمنيف بتصحيه
ناظرت بمجاهد وعطتهم ظهرها تننزل ونزلو خلفها ميتين ضحك عليها
مشت نجود الين وقفت جنب غزال
ناظرت فيهم غزال وقرب مجاهد يبوس راس غزال ويسلم عليها
غزال : شفيكم على بنتي ؟
نجود : ولدك امي
غزال : شفيه شقايل ؟
ابتسم مجاهد وناظر بمنيف من جلس قدامه على الطاوله : الا زوجتي عاد
منيف : يووه حركات المتزوجين عاد انتظر بس اذا ماخليت نجود تصيح عندك زوجة منيف وزوجة منيف
جلست نجود جنب مجاهد وغزال جنب منيف
مسك مجاهد طرف شعر نجود : شفت شعرها لو احد مسكه بدون رضاها خليتهم يصلون عليه
ناظر منيف بامه : زوجيني بالله تكفين اطلبك ابي اقهره
ضحكت نجود وناظرت بمجاهد : تبي مربى ؟
هز راسه بنفي وياكلون
-
انصدمت حنان ووقفت تناظر بنجمه واغراضها وشناطها
سلمان جالس بكل برود ياكل
دخل نجم خلف نجمه : سلام عليكم
صالح وقف ؛ حي الله نجم بشرني انك موافق ؟
نجم : شسواه بس مافيه حل غيره
صالح : الحمدلله يارب لك الي تبي ان بغيت شقه فوق وان بغيت تكون معنا الي تبي
نجم : نتفاهم على الشقه بعدين
نجمه : الي غرفتي مابي شقه
جلست تفطر معهم
ناظرهم نجم : بالعافيه عليكم استاذن
حنان ؛ وين افطر معنا
نجم: سوت لي نجمه فطور تسلم يدينها
مشى وسكر الباب خلفه
ناظرت فيهم نجمه
صالح : شكلك مزعله الولد
نجمه : بعد انا مزعلته
سلمان : لو يجيني يبكي يقول اني مزعلها انا بقوله ماني مصدقتك اعرفك نجمه خبز يدي
نجمه : يبه شوفه تراني حامل مااتحمل اي شي
حنان : عاد لا تزودينها!
-
العصر
وقفت نجود بفرحه لمنيف من نزل لابس ثوبه وكاشخ
وغزال بعباتها : الله يتمم لك وان ما وافقت عليك ف ضيعت على نفسها الكثير
منيف : شرايك بالله تحسينها تناسبني ؟
نجود : على كلام امي ف البنت ماتتفوت ياعمري واضح طيبه
منيف ؛ حبيتها وحبيت اهلها
لانت ملامحها : شوي ريلاكس
غزال : وين مجاهد؟
نجود : طلع لاهله يبي يسلم عليهم
غزال : قلتي يجي عندك؟
نجود : متى ما وده يجي بس عاد لازم يكون عند اهله
-
صاحت دانه بفرحه من دخل عليها فجاءه بغرفتها ركضت تحضنه بقوه ؛ اشتقت لك وربي اشتقت
ضحك مجاهد ويحضنها : اكثر وربي
ابتعدت تناظره : ياعزي تشتاق لك زين ذكرتني مع نجود
حك راسه ؛ انكشفت
ضحكت دانه : امي شافتك؟
مجاهد ؛ لا شكلها بغرفتها الصاله فاضيه
مسكت يده وركضت لغرفة امها تطق الباب بقوه
طلعت انهار وشهقت بصدمه تناظر بمجاهد ضحك مجاهد وقرب يبوس راسها ويدها ورجلها وهي باقي مصدومه : ياحيوان يامجاهد
ابتسم وحضنها بقوه