بالغصب قدر ياخذها سلمان للبيت وقف عند البيت ناظر بساعه ٢:٣٠ ظهر
نجود : وربي هي ليه اخذتني ماشوفها
سلمان : لو هي صدقيني كان تصرفت بس مو هي
نجود : ليتني مااخذتك
سلمان سكت
نزلت نجود لبيتها سكر السياره سلمان وعطاها المفتاح : بروح مع خويي انتي بس ادخلي
دخلت نجود للبيت بدون ترد عليه
ناظرت بامها جالسه بصاله ومنيف قدامها ابتسمت لهم بهدوء قربت تجلس : شخباركم
غزال : بخير انتي شلونك ورا وجهك تعبان؟
نجود : تعبت بس بشغل
منيف : نجود خلاص خلاص!
ناظرت فيه كمل : بس اهلكوك بالشغل سنتين مالقيتي اي شي يفيدك خلاص نجود
نجود : تبي استسلم؟ مستحيل
منيف ناظرها كمل بيتكلم لكن ماسمحت له وقفت ترقى لغرفتها سكرت الباب بقوه
ناظرت غزال بمنيف من سمعت صوت الباب سكتت تناظر بكوبها
منيف : شنسوي امي
غزال : خلها براحتها
منيف اخذ نفس يوقف : بروح انام ارتاح عطيها اكل شكلها ماتغدت
وقفت غزال : نوم العوافي دخلت المطبخ تجهز غداء لنجود
رقت فوق لغرفه نجود طقت الباب
نجود : بنام
غزال : جهزت لك الغداء اكلي
نجود فتحت الباب ماودها ترد امها : طيب
ابتسمت غزال ومدت الصينيه لنجود
نجود اخذتها دخلت لغرفتها سكرت الباب غزال نزلت تحت للصاله
رفعت نظرها نجود للاكل ناظرت بصحن حلا الزبادي : ياخي امي
-
حنان: شلون سيارته؟
سلمان : مدري هي تقول انها سيارته بس ماعرف صدق
حنان : انت شفتها زين؟
سلمان : تصدقين بالبدايه شكيت هي بس قلت مستحيل ! بعد سنتين تحترق
حنان ضربت فخذها بقلق: ياربي تستر ليكون احد من اصحابه بالاستراحه ذابحينه
سلمان عقد حواجبه : مدري ياخي
سمعتهم نجمه باستغراب عقدت حواجبها ترقى بهدوء بدون صوت دخلت غرفتها سكرت الباب ناظرت بساعه ٣ عصر اخذت جوالها تتصل على نجود
نجود : هلا
نجمه : صح الي شفيته؟
نجود اعتدلت : تكفين صدقيني
نجمه : مصدقتك مصدقتك
نجود : وربي هي
نجمه : تبين نروح؟
نجود : كيف ؟
نجمه : بنروح عشان تتاكدين و ،،،
-
الساعه ١٠ بالليل
فتحت باب غرفتها حست بالهدوء طلعت تمشي خفيف وجزماتها بيدها مشت تركض للباب الخارجي فتحت الباب وطلعت برا شغلت سيارتها حركت لبيت نجمه
ناظرت نجمه بصوت سلمان يلعب بغرفته عضت شفتها تمشي بهدوء بدون صوت ركضت تطلع مع باب المطبخ مشت بسرعه للباب الخارجي وقفت نجود السياره طلعت نجمه لها وركبت ناظرت نجود فيها : يلا؟
نجمه : يلا
حركت نجود للمكان بعد نوص ساعه تقريباً
ناظرت بالموقع نجود باستغراب
نجمه باستغراب : متاكده هنا؟
نجود : اي كانت بخلف الاستراحه بس مدري وشفيه الموقع ماجاب لي الاستراحه
نجمه : يمه ليكون معلق
نجود : وين ماهو معلق
نجمه : يخوف نجود المكان شبه خالي
نجود : اصبري خليني انزل صحراء
نجمه بخوف : نجود انتي ماتعرفين صحراء ابعدي تكفين
نجود : لا ماعليك شفت سلمان اليوم كيف يسوق
سكتت نجمه تناظر بالطريق بر وخالي مافيه ولا اي حاجه مشت نجود تقريب ال٥ دقايق
نجمه : وينها مافيه شي
نجود : ياخي ماعرف
نجمه : المفروض مانزلتي الين شفتي الاستراحه سكتت تشوف انوار
نجود : اكيد هذي قربت لها الين وقفت قدامها
ناظرو باالبوابه الحديد مسكره المكان وموجود بكل مكان " انتبه منطقه خطره" ومن جنبهم احجار ضخمه باختصار المكان مخيف بشكل كبير
نجمه بلعت ريقها بخوف : ارجعي تكفين
نجود وقفت قدام البوابه تناظر بالموقع تحاول فيه لكنه معلق توترت : لاتخافين يابنت
نجمه : وربي خايفه شايفه المكان يخوف
سمت بالله نجود حركت السياره ترجع بالخلف
انصدمو ناظرو بالسيارتين الفان الي وقفت عندهم
خافت نجمه : يمه عيالل
نجود بلعت ريقها بتوتر: يابنت شبيسوون اهدي
ناظرو قدامهم سكرت نجمه السياره عليهم من حدوهم صارت سياره نجود وسطهم
أنت تقرأ
" بعض الخسّاير الله يامكبر ارباحها "
Short Story"بعض الخسّاير الله يامكبر ارباحها " مُعرفتي الثانية : البطله نجود - البطل مجاهد نجود بعد ماتخرجت من الثانوي اختفى ابوها اختفاء غريب لدرجة حتى اخوه مايعرف وين هو توظفت بمركز ابوها لعلها تلاقي شي يدلها على ابوها لكن للاسف مالقت بعد مرور سنتين بعد ماحس...
